Xəbərlərin siyahısı: 01.11.2023

1-11-2023, 23:33

İsrail hərbiçiləri HƏMAS-ın daha bir komandirini öldürdü

İsrail hərbçilərinin Qəzza zolağında HƏMAS-ın daha bir komandirini zərərsizləşdirib.
Bu barədə İsrail ordusunun mətbuat xidməti məlumat yayıb.
Bildirilir ki, İsrail ordusunun döyüş təyyarələri HƏMAS-ın tank əleyhinə bölməsinin rəhbəri Məhəmməd Asarın olduğu ərazini bombalayıb.
Ordu onun öldüyünü qeyd edib.

İsrail hərbiçiləri HƏMAS-ın daha bir komandirini öldürdü

1-11-2023, 23:17

Polad Həşimovun xatirəsinə həsr olunan şahmat əsəri FİDE-nin Qızıl Fonduna daxil edildi

Şahmat kompozisiyası üzrə dəfələrlə FİDE kubokunun qalibi, FİDE olimpiya turnirlərinin qızıl və bürünc medalçısı, beynalxalq dərəcəli hakim, idman ustası Kənan Vəlixanov daha bir uğura imza atıb.
Onun general Polad Həşimovun xatirəsinə həsr etdiyi şahmat əsəri yüksək qiymətləndirilib.
“Şəhid general Polad Həşimovla bağlı şahmat kompozisiyam əvvəlcə Bolqarstanda təşkil olunan beynalxalq turnirin qalibi oldu, sonra isə FİDE-nin Qızıl Fonduna - FİDE ALBOMa daxil edildi”, - K.Vəlixanov saytımıza bildirib.

Polad Həşimovun xatirəsinə həsr olunan şahmat əsəri FİDE-nin Qızıl Fonduna daxil edildi

1-11-2023, 22:54

“Google” bu funksiyalarında yenilənmələr təqdim etdi

“Google” şirkəti “Search” (Axtarış) və “Lens” (Obyektiv) funksiyalarında əhəmiyyətli yenilənmələr təqdim edib. Bunlar STEAM (Science, Technology, Engineering and Mathematics) fənləri üzrə mürəkkəb məsələlərin həllində şagird-tələbələrə köməyə istiqamətlənib.
“Google” axtarış sistemi indi riyazi məsələlərin həllində geniş kömək təklif edir. İstifadəçilərə axtarış xanasına tənliyi yazmaq və ya “Google Lens”in köməyi ilə məsələnin şəklini çəkmək kifayətdir. Nəticədə onlar addım-addım həlli tapacaqlar. Bundan başqa, “riyazi hesablama” funksiyası personal kompüterlərdə əlçatandır və tezliklə mobil cihazlarda da yaradılacaq.
“Google”, həmçinin “Search”da STEM konsepsiyasının vizual şəkildə öyrənilməsi imkanını tətbiq edib. Bu funksiya istifadəçilərə biologiya, kimya, fizika, astronomiya və s. ilə bağlı mindən çox mövzu üzrə 3D modelli və interaktiv diaqramlarla qarşılıqlı əlaqədə olmaq imkanı verir.
“Google” nümayəndələri ümidvardırlar ki, insanlar yeni və təkmilləşdirilmiş funksiyalar sayəsində öz maraqlarını təmin edəcək və xeyli yeni məlumat öyrənəcəklər.

“Google” bu funksiyalarında yenilənmələr təqdim etdi

1-11-2023, 22:16

Fransa prezidenti Özbəkistana rəsmi səfər etdi

Fransa prezidenti Emmanuel Makron Özbəkistana rəsmi səfər edib.
Bu barədə Özbəkistan Milli İnformasiya Agentliyi məlumat yayıb.
Səmərqənd beynəlxalq hava limanında onu Baş nazir Abdulla Aripov və digər rəsmi şəxslər qarşılayıblar.
Səmərqənddə keçiriləcək yüksək səviyyəli danışıqlarda Özbəkistan və Fransa arasında çoxtərəfli münasibətlərin gələcək inkişafı məsələləri müzakirə olunacaq.
Məlumata görə, ticarət-iqtisadi, innovativ, investisiya və mədəni-humanitar sahələrdə praktiki əməkdaşlığın genişləndirilməsi diqqət mərkəzində olacaq.
Özbəkistan prezidenti Şavkat Mirziyoyev və Makronun birgə biznes forumda iştirak edəcəyi gözlənilir.
Qeyd edək ki, Makron bu gün Qazaxıstanda olub.

