17-02-2024, 19:53
Orban: “İsveçlə bağlı məsələ sona çatmaq üzrədir”
Macarıstan parlamenti fevralın 26-da açılacaq yaz sessiyasının əvvəlində İsveçin NATO-ya daxil olması haqqında sazişi ratifikasiya edəcək.
Bunu Macarıstanın Baş naziri Viktor Orban ölkənin əsas siyasət prioritetləri ilə bağlı çıxışı zamanı deyib.
“İsveçlə bağlı məsələ sona çatmaq üzrədir. İsveçin Baş naziri ilə birlikdə etimadın bərpası üçün mühüm addımlar atmışıq. Parlament yaz sessiyasında İsveçin NATO-ya üzvlüyünü ratifikasiya edə bilər. Buna doğru gedirik”, - deyə Orban bildirib.
Macarıstan parlamentinin yaz sessiyası qış tətilindən sonra fevralın 26-da başlayacaq. Hökumət ötən ilin yayında İsveçin NATO-ya qəbulu ilə bağlı qanun layihəsini parlamentə təqdim etmişdi.
17-02-2024, 19:37
Prezident Banqladeşin Baş nazirini Azərbaycana dəvət etdi
Fevralın 17-də Münxendə Azərbaycan Respublikasının Prezidenti İlham Əliyev ilə qarşı tərəfin müraciətinə əsasən Banqladeş Xalq Respublikasının Baş naziri xanım Şeyx Hasinanın görüşü olub.
Görüş zamanı Prezident İlham Əliyev COP29-da iştirak etmək üçün Banqladeşin Baş nazirini ölkəmizə səfərə dəvət edib.
Şeyx Hasina dəvəti məmnuniyyətlə qəbul edib.
17-02-2024, 19:22
Sülh üçün əlimizdən gələni edəcəyik - Antoni Blinken
Azərbaycan və Ermənistan arasında davamlı və ləyaqətli sülhün təmini üçün əlimizdən gələni etmək arzusundayıq.
Bu barədə ABŞ Dövlət katibi Antoni Blinken Münxendə Azərbaycan Prezidenti İlham Əliyevlə görüşdə deyib.
Dövlət katibi bildirib ki, ABŞ bu istiqamətdə faydalı işlər görmüşdür və görməyə davam edəcək.
17-02-2024, 18:17
Prezident Avropa Komissiyasının İcraçı vitse-prezidentiylə görüşdü - FOTO
Fevralın 17-də Münxendə Azərbaycan Respublikasının Prezidenti İlham Əliyev ilə qarşı tərəfin müraciətinə əsasən Avropa Komissiyasının Avropa Yaşıl Saziş Təşəbbüsü, təsisatlararası əlaqələr və planlaşdırma üzrə İcraçı vitse-prezidenti Maroş Şevçoviçin görüşü olub.
Maroş Şefçoviç Azərbaycan ilə Avropa İttifaqı arasında enerji sahəsində əməkdaşlığın uğurla inkişaf etməsinin məmnunluq doğurduğunu vurğuladı. O, Azərbaycanın pan-Avropa enerji təchizatçısı olduğunu yüksək qiymətləndirdi. Tezliklə ölkəmizə səfər etmək niyyətində olduğunu bildirən Maroş Şevçoviç COP29-un Azərbaycan ilə Avropa İttifaqı arasında bərpaolunan enerji və iqlim dəyişikliyi ilə mübarizə sahəsində əməkdaşlıq üçün yaxşı imkanlar yaratdığını diqqətə çatdırdı.
O, Azərbaycanın ev sahibliyi edəcəyi COP29-un sessiyasının əsas gündəliyinin çox vacib mövzulardan birinin iqlim maliyyələşdirilməsi olacağını deyərək, Avropa İttifaqının da iqlim dəyişikliyi üzrə proseslərdə yaxından iştirak edən tərəfdaş kimi Azərbaycana dəstək göstərməyə hazır olduğunu vurğuladı.
