Məşhur müğənni saxlanılıb? .....                        Məhkəmə Əziz Orucovla bağlı qərar verdi .....                        Müttəfiqlər Ukraynaya verilən vədləri yerinə yetirmir - Stoltenberq .....                        Fransadan Ermənistana yardım təklifi .....                        Tramp Baydeni ABŞ-ın ən pis prezidenti adlandırdı .....                        İrəvandakı aksiyalarda saxlanılanlar sərbəst buraxılıb .....                        Emin 4 il əvvəl boşandığı modellə yenidən evləndi .....                        "Qalatasaray" 24-cü dəfə ölkə çempionu oldu .....                        Türkiyədən acı xəbər - 10 ölü, 30 yaralı .....                       
18-11-2023, 16:58
Qonşularla sülhə can atmaq birtərəfli proses deyil - Erməni spiker


Qonşularla sülhə can atmaq birtərəfli proses deyil - Erməni spiker

“Ermənistan Respublikası bütün region ölkələrinə münasibətləri tənzimləməyi və əməkdaşlıq təklif edərək, sülh proqramı qəbul edib”.
Bunu Ermənistan parlamentinin sədri Alen Simonyan İrəvanda keçirilən ATƏT Parlament Assambleyasının sessiyasındakı çıxışı zamanı deyib.
Onun sözlərinə görə, Ermənistanın hazırkı hökuməti öz xalqından sülh gətirmək və gələcək nəsillər üçün dinc yanaşı yaşama erasını təmin etmək üçün mandat alıb.
“Ona görə də Ermənistan Azərbaycanla sülh danışıqlarında konstruktiv şəkildə iştirak edir və deməyə ehtiyac yoxdur ki, qonşularla sülhə can atmaq birtərəfli proses deyil. Cənubi Qafqaz xalqlarının son onilliklərdə keçdiyi bütün çətinliklərdən sonra bu gün Ermənistanla Azərbaycan arasında sülhün bərqərar olması üçün tarixi fürsət yaranıb. Ermənistan da Türkiyə ilə münasibətlərin nizamlanmasında, sərhədlərin və kommunikasiyaların açılmasında səmimi maraqlıdır və ilkin şərt olmadan danışıqlara başlayıb. Bu danışıqların yaxın gələcəkdə arzu olunan nəticələri verəcəyinə böyük ümidim var. Bölgəmizin sülhə ehtiyacı var və Ermənistan Respublikasının baxışı ən yaxşı şəkildə “Sülhün kəsişməsi” adlı layihədə ifadə olunub və bu layihə aşağıdakı kimi ifadə edilməlidir:
Regionun bütün ölkələri açıq sərhədlər, yollar və infrastrukturlarla yaşayır, iqtisadi, siyasi, mədəni cəhətdən bir-birinə bağlanır”. – A.Simonyan deyib.
18-11-2023, 16:33
XİN: “Qarşı tərəfin təxribat xarakterli məlumatını qəti surətdə təkzib edirik”


XİN: “Qarşı tərəfin təxribat xarakterli məlumatını qəti surətdə təkzib edirik”

Azərbaycan Ordusunun bölmələri tərəfindən noyabrın 18-i saat 09:50 radələrində Ermənistan silahlı qüvvələrinin Dəvəli rayonu istiqamətində yerləşən mövqelərinə guya atəş açılması və nəticədə bir hərbi qulluqçunun yaralanması barədə bu ölkənin Müdafiə Nazirliyinin yaydığı məlumat tamamilə yalandır.
Bu barədə Müdafiə Nazirliyindən bildirilib.
"Qarşı tərəfin təxribat xarakterli məlumatını qəti surətdə təkzib edirik.
Ermənistan Müdafiə Nazirliyi ordusunda mövcud olan özbaşınalıqları ört-basdır etmək məqsədilə real əsası olmayan məlumatları yaymaqda davam edir", - məlumatda deyilir.
18-11-2023, 16:12
ATƏT PA sədrindən Azərbaycan və Ermənistana çağırış


