Xəbərlərin siyahısı: İyun 2025 illər » Səhifə 32

16-06-2025, 22:42

İsrail Livana da zərbələr endirib

İsrail ordusu Tehrana yeni hücum dalğası xəbərləri ilə eyni vaxtda Livana zərbələr endirib.
Bu barədə İsrail ordusunun mətbuat xidməti məlumat verib.
Qeyd olunur ki, zərbə Livanın cənubundakı Hula şəhərinin yaxınlığına endirilib. Zərbənin məqsədinin "Hizbullah"ın silahlı qanadının üzvünü məhv etmək olduğu bildirilir. Zərbə nəticəsində onun məhv edildiyi qeyd olunub.

İsrail Livana da zərbələr endirib

16-06-2025, 22:39

Zaqatalada faciə: 5 yaşlı uşaq "Kamaz"ın altında qaldı

İyunun 16-da axşam radələrində Zaqatalanın Muxax kəndi ərazisində azyaşlının yük avtomobilinin altında qalması ilə bağlı hadisə baş verib.
Bu barədə Zaqatala Rayon Mərkəzi Xəstəxanasından məlumat verilib.
Bildiriblər ki, hadisə nəticəsində Muxax kənd sakini, 5 yaşlı Elman Sulxayev müxtəlif dərəcəli bədən xəsarətləri ilə Təcili Tibbi Yardım bölməsinə daxil olub. İlkin araşdırmalarla azyaşlının “Kamaz” markalı yük avtomobilinin altında qaldığı məlum olub.
Elman Sulxayevə ilkin tibbi yardım göstəriləndən sonra o, xəstəxananın cərrahiyyə şöbəsinə yönləndirilsə də, həkimlərin səyinə baxmayaraq, həyatını xilas etmək mümkün olmayıb.
Baş vermiş hadisə ilə bağlı rayon polis şöbəsində araşdırma başlanılıb.

Zaqatalada faciə: 5 yaşlı uşaq "Kamaz"ın altında qaldı

16-06-2025, 21:57

Qazaxda evə basqın edildi

İyunun 16-da naməlum şəxslər axşam saatlarında rayonun Qazaxbəyli kəndində yerləşən fərdi yaşayış evinə basqın edərək ev sahibindən hədə-qorxu ilə pul tələb edib.
Bu barədə Daxili İşlər Nazirliyinin Mətbuat Xidmətinin regional qrupundan bildirilib.
O, istəyinə nail ola bilmədikdə ev sahibinə kəsici-deşici alətlə, həyat yoldaşına isə küt alətlə xəsarət yetirərək hadisə yerindən qaçıb
Qazax Rayon Polis Şöbəsinin əməkdaşlarının keçirdikləri tədbirlərlə cinayət əməlini törətməkdə şübhəli bilinən 64 yaşlı Ələddin Nazarov müəyyən olunaraq saxlanılıb.
Faktla bağlı Cinayət Məcəlləsinin cinayət işi başlanılıb, istintaq hərəkətləri və digər zəruri araşdırmalar davam etdirilir.

Qazaxda evə basqın edildi

16-06-2025, 21:47

İranın iki qırıcısı belə məhv edildi

İsrail Ordusu İranın iki döyüş təyyarəsini vurub.
İsrail zərbənin görüntülərini paylaşıb.
Yayımlanan videoda ABŞ istehsalı olan F-14 "Tomcat" qırıcısının vurulma anı əks olunub.

İranın iki qırıcısı belə məhv edildi

16-06-2025, 21:36

Trampdan İranın danışıqlar təklifinə reaksiya

“İran danışıqlarda maraqlıdır. Lakin Tehran belə bir təşəbbüslə daha əvvəl çıxış etməli idi.”
Bunu ABŞ prezidenti Donald Tramp deyib.
"Mən vasitəçilərdən mesajlar almışam ki, İran danışıqlar aparmaq və gərginliyi azaltmaq istəyir. Amma bunu 60 gün bitməmiş etməli idilər. Onların 60 günü var idi və 61-ci gündə dedim ki, bizim heç bir razılaşmamız yoxdur. Onların razılaşmaya ehtiyacı var və bu, hər iki tərəf üçün ağrılıdır. Amma mən deyərdim ki, İran bu müharibədə qalib gəlmir və onlar danışıqlara indi, çox gec olmadan başlamalıdırlar. İran həqiqətən də danışıqlar aparmaq istəyirsə, indi vaxtıdır. Biz İsraili dəstəkləyirik və onlar indi yaxşı işlər görürlər.", - Tramp bildirib.

Trampdan İranın danışıqlar təklifinə reaksiya

16-06-2025, 21:18

Azərbaycanda dünya çempionatı keçiriləcək

Qış İdman Növləri Federasiyası tərəfindən Xizək Alpinizmi üzrə Dünya çempionatının Azərbaycanda keçirilməsi ilə bağlı Beynəlxalq Xizək Alpinizmi Federasiyasına (İSMF) ünvanlanan müraciətə əsasən, yarışın "Şahdağ"da keçirilməsi ilə bağlı qərar qəbul edilib və beynəlxalq federasiyanın yarış təqviminə salınıb.
Dünya çempionatının 2027-ci ilin 28 fevral-7 mart tarixlərində "Şahdağ" Turizm Mərkəzində keçirilməsi nəzərdə tutulur.

Azərbaycanda dünya çempionatı keçiriləcək

16-06-2025, 20:50

Netanyahu Xameneiyə sui-qəsdi istisna etmir

İsrailin Baş naziri Benyamin Netanyahu İranın ali lideri Əli Xameneiyə sui-qəsdi istisna etmir.
Bu barədə o, ABC telekanalına müsahibəsində deyib.
Netanyahu qeyd edib ki, bu addım münaqişəni gücləndirməyəcək, əksinə onu sakitləşdirəcək.

Netanyahu Xameneiyə sui-qəsdi istisna etmir

16-06-2025, 20:10

Lazım olan hər addımı atmağa hazırıq - Ərdoğan

Türkiyə İranla İsrail arasında münaqişəni dayandırmaq üçün diplomatik səylər göstərir.
Bunu Nazirlər Kabinetinin iclasından sonra Türkiyə Prezidenti Rəcəb Tayyib Ərdoğan bildirib:
“Cümə günündən bəri həm şəxsən, həm də xarici işlər nazirimiz qarşıdurmaları dayandırmaq üçün sıx diplomatik hərəkətlər həyata keçiririk”.
O qeyd edib ki, Türkiyə vasitəçilik də daxil olmaqla, lazım olan hər addımı atmağa hazırdır.

Lazım olan hər addımı atmağa hazırıq - Ərdoğan

16-06-2025, 19:44

Belarus vətəndaşları Azərbaycan vasitəsilə təxliyə olundu

“Astara” dövlət sərhədindən buraxılış məntəqəsində növbəti təxliyə prosesi uğurla başa çatdırılıb.
Bu dəfə təxliyə olunanlar Belarus Respublikasının vətəndaşlarıdır.
Təxliyə olunan şəxslər əvvəlcədən müəyyən olunmuş sənəd və qayda tələblərinə uyğun şəkildə sərhəd yoxlamasından keçiblər. Yoxlamalardan sonra onların ölkə ərazisində təhlükəsiz hərəkəti üçün müvafiq nəqliyyat vasitələri ayrılıb və qrup paytaxt Bakı istiqamətində yola salınıb.
Qeyd edək ki, bəzi xarici ölkələr Azərbaycan hökumətinə müraciət edərək, İranda olan vətəndaşlarının təxliyəsi üçün Azərbaycanın ərazisindən tranzit keçid şəraitində öz ölkələrinə qayıtmalarına yardım göstərilməsini xahiş edib.

Belarus vətəndaşları Azərbaycan vasitəsilə təxliyə olundu

16-06-2025, 19:21

İran televiziyası canlı yayımda vuruldu

İsrail İranın Dövlət Televiziyasının binasını vurub.
Hücum canlı yayım zamanı baş verib.
Görüntülər teleqram kanallarında paylaşılıb.
Xatırladaq ki, bundan əvvəl İsrailin müdafiə naziri İsrael Katz Tehranın Dövlət Televiziyasının binasının və bir sıra hərbi obyektlərin də yerləşdiyi 3-cü dairənin sakinlərini dərhal öz evlərini tərk etməyə çağırıb.

İran televiziyası canlı yayımda vuruldu