Latviya parlamentinin sədri Şuşadadır .....                        Rəisinin helikopteri qəzaya uğradı - YENİLƏNİB .....                        Bakıda avtobuslar toqquşdu - Yaralılar var .....                        Ağsu dolaylarında asfalt çökdü - Yol bağlandı .....                        Münasibətlərimiz qonşuluq əlaqəsindən daha üstündür - Rəisi .....                        Cüdoçularımız dünya çempionatında .....                        Sabahın havası: Yağış, leysan, dolu .....                        İran-Azərbaycan dostluğu sarsılmazdır - Prezident .....                        Qeyri-regional ölkələrin işlərimizə müdaxiləsi qəbuledilməzdir .....                       
25-03-2023, 23:47
Türkiyə İsveç üçün NATO qapılarını bağlamayıb - Ərdoğan


Türkiyə İsveç üçün NATO qapılarını bağlamayıb - Ərdoğan

Türkiyə İsveç üçün NATO qapılarını bağlamayıb. Bunu Türkiyə Prezidenti Rəcəb Tayyib Ərdoğan deyib. "Hər şey Stokholmun addımlarından asılıdır", - Türkiyə lideri bildirib. Qeyd edək ki, Türkiyə Finlandiyanın NATO-ya üzv olmasına razılıq versə də, İsveçin üzv olmasına razılıq verməyib.
25-03-2023, 23:44
Türkiyə Ermənistan üzərində qələbə qazandı


Türkiyə Ermənistan üzərində qələbə qazandı

AVRO-2024-ün seçmə mərhələsində D qrupundə yer alan Türkiyə yığması Ermənistanın qonağı olub. Türkiyə komandası Ermənistan millisi üzərində əzmkar qələbə qazanıb. İrəvanda keçirilən oyun qardaş ölkənin 2:1 hesablı qələbəsi ilə başa çatıb. Qeyd edək ki, matçın 10-cu dəqiqəsində türk futbolçu Ozan Kabak topu öz qapısından keçirib. Qarılaşmanın 35-ci dəqiqəsində Orkun Kökçü hesabı bərabərləşdirib. Matçın birinci hissəsi 1:1 hesabı ilə yekunlaşıb. İkinci hissəyə Türkiyə millisi daha fəal başlayıb. 64-cü dəqiqədə türkiyəli yarımmüdafiəçi Kerem Aktürkoğlu hesab arasındakı fərqi artırıb.
25-03-2023, 23:42
Aİ Rusiyaya sanksiya tətbiq etməkdən yorulub - Polşa naziri


Aİ Rusiyaya sanksiya tətbiq etməkdən yorulub - Polşa naziri

Avropa İttifaqı (Aİ) Rusiyaya yeni sanksiyalar tətbiq etməkdən yorulub. Bunu Polşanın baş naziri Mateuş Moravieski RMF FM-ə müsahibəsində bildirib. O yeni sanksiyalar məsələsinin yaxın həftələrdə Aİ-nin gündəminə qayıdacağını deyib. “Bu gün əlavə sanksiyalara istək azdır. Düşünürəm ki, yorğunluq var”, - Baş nazir qeyd edib. Martın 24-də Avropa Komissiyasının rəhbəri Ursula fon der Leyen bildirmişdi ki, 11-ci sanksiyaları paketində Aİ əvvəllər tətbiq edilmiş məhdudiyyətlərdən yan keçməyə qarşı mübarizəyə diqqət yetirmək niyyətindədir.
25-03-2023, 23:39
İran ABŞ-ın hücumlarına dərhal cavab verəcək - Keyvan Xosrəvi