Prezident İlham Əliyev qeyd etdi ki, Azərbaycan COP29-da qlobal Şimal və qlobal Cənub arasında həmrəyliyə nail olmaq istiqamətində səylərini əsirgəməyəcək. Belə ki, Azərbaycanın Qoşulmama Hərəkatında, İslam Əməkdaşlıq Təşkilatında və digər üzv təşkilatlarda apardığı iş, Avropa İttifaqı ilə əlaqələri və digər tərəfdaşlarla münasibətləri bu cür həmrəyliyin əldə edilməsinə töhfə verə bilər. Dövlətimizin başçısı, həmçinin COP çərçivəsində ilk dəfə olaraq Üçlük mexanizminin yaradıldığını qeyd etdi və Birləşmiş Ərəb Əmirlikləri, Azərbaycan və Braziliyanın bir araya gələrək bu istiqamətdə birgə iş aparacağını vurğuladı.
17-02-2024, 18:13
Kadırovun böyük oğlu nazir təyin olundu
Çeçenistan rəhbəri Ramzan Kadırovun böyük oğlu Axmat Kadırov regionun gənclərlə iş üzrə naziri təyin edilib.
Bu barədə Çeçenistan parlamentinin sədri Maqomed Davudov bildirib.
“O, fəaliyyətə başladığı gündən gənclər təşkilatlarımızın işinin keyfiyyətinin yüksəldilməsinə mühüm töhfələr verib, gənc nəslə hərtərəfli dəstək verir, regionun ictimai həyatında fəal iştirak edir və qarşıya qoyulan istənilən vəzifələri yüksək səviyyədə həll edir”, – Maqomed Davudov teleqram kanalında yazıb.
2022-ci ildən Axmat Kadırov Çeçenistan rəhbərinin müşaviri, həmçinin Rusiya uşaq və gənclər hərəkatının regional sədri vəzifəsini tutub. 2023-cü ilin noyabrında o, Çeçenistanın bədən tərbiyəsi, idman və gənclər siyasəti üzrə nazirinin birinci müavini təyin edilib. Həmin ay Axmat Kadırov və onun qardaşları 15 yaşlı Adəm və 16 yaşlı Əli respublika parlamentinin ali “Vətən Şərəfi” ordeni ilə təltif ediliblər.
17-02-2024, 18:05
Prezident Blinkenlə görüşdü
Fevralın 17-də Münxendə Azərbaycan Respublikasının Prezidenti İlham Əliyev ilə qarşı tərəfin müraciətinə əsasən Amerika Birləşmiş Ştatlarının (ABŞ) Dövlət katibi Antoni Blinkenin görüşü olub.
Bu barədə Azərbaycan Prezidentinin Mətbuat Xidməti məlumat yayıb.
17-02-2024, 17:40
Muxtar Babayev Azərbaycanda COP29-a hazırlıqla bağlı məlumat verdi
BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasının (COP29) prezidenti, ekologiya və təbii sərvətlər naziri Muxtar Babayev Münxen Təhlükəsizlik Konfransı (MSC2024) çərçivəsində keçirilən “COP mexanizmi: Beynəlxalq iqlim diplomatiyasının perspektivləri” adlı debatlarda çıxış edib.
Bu barədə tanınmış alman jurnalisti Eliza Mibax rəsmi "X" hesabında məlumat verib.
Məlumatda qeyd edilir ki, nazir Muxtar Babayev çıxışı zamanı Azərbaycanda COP29-a hazırlıqla bağlı məlumat verib, ölkəmizin qlobal Şimal və Cənub ölkələri arasında bir körpü olmasını arzuladığını və bunun 2025-ci ildə Braziliyada keçirilməsi planlaşdırılan COP30 ərəfəsində gerçəkləşdirilməsini istədiyini söyləyib.
Xatırladaq ki, Almaniyanın Münxen şəhərində keçirilən beynəlxalq təhlükəsizlik konfransında Azərbaycandan bir çox dövlət rəsmiləri iştirak edir, müxtəlif görüşlər keçirirlər.
