Xəbərlərin siyahısı: 25.11.2023 » Səhifə 2

25-11-2023, 16:58

Almaniya Ukraynanı dəstəkləməyə davam edəcək

Almaniya büdcə çətinliklərinə baxmayaraq, Ukraynanı dəstəkləməyə davam edəcək.
Bunu Sosial Demokrat Partiyasının regional qurultayında Almaniya kansleri Olaf Şolz deyib.
O bəyan edib ki, Almaniya hakimiyyəti müharibənin iqtisadi nəticələrini yüngülləşdirmək və ölkədə harmoniyanı qorumaq üçün hər şeyi edəcək.
Kanslerin sözlərinə görə, hökumət Almaniyada sənayenin modernləşdirilməsi layihəsinə dəstək verəcək.

Almaniya Ukraynanı dəstəkləməyə davam edəcək

25-11-2023, 16:14

“Səbail” və “Kəpəz” oyunu heç-heçə bitdi

Futbol üzrə Azərbaycan Premyer Liqasında XIV turun daha bir oyunu keçirilib.
“Səbail” klubu “ASCO Arena”da “Kəpəz”i qəbul edib. Hər iki komandanın çoxsaylı qol imkanlarına baxmayaraq, matçda hesab açılmayıb.
Bu nəticədən sonra xallarını 22-yə çatdıran “dənizçilər” üçüncü pilləyə yüksəlib. 10-cu xalını qazanan “sarı-göylər” isə 9-cu sırada qalıb.
Günün son oyununda “Qəbələ” öz meydanında “Turan Tovuz”la qarşılaşacaq.
Qeyd edək ki, turun açılış matçında “Qarabağ” səfərdə “Sabah”a 2:1 hesabı ilə qalib gəlib. Tura noyabrın 26-da keçiriləcək “Neftçi” – “Araz-Naxçıvan” və “Sumqayıt” – “Zirə” matçları ilə yekun vurulacaq.

“Səbail” və “Kəpəz” oyunu heç-heçə bitdi

25-11-2023, 15:49

Balakəndə qapalı yerdə siqaret çəkənlər cəzalandırıldı

Balakən Rayon Polis Şöbəsinin əməkdaşları tərəfindən tütün məmulatlarından istifadə qaydalarını pozan şəxslərə qarşı profilaktiki tədbir keçirilib.
Daxili İşlər Nazirliyinin mətbuat xidmətinin Şəki regional qrupundan verilən məlumata görə, rayon ərazisində yerləşən kafe və restoranlarda keçirilən tədbir zamanı qapalı məkanlarda siqaret çəkən, eləcə də tütün məmulatı tullantılarını ətraf mühitə atan şəxslər aşkar olunub. Həmin şəxslərlə profilaktiki söhbətlər aparılıb və qanunvericiliyin tələbləri onlara izah edilib.
Cari il ərzində bu istiqamətdə keçirilən tədbirlər nəticəsində qeyd olunan inzibati xətaya yol verən ümumilikdə 463 nəfər barəsində protokol tərtib olunub.

Balakəndə qapalı yerdə siqaret çəkənlər cəzalandırıldı

25-11-2023, 15:31

Kəlbəcərli və Vətən müharibəsinin döyüşçüsü kimi böyük iftixar hissi keçirirəm

Elvin Mamedov Kəlbəcər işğal olunan il dünyaya göz açıb. Amma sən demə onun taleyində Vətən müharibəsinin iştirakçısı olmaq, Qarabağ torpaqlarının azadlığı uğrunda qəhrəmanlıq göstərmək də varmış...
Xüsusi Təyinatlı Qüvvələrin əsgəri olan Elvin cəbhənin bütün istiqamətlərində - Kəlbəcər, Füzuli, Cəbrayıl, Hadrut, Qubadlı, Xocavənd və Şuşada döyüşüb. Qubadlı döyüşləri zamanı yaralansa da, qısamüddətli müalicədən sonra yenidən cəbhəyə qayıdıb, Tuğ kəndinin azad olunmasında fəal iştirak edib.
“Bir kəlbəcərli və Vətən müharibəsinin döyüşçüsü kimi bu gün böyük iftixar hissi keçirirəm. İlk növbədə ona görə ki, Vətənimiz bütövdür, sərhədlərimiz etibarlı şəkildə qorunur. Bundan sonra bu torpağa düşmən ayağı dəyə bilməz. İkincisi, ona görə ki, bu Qələbənin qazanılmasında mənim də zəhmətim var. Azad Vətənimizin demək olar ki, işğal altında olan hər rayonu uğrunda döyüşlərdə iştirak etmişəm. Bu da başqa hissdir. Ən nəhayət bir də ona sevinirəm ki, xəyalımda yaşatdığım, gözəlliyi, füsunkarlığı haqqında valideynlərimdən eşitdiyim dağlar diyarı Kəlbəcərə dönmək, orada yaşamaq mənə də nəsib olacaq”.
Elvin Mamedov Zəfər müharibəsindən 7 medalla qayıdıb. Onun sinəsini “Kəlbəcərin azad olunmasına görə”, “Füzulinin azad olunmasına görə”, “Cəbrayılın azad olunmasına görə”, “Xocavəndin azad olunmasına görə”, “Şuşanın azad olunmasına görə”, “İgidliyə görə” və “Şücaətə görə” medalları bəzəyir.