İran ABŞ-ın hücumlarına dərhal cavab verəcək - Keyvan Xosrəvi

İran Suriyada ABŞ-ın hədəf aldığı bazalara hücumlara dərhal cavab verəcək. Bu barədə İranın Ali Milli Təhlükəsizlik Şurasının sözçüsü Keyvan Xosrəvi bildirib. O, ABŞ qüvvələrinin Suriyada olmasının qanunsuz olduğunu bildirib: "ABŞ Suriyanın bir hissəsində qeyri-qanuni işğalının nəticələrindən qaçmağa çalışır. Bu ölkənin ordusu İrana qarşı saxta ittihamlar irəli sürür". Qeyd edək ki, son bir neçə gündə ABŞ Suriyada İran hədəflərinə zərbələr endirib.
25-03-2023, 23:36
Belarusa taktiki nüvə silahları yerləşdirəcəyik - Putin


Belarusa taktiki nüvə silahları yerləşdirəcəyik - Putin

Rusiya Belarusda taktiki nüvə silahları yerləşdirəcək. Bu barədə Rusiya Prezidenti Vladimir Putin məlumat verib. O qeyd edib ki, Rusiya iyulun 1-də Belarusda taktiki nüvə silahları üçün xüsusi anbarın tikintisini başa çatdıracaq. Putinin sözlərinə görə, Rusiya Federasiyası artıq nüvə silahının daşıyıcısı ola biləcək “İsgəndər” kompleksini Belarusa verib. Putin deyib ki, Belarus Prezidenti Aleksandr Lukaşenko ölkədə nüvə silahının yerləşdirilməsini istəyib. Onun sözlərinə görə, Rusiyada müdafiə sənayesi çox sürətlə inkişaf edir və ölkə Ukraynaya tədarük ediləndən üç dəfə çox sursat istehsal edəcək.
25-03-2023, 23:33
Brüsseldə azərbaycanlıların İrana qarşı aksiyanın bəyanatı qəbul edildi


Brüsseldə azərbaycanlıların İrana qarşı aksiyanın bəyanatı qəbul edildi

Brüsseldə azərbaycanlıların İrana qarşı keçirdiyi “Azadlıq, Ədalət, Milli Hökumət Yürüşü”nün yekun bəyanatı və tələbləri ictimaiyyətə çatdırılıb. Bəyanatda deyilir: "Yüz ilə yaxındır ki, İranı idarə edən şovinist və faşist hökumətlər qeyri-fars millətlərə qarşı müstəmləkəçilik və istismar siyasətini ən ifrat şəkildə həyata keçiriblər. Bu yüz il ərzində İranda zülm altındakı xalqların sivilizasiya, tarixi sərvətlər, iqtisadiyyat, təbii sərvətlər, siyasi hüquqlar və bir sözlə varlığı talan edilmiş və onların hər hansı bir haqq hüquq tələbi uğrunda başlatdığı hərəkatları ən şiddətli şəkildə repressiyaya məruz qalmışdır. Pəhləvi rejimi zülm altındakı xalqlara, xüsusən də Azərbaycan Türk Millətinə və İranın digər Türk toplumlarına ən ağır təzyiqlər göstərmiş, hətta Azərbaycanın tarixi abidələrini sistemli şəkildə məhv etməyə qədər gedib çıxmışdır. Azərbaycan Türk milləti azadlıq və ədalətə qovuşmaq ümidi ilə Pəhləvi rejiminin devrilməsində mühüm rol oynadı, lakin təəssüf ki, İslam Respublikası rejimi dövründə nəinki heç bir şey düzəlmədi, hətta milli faşizmə irqi faşizm də əlavə olundu. Məşrutə İnqilabından bu yana davamlı olaraq öz hüquqları uğrunda mübarizə aparan Azərbaycan Türk Milləti 1979-cu il inqilabında Vilayət-i-Fəqih sisteminə yox demiş, Məşrutiyyət anayasasının mütərəqqi Əyalət və Vilayət Əncümənləri qanunun həyata keçirilməsini tələb etsə də, rejimin cavabı güllə və repressiyadan başqa bir şey olmamışdır. Hazırda İslam Respublikası rejiminin iflas həddinə çatmışdır və hər cür böhranla qarşı-qarşıya qalan İranın müxtəlif bölgələrində yaşayan xalqlar aylardır rejimə qarşı üsyan ediblər. Son aylardakı etirazlarda Azərbaycan Türk Milləti və digər Türk toplumlar, Qaşqay Türklərindən tutmuş Tehran, Qəzvin, Zəncan və Təbrizə qədər yüzlərlə övladını bu cinayətkar rejimə qarşı mübarizə yolunda qurban veriblər. Bu gün İranda bütün məzlum xalqlar ümumbəşəri qanunlar və hüquqlar çərçivəsində öz pozulmuş hüquqlarını bərpa etmək, azad və ədalətli şəraitdə fərdi və milli həyatlarını davam etdirmək əzmindədirlər və bu yolda ağır bədəllər ödəyirlər. Səbəbsiz deyil ki, bu gün dünyanın gözü İran xalqlarındadır və dünya onların mübarizəsinə heyranlıqla baxıb onu yüksək qiymət verir. Hərçənd bu inqilabda da ayrı-seçkilik və ikili standard az deyildir. Xüsusən də mürtəce bir cərəyanın inhisarında olan xaricdəki farsdilli mediasının məzlum xalqlara xüsusən də Güney Azərbaycan Türk Millətinə qarşı ritorikası onların mübarizələrini boykot etməkdə və senzura tətbiq etməkdə rejim mediasından çox da fərqli siyasət götürmür. Son aylarda beynəlxalq sahədə, o cümlədən Türk Dövlətləri Təşkilatında Güney Azərbaycan xalqına edilən zülmün səsi olmağa çalışan yeganə dövlət adamı Prezident İlham Əliyev olmuşdur. Biz buradan prezident cənablarından təşəkkür edib minnətdarlığımızı bildiririk və möhtərəm prezidentdən Güney Azərbaycanın səsini daima əks etdirməsini, beynəlxalq sahələrdə haqqımızı müdafiə etməyə davam etməsini xahiş edirik. Bu gün Güney Azərbaycan şəhərlərinin küçələrində “Azadlıq, Ədalət, Milli Hökumət” şüarı ilə həyatları bahasına hüquqlarını bağıran gənclərin səsi olmaq üçün buraya toplaşmışıq. Bu gün İranda bütün məzlum xalqların bir sıra ortaq məqsədləri və tələbləri olsa da ancaq hər bir xalqın öz tələbləri vardır. Güney Azərbaycan Türklərinin başlıca tələblərinin bu bəyanat vasitəsilə elan edirik:
1- Biz bütün dünya ölkələrini İran İslam Respublikası rejiminin legitimliyini rədd etməyə və İslam Respublikası rejimi ilə siyasi və iqtisadi əlaqələrini dayandırmağı tələb edirik.
2- Biz İranın orta əsr zehniyyətli və şovinist rejiminin nüvə və kütləvi qırğın silahları əldə etmək cəhdlərini pisləyirik və bunu təkcə demokratik dünya və qonşu ölkələr üçün deyil, hətta İranda yaşayan xalqların varlığı üçün potensial təhlükə hesab edirik. Ona görə də, biz dünya dövlətlərindən İran rejimi ilə razılaşma siyasəti aparmaqdan vazkeçib ciddi qabaqlayıcı tədbirlər görmələrini tələb edirik.
