6-10-2023, 16:49
Rusiya və Özbəkistan prezidentləri görüşdü
Kremldə Rusiya prezidenti Vladimir Putinlə Özbəkistan prezidenti Şavkat Mirziyoyevin görüşü başlayıb.
Tərəflər arasında danışıqlar start götürüb.
Rusiya lideri ikitərəfli münasibətlərin müttəfiq xarakter daşıdığını qeyd edib.
Xatırladaq ki, Mirziyoyev Moskvada səfərdədir və bundan əvvəl baş nazir Mixail Mişustinlə görüşüb.
6-10-2023, 16:36
Ombudsman David Babayanla görüşdü
Azərbaycan Respublikasının İnsan Hüquqları üzrə Müvəkkili (Ombudsman) Milli Preventiv Mexanizm fəaliyyəti çərçivəsində həbs edilmiş şəxslərin hüquqlarının təmin olunma vəziyyətini monitorinq edib.
Ombudsman Aparatından verilən məlumata görə, Azərbaycan Respublikası qanunvericiliyinin, o cümlədən BMT-nin İşgəncə və digər qəddar, qeyri-insani və ya ləyaqəti alçaldan rəftar və ya cəza əleyhinə Konvensiyasının Fakültativ Protokolunun tələbləri əsasında keçirililmiş başçəkmə çərçivəsində təqsirləndirilən şəxs Babayan Davit Klimoviç də konfidensial qaydada qəbul edilib.
03 oktyabr 2023-cü il tarixdə keçirilmiş başçəkmə zamanı Babayan Davit Klimoviç Ombudsman tərəfindən fərdi qaydada dinlənilib, onun saxlanma şəraiti və rəftar məsələləri, qanunvericiliklə nəzərdə tutulmuş hüquqlarının təmin olunma vəziyyəti araşdırılıb. Müraciətləri Ombudsman tərəfindən yerində cavablandırılıb. Şəxsi istifadə üçün eynəklə, kitabxanadan istifadə və informasiyaya çatım imkanları ilə təmin olunub.
D. Babayan saxlanma şəraitindən şikayət etməyib, müəssisəyə daxil olduğu zaman tibbi müayinədən keçdiyini qeyd edib. O, hüquqlarının müdafiəsi məqsədilə vəkillə təmin olunub.
Ombudsmanın Milli Preventiv Qrupunun ixtisasca həkim və psixoloq ekspertlərinin də iştirak etdiyi başçəkmə çərçivəsində qəbuldan sonra ona öz dilində qanunvericilik aktları, Ombudsmana müraciət imkanını izah edən nəşrlər də təqdim edilib.
6-10-2023, 15:53
Prezindent Xankəndidə baş vermiş hadisədən danışdı
Azərbaycan Respublikasının Prezidenti İlham Əliyev oktyabrın 6-da Ümumdünya Səhiyyə Təşkilatının Avropa üzrə regional direktoru Hans Henri Klugeni qəbul edib.
Prezident İlham Əliyev Azərbaycanın Qarabağ bölgəsindəki vəziyyətlə bağlı danışıb.
Dövlətimizin başçısı bildirib ki, Qarabağda yerli əhali arasında təşviş yaradan və onları Ermənistana köçməyə məcbur edən məhz qondarma rejim olub.
Dövlətimizin başçısı vurğulayıb ki, “Laçın” dövlət sərhəd-buraxılış məntəqəsinin yaradılmasından etibarən Azərbaycan tərəfindən Beynəlxalq Qırmızı Xaç Komitəsi vasitəsilə tibbi təxliyələrin təşkili prosesinə dəstək göstərilib.
Prezident İlham Əliyev Xankəndidə yanacaq stansiyasında baş vermiş partlayışdan sonra Azərbaycan yanğınsöndürənlərinin bu yanğının qarşısını aldığını, zərərçəkmiş insanlara dəstək göstərildiyini, hazırda Azərbaycanın tibbi heyətinin Xankəndidə yerli əhaliyə xidmətlər göstərdiyini diqqətə çatdırıb.
6-10-2023, 15:40
Masallıda Ticarət Mərkəzində yanğın baş verdi
Masallı şəhərində yerləşən və Köhnə bazar adı ilə tanınan ticarət mərkəzində güclü yanğın başlayıb.
Hadisə yerinə bir neçə yanğınsöndürmə briqadası cəlb edilib.
Yanğın hadisəsi bu gün saat 15:30 radələrində Masallı şəhəri 20 Yanvar küçəsində yerləşən ikimərtəbəli “Sərfəli” Ticarət Mərkəzində baş verib.
Hazırda ərazidə yanğının söndürülməsi yönündə işlər aparılır.
Yanğının başvermə səbəbi hələlik bilinmir.
6-10-2023, 15:21
Paşinyan Fransaya səfər edəcək
Ermənistanın baş naziri Nikol Paşinyan oktyabrın 18-də Fransaya səfər edəcək.
Bu barədə Avropa Parlamentinin rəhbəri Roberta Metsola məlumat verib.
Bildirilib ki, Paşinyan Strasburqda Avropa Parlamentinin plenar iclasında çıxış edəcək.
“Mən Ermənistanın baş nazirini plenar iclasda çıxış etməyə dəvət etdim. O, bunu oktyabrın 18-də Strasburqda edəcək”, - Aİ-nin Qranadada qeyri-rəsmi sammiti çərçivəsində keçirilən mətbuat konfransında Metsola açıqlayıb.
"Mən gərginliyi azaltmaq üçün bütün səyləri alqışlayıram”, - o deyib.
6-10-2023, 15:07
Rusiyanın baş naziri Mirziyoyevlə görüşdü
Rusiyanın baş naziri Mixail Mişustin Özbəkistan prezidenti Şavkat Mirziyoyev ilə görüşüb.
