11-08-2024, 09:41
Rusiyadan Kiyevə hücum - Ölənlər və yaralananlar var
Rusiya Silahlı Qüvvələrinin Ukraynanın Kiyev vilayətinin Brovarı rayonuna raket hücumu zamanı mərmi qalıqlarının fərdi evlərin üzərinə düşməsi nəticəsində iki nəfər ölüb.
Bu barədə ölkənin Fövqəladə Vəziyyət üzrə Dövlət Xidməti teleqramda bildirib.
“Bu gecə Brovarı rayonunda fərdi yaşayış binalarının üzərinə raket parçaları düşüb. Üç nəfər ağır yaralanıb. Daha iki nəfər: 35 yaşlı kişi və onun 4 yaşlı oğlu binanın dağıntıları altında qalıblar. Təəssüf ki, onlar axtarış-xilasetmə əməliyyatları zamanı ölü tapılıb”, – Dövlət Xidməti diqqətə çatdırıb.
Qeyd edək ki, Rusiya Silahlı Qüvvələri avqustun 10-dan 11-nə keçən gecə Ukraynanın müxtəlif ərazilərinə ballistik raket və dron hücumu həyata keçirib.
11-08-2024, 09:28
Rusiyada meşə yanğınları şiddətlənir
Buryatiya ərazisində təxminən 550 hektar sahədə meşə yanğınları davam edir.
Bu barədə Rusiyanın Buryatiya Respublikası Meşə Təsərrüfatı Agentliyindən bildirilib.
Belə ki, Kurumkan, Mui və Şimal-Baykal bölgələrində 12 meşə yanğını baş verib. Qeyd olunub ki, hazırda 196 nəfər yanğının söndürülməsi üçün çalışır.
Yakutiyada isə 586 min hektardan çox ərazi yanır. Gün ərzində 1,5 min hektardan çox sahədə iki yanğın söndürülüb, beş yanğın isə 31,1 min hektar sahədə lokallaşdırılıb. Alovun qarşısını almaq üçün 1833 nəfər və 207 texnika cəlb olunub.
11-08-2024, 00:19
Ukrayna ordusu Rusiyanın daha bir şəhərinə girdi
Ukrayna hərbçilərinin Rusiyada daha bir kəndi ələ keçirməsi barədə görüntülər yayılıb.
Sosial şəbəkələrdə paylaşılan görüntülərdə ukraynalı hərbçilərin Rusiyanın Belqorod vilayətinin Poroz kəndində olduğu görünür.
Videoda görünən hərbçilər 252 saylı batalyonun Belqorod vilayətinin Poroz kəndində olduğunu bildirirlər. Video “Porozovski kənd klubu” yazısı olan binanın qarşısında çəkilib. Hərbçilər Ukrayna Silahlı Qüvvələrinin 252-ci batalyonunun və Gürcüstanın bayrağını tutur.
Belqorod vilayətinin qubernatoru Vyaçeslav Qladkov yerli rəsmilərlə görüşdən sonra Poroz kəndində vəziyyətlə bağlı “ziddiyyətli məlumatların” olduğunu bildirib.
“Bir tərəfdən hamımız kənd Mədəniyyət evinin fonunda çəkilmiş videonu gördük. Digər tərəfdən, yenicə gedən sakinlər düşməni görmədiklərini və heç bir atəş səsi eşitmədiklərini deyirlər”, - Qladkov teleqram kanalında yazıb.
O əlavə edib ki, ilkin məlumatlara görə, kənddə 10-a yaxın insan qalıb və “antiterror əməliyyatı” rejimi çərçivəsində Poroza giriş bağlanıb.
Qubernator qonşu Dunayka kəndində də vəziyyətin gərgin olduğunu deyib.
Qeyd edək ki, Ukrayna ordusunun Kursk vilayətində hücumu davam edir. Rusiya hakimiyyəti Ukrayna ilə həmsərhəd üç bölgədə “antiterror əməliyyatı” başlatdığını bildirib.
Bundan əvvəl Ukrayna ordusuna yaxın teleqram kanallarında Rusiyanın Sudja şəhərinin ələ keçirildiyi barədə xəbərlər və görüntülər paylaşılıb.
10-08-2024, 22:27
Türkiyədə instaqram bərpa edildi
Türkiyədə "Instagram" sosial şəbəkəsinə giriş bərpa edilib.
Bu barədə ölkənin nəqliyyat və infrastruktur naziri Abdulkadir Uraloğlu məlumat verib.
Onun sözlərinə görə, "Instagram" və ona sahib olan ABŞ-nin "Meta" şirkəti Ankaranın şərtlərini qəbul edib. Məhz bundan sonra Türkiyə tərəfi ölkə ərazisindən sosial şəbəkəyə giriş məhdudiyyətini aradan qaldırıb.
10-08-2024, 17:17
Türkiyədə yanğın - 5 hektar meşəyə ziyan dəydi
Türkiyənin Tokat bölgəsində Turhal rayonunda meşə sahəsində baş verən yanğın söndürülüb.
Yanğın zamanı təxminən 5 hektar meşə sahəsinə ziyan dəyib.
Rayonun Çamlık kəndində meşə sahəsində naməlum səbəbdən yanğın baş verib.
Bölgəyə sövq edilən Meşə Əməliyyat Müdirliyi qruplarının təxminən 3 saatlıq çalışması nəticəsində yanğın söndürülüb.
Yanğın zamanı təxminən 5 hektar meşə sahəsinə ziyan dəyib.
10-08-2024, 16:20
Pezeşkian yeni vitse-prezident təyin etdi
İran Prezidenti Məsud Pezeşkian yeni vitse-prezident təyin edib.
Hüseyn Afşin ölkənin texnologiya, iqtisadiyyat və fundamental elmlər üzrə vitse-prezidenti vəzifəsinə gətirilib.
Afşin 1981-ci ildə İranda anadan olub. O, Şərif Texnologiya Universitetinin professordur. Enerji, Su, Ətraf Mühit Elmləri və Texnoloji Tədqiqat İnstitutuna rəhbərlik edib. H.Afşin Maşınqayırma fakültəsində Elmi şuranın üzvüdür.
10-08-2024, 13:12
Paşinyan işə qayıdır - COP29-la bağlı qərar verəcək
Avqustun 12-də Ermənistan Baş naziri Nikol Paşinyanın məzuniyyəti başa çatır. O, işə qayıtdıqdan sonra hökumətdə bir sıra dəyişikliklər etməyi planlaşdırır.
Bu barədə Ermənistanın "Joğovurd" qəzetində dərc edilən məqalədə bildirilir.
Qəzet hökumətə yaxın mənbələrə istinadən yazır ki, Paşinyanın bir sıra məmurları işdən çıxaracağı və yenilərini təyin edəcəyi gözlənilir.
Nəşr, həmçinin bildirir ki, Paşinyan mətbuat konfransı keçirməyi, sülh müqaviləsi, konstitusiyanın dəyişdirilməsi ilə bağlı Azərbaycanın tələbləri barədə açıqlama verməyi planlaşdırır.
Məlumata əsasən Ermənistanın Bakıda keçiriləcək COP29 tədbirində iştirak edib-etməyəcəyi barədə də yekun qərar verilməlidir.
Qeyd edək ki, Azərbaycan Ermənistanı COP29-a dəvət edib. İrəvan hələlik tədbirdə iştirak edib-etməməcəyi barədə qərar verməyib.
10-08-2024, 11:15
Ukrayna ordusu Rusiyanın bu şəhərini ələ keçirdi
Ukrayna hərbçiləri Rusiyanın Kursk vilayətindən videolar yaymağa başlayıb.
Ukrayna ordusuna yaxın teleqram kanallarında Rusiyanın Sudja şəhərinin ələ keçirildiyi barədə xəbərlər və görüntülər paylaşılıb.
Axşam saatlarında teleqram kanallarında bir qrup ukraynalı əsgərin Sudjada "Qazprom" şirkətinin yerli filialının qapıları qarşısında bayraqla videosu yayılıb.
“Şəhər Ukrayna Silahlı Qüvvələrinin nəzarətindədir. Şəhər sakitdir, bütün evlər tamdır. Strateji obyekt - Sudja şəhərindəki "Qazprom" 61-ci briqadanın 99-cu motoatıcı batalyonu tərəfindən idarə olunur", - hərbçilərdən biri deyir.
Videoda atışma, partlayış və digər səslər eşidilmir. Cümə günü internetdə yayılan ikinci videoda ukraynalı əsgərin Lyubimovka kəndinin girişində dayandığı görünür. Bu kənd Sudjadan 20 km şimal-qərbdə, Ukrayna sərhədinin ən yaxın nöqtəsindən 8 km məsafədə məsafədə yerləşir. Maşından çəkilmiş üçüncü videoda Kursk vilayətinə daxil olan ukraynalı hərbçilər əks olunub.
Qeyd edək ki, "Qazprom" ofisi Sudjanın şimal kənarında yerləşir, bəzi rus hərbi təbliğat teleqram kanalları şəhərin şərq hissəsinin Rusiyanın nəzarəti altında qaldığını iddia edir.
Sudja şəhərinin meri Vitali Slaşçev "TASS" agentliyinə bildirib ki, şəhər Ukrayna Silahlı Qüvvələrinin nəzarəti altında deyil. “Təxliyə gedir, Sudja bizimdir”, - o qeyd edib.
Qeyd edək ki, Ukrayna ordusunun bir neçə gün əvvəl Rusiyanın Kursk vilayətinə daxil olduğu, bölgədə döyüşlər getdiyi bildirilir. Ukrayna tərəfi döyüşlərlə bağlı rəsmi mövqe bildirməyib. Ancaq Ukrayna Prezidenti Volodimir Zelenski xalqa müraciəti zamanı Rusiyanın müharibəni hiss etməli olduğunu vurğulayıb. “Ukraynalılar öz məqsədlərinə necə çatacaqlarını bilirlər. Və müharibədə məqsədlərimizə çatmağı seçən biz deyildik. Rusiya torpağımıza müharibə gətirib və nə etdiyini hiss etməlidir”, – Ukrayna lideri qeyd edib. Vladimir Putin isə Ukraynanın hücumunu “böyük təxribat” kimi qiymətləndirib.
Rusiyanın Milli Antiterror Komitəsi Kursk, Bryansk və Belqorod vilayətlərində “antiterror əməliyyatı rejimi”nin tətbiq edildiyini açıqlayıb. Kursk vilayətinin regional mərkəzi olan Rılsk bölgəsində əhal təxliyə edilir.
9-08-2024, 17:40
Kursk döyüşü: Rusiyanın hərbi karvanı məhv edildi, onlarla ölü və yaralı var
Ukrayna ordusu Rusiyanın Kursk vilayətində hərbi maşın karvanını atəşə tutub.
Bu barədə Ukrayna və Rusiyaya məxsus teleqram kanallarında məlumat yayılıb.
Məlumata görə, zərbələr nəticəsində 26 nəfər hərbi qulluqçu ölüb, 100-dən çoxu isə yaralanıb. Hücumun ABŞ istehsalı HIMARS raket sistemi ilə həyata keçirildiyi qeyd olunur. Məlumata görə, Rusiya tərəfindən döyüşən bir batalyon sıradan çıxarılıb.
Zərbələr nəticəsində sıradan çıxan hərbi karvanın görüntüləri də yayılıb. "BBC Verify" platforması görünütlərin Kurskda çəkildiyini təsdiqləyib. Qeyd olunur ki, görüntülər Kursk vilayətinin Rılsk bölgəsinin Oktyabrskoye kəndi yaxınlığında lentə alınıb.
Qeyd edək ki, Ukrayna ordusunun bir neçə gün əvvəl Rusiyanın Kursk vilayətinə daxil olduğu, bölgədə döyüşlər getdiyi bildirilir. Döyüşlərin Kursk vilayətində yerləşən Sudja yaşayış məntəqəsində getdiyi qeyd olunur. Bu şəhər Rusiya qazının Ukrayna üzərindən Avropaya ixracı üçün son əməliyyat daşıma məntəqəsidir. Burada cəmi 60 km aralıda Rusiyanın Kursk atom elektrik stansiyası yerləşir. Rusiyalı hərbi bloqçular Ukraynanın yeni cəbhə açdığını iddia edib və gərgin döyüşlər olduğunu bildiriblər.
Ukrayna tərəfi döyüşlərlə bağlı rəsmi mövqe bildirməyib. Ancaq Ukrayna Prezidenti Volodimir Zelenski xalqa müraciəti zamanı Rusiyanın müharibəni hiss etməli olduğunu vurğulayıb.
“Ukraynalılar öz məqsədlərinə necə çatacaqlarını bilirlər. Və müharibədə məqsədlərimizə çatmağı seçən biz deyildik. Rusiya torpağımıza müharibə gətirib və nə etdiyini hiss etməlidir”, – Ukrayna lideri qeyd edib.
Putin isə ötən gün Ukraynanın hücumunu “böyük təxribat” kimi qiymətləndirib.
9-08-2024, 17:40
Kursk döyüşü: Rusiyanın hərbi karvanı məhv edildi, onlarla ölü və yaralı var
Ukrayna ordusu Rusiyanın Kursk vilayətində hərbi maşın karvanını atəşə tutub.
Bu barədə Ukrayna və Rusiyaya məxsus teleqram kanallarında məlumat yayılıb.
Məlumata görə, zərbələr nəticəsində 26 nəfər hərbi qulluqçu ölüb, 100-dən çoxu isə yaralanıb. Hücumun ABŞ istehsalı HIMARS raket sistemi ilə həyata keçirildiyi qeyd olunur. Məlumata görə, Rusiya tərəfindən döyüşən bir batalyon sıradan çıxarılıb.
Zərbələr nəticəsində sıradan çıxan hərbi karvanın görüntüləri də yayılıb. "BBC Verify" platforması görünütlərin Kurskda çəkildiyini təsdiqləyib. Qeyd olunur ki, görüntülər Kursk vilayətinin Rılsk bölgəsinin Oktyabrskoye kəndi yaxınlığında lentə alınıb.
Qeyd edək ki, Ukrayna ordusunun bir neçə gün əvvəl Rusiyanın Kursk vilayətinə daxil olduğu, bölgədə döyüşlər getdiyi bildirilir. Döyüşlərin Kursk vilayətində yerləşən Sudja yaşayış məntəqəsində getdiyi qeyd olunur. Bu şəhər Rusiya qazının Ukrayna üzərindən Avropaya ixracı üçün son əməliyyat daşıma məntəqəsidir. Burada cəmi 60 km aralıda Rusiyanın Kursk atom elektrik stansiyası yerləşir. Rusiyalı hərbi bloqçular Ukraynanın yeni cəbhə açdığını iddia edib və gərgin döyüşlər olduğunu bildiriblər.
Ukrayna tərəfi döyüşlərlə bağlı rəsmi mövqe bildirməyib. Ancaq Ukrayna Prezidenti Volodimir Zelenski xalqa müraciəti zamanı Rusiyanın müharibəni hiss etməli olduğunu vurğulayıb.
“Ukraynalılar öz məqsədlərinə necə çatacaqlarını bilirlər. Və müharibədə məqsədlərimizə çatmağı seçən biz deyildik. Rusiya torpağımıza müharibə gətirib və nə etdiyini hiss etməlidir”, – Ukrayna lideri qeyd edib.
Putin isə ötən gün Ukraynanın hücumunu “böyük təxribat” kimi qiymətləndirib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!