Xəbərlərin siyahısı: Aprel 2024 illər » Səhifə 43

13-04-2024, 17:27

Almaniya səfirlərinin ailələri Tehranı tərk edirlər

İranın İsrailə mümkün hücumu ilə bağlı iddialara görə Almaniya səfirliyinin əməkdaşlarının ailə üzvləri Tehranı tərk edirlər.
Bu barədə “Bild” qəzeti məlumat yayıb.
İranı tərk edəcək Almaniya vətəndaşlarının dəqiq sayı məlum deyil.
Bundan başqa, Almaniyanın Tehran və Təl-Əvivdəki səfirlikləri əlavə təhlükəsizlik tədbirləri görür.
Daha əvvəl Almaniya Xarici İşlər Nazirliyi Almaniya vətəndaşlarına İranı mümkün qədər tez tərk etmələrinə çağırış edib.

Almaniya səfirlərinin ailələri Tehranı tərk edirlər

13-04-2024, 16:50

Almaniya Ukraynaya “Patriot” müdafiə sistemi göndərəcək

Almaniya tezliklə Ukraynaya öz ehtiyatlarından daha bir “Patriot” hava hücumundan müdafiə sistemi göndərəcək.
Bu barədə DPA Almaniya Müdafiə Nazirliyinə istinadən məlumat yayıb.
Qeyd edilib ki, indiyədək Ukrayna Almaniyadan iki “Patriot” sistemi alıb.

Almaniya Ukraynaya “Patriot” müdafiə sistemi göndərəcək

13-04-2024, 16:33

Şolts: “Bu, vaxtı gələndə baş verəcək”

Almaniya Kansleri Olaf Şolts Rusiya Prezidenti Vladimir Putinlə birbaşa danışıqların mümkünlüyünü istisna etməyib.
Bu barədə o, “Tageszeitung”a müsahibəsində bildirib.
Jurnalistin Putinlə danışıqların mümkünlüyü ilə bağlı sualını cavablandıran O.Şolts qeyd edib: “Bu, vaxtı gələndə baş verəcək”.
Onun sözlərinə görə, bunun baş verməsi üçün Rusiya tərəfindən müəyyən şərtlər yerinə yetirilməlidir:
“Rusiya diktə yolu sülhü əldə etməyin mümkün olmayacağını başa düşsə, Putin hərbi kampaniyanı dayandırmalı, qoşunlarını geri çəkməli olduğunu anlasa, bu baş verəcək”.

Şolts: “Bu, vaxtı gələndə baş verəcək”

13-04-2024, 15:58

Bu ölkədə nazir istefa verdi

Böyük Britaniyanın enerji təhlükəsizliyi və emissiyaların sıfır səviyyəsinə nail olunması strategiyası məsələləri üzrə naziri Qrem Stüart istefa verib.
Beverli və Holdernes bölgəsinin deputatı Qrem Stüart yerli məsələlərə diqqət yetirmək üçün belə bir addım atdığını açıqlayıb.
O, səkkiz il ərzində müxtəlif hökumət vəzifələrində çalışıb.
Qrem Stüartı sabiq nazir və Mühafizəkarlar partiyasının sədr müavini Castin Tomlinson əvəzləyib.

Bu ölkədə nazir istefa verdi

13-04-2024, 15:58

Bu ölkədə nazir istefa verdi

13-04-2024, 15:24

Gürcüstanda Rusiyaya görə etiraz aksiyası keçirildi

Gürcüstanın hakim “Gürcü Arzusu-Demokratik Gürcüstan” partiyasının Tbilisidəki qərargahı qarşısında etiraz aksiyası keçirilir.
Rusiya ilə münasibətlərin yaxşılaşdırılmasının tərəfdarı olan Mühafizəkarlar Hərəkatı/Alt-İnfo partiyasının minlərlə üzvü və tərəfdarı Gürcüstanın Milli Dövlət Reyestr Agentliyinin partiyanın qeydiyyatını ləğv etmək qərarına etiraz edirlər.
Xatırladaq ki, daha əvvəl Agentlik bu qərarı partiyanın qurultayında qəbul olunmuş nizamnamənin dövlət reyestrinə təqdim edilməməsi ilə izah edib.
Hazırda nümayişin keçirildiyi əraziyə polis qüvvələri səfərbər edilib.