Görüş Mirziyoyevin Moskvaya səfəri çərçivəsində baş tutub.
Görüşdə Mirziyoyev qeyd edib ki, Özbəkistan “bu çətin zamanda” Rusiya ilə əməkdaşlıq etməlidir, əməkdaşlıq yaxşı nəticələr verir.
Qeyd edək ki, Özbəkistan prezidentinin rusiyalı həmkarı Vladimir Putinlə də görüşü nəzərdə tutulur.
5-10-2023, 22:31
Xankəndi şəhərində
yerləşən kafedral və kilsəni Azərbaycan polisi qoruyur
Azərbaycan Respublikasının Xocavənd rayonu Cütcü kəndində Amaras, Kəlbəcər rayonunun Vəngli kəndində Gəncəsər monastırları və Xankəndi şəhərində yerləşən 1 kafedral və 1 kilsə qorunur.
Daxili İşlər Nazirliyinin mətbuat xidmətindən bildirilib ki, Qarabağ iqtisadi rayonuna daxil olan bütün rayonlarda maddi-mədəniyyət nümunələri – abidələrin təhlükəsizliyi, mühafizəsi polis əməkdaşları tərəfindən təmin edilir.
Qeyd olunan ərazidə abidələrin mühafizəsi fasiləsiz olaraq diqqətdə saxlanılır.
5-10-2023, 21:54
Hərbi dəstək zamanıdır, amma sanksiya vaxtı deyil - Makron
Azərbaycana qarşı sanksiyalar əks nəticə verəcək, Bakı ilə işləmək lazımdır.
Bunu Fransa prezidenti Emmanuel Makron İspaniyanın Qranada şəhərində keçirilən 3-cü Avropa Siyasi İcması sammiti çərçivəsində təşkil olunan mətbuat konfransında bildirib.
"Onlar imkan verməyəcəklər ki, Ermənistanın ərazisi və əhalisi daha yaxşı müdafiə olunsun. Zaman Fransanın elan etdiyi kimi aydınlıq və tələbkarlıq, dəstək, o cümlədən hərbi dəstək zamanıdır, amma sanksiya vaxtı deyil. Çünki Azərbaycanla dialoqu davam etdirmək lazımdır. ", - Makron qeyd edib.
5-10-2023, 21:38
Türkiyə XİN Avropa Parlamentinin qətnaməsinə irad bildirdi
Avropa Parlamentinin (AP) bu gün (oktyabrın 5-i) qəbul etdiyi “Azərbaycanın hücumundan sonra “Dağlıq Qarabağda vəziyyət və Azərbaycanın Ermənistana davam edən təhdidləri” adlı məcburi xarakter daşımayan qətnamə məsuliyyətsizlik, qərəz, tərəfkeşlik və məlumatsızlıq örnəyidir”.
Bunu Türkiyənin Xarici İşlər Nazirliyi Avropa Parlamentinin qəbul etdiyi qətnaməyə ilə bağlı bəyanatında bildirib.
“İllərdir Türkiyəyə qarşı əsassız ittiham və iddialarla dolu qərarlar verən bir qrup populist Avropa Parlamenti üzvünün ölkəmizi hədəfə alan ritorikasına əsaslanan bu qərarı pisləyirik.
Populizm, irqçilik, islamofobiya, multikulturalizmin və antiinteqrasiyanın getdikcə gücləndiyi Avropa siyasəti indiki tərkibi ilə AP-də bütün ifratları ilə özünü ifşa edir. Aİ-nin gələcəyi ilə bağlı diləyimiz budur ki, səlahiyyət müddəti tezliklə başa çatacaq hazırkı AP-nin Aİ-nin fundamental dəyərlərinə sadiq olan konstruktiv, əhatəli və həssas nümayəndələrdən ibarət yeni tərkibdə olmasıdır.
Türkiyə Cənubi Qafqazda daimi sülh, sabitlik və rifahın bərqərar olması üçün intensiv səylər göstərir, Ermənistanla normallaşma prosesini həyata keçirmək, bu ölkə ilə Azərbaycan arasında sülh prosesinə konkret töhfə vermək, Ukrayna müharibəsi də daxil olmaqla, bütün qarşıdurma və humanitar böhranlarda beynəlxalq hüquq normaları çərçivəsində qardaşlıq və ümumi mənfəətlərin bərqərar olması üçün bütün imkanlarını səfərbər edir və möhtərəm Prezidentimizin liderliyi ilə bu istiqamətdə çəkisi və səylərinə müraciət edilən fundamental aktor mövqeyindədir.
Heç kimin nəzərə almadığı, lakin marjinal seqmentlərin diqqətini çəkəcək bu cür məsuliyyətsiz mətnlərin bizə AP qərarı kimi təqdim edilməsini sistem zəifliyi kimi görür və ciddi qəbul etmirik”, - bəyanatda qeyd olunub.
5-10-2023, 21:14
Aİ Şurasının Prezidenti Azərbaycan və Ermənistanı Brüsselə dəvət etdi
Bu ay Avropa İttifaqının (Aİ) ev sahibliyi ilə Azərbaycan və Ermənistan liderləri arasında görüş keçiriləcək.
Bunu Aİ Şurasının Prezidenti Şarl Mişel “France-Presse”ə açıqlamasında deyib.
O bildirib ki, Brüsseldə baş tutacaq görüşlə bağlı tərəflər artıq məlumatlandırılıb.
“Mən hər iki lideri oktyabrın sonunadək Brüsselə dəvət edəcəyim barədə məlumatlandırmışam”, - Mişel bildirib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!