ATƏT PA sədrindən Azərbaycan və Ermənistana çağırış

ATƏT Parlament Assambleyası Ermənistan və Azərbaycanı danışıqları davam etdirməyə və sülh sazişinin əldə edilməsi üçün yeni imkanlar axtarmağa çağırır.
Bunu noyabrın 18-də İrəvanda ATƏT PA-nın sədri Pia Kauma deyib.
O, jurnalistlərin ATƏT PA-nın payız sessiyasında Azərbaycan nümayəndə heyətinin iştirak etməməsi ilə bağlı sualını da cavablandırıb.
Kauma xatırladıb ki, Ermənistana gəlməzdən əvvəl iki gün Azərbaycanda olub və onda rəsmi Bakının sülh danışıqlarına hazır olduğu təəssüratı yaranıb.
“Onların ötürmək istədikləri mesaj budur. Məndə belə təəssürat var ki, Bakı İrəvanla danışıqları bərpa etməyə hazırdır”.
18-11-2023, 16:01
“Əmək pensiyaları haqqında” qanuna dəyişiklik edildi


“Əmək pensiyaları haqqında” qanuna dəyişiklik edildi

Prezident İlham Əliyev “Əmək pensiyaları haqqında” qanuna dəyişiklik edilməsi barədə qanunu imzalayıb.
Sənədin 1.0.6-cı və 1.0.7-ci maddələr aşağıdakı redaksiyada verilib:
“1.0.6. dövlət sosial sığorta sistemində fərdi uçot – Azərbaycan Respublikasının qanunlarına uyğun olaraq əmək pensiyası və sosial müdafiə sahəsində digər hüquqlarının təmin edilməsi üçün hər bir sığortaolunana dair “Dövlət sosial sığorta sistemində fərdi uçot haqqında” Azərbaycan Respublikası Qanununun 5.2-ci maddəsində nəzərdə tutulan məlumatların uçotunun təşkili və aparılmasıdır;
1.0.7. fərdi şəxsi hesab – hər bir sığortaolunana müvafiq icra hakimiyyəti orqanının müəyyən etdiyi orqan (qurum) tərəfindən sosial sığorta nömrəsi ilə açılan, dövlət sosial sığorta sistemində fərdi uçot məlumatlarının əks olunduğu hesabdır”.
18-11-2023, 15:40
Azərbaycanlq sülh müqaviləsinin əsas prinsipləri barədə razılığa gələ bilərik - Paşinyan


Azərbaycanla sülh müqaviləsinin əsas prinsipləri barədə razılığa gələ bilərik - Paşinyan

"Ermənistan və Azərbaycan sülh müqaviləsinin əsas prinsipləri barədə razılığa gələ biliblər".
Bunu Ermənistanın baş naziri Nikol Paşinyan İrəvanda keçirilən ATƏT Parlament Assambleyasının payız sessiyasının açılış mərasimində deyib.
"Ermənistan-Azərbaycan sülh prosesi ilə bağlı yaxşı və pis xəbərlərimiz var. Nə yaxşı ki, Azərbaycanla sülhün əsas prinsipləri razılaşdırılıb. Bu, Avropa İttifaqı Şurasının rəhbəri Şarl Mişelin vasitəçiliyi ilə Brüsseldə mənimlə Azərbaycan Prezidenti arasında keçirilən görüşdə baş verib",- Paşinyan bildirib.
Paşinyanın sözlərinə görə, söhbət üç əsas prinsipdən gedir:
- Ermənistan Respublikası və Azərbaycan Respublikası qarşılıqlı olaraq bir-birinin ərazi bütövlüyünü tanıyır: Ermənistanın 29 min 800 kvadrat kilometr ərazisi və Azərbaycanın 86 min 600 kvadrat kilometr ərazisi.
- Tərəflər delimitasiyanı Almatı Bəyannaməsi (SSRİ dövründə Ermənistan və Azərbaycan arasında mövcud olan sərhədlərlə) əsasında həyata keçirilməsinə razılaşırlar.
- Regional kommunikasiyalar tərəflərin suveren yurisdiksiyası əsasında açılır, kommunikasiyalar isə qarşılıqlı münasibətlər əsasında fəaliyyət göstərir.
Baş nazir qeyd edib ki, Ermənistan və Azərbaycan müxtəlif diplomatik dillərdə danışırlar və çox vaxt bir-birini başa düşmürlər.
18-11-2023, 15:10
Yanacaqdoldurma məntəqəsində partlayış baş verdi - VİDEO


Yanacaqdoldurma məntəqəsində partlayış baş verdi - VİDEO

Fövqəladə Hallar Nazirliyinin “112” qaynar telefon xəttinə Bakı şəhərinin Pirallahı rayonunda yanacaqdaşıyan avtomobildə yanğın baş verməsi barədə məlumat daxil olub.
Bu barədə Fövqəladə Hallar Nazirliyindən bildirilib.
Məlumatla əlaqədar dərhal əraziyə FHN Dövlət Yanğından Mühafizə Xidmətinin qüvvələri cəlb olunub.
Hadisə yerində əməliyyat şəraitinin operativ qiymətləndirilməsi zamanı yanacaqdoldurma məntəqəsinin ərazisində tutumu 10 ton olan “Ford” markalı yanacaqdaşıyan avtomobil yanacaq dolduran zaman partlayışın baş verdiyi və məntəqə ərazisində yüksək yanğın təhlükəsinin yarandığı müəyyən olunub.
Yanğınsöndürənlər tərəfindən həyata keçirilmiş zəruri və təxirəsalınmaz tədbirlər sayəsində mümkün yanğının qarşısı qısa müddətdə alınaraq böyük fəsadların yaranmasına imkan verilməyib və yanacaqdoldurma məntəqəsi yanğın təhlükəsindən qorunub.
Hadisə nəticəsində partlayış dalğasının təsirindən məntəqənin 1 ədəd yanacaqötürən pompası yerindən çıxıb, yanacaqdaşıyan avtomobilin yanacaq çəninin lyuku yerindən çıxaraq yaxınlıqdakı birmərtəbəli mebel satışı mağazasının 10m² sahədə ondulindən ibarət dam hissəsi və tavanını dağıdıb.
Hadisə zamanı xəsarət alan olmayıb. Müvafiq qurumlar tərəfindən təhqiqat aparılır.


18-11-2023, 14:43
Zakir Həsənov rəhbər heyətlə döyüş hazırlığını yoxladı - VİDEO


Zakir Həsənov rəhbər heyətlə döyüş hazırlığını yoxladı - VİDEO

Noyabrın 18-də Azərbaycan Respublikasının müdafiə naziri general-polkovnik Zakir Həsənov və nazirliyin digər rəhbər heyəti döyüş hazırlığının qəfil yoxlanılması məqsədilə Hərbi Hava Qüvvələrinin Hava Hücumundan Müdafiə (HHM) bölmələrindən birində olub.
Bu barədə Müdafiə Nazirliyindən məlumat verilib.
Bildirilib ki, general-polkovnik Z.Həsənov komandirlərin qərar qəbuletmə və qüvvələrin tətbiqi üzrə praktiki bacarıqlarını, eləcə də bölmələrin döyüş hazırlığını yoxlayıb.
Sonra müdafiə naziri və nazirliyin digər rəhbər heyəti HHM bölmələrinin praktiki döyüş atışlarını izləmək üçün təlim poliqonuna gəlib.
General-polkovnik Z.Həsənov komanda-idarəetmə məntəqəsində HHM bölmələrinin döyüş hazırlığı və döyüşə hazırolma vəziyyəti barədə məruzələri dinləyib.
Komanda-qərargah maşınında HHM bölmələrinin döyüş fəaliyyətlərinin planlaşdırılması və idarəedilməsi üzrə tapşırıqlar icra olunduqdan sonra praktiki atışlar yerinə yetirilib.
Şərti düşmənin aşkar olunan hava hədəfləri məhv edilərək qarşıya qoyulmuş tapşırıqlar müvəffəqiyyətlə icra edilib.
Müdafiə naziri HHM bölmələrinin döyüş hazırlığını yüksək qiymətləndirib.

18-11-2023, 14:00
ATƏT PA-nın payız sessiyası işə başladı - Azərbaycan iştirak etmədi