3- İran rejimi ölkədə dinc etirazlar zamanı minlərlə günahsız insanı həbs edib. Aksiya iştirakçılarına qarşı şiddətli repressiya sərgiləyib. Biz beynəlxalq ictimaiyyat və insan haqları təşkilatlardan İranda həbsdə olanların azad edilməsi üçün İran rejiminə qarşə təzyiq göstərməyi vəbu istiqamətdə lazimi atdımları aparmağı tələb edirik.
4- İran rejimi davamlı olaraq, qonşu ölkələrdə terror aktları törədir və ölkə daxilində olan xarici vətəndaşlra qarşı, adam oğurluğu cinayəti və terror aktları törədir. Azərbaycan Respublikasının Tehrandakı səfirliyinə silahlı hücumu da bunun ən son nümunələrindən biridir. Biz bütün dünya ölkələrindən bu məsələyə ciddi yanaşmasını və İran rejiminin əsas hərbi və iqtisadi qolu olan Sepah-ı terror siyahısına salmasını tələb ediririk. Qeryd edək ki, İran İslam İnqilabı Keşikçiləri Korpusu - Sepah, yaxın Şərqdə və hətta dünyada terrorun yayılmasında əsas məsul təşkilatdır.
5- Biz İran rejiminin Azərbaycan Respublikasına qarşı aqressiv ritorikasını və təhdidlərini pisləyir və bütün gücümüzlə Azərbaycan Respublikasının yanında olduğumuzu bildiririk.
6- Biz İran rejiminin Moskvanın Ukraynaya qarşı müharibəsinə dəstək verməsini və Rusiyaya hərbi yardımını pisləyir və Ukraynanın ərazi bütövlüyünü dəstəkləyirik.
7- İran rejimi bilərəkdən qadın və qızlara qarşəı ən qəddar və vəhşi cinayətlərlə əl atır, onlara qarşı kimyəvi hücümlar təşkil edir. Biz azad dünyadan İran rejiminin bu orta əsr vəhşiliyinə biganə qalmamasını və etiraz səsini yüksəltməsini istəyirik.
8- Biz dünya ölkələrindən İran toplumunun plüral və çoxmillətli olduğunu qəbul etmələrini və İran vətəndaşları ilə münasibətlərdə bu məsələni nəzərə almalarını istəyirik. İran coğrafiyası çox millətli və çox mədəniyyətli ölkə olduğuna görə bütün millətlərin dillərinin rəsmi olmasını tələb edirik. Tək millət, tək dil, tək vətən ideolujisinin əleyhinəyik.
9- Biz İran rejiminin qeyri-fars millətlərin və xüsusilə Azərbaycan, Qəşqayi, Türkmən, Xorasan və digər Türklərin assimilyasiyası istiqamətində müstəmləkəçilik siyasətinin davam etdirməsini pisləyirik.
10- İranda müstəmləkəçiliyə məruz qalan xalqların beynəlxalq qanunlar və hüquq çərçivəsində öz müqəddəratlarını təyin etmə tələbləri var. “Azadlıq, Ədalət, Milli Hökumət” şüarı bu gün Güney Azərbaycanda, Qaşqyilərdə ,Türkmənlərdə ən çox eşidilən və əslində tələblərimizi yekunlaşdıran şüardır. Dünyanın azadlıq sevər insanlarından biz türklərin qanuni tələblərinin əldə edilməsi uğrunda mübarizəmizə dəstək verməsini istəyirik.
11- İran rejimi təbiət və ətraf mühitin qatilidir. Bu rejim bütün İranda təbiəti və ətraf mühiti məhvni edib. Urmiyə gölünün qəsdən qurudulması Güney Azərbaycanda genişmiqyaslı ekoloji fəlakətə çevrilibş on milyonlarla insanın həyatına təhlükə yaradılıb və ətrafda olan bütün canlılara və ekologiyaya ciddi ziyan vurur. Biz beynəlxalq ictimaiyyətdən Urmu gölünü xilas etmək üçün çox gec olmadan İran rejiminə təzyiq göstərmələrini istəyirik.
12- Son etirazlar zamanı Güney Azərbaycanda və İranın digər Türk bölgələrində özəlliklə Qəşqayi Türkləri arasında çox sayda gəncimiz şəhid olub yüzlərlə yaralı və minlərlə soydaşımız qanunsiuz həbs edilib. Bunlar hamisi daxili və xarici İran opozision qüvvələri media qurumlarlı tərəfindən baykot olunaraq, geniş şəkildə gündəmə gətirilməyib. Biz Azərbaycan Türklərinə və İranda yaşayan digər Türklərə qarşı belə ayrı seçkilik siyasəti pisləyirik və şiddətlə qınayırıq.
Azadlıq, Ədalət, Milli hökumət
Yaşasın azadlıq və ədalət
Məhv olsun orta əsr zehniyyətli İran İslam Respublikası
Azadlıq və Ədalət Yürüşü - Brüssel, 25 mart 2023"
25-03-2023, 23:26
İlham Əliyev ermənilərin Qarabağa qanunsuz silah daşımasına rəy bildirdi