Kəlbəcərli və Vətən müharibəsinin döyüşçüsü kimi böyük iftixar hissi keçirirəm

25-11-2023, 15:17

Ermənistan bu ölkəylə diplomatik əlaqələr qurdu

Ermənistan və Səudiyyə Ərəbistanı arasında diplomatik əlaqələr qurulub.
Bu barədə Ermənistan Xarici İşlər Nazirliyi məlumat yayıb.
Bildirilir ki, əlaqələrin qurulması barədə protokol ötən gün Əbu-Dabidə imzalanıb.
İmzaları Ermənistanın BƏƏ-dəki səfiri Karen Qriqoryan və Səudiyyə Ərəbistanının səfiri Sultan bin Abdulla Əl-Anqar atıb.

Ermənistan bu ölkəylə diplomatik əlaqələr qurdu

25-11-2023, 15:02

Avropanın nümayəndə heyəti Ermənistana gəlir

Avropa İttifaqının (Aİ) Xarici Fəaliyyət Xidməti və Avropa Komissiyasının nümayəndələrindən ibarət nümayəndə heyəti Ermənistana gələcək.
Bu barədə Aİ-nin Ermənistandakı nümayəndəliyi məlumat yayıb.
Səfər 27-29 noyabr tarixlərində baş tutacaq.
Səfər zamanı Aİ-Ermənistan münasibətlərinin dərinləşdirilməsi və möhkəmləndirilməsinin mümkün istiqamətləri müzakirə olunacaq.

Avropanın nümayəndə heyəti Ermənistana gəlir

25-11-2023, 14:03

İsveçrə Prezidenti Ukraynadadır

İsveçrə Prezidenti Alain Berset Ukraynaya gəlib
Bu barədə o, "X" hesabında məlumat yayıb.
Berset ərzaq təhlükəsizliyi ilə bağlı beynəlxalq sammitdə iştirak edəcəyini və Ukrayna Prezidenti Volodimir Zelenski ilə görüşəcəyini deyib.
"Diqqətimiz Rusiya Federasiyasının Ukraynaya hərbi təcavüzünün qlobal ərzaq təhlükəsizliyi üçün nəticələri və İsveçrənin Ukraynaya uzunmüddətli dəstəyinə yönələcək", - o qeyd edib.

İsveçrə Prezidenti Ukraynadadır

25-11-2023, 12:45

Sabahın hava proqnozu

Noyabrın 26-da gözlənilən hava şəraiti açıqlanıb.
Milli Hidrometeorologiya Xidmətindən bildirilib ki, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Arabir güclənən cənub-qərb küləyi əsəcək.
Havanın temperaturu gecə 10-14° isti, gündüz 16-21° isti olacaq. Atmosfer təzyiqi 752 mm civə sütunundan 749 mm civə sütununa enəcək. Nisbi rütubət 50-60 % olacaq.
Azərbaycanın rayonlarında havanın əsasən yağmursuz keçəcəyi gözlənilir. Lakin gündüz bəzi dağlıq ərazilərdə arabir yağıntılı olacağı, qar yağacağı ehtimalı var. Gecə və səhər bəzi rayonlarda duman olacaq. Qərb küləyi ayrı-ayrı yerlərdə arabir güclənəcək.
Havanın temperaturu gecə 5-9° isti, gündüz 18-23° isti, dağlarda gecə 0-5° isti, gündüz 8-13° isti olacaq.

Sabahın hava proqnozu

25-11-2023, 12:16

Gələn ildən Şuşada “ASAN xidmət” fəaliyyətə başlayacaq

“Gələn il Şuşada "ASAN xidmət" Mərkəzi fəaliyyətə başlayacaq”.
Bunu Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin ("ASAN xidmət") sədri Ülvi Mehdiyev jurnalistlərə açıqlamasında deyib.
Onun sözlərinə görə, Şuşa şəhərində "ASAN xidmət" Mərkəzinin yaradılması ilə əlaqədar işlərə start verilib: “Gələn ildən Dövlət Agentliyi Şuşada fəaliyyətə başlayacaq”.
Ü.Mehdiyev bildirib ki, azad olunmuş digər ərazilərdə də "ASAN xidmət" mərkəzlərinin mərhələli şəkildə açılması nəzərdə tutulur.

Gələn ildən Şuşada “ASAN xidmət” fəaliyyətə başlayacaq

25-11-2023, 11:55

Sabunçuda şagird sinif yoldaşını bıçaqladı

Sabunçu rayonu ərazisində yerləşən məktəblərin birində şagirdin sinif yoldaşına kəsici alətlə daxilə nüfuz etməyən xəsarət yetirməsi barədə polisə məlumat daxil olub.
Bu barədə DİN-in Mətbuat xidmətinin əməkdaşı Nurlan Əliyev məlumat verib.
O qeyd edib ki, məktəblinin xəsarət alması ilə əlaqədar onun valideyni ilə birlikdə təhqiqata təmin edilərək zəruri istintaq hərəkətlərinin aparılması məqsədi ilə araşdırma aparılır.

Sabunçuda şagird sinif yoldaşını bıçaqladı