ATƏT PA-nın payız sessiyası işə başladı - Azərbaycan iştirak etmədi

Noyabrın 18-də İrəvanda ATƏT PA-nın payız sessiyası işə başlayıb.
Karen Dəmirçyan adına İdman-Konsert Kompleksində keçirilən sessiya noyabrın 20-dək davam edəcək.
Avropada Təhlükəsizlik və Əməkdaşlıq Təşkilatının Parlament Assambleyasının payız sessiyası “ATƏT böhran anlarında: Parlament Assambleyasının daxili və xarici çağırışlara qarşı mübarizədə rolu” devizi ilə keçirilir.
Ermənistan 57 üzv dövlətin nümayəndə heyətlərindən 300-ə yaxın deputat qəbul edir.
Sessiyada Cənubi Qafqaz regionu ilə bağlı məsələlər də müzakirə olunacaq, ikitərəfli görüşlər təşkil ediləcək.
Qeyd edək ki, Azərbaycan nümayəndə heyəti İrəvana getməkdən imtina edib. Bununla bağlı Bakıdan ATƏT PA-ya göndərilən məktubda Azərbaycan tərəfinin Ermənistanda ölkəmizə qarşı hökm sürən düşmənçilik və nifrət hissindən, özünü qabarıq şəkildə büruzə verən anti-Azərbaycan təbliğatı və azərbaycanofobiyadan narahatlıq ifadə olunub.
18-11-2023, 13:49
ATƏT-də Qarabağı Azərbaycanın hissəsi kimi tanıdı


ATƏT-də Qarabağı Azərbaycanın hissəsi kimi tanıdı

Xəbər verdiyimiz kimi, ATƏT Parlament Assambleyasının prezidenti Pia Kauma bu həftə Cənubi Qafqazın üç ölkəsinə səfər edib.
O, sonuncu dəfə İrəvana gedib və burada Ermənistan hakimiyyətinin müxtəlif nümayəndələri ilə görüşlər keçirib.
ATƏT-in rəsmi saytında xanım prezidentin Ermənistana səfəri barədə məlumat yayılıb. Ancaq açıqlamada "Qarabağ" toponimindən istifadə edilməyib. Bildirilir ki, Pia Kauma Ermənistan baş naziri Nikol Paşinyan, Milli Assambleyanın sədri Alen Simonyan və xarici işlər nazirinin müavini Vahe Gevorqyanla görüşüb və əsasən sülhdən danışıb. Açıqlamada Qarabağı könüllü tərk edən ermənilər "Azərbaycandan gələn qaçqınlar" adlandırılıb və Qarabağın Azərbaycan ərazisi olduğu bir daha təsdiqlənib.
ATƏT-in mövcud reallıqları qəbul edərək rəsmi açıqlamasında Qarabağın adını çəkməməsi erməniləri məyus edib. Erməni mətbuatında və sosial şəbəkələrdə bunu Ermənistan diplomatiyası üçün fiasko adlandırıblar və hökumətə qarşı ittihamlar səsləndirilib. Təşkilatın rəsmi açıqlaması ilə bu linkdən tanış olmaq olar.
Qeyd edək ki, Pia Kaumanın Bakıya səfərindən sonra yayılan açıqlamada da Azərbaycanın Qarabağ üzərində nəzarəti bərqərar etməsi təsdiqlənmişdi.
18-11-2023, 12:21
Sabahın hava proqnozu


Sabahın hava proqnozu[/size]

Noyabrın 19-da gözlənilən hava şəraitinin proqnozu açıqlanıb.
ETSN Milli Hidrometeorologiya Xidmətindən verilən məlumata görə, sabah Bakıda və Abşeron yarımadasında bəzi yerlərdə arabir yağış yağacağı gözlənilir. Gecə yarımadanın bəzi yerlərində qısamüddətli leysan xarakterli olacağı ehtimalı var. Gündüz tədricən kəsiləcək. Mülayim cənub-şərq küləyi səhər arabir güclənəcək.
Havanın temperaturu gecə 8-13° isti, gündüz 15-18° isti olacaq. Atmosfer təzyiqi 761 mm civə sütunundan 754 mm civə sütununa enəcək. Nisbi rütubət 75-85 % olacaq.
Azərbaycanın rayonlarında havanın əsasən yağmursuz keçəcəyi gözlənilir. Lakin axşam bəzi yerlərdə arabir yağış yağacağı ehtimalı var. Gecə və səhər bəzi rayonlarda duman olacaq. Mülayim qərb küləyi əsəcək.
Havanın temperaturu gecə 7-11° isti, gündüz 15-19° isti, dağlarda gecə 3° şaxtadan 2°-dək isti, gündüz 4-9° isti olacaq.
����������� ��������� ������ � �����-����������.
��� dle ������� ��������� ������� � �����.
���������� ���� ������ ��������� � ��� �����������.
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Noyabr 2023    »
BeÇaÇCaCŞB
 12345
6789101112
13141516171819
20212223242526
27282930 
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Erməni tərəfdən Azərbaycan mövqeləri belə görünür... - VİDEO






Bütöv.az
Video
"Vətən Qəhrəmanları" Şəhid İlyas Nəsirov


All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!