Gürcüstanda Rusiyaya görə etiraz aksiyası keçirildi

13-04-2024, 15:15

Türkiyədə Beynəlxalq Mədəniyyət Yolu Festivalı başladı

Bu gündən etibarən Türkiyədə Beynəlxalq Mədəniyyət Yolu Festivalı başlayıb.
Noyabrın 10-dək davam edəcək festival çərçivəsində Türkiyənin müxtəlif vilayətlərində yeddi minə yaxın tədbir keçiriləcək.
Adana vilayətində start götürən festivalın açılış mərasimində çıxış edən Türkiyənin mədəniyyət və turizm naziri Mehmet Nuri Ersoy bildirib ki, bu gündən etibarən Adananın otuz fərqli nöqtəsində beş yüzədək tədbir keçiriləcək. Bu tədbirlərdə minə yaxın sənətçi çıxış edəcək.
Bundan sonra keçiriləcək Mədəniyyət Yolu festivallarında həm şəhər, həm də iştirakçı sayını artırmağı nəzərdə tutduqlarını qeyd edən nazir tədbirin 2028-ci ildə Türkiyənin 35 şəhərini əhatə etməsinin planlaşdırıldığını deyib.
Bu il ilk dəfə Beynəlxalq Portağal Çiçəyi Karnavalı ilə başlayan festivala süni intellekt vasitəsilə Türkiyənin Ulu Öndəri Mustafa Kamal Atatürkün canlandırılması, eləcə də Qaziantep Beynəlxalq Qastronomiya, Konya Mistik Musiqi, Nevşehir Kapadokya Hava Balonu festivalları kimi bir sıra digər yeniliklər də əlavə edilib.
Konsertlər, sərgilər, milli mətbəx, teatr, opera və balet tamaşaları, uşaqlar üçün əyləncələr və bu kimi bir çox fərqli tədbiri əhatə edən festivalın əsas məqsədi müxtəlif yaş və qrupdan insanları bir araya gətirərək, Türkiyənin şəhərlərini dünyada tanıdılması baxımından daha geniş auditoriyaya çatdırmaq, eyni zamanda mədəniyyət və incəsənət sahəsinə töhfə verməkdir.
Qeyd edək ki, Türkiyə Mədəniyyət Yolu dünyanın vaxt baxımından ən uzun zaman davam edən, eləcə də ən çox sənətçi və iştirakçısına ev sahibliyi edən festivalıdır.

Türkiyədə Beynəlxalq Mədəniyyət Yolu Festivalı başladı

13-04-2024, 14:59

Şəmkir su anbarındakı torlar yığışdırıldı

Dövlət Ekoloji Təhlükəsizlik Xidmətinin və Su Nəqliyyatında Baş Polis İdarəsinin əməkdaşları tərəfindən Şəmkir su anbarında torların yığışdırılması ilə bağlı növbəti tədbir keçirilib.
Dövlət Ekoloji Təhlükəsizlik Xidmətinin rəsmisi Bəhruz Məhəmmədov açıqlamasında bildirib ki, keçirilən tədbirlər zamanı sözügedən su hövzəsindən 850 metr uzunluğunda 9 ədəd sintetik tor götürülüb.
Məlum olduğu kimi aprel ayının 1-dən "Təmiz hövzələr" şüarı ilə start verilən aksiya çərçivəsində Şəmkir su anbarı ilə yanaşı, digər su hövzələrində də tədbirlər davam etdirilir.
“Layihəyə dəstək olaraq fəallıq nümayiş etdirən və su hövzələrində rast gəldikləri sintetik torlar barədə Xidmətə məlumat verən bütün vətəndaşlara təşəkkür edir, onları hövzələrin mühafizəsində daha aktiv iştirak etməyə, balıq ehtiyatlarının qorunmasına dəstək olmağa çağırırıq” - B.Məmmədov bildirib.
Qeyd edək ki, ötən gün su anbarında torların qurulması ilə bağlı görüntülər yayılmışdı.

Şəmkir su anbarındakı torlar yığışdırıldı

13-04-2024, 14:34

“Maşın bazarı”ndakı yanğın söndürüldü

Bakı şəhərinin Nizami rayonu, Babək prospektində yerləşən “Maşın bazarı” adlanan ərazidəki yanğının geniş sahəyə yayılmasına imkan verilməyib.
Bu barədə Fövqəladə Hallar Nazirliyindən məlumat verilib.
Qeyd edilib ki, nazirliyin Dövlət Yanğından Mühafizə Xidməti tərəfindən görülmüş zəruri və təxirəsalınmaz tədbirlər sayəsində “Maşın bazarı”ndakı yanğın qısa müddətdə tam söndürülüb.

“Maşın bazarı”ndakı yanğın söndürüldü

13-04-2024, 13:37

İsrail Livanın cənub-şərqinə aviazərbələr endirdi

İsrail hərbi aviasiyası səhər saatlarında Livanın cənub-şərqinə aviazərbələr endirib.
Bu addım həmin ərazinin “Hizbullah” terror təşkilatının dayaq məntəqələrindən biri olması ilə əsaslandırılıb.
Dağıntı və ya insan tələfatı barədə məlumat verilməyib.

İsrail Livanın cənub-şərqinə aviazərbələr endirdi