İlham Əliyev ermənilərin Qarabağa qanunsuz silah daşımasına rəy bildirdi

Azərbaycan Respublikasının Prezidenti İlham Əliyev martın 25-də Avropa İttifaqı Şurasının Prezidenti Şarl Mişellə telefon danışığında Rusiya sülhməramlı qüvvələrinin müvəqqəti yerləşdirildiyi Azərbaycan ərazilərinə Ermənistan tərəfindən silah-sursat və şəxsi heyətin daşınması prosesinin hələ də həyata keçirildiyini bildirib. Bu barədə Azərbaycan Prezidentinin Mətbuat Xidməti məlumat yayıb. Azərbaycan Prezidenti Ermənistan rəhbərliyinin təhlükəli və eskalasiyaya yönəlmiş rəsmi açıqlamalarına diqqət çəkib. Dövlətimizin başçısı vurğulayıb ki, 2023-cü il martın 20-də Avropa İttifaqı missiyasının yerləşdiyi Ermənistan-Azərbaycan dövlət sərhədi istiqamətində Ermənistanın növbəti təxribatı zamanı Dövlət Sərhəd Xidmətinin hərbi qulluqçusu yaralanıb və martın 5-də Azərbaycanın Qarabağ bölgəsində qeyri-qanuni erməni hərbi birləşmələrinin törətdikləri təxribat zamanı 2 hərbi qulluqçumuz şəhid olub. Qeyd edək ki, son günlər Ermənistandan Rusiya sülhməramlı kontingentinin müvəqqəti yerləşdiyi Azərbaycan ərazisindəki qeyri-qanuni erməni silahlı dəstələri üçün canlı qüvvə, silah-sursat, mina, eləcə də digər hərbi təyinatlı vasitələrin daşınması intensivləşib.
25-03-2023, 23:23
Avropada yaşayan həmyerlilərimiz İrana qarşı etiraz aksiyası keçirdi


Avropada yaşayan həmyerlilərimiz İrana qarşı etiraz aksiyası keçirdi

Avropada yaşayan azərbaycanlılar Brüsseldə İran rejiminə qarşı etiraz aksiyası keçirib. Aksiya Avropa Parlamentinin binası qarşısında təşkil olunub. Etirazçıların əsas şüarı "Azadlıq, ədalət və milli hökumət" olub. Təşkilatçılar bildiriblər ki, aksiyada əsas məqsəd İran dövlətinin repressiv, anti-Azərbaycan, anti-türk siyasətinə etiraz etməkdir.
25-03-2023, 23:21
Laçın-Xankəndi yoluyla bağlı ermənilərin iddiaları yalandır - İlham Əliyev


Laçın-Xankəndi yoluyla bağlı ermənilərin iddiaları yalandır - İlham Əliyev

Azərbaycan Brüssel prosesini dəstəkləyir. Bunu Avropa İttifaqı Şurasının Prezidenti Şarl Mişellə telefon danışığı zamanı Azərbaycan Respublikasının Prezidenti İlham Əliyev bildirib. Laçın-Xankəndi yolu ətrafındakı vəziyyətə toxunan Azərbaycan Prezidenti qeyd edib ki, bu yolun guya bağlı olması ilə əlaqədar Ermənistanın irəli sürdüyü iddialar tamamilə yalandır. Belə ki, 2022-ci il dekabrın 12-dən bu günədək Rusiya sülhməramlılarına və Beynəlxalq Qırmızı Xaç Komitəsinə məxsus 5 minə yaxın nəqliyyat vasitəsi, tibbi yardıma ehtiyacı olan şəxs və onları müşayiət edənlər bu yoldan keçiblər.
25-03-2023, 23:17
Aİ prezidenti İlham Əliyevlə telefon danışığı aparıb


Aİ prezidenti İlham Əliyevlə telefon danışığı aparıb

Avropa İttifaqı Şurasının Prezidenti Şarl Mişel martın 25-də Azərbaycan Respublikasının Prezidenti İlham Əliyevə zəng edib. Bu barədə Azərbaycan Prezidentinin Mətbuat Xidməti məlumat yayıb. Telefon danışığı əsnasında Şarl Mişel 2023-cü il fevralın 17-də Münxen Təhlükəsizlik Konfransı çərçivəsində dövlətimizin başçısı ilə keçirdiyi görüşü məmnunluqla xatırlayıb, 2021-ci il dekabrın 14-dən 2022-ci il avqustun 31-dək olan dövr ərzində üçtərəfli formatda keçirilmiş görüşlərdə müzakirə edilmiş müxtəlif məsələlərə toxunub. Şarl Mişel Avropa İttifaqının regionda davamlı sülhün və təhlükəsizliyin təmin olunması üçün səylərini bundan sonra da davam etdirəcəyini deyib. Avropa İttifaqı Şurasının Prezidenti Azərbaycanın Laçın-Xankəndi yolu ətrafındakı məsələlərə toxunub və son günlərdə Ermənistanla Azərbaycanın dövlət sərhədində baş vermiş insidentlərlə əlaqədar narahatlığını ifadə edib. Prezident İlham Əliyev Azərbaycanın Brüssel prosesini dəstəklədiyini bir daha vurğulayıb. Laçın-Xankəndi yolu ətrafındakı vəziyyətə toxunan Azərbaycan Prezidenti qeyd edib ki, bu yolun guya bağlı olması ilə əlaqədar Ermənistanın irəli sürdüyü iddialar tamamilə yalandır. Belə ki, 2022-ci il dekabrın 12-dən bu günədək Rusiya sülhməramlılarına və Beynəlxalq Qırmızı Xaç Komitəsinə məxsus 5 minə yaxın nəqliyyat vasitəsi, tibbi yardıma ehtiyacı olan şəxs və onları müşayiət edənlər bu yoldan keçiblər. Dövlətimizin başçısı Rusiya sülhməramlı qüvvələrinin müvəqqəti yerləşdirildiyi Azərbaycan ərazilərinə Ermənistan tərəfindən silah-sursat və şəxsi heyətin daşınması prosesinin hələ də həyata keçirildiyini bildirib. Azərbaycan Prezidenti Ermənistan rəhbərliyinin təhlükəli və eskalasiyaya yönəlmiş rəsmi açıqlamalarına diqqət çəkib. Dövlətimizin başçısı qeyd edib ki, 2023-cü il martın 20-də Avropa İttifaqı missiyasının yerləşdiyi Ermənistan-Azərbaycan dövlət sərhədi istiqamətində Ermənistanın növbəti təxribatı zamanı Dövlət Sərhəd Xidmətinin hərbi qulluqçusu yaralanıb və martın 5-də Azərbaycanın Qarabağ bölgəsində qeyri-qanuni erməni hərbi birləşmələrinin törətdikləri təxribat zamanı 2 hərbi qulluqçumuz şəhid olub. Azərbaycan Prezidenti vurğulayıb ki, bütün bunlar Ermənistanın apardığı təhlükəli siyasətin nəticəsidir.
����������� ��������� ������ � �����-����������.
��� dle ������� ��������� ������� � �����.
���������� ���� ������ ��������� � ��� �����������.
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Mart 2023    »
BeÇaÇCaCŞB
 12345
6789101112
13141516171819
20212223242526
2728293031 
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Erməni tərəfdən Azərbaycan mövqeləri belə görünür... - VİDEO






Bütöv.az
Video
"Vətən Qəhrəmanları" Şəhid İlyas Nəsirov


All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!