24-09-2024, 17:00
İsrail ordusu Beyruta zərbə endirdi
İsrail ordusu Livanın paytaxtı Beyruta yenidən zərbə endirib.
Bu barədə məlumatı İsrail Müdafiə ordusunun Mətbuat xidməti yayıb.
Bildirilib ki, zərbə ilə bağlı detallar daha sonra açıqlanacaq.
“Ynet” portalı isə zərbənin “Hizbullah” hərəkatının yerləşdiyi Dahiya bölgəsinə endirildiyini yazıb.
Xatırladaq ki, sentyabrın 23-də İsrail ordusu Livanda “Hizbullah” hərəkatının obyektlərinə aviazərbələr endirib. Nəticədə 558 nəfər həlak olub, daha 1835 nəfər isə yaralanıb.
24-09-2024, 16:45
Bakı-Sumqayıt qatarlarında yeni qiymətlər - TAM SİYAHI
“Azərbaycan Dəmir Yolları” QSC (ADY) Abşeron dairəvi marşrutu üzrə sərnişindaşımada tətbiq olunacaq yeni tarifləri açıqlayıb.
ADY-dən verilən məlumata görə, yeni tariflər bu ilin 25 sentyabr tarixindən qüvvəyə minir.
ADY-nin tətbiq etdiyi məsafə əsaslı tarif siyasətinə əsasən, sərnişinlər minimum 0,40 AZN ödəməklə mənzilbaşına çatacaq ki, bu da ölkədə ictimai nəqliyyat növləri arasında ən aşağı tarifdir. Ümumilikdə Abşeron dairəvi marşrutu üzrə gediş haqları məsafədən asılı olaraq 0,10–0,20 AZN arası artırılacaq.
Bütün bu yeniliklər beynəlxalq standartlara uyğun şəkildə həyata keçirilir və tətbiq olunan yeni qiymət siyasəti daha təhlükəsiz və keyfiyyətli xidmət təqdim etməyə yönəlib.
Bu ilin 25 sentyabr tarixindən tətbiq olunan yeni tarif cədvəlini təqdim edirik:
24-09-2024, 16:41
Azərbaycan və Ukrayna XİN başçıları regiondakı vəziyyəti müzakirə etdilər
Azərbaycan xarici işlər naziri Ceyhun Bayramov ABŞ-də BMT Baş Assambleyasının 79-cu sessiyası çərçivəsində ukraynalı həmkarı Andrey Sbika ilə görüşüb.
Bu barədə Azərbaycan Xarici İşlər Nazirliyindən bildirilib.
Qeyd olunub ki, tərəflər iki ölkə arasında əməkdaşlığın cari aspektləri və perspektivlərini müzakirə ediblər.
Onlar həmçinin münasibətlərin siyasi, iqtisadi, enerji, mədəni və humanitar aspektləri barədə danışıblar.
Nazirlər həmçinin regiondakı mövcud vəziyyət və Azərbaycanın COP29-a hazırlığı barədə fikir mabdiləsi aparıblar.
24-09-2024, 16:17
Azərbaycan diasporundan İsveçrə parlamentinə etiraz bəyanatı
İsveçrə Federal Məclisinin bir qrup deputatı tərəfindən İsveçrə hökumətinə ünvanlanan və məzmunca Azərbaycana qarşı qərəzli xarakter daşıyan sorğu İsveçrədə fəaliyyət göstərən Azərbaycan diaspor təşkilatları tərəfindən etirazla qarşılanıb.
İsveçrədəki Azərbaycan diaspor təşkilatları İsveçrə parlamentinə bununla əlaqədar bəyanatlar ünvanlayıblar. Bəyanatlarda hər iki dövlətin qarşılıqlı əlaqələrinin önəmi vurğulanıb. Cənubi Qafqazda sülhün əleyhinə olan qüvvələrin COP29-dan istifadə edərək öz məqsədlərinə çatmaq cəhdləri diqqətə çatdırılıb.
Cari ilin noyabr ayında keçiriləcək BMT-nin İqlim Dəyişmələri üzrə Çərçivə Konvensiyasının Tərəflər Konfransının (COP) 29-cu sessiyasının qlobal ekoloji problemlərin həlli istiqamətində töhfəsi ilə yanaşı regionda sülhün təminatı baxımından da vacibliyi qeyd olunub.
İsveçrə parlamentində səslənən “soyqırım” və “etnik təmizləmə” ittihamlarının reallığı əks etdirmədiyi vurğulanıb, bu tip ifadələrin İsveçrənin dövlət qurumlarında müzakirəsinin narahatvericiliyi bildirilib.
