Gimnastımız Bakıda keçirilən Dünya Kubokunun qalibi oldu .....                        İsraildə Xocalı soyqırımına həsr edilmiş tədbir keçirildi .....                        Şagirdin iddia olunan səs yazısı araşdırılır - RƏSMİ .....                        Paşinyan emosional bəyanat verib - Lukaşenko .....                        Qəzzada həlak olan İsrail hərbiçilərinin sayı 239-a çatıb .....                        Lukaşenko prezident seçkilərində iştirak edəcəyini açıqladı .....                        Sabahın hava proqnozu .....                        ŞƏHİDLİK elə bir ZİRVƏDİR ki... .....                        Navalnının nəşi anasına verildi .....                       
27-08-2023, 23:40
İsrail və Liviyanın XİN Başçıları ilk görüşü baş tutdu


İsrail və Liviyanın XİN Başçıları ilk görüşü baş tutdu

Ötən həftə İsrail və Liviyanın xarici işlər nazirləri Eli Koen və Nəcla Manquş arasında görüş keçirilib.
Bu barədə AP agentliyi İsrail Xarici İşlər Nazirliyinə istinadən məlumat yayıb.
Görüş İtaliyada keçirilib. Bildirilir ki, bu, iki ölkənin xarici işlər nazirləri arasında ilk görüşdür. Romadakı görüş İtaliyanın xarici işlər naziri Antonio Tajaninin vasitəçiliyi ilə keçirilib.
İsrail Xarici İşlər Nazirliyinin məlumatına görə, Liviyanın keçmiş yəhudi icmasının irsinin qorunub saxlanması, o cümlədən sinaqoqların və qəbiristanlıqların yenidən qurulması müzakirə olunub. Danışıqlar, həmçinin humanitar məsələlər, kənd təsərrüfatı və su idarəçiliyində İsrailin mümkün yardımını əhatə edib.
“Mən xarici işlər naziri ilə iki ölkə arasında əlaqələrin böyük potensialı haqqında danışdım”, - deyə Koen bəyanatında bildirib. Liviya tərəfdən heç bir açıqlama verilməyib.
Qeyd edək ki, Liviya İsrailin müstəqilliyini tanımır.
27-08-2023, 22:32
Bakıda keçirilən yarışda dünya rekordu təkrarlandı


Bakıda keçirilən yarışda dünya rekordu təkrarlandı

Bakıda keçirilən atıcılıq üzrə dünya çempionatının 13-cü günündə tamaşaçılar və iştirakçılar daha bir gözlənilməz nəticəyə şahid olublar.
Azərbaycan Atıcılıq Federasiyasından verilən məlumata görə, kişilər arasında uzanaraq 300 metr məsafəyə atəşaçma yarışında qızıl medal qazanan Raymond Debeveç 60 yaşında mümkün 600 xalın hamısını toplayaraq dünya rekordunu təkrarlayıb.
Bu, qeyd edilən növdə belə yaşlı idmançının ilk nəticəsidir. Daha əvvəl bu növdə rekord vurmuş ən yaşlı atletin 38 yaşı olub (isveçli Karl Olsson).
Yarışda ikinci yeri 599 xal toplayan finlandiyalı atıcı Aleksi Leppa tutub. Bürünc medalı ABŞ-ı təmsil edən Timoti Şerri bayram edib (599 xal).
Bu növdə kişilərin komanda yarışına gəlincə, Norveç birinci, Polşa ikinci, İsveçrə üçüncü olub.
Qadınların yarışında Polşa təmsilçisi Karolina Romançik 593 xalla qızıl medala yiyələnib. İkinci yeri 592 xalla İsveçrədən Silviya Quiqnard Şnider tutub. Fransa atıcısı Aqat Sesil Kamille Girard isə 592 xalla bürünc medalın sevincini yaşayıb.
Bu növdə qadınların komanda yarışında İsveçrə birinci, Norveç ikinci, Almaniya üçüncü olub.
27-08-2023, 20:23
Zelenski Qərbdən yeni hərbi yardımlar alacağını bildirdi


Zelenski Qərbdən yeni hərbi yardımlar alacağını bildirdi

Ukrayna prezidenti Volodimir Zelenski sentyabrda ölkəsinin Qərb ölkələrindən yeni hərbi yardımlar alacağını bildirib.
Bu barədə o, özünün teleqram kanalında yazıb.
Onun sözlərinə görə, bir həftə ərzində avadanlıqların tədarükü ilə bağlı danışıqlar aparılacaq.
“Biz artıq Ukrayna üçün sentyabr ayına hazırlaşmağa başlamışıq... Ukrayna əsgərləri üçün yeni hərbi yardım paketləri olacaq. Artilleriya, zirehli texnika, hava hücumundan müdafiə və raketlər, minalardan təmizləmə texnikası. Tərəfdaşların hər biri ehtiyaclarımız barədə məlumatlandırılır. Biz qərarları gözləyirik”, – o Zelenski qeyd edib.
O, konkret hansı ölkələrin Ukraynaya yardım edəcəyini açıqlamayıb.
Zelenski vurğulayıb ki, sentyabr ayında Ukrayna üçün təhlükəsizlik zəmanətləri üzrə danışıqlar olacaq. Onun sözlərinə görə, Ukrayna beynəlxalq tədbirlərdə, o cümlədən BMT Baş Assambleyasının sessiyasında iştirak edəcək.
27-08-2023, 19:25
Qısamüddətli həbsdən sonra 7,1 milyon dollar ianə topladı


Qısamüddətli həbsdən sonra 7,1 milyon dollar ianə topladı

ABŞ-nin keçmiş Prezidenti Donald Tramp qısamüddətli həbsdən sonra seçki kampaniyası üçün təxminən 7,1 milyon dollar ianə toplayıb.
Tramp təkcə avqustun 25-də 4,18 milyon dollar ianə toplaya bilib. Buna qədər Trampın seçki qərargahı indiyə qədər heç vaxt 24 saat ərzində bu qədər böyük məbləğ toplaya bilməyib.
Keçmiş ABŞ Prezidentinin seçki qərargahı bildirib ki, son üç həftə ərzində o, kampaniyaya 20 milyon dollara yaxın ianə cəlb edə bilib.
Yenidən seçilmək istəyən hazırkı Amerika lideri Cozef Bayden bu ilin ikinci rübündə kampaniya üçün təxminən 72 milyon dollar toplayıb.
ABŞ-də növbəti prezident seçkiləri 2024-cü ilin noyabrında keçiriləcək.
27-08-2023, 18:51
Erməni silahlı qüvvələri Kəlbəcərdə təxribat törətdi


Erməni silahlı qüvvələri Kəlbəcərdə təxribat törətdi

Avqustun 27-si saat 12:30 radələrində Rusiya sülhməramlı kontingentinin müvəqqəti yerləşdiyi Azərbaycan ərazisindəki qeyri-qanuni erməni silahlı dəstələri Azərbaycan Ordusunun Kəlbəcər rayonu istiqamətində yerləşən mövqelərinin qarşısında uzunmüddətli fortifikasiya qurğularını quraşdırmağa cəhd göstəriblər.
Bu barədə Müdafiə Nazirliyindən məlumat verilib.
Ordumuzun bölmələri tərəfindən görülən təxirəsalınmaz tədbirlər nəticəsində aparılan işlər dərhal dayandırılıb.
27-08-2023, 18:09
Parisdə elektrikli skuterləri icarəyə götürmək mümkün olmayacaq


Parisdə elektrikli skuterləri icarəyə götürmək mümkün olmayacaq

Sentyabrın 1-dən Parisdə elektrikli skuterləri icarəyə götürmək mümkün olmayacaq.
Şəhər meriyası Parisdə bu nəqliyyat vasitələrini təklif edən üç özəl operatorla müqavilələri yeniləmək niyyətində deyil. Beləliklə, Paris bu qərarla əhaliyə elektrikli skuterlərin verilməsi xidmətini qadağan edən ilk Avropa paytaxtı olacaq.
Bu xidmətin təminatçıları avqustun sonuna kimi istifadə oluna bilən skuterləri Paris küçələrindən yığışdırmalıdırlar.
Bu qərar şəhərin elektrik skuterlərindən istifadəyə dair referendumun nəticələrinə əsaslanır. Səsvermədə 100 mindən çox parisli iştirak edib. Aprelin 2-də keçirilən referendumda iştirak edənlərin 89 %-i qadağanın lehinə səs verib.
Belə bir səsvermənin səbəbi şəhərin hər yerinə səpələnmiş skuterlərin yaratdığı problemlər, lakin xüsusilə onların istifadəçilərinin təhlükəsizliyi ilə bağlı narahatlıq idi.
RTBF bu referendumun sözügedən şirkətlər tərəfindən tənqid edilməsini qeyd edir ki, bu da hər şeydən əvvəl 7,46 % aşağı iştirakla əlaqədardır.
27-08-2023, 16:27
Belqorod vilayəti atəşə tutuldu


Belqorod vilayəti atəşə tutuldu

Ukrayna Ordusu Rusiyanın Belqorod vilayətini atəşə tutub.
Belqorod vilayəti ərazisinə 140 mərmi, o cümlədən pilotsuz aparatlardan partlayıcı qurğular atılıb.
Nəticədə 1 nəfər ölüb, 6 nəfər yaralanıb. Eyni zamanda 50 evə, 2 sosial obyektə, 3 müəssisəyə və 8 avtomobilə ziyan dəyib.
27-08-2023, 15:42
Zakir Həsənov türkiyəli həmkarı ilə görüşdü


Zakir Həsənov türkiyəli həmkarı ilə görüşdü

Ölkəmizdə rəsmi səfərdə olan Türkiyə Respublikasının milli müdafiə naziri cənab Yaşar Güler və rəhbərlik etdiyi nümayəndə heyəti əvvəlcə Fəxri xiyabanda xalqımızın Ümummilli Lideri Heydər Əliyevin və görkəmli oftalmoloq-alim, akademik Zərifə xanım Əliyevanın məzarlarını, həmçinin Şəhidlər xiyabanı və Türk Şəhidliyini ziyarət edərək əklil və gül dəstələri qoyub, xatirələrinə ehtiram nümayiş etdirib.
Bu barədə Azərbaycan Müdafiə Nazirliyindən bildirilib.
Sonra Müdafiə Nazirliyində təntənəli qarşılama mərasimi olub, hər iki ölkənin müdafiə nazirləri fəxri qarovulun önündən keçib. Müdafiə Nazirliyinin Nümunəvi Hərbi Orkestrinin ifasında Azərbaycan və Türkiyənin Dövlət himnləri səsləndirilib. Protokola uyğun olaraq “Şərəf kitabı” imzalanıb.
Qarşılama mərasimindən sonra müdafiə naziri və nazirliyin digər rəhbər heyəti Türkiyə nümayəndə heyəti ilə görüşüb.
General-polkovnik Z.Həsənov qonaqları salamlayaraq onları ölkəmizdə görməkdən məmnun olduğunu bildirib. Azərbaycanla Türkiyə arasında hərbi əməkdaşlığın yüksək səviyyədə olduğunu qeyd edən nazir bu istiqamətdə görülən işlərin bundan sonra da yüksələn templə davam etdirilməsinin əhəmiyyətini vurğulayıb.
Türkiyənin milli müdafiə naziri kimi qardaş ölkəyə ilk rəsmi səfərindən məmnunluğunu ifadə edən cənab Y.Güler göstərilən qonaqpərvərliyə görə təşəkkürünü bildirib, ölkələrimiz arasında strateji müttəfiqliyin dostluq və qardaşlıq münasibətləri üzərində qurulduğunu qeyd edib.
Görüşdə ölkələrimiz arasında hərbi, hərbi-texniki, hərbi-təhsil və digər sahələrdə əməkdaşlığın inkişaf perspektivləri, həmçinin regional təhlükəsizlik və qarşılıqlı maraq doğuran bir sıra məsələlər müzakirə olunub.


27-08-2023, 15:30
“Neftçi” rəqibini böyük fərqlə məğlub etdi


“Neftçi” rəqibini böyük fərqlə məğlub etdi

Macarıstanda təşkil olunan 3x3 basketbol üzrə Dünya Qadın Seriyasının Debretsen mərhələsinin qrup oyunlarına start verilib.
"Neftçi" ilk qrup oyununda Ukrayna millisi ilə üz-üzə gəlib və rəqibini 22-6 hesabı ilə məğlub edib.
"Neftçi" nin qrupdakı sonuncu oyunu Bakı vaxtı ilə saat 16:40-da ABŞ-ın U-24 seçməsinə qarşı baş tutacaq.
27-08-2023, 14:44
Priqojinin ölümü rəsmi olaraq təsdiqləndi


Priqojinin ölümü rəsmi olaraq təsdiqləndi

Rusiyanın İstintaq Komitəsi “Vaqner” özəl hərbi şirkətinin qurucusu Yevgeni Priqojının ölümü rəsmən təsdiqləyib.
Bu barədə müvafiq qurum məlumat yayıb.
“Tver vilayətində baş verən təyyarə qəzasında həlak olanların kimliyinin müəyyənləşdirilməsi başa çatıb, onların arasında Priqojın da var”, - qurum açıqlayıb.
Xatırladaq ki, avqustun 23-də – “vaqnerçilər”in qiyamından düz 2 ay sonra – Bakı vaxtı ilə saat 19:20-də Rusiyanın Tver vilayətinin Kujenkino qəsəbəsi ərazisində “Vaqner” özəl hərbi şirkətinin qurucusu və rəhbəri Yevgeni Priqojına məxsus “Embraer Legacy 600” biznes təyyarəsi qəzaya uğrayıb. Hava gəmisinin göyərtəsində çətənin başçısından başqa 6 sərnişin, o cümlədən dəstənin komandiri Dmitri Utkin və 3 ekipaj üzvü olub. Ümumilikdə 10 nəfərin öldüyü qəzadan, rəsmi məlumata görə, sağ çıxan olmayıb. KİV-də qəzaya raket hücumunun və ya daxili partlayışın səbəb olduğu barədə məlumatlar yayılıb. Eyni gün Rusiya İstintaq Komitəsi Rusiya Federasiyası Cinayət Məcəlləsinin 263-cü maddəsi ("Təyyarənin istismarı qaydalarının pozulması") üzrə cinayət işi açıb.
����������� ��������� ������ � �����-����������.
��� dle ������� ��������� ������� � �����.
���������� ���� ������ ��������� � ��� �����������.
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Avqust 2023    »
BeÇaÇCaCŞB
 123456
78910111213
14151617181920
21222324252627
28293031 
Reklam
Hava
Valyuta
Reklam

Sayğac
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Erməni tərəfdən Azərbaycan mövqeləri belə görünür... - VİDEO






Bütöv.az
Video
"Vətən Qəhrəmanları" Şəhid İlyas Nəsirov


All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!