Fransa prezidenti Özbəkistana rəsmi səfər etdi

1-11-2023, 22:08

Azərbaycan–Türkiyə Birgə Universitetinə ayrılacaq vəsait açıqlandı

Gələn il Azərbaycan–Türkiyə Birgə Universitetinin fəaliyyətinin təmin edilməsi məqsədilə dövlət büdcəsindən ayrılacaq vəsaitin həcmi məlum olub.
Bu, Maliyyə Nazirliyinin 2024-cü ilin dövlət və icmal büdcələri üzrə layihələrin təqdimatında əksini tapıb.
Mühəndislik və tibb ixtisasları üzrə olmaqla 240 nəfər tələbənin təhsil alacağı yeni yaradılacaq “Azərbaycan–Türkiyə birgə Universiteti”nin fəaliyyətinin təmin edilməsi məqsədilə 10,0 milyon manat vəsait proqnozlaşdırılıb.

Azərbaycan–Türkiyə Birgə Universitetinə ayrılacaq vəsait açıqlandı

1-11-2023, 20:23

Keçmiş erməni nazirə qarşı cinayət işi başladıldı

Ermənistanın sabiq Baş naziri Hrant Baqratyana qarşı cinayət işi başlanıb.
Bu barədə Baqratyan özünün sosial şəbəkə hesabında yazıb.
“Ermənistan hakimiyyəti mənə qarşı cinayət işi açıb. İlk məhkəmə iclası noyabrın 10-da olacaq”, - o qeyd edib.
Xatırladaq ki, Baqratyan 1993-1996-cı illərdə Ermənistanın Baş naziri olub.

Keçmiş erməni nazirə qarşı cinayət işi başladıldı

1-11-2023, 19:50

Ərdoğan səfirin uşaqlarını belə qarşıladı

Türkiyə Prezidenti Rəcəb Tayyib Ərdoğan Sloveniyanın səfirini qəbul edib.
Qəbul zamanı Ərdoğanın hərəkəti diqqət çəkib.
Ərdoğan qəbul zamanı səfirin uşaqlarını əllərindən öpərək qarşılayıb.

Ərdoğan səfirin uşaqlarını belə qarşıladı

1-11-2023, 18:42

XİN-dən Əlcəzairlə bağlı paylaşım

Azərbaycan Xarici İşlər Nazirliyi (XİN) Əlcəzairi Milli Günü münasibəti ilə təbrik edib.
Bu barədə nazirliyin "X" hesabında paylaşım edilib.
"Dost Əlcəzair hökumətini və xalqını Milli Günü münasibəti ilə təbrik edirik. Biz Azərbaycan və Əlcəzair arasında əlaqələrin genişləndirilməsini səbirsizliklə gözləyirik. Milli bayramınız mübarək!", - paylaşımda bildirilib.

XİN-dən Əlcəzairlə bağlı paylaşım

1-11-2023, 15:20

Ərdoğan Liviya parlamentinin sədrini qəbul etdi

Türkiyə prezidenti Rəcəb Tayyib Ərdoğan Liviya parlamentinin sədri Muhammad Tekaleni qəbul edib.
Bu barədə TRT məlumat yayıb.
Görüş Tekalenin Türkiyəyə səfəri çərçivəsində baş tutub. Prezident İqamətgahında keçirilən qəbulda Türkiyə Böyük Millət Məclisinin rəhbəri Numan Kurtulmuş da iştirak edib.

Ərdoğan Liviya parlamentinin sədrini qəbul etdi

1-11-2023, 15:08

Nənələri tərəfindən küçəyə atılmış uşaqlar xəstəxanaya yerləşdirildi

Gəncədə nənələri tərəfindən küçəyə atılmış Cəlilova Mələk Həsən qızı (16.06.2023) və Cəlilov Miryusif Həsən oğlu (05.04.2021) oktyabrın 26-da Kliniki Tibbi Mərkəzin tabeliyindəki 2 saylı Kliniki Uşaq Xəstəxanasına gətirilib.
Bu barədə APA-ya Kliniki Tibbi Mərkəzin mətbuat xidmətinin rəhbəri Ruzbeh Məmməd bildirib.
O qeyd edib ki, azyaşlı bacı-qardaşa yuxarı tənəffüs yollarının dəqiqləşdirilməmiş kəskin infeksiyası diaqnozu qoyulub və intensiv terapiya şöbəsinə qəbul olunub:
"Onların vəziyyəti orta-ağırdır. Hər iki xəstənin müayinə və müalicələri davam etdirilir".

Nənələri tərəfindən küçəyə atılmış uşaqlar xəstəxanaya yerləşdirildi