COP29-un xarici manipulyasiya üçün deyil, əsas iqlim məsələlərini həll etmək üçün vacib platforma olduğu xatırladılıb. İsveçrə parlamentinin üzvləri məsuliyyətli yanaşma nümayiş etməyə çağırılıb.
24-09-2024, 16:04
Zakir Həsənov italiyalı həmkarı ilə görüşüb
Ölkəmizdə keçirilən "ADEX" 5-ci Yubiley Azərbaycan Beynəlxalq Müdafiə Sərgisi çərçivəsində Azərbaycan müdafiə naziri general-polkovnik Zakir Həsənov İtaliya Respublikasının müdafiə naziri Quido Krosetto ilə görüşüb.
Bu barədə Azərbaycan Müdafiə Nazirliyindən bildirilib.
Qeyd olunub ki, görüşdə Azərbaycan və İtaliya arasında hərbi, hərbi-texniki sahədə əməkdaşlığın cari vəziyyəti müzakirə edilib və gələcəkdə daha da genişləndirilməsi ilə bağlı ətraflı fikir mübadiləsi aparılıb.
24-09-2024, 15:52
Dünya ölkələri məhsullarımızla yaxından maraqlanırlar
Azərbaycanda 1000-dən çox adda hərbi təyinatlı məhsul istehsal edilir.
Bu, Prezident İlham Əliyevin “ADEX-2024” 5-ci Yubiley Azərbaycan Beynəlxalq Müdafiə Sərgisinin və “Securex Caspian” 14-cü Beynəlxalq Daxili Təhlükəsizlik, Mühafizə və Xilasetmə Avadanlıqları Sərgisinin iştirakçılarına müraciətində qeyd edilib.
"Həm Azərbaycanın Silahlı Qüvvələri müasir silah növləri ilə təchiz edilir, həm də dünya ölkələrinin müdafiə sənayesi şirkətləri istehsal etdiyimiz məhsullarla yaxından maraqlanırlar. Bir çox dost və müttəfiq dövlətlərlə müdafiə sənayesi sahəsində yeni əməkdaşlıqlar qurulur, mövcud əlaqələr uğurla davam etdirilir. Azərbaycan müdafiə sənayesi sahəsində dinamik inkişafa nail olmaqla hərbi-texniki imkanlarını genişləndirir", - dövlət başçısı vurğulayıb.
Prezident qeyd edib ki, beynəlxalq ictimaiyyət tərəfindən tanınan ərazilərimizin işğaldan azad edilməsində müstəsna rol oynamış Azərbaycan hərbi sənaye kompleksinin gücü və qüdrəti, ölkəmizdə istehsal olunan müasir silahlar da “ADEX” sərgisi çərçivəsində nümayiş olunur. Təsadüfi deyil ki, istər 44 günlük Vətən müharibəsi, istərsə də lokal xarakterli antiterror əməliyyatları zamanı Azərbaycan Silahlı Qüvvələrinin döyüş təcrübəsi inkişaf etmiş ölkələrin hərbi mərkəzlərində bu gün diqqətlə öyrənilir.
24-09-2024, 15:48
Azərbaycan yeni minaatan istehsal edib
Azərbaycan yeni minaatan istehsal edib.
Çapı 60 mm minatan ilk dəfə bu gün Bakıda “ADEX-2024” 5-ci Yubiley Azərbaycan Beynəlxalq Müdafiə Sərgisində nümayiş etdirilib.
Minaatanın atış məsafəsi 2 400 metrdir. Bunun digər minaatanlardan fərqi çəkisinin az olması və rahatlıqla daşınmasıdır.
Minaatan artıq sınaqdan çıxarılaraq Azərbaycan Ordusunun istifadəsinə verilib.
24-09-2024, 15:12
Ərdoğan Pezeşkianla görüşdə nələrdən danışıb? - DETALLAR
Birləşmiş Millətlər Təşkilatının 79-cu Baş Assambleyasında iştirak etmək üçün ABŞ-a gedən İran prezidenti Məsud Pezeşkian ötən axşam Nyu-Yorkda Türkiyə prezidenti Rəcəb Tayyib Ərdoğanla görüşüb. Liderlərin ilk dəfə üz-üzə gəldiyi görüş Nyu-Yorkdakı Türk evində keçirilib.
İRNA agentlyi mətbuata qapalı keçən görüşün bəzi detallarını açıqlayıb.
İslam ölkələrinin daha yaxşı gələcəyi bizim aramızda birlik yaratmaq üçün uğurlu səydən asılıdır və belə birliyin kölgəsində Qəzzada baş verənlər kimi cinayətlərin heç vaxt şahidi olmayacağıq.
Məsud Pezeşkian Rəcəb Tayyib Ərdoğanla görüşündə İranın Türkiyə ilə qonşuluq və ortaq inanc əsasında bir-birinə qardaş ölkə olduğuna inandığını bildirib.
“Qardaşlığımıza sadiq qalsaq, İsrail heç vaxt belə cinayətlər edə bilməyəcək”, - Pezeşkian deyib.
İran prezidentinin sözlərinə görə, İsrail dünyanın gözü qarşısında uşaq və qadınları öldürdüyü, məktəbləri, xəstəxanaları, sığınacaqları bombaladığı halda, Amerika və bəzi Avropa ölkələri bu rejimin cinayətlərini özünümüdafiə kimi qələmə verir və faktiki olaraq onu dəstəkləyir.
Pezeçkian daha sonra bildirib ki, İran İslam Respublikası Türkiyə ilə bütün sahələrdə, xüsusilə regional təhlükəsizliyin təşviqi sahəsində əməkdaşlığı genişləndirməyə hazırdır:
“Region ölkələrinin başçıları ilə apardığım müzakirələrdə regional rabitə şəbəkəsinin yaradılmasını təklif etdim ki, onun ilkin şərti lazımi təhlükəsizlik şəraitinin təmin edilməsidir. Bu təklifin reallaşması üçün terrordan azad bir bölgə lazımdır”.
İran prezidenti region ölkələri arasında birliyin möhkəmləndirilməsinin vacibliyini vurğulayaraq deyib:
“Regionda böyük ümumi bazarın yaradılması, akademik, elmi və iqtisadi mübadilələr İslam dünyasının böyüklüyünü dünyaya göstərə bilər; İslam ölkələrinin daha yaxşı gələcəyi bizim aramızda birlik yaratmaq üçün uğurlu səydən asılıdır və belə birliyin kölgəsində Qəzzada törədilən cinayətlərə heç vaxt şahid olmayacağıq”.
Ərdoğan isə İrandakı kömür mədənindəbaş verən qəza ilə bağlı başsağlığı verib, İsrailin Livana hücumlarının genişlənməsindən narahatlığını dilə gətirib. “Bu gün dünya şahiddir ki, Netanyahunun Qəzzada atəşkəs və regionda sabitlik niyyəti yoxdur”, - o deyib.
Türkiyə prezidenti qeyd edib ki, qışın gəlişini və Qəzzada ağır humanitar vəziyyəti nəzərə alaraq, vaxt itirmədən danışıqlar aparılmalıdır.
Ərdoğan iki ölkə arasında təhlükəsizlik sahəsində əməkdaşlığın gücləndirilməsini, eləcə də iqtisadi sahədə, o cümlədən enerji sahəsində əməkdaşlığın qarşılıqlı faydası olduğunu deyib. O, Pezeşkianın regional rabitə şəbəkəsinin yaradılması təklifini müsbət dəyərləndirib.
24-09-2024, 15:04
Peskov: Müharibə bu şərtlə başa çatacaq
Kreml Ukrayna Prezidenti Volodimir Zelenskinin Rusiya-Ukrayna müharibəsinin çoxlarının düşündüyündən də başa çatmağa yaxın olduğu barədə sözlərini şərh edib.
Bu barədə Rusiya prezidentinin mətbuat katibi Dmitri Peskov bildirib.
“Bilirsiniz ki, istənilən müharibə bu və ya digər şəkildə sülhlə başa çatır. Ancaq hədəflərimizə çatmaq üçün heç bir alternativ yoxdur. Bu məqsədlərə bu və ya digər şəkildə nail olan kimi xüsusi hərbi əməliyyat başa çatacaq”, - o qeyd edib.
Qeyd edək ki, Zelenski Ukraynanın “qələbə planını” prezident Co Baydenə, Konqres üzvlərinə, həmçinin prezidentliyə namizədlər Kamala Harris və Donald Trampa təqdim etməyi planlaşdırır.
24-09-2024, 14:49
Türkiyənin müdafiə naziri Bakıda sərgi ilə tanış olub
Türkiyə milli müdafiə naziri Yaşar Gülər sentyabrın 24-də Bakı Ekspo Mərkəzində keçirilən V “ADEX-2024” Azərbaycan Beynəlxalq Müdafiə Sərgisi ilə tanış olub.
Bu barədə Türkiyə Milli Müdafiə Nazirliyi məlumat yayıb.
Bildirilib ki, Türkiyə hərbi rəhbərliyi sərgidə təqdim olunan texnikalara baxıblar.
Xatırladaq ki, Türkiyə nümayəndə heyəti V “ADEX-2024” sərgisində iştirak etmək üçün Azərbaycanda səfərdədir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!