17-02-2024, 17:34
Aleksey Navalnının
cəsədi yoxa çıxdı
Aleksey Navalnının cəsədi itib.
Bu barədə siyasətçinin mətbuat katibi Kira Yarmış bildirib.
Onun sözlərinə görə, Navalnının anasına oğlunun cəsədinin Yamalo-Nenetsk Muxtar Dairəsinin Salexard şəhərində olduğu barədə rəsmi bildiriş verilib.
“Alekseyin anasına göndərilən rəsmi bildirişdə göstərilir ki, onun ölümü fevralın 16-da yerli vaxtla saat 14:17-də baş verib. Koloniyanın əməkdaşı Navalnının cəsədinin Salexardda olduğunu bildirib. İstintaq Komitəsinin müstəntiqləri onu aparıblar. Onlar hazırda bununla bağlı araşdırma aparırlar”, - deyə o, özünün “X” hesabında qeyd edib.
Yarmışın sözlərinə görə, Navalnının vəkili və anası Salexard morquna getsələr də, ora bağlı olub.
“Vəkil qapıda göstərilən telefon nömrəsinə zəng etdi. Ona dedilər ki, vəkil bu gün zəng edən yeddinci şəxsdir. Onların morqunda Alekseyin cəsədi yoxdur”, - deyə Yarmış əlavə edib.
Xatırladaq ki, fevralın 16-da günortadan sonra Rusiyanın Yamalo-Nenetsk Muxtar Dairəsi üzrə Federal Penitensiar Xidməti Navalnının 3 saylı cəzaçəkmə koloniyasında ölməsi barədə məlumat yayıb. Məlumata görə, o, gəzintidən sonra özünü pis hiss edib və huşunu itirib, gələn həkimlər reanimasiya tədbirlərindən sonra onun öldüyünü müəyyən ediblər.
17-02-2024, 17:28
Cavanşir Quliyevin səhhəti normallaşıb
Türkiyədə müalicə olunan əməkdar incəsənət xadimi, bəstəkar Cavanşir Quliyevin səhhəti normallaşıb.
Bu barədə “Report”a şəhid Mübariz İbrahimov adına məktəbin rəhbəri Aygün Həsənoğlu məlumat verib.
O bildirib ki, Cavanşir Quliyev müalicə olunduğu İstanbul Acıbadəm xəstəxanasında intensiv şəraitdən stasionar müalicəyə köçürülüb: “Reanimasiyadan palataya gətirlib. Bir neçə dəfə əmliyyat olunub, hazırda həkimlər səhhətinin yaxşılaşdığını və müalicələrə çox müsbət reaksiya verdiyini bildiriblər”.
Qeyd edək ki, fevralın 5-də İstanbulda işgüzar səfərdə olan sənətkarın səhhəti qəflətən pisləşib və o, Etfal Araşdırma Xəstəxanasına aparılıb, sonradan Acıbadəm Xəstəxanasına nəql edilib.
Bəstəkarın müalicəsinə Heydər Əliyev Fondu tərəfindən dəstək göstərilir.
17-02-2024, 16:52
Azərbaycan Ankarada keçirilən beynəlxalq forumda təmsil olunur
Türkiyənin Antaliya şəhərində 6-cı Etnoidman Forumu başlayıb.
Dünya Etnoidman Konfederasiyasının prezidenti Bilal Ərdoğan bildirib ki, ötən il keçirilməsi nəzərdə tutulsa da, 2023-cü il fevralın 6-da baş verən dəhşətli zəlzələlər səbəbilə forum təxirə salınıb.
"Dünyanın hər yerində, ənənələrini yaşayan və yaşadan cəmiyyətlərlə əlaqələrimizi yaxşılaşdırmaq üçün mübarizə aparırıq", - deyə o əlavə edib.
Forumun açılış mərasiminə Azərbaycan Gənclər və İdman naziri Fərid Qayıbovun rəhbərlik etdiyi nümayəndə heyəti də qatılıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!