Dünya » Səhifə 29

1-06-2025, 18:01

Ukrayna Quru qoşunlarının komandanı istefa verdi

Ukrayna Quru qoşunlarının komandanı Mixaylo Drapatiy ordunun təlim bölməsinə hücumdan sonra istefa qərarını açıqlayıb.
Bu barədə o, özünün "Telegram" kanalında məlumat verib.
"Mən Ukrayna Quru qoşunlarının komandanı vəzifəsindən istefa verməyimlə bağlı hesabat təqdim etmək qərarına gəldim. Bu, faciəyə görə şəxsi məsuliyyət hissimin diktə etdiyi şüurlu addımdır", - o yazıb.
Qeyd edək ki, bu gün səhər saatlarında Ukrayna Quru qoşunlarının təlim bölmələrindən birinə raket zərbəsi endirilib. Nəticədə 12 hərbçi həlak olub, 60-dan çoxu yaralanıb.

Ukrayna Quru qoşunlarının komandanı istefa verdi

1-06-2025, 17:00

Ukraynadan Rusiyaya böyük zərbə - Təyyarələrini yandırdılar

Ukraynanın pilotsuz təyyarələri Rusiya bombardmançı təyyarələrinin məhv edilməsi üzrə Təhlükəsizlik Xidmətinin “Pauçina” xüsusi əməliyyatı çərçivəsində bu ölkənin hərbi aerodromlarına hücum edib.
40-dan çox təyyarə, o cümlədən A-50, Tu-95 və Tu-22 M3 məhv edilib.
Hücumlar Murmansk vilayətindəki “Olenya”, İrkutsk vilayətindəki “Belaya” aerodromlarına və başqalarına edilib.
Hesablamalara görə, Rusiya aviasiyasının itkiləri 2 milyard dollardan çox ola bilər.
“İnterfaks-Ukrayna” qeyd edib ki, hazırda “Belaya”, “Dyaqilevo”, “Olenya” və “İvanovo” aerodromlarında təyyarələr yanır. “Malyukun (Ukrayna Təhlükəsizlik Xidmətinin rəhbəri Vasil Malyuk – red.) sayəsində Rusiya Federasiyası indi “demilitarizasiya” sözünün əsl mənasını başa düşür”, - agentliyin mənbəyi bildirib.

Ukraynadan Rusiyaya böyük zərbə - Təyyarələrini yandırdılar

1-06-2025, 16:10

İŞİD liderlərindən biri saxlanıldı

Türkiyə və Pakistan kəşfiyyat xidmətlərinin keçirdiyi əməliyyat nəticəsində Pakistan-Əfqanıstan sərhədində İŞİD liderlərindən biri saxlanılıb.
Türkiyə və Pakistan kəşfiyyat xidmətlərinin Pakistan - Əfqanıstan sərhədində keçirdiyi birgə əməliyyat zamanı “narıncı kateqoriya” ilə axtarışda olan İŞİD liderlərindən biri Özgür Altun saxlanılıb.
Qeyd olunub ki, Türkiyənin Milli Kəşfiyyat Təşkilatının (MİT) işi nəticəsində qrupun bu ölkəyə qarşı fəaliyyət planları pozulub, İŞİD-ə cəlb olunma deşifrə edilib, təşkilata aid rəqəmsal materiallar, eləcə də fəaliyyət planları ələ keçirilib.

İŞİD liderlərindən biri saxlanıldı

1-06-2025, 15:52

Humanitar yardım məntəqəsində onlarla fələstinli öldürüldü

İsrail hərbçilərinin Qəzza zolağında humanitar yardımın paylanılması məntəqəsini atəşə tutması nəticəsində 31 fələstinli həlak olub, daha 170 nəfər yaralanıb.
Bu barədə səhiyyə rəsmiləri və çoxsaylı şahidlərə istinadən "Associated Press" agentliyi məlumat yayıb.
Məlumata görə, iyunun 1-də səhər saatlarında İsrailin hərbi qüvvələri Rəfahın qərbindəki əl-Məvasi bölgəsində yemək üçün gedən yüzlərlə insana zirehli texnikadan birbaşa atəş açıb.
Öz növbəsində, Fələstinin WAFA agentliyi 30 insanın öldüyünü və 115-dən çox yaralının olduğunu bildirib.
Agentliyin məlumatına görə, İsrailin 2023-cü ilin oktyabr ayından Qəzza zolağında davam etdirdiyi əməliyyatlar nəticəsində azı 54 381 nəfər ölüb, 124 381 nəfərdən çox insan yaralanıb.

Humanitar yardım məntəqəsində onlarla fələstinli öldürüldü

1-06-2025, 15:22

Rusiyadan Ukraynanın təlim bölməsinə zərbə - 12 ölü, onlarla yaralı

Rusiya Ordusununın Ukrayna Quru Qoşunlarının təlim bölməsinə endirdiyi zərbə nəticəsində 12 nəfər ölüb, 60 nəfər yaralanıb.
Bu barədə “RBC-Ukrayna” Quru Qoşunlarına istinadən məlumat yayıb.
"Bu gün, iyunun 1-də düşmən Ukrayna Quru Qoşunlarının təlim bölmələrindən birinin yerləşdiyi yerə raket zərbəsi endirib. Təəssüf ki, ölən və yaralanan hərbçilər var", - məlumatda deyilir.
Hərbçilər qeyd ediblər ki, heç bir birləşmə və ya şəxsi heyətin kütləvi toplantısı keçirilməyib.
"Hava hücumu həyəcanı elan edildikdən sonra şəxsi heyətin əksəriyyəti sığınacaqlarda olub. Zərərçəkənlərə bütün lazımi zəruri tibbi yardım göstərilir", - Quru Qoşunlarından əlavə olunub.
Şəxsi heyətin itkilərinin bütün hallarını və səbəblərini aydınlaşdırmaq üçün Quru Qoşunları komandanlığında komissiya yaradılıb və daxili araşdırmaya göstəriş verilib.

Rusiyadan Ukraynanın təlim bölməsinə zərbə - 12 ölü, onlarla yaralı

1-06-2025, 14:22

Türkiyədə iki zəlzələ

Türkiyənin Bingöl əyalətində iki zəlzələ baş verib.
Bu barədə AFAD məlumat yayıb.
Yeraltı təkanların 4,4 və 3,6 gücündə qeydə alındığı bildirilib.

Türkiyədə iki zəlzələ

1-06-2025, 14:07

Rusiyada dəmir yolunda daha bir partlayış

Rusiyanın Bryansk vilayətində dəmir yolunda növbəti partlayış baş verib.
Yerli medianın yaydığı ilkin məlumatlara görə, hadisə Moskva vaxtı ilə saat 11 radələrində Uneça-Jeça sahəsində qeydə alınıb.
Məlumata görə, hadisə baş verən vaxt oradan yolölçmə qatarı keçirmiş. Xəsarət alan yoxdur, qatar zədələnməyib.

Rusiyada dəmir yolunda daha bir partlayış

1-06-2025, 13:11

Putin və Paşinyan telefonla danışdılar

Rusiya prezidenti Vladimir Putin və Ermənistan Baş naziri Nikol Paşinyan arasında telefon danışığı olub.
Bu barədə Ermənistan Respublikasının baş nazirinin mətbuat xidməti məlumat yayıb.
Bildirilib ki, telefon danışığı zamanı Rusiya Federasiyasının prezidenti və Ermənistanın baş naziri ikitərəfli münasibətləri və regiondakı vəziyyəti müzakirə ediblər.

Putin və Paşinyan telefonla danışdılar

1-06-2025, 10:50

Türkiyəli nazir Zəngəzur dəhlizindən danışdı

Zəngəzur dəhlizi Orta Dəhlizə dəstək olacaq.
Bunu Türkiyənin nəqliyyat və infrastuktur naziri Abdulkadir Uraloğlu “Beynəlxalq dəhlizlər və Türkiyə” konfransında çıxışında deyib.
Nazir həmçinin Orta dəhlizin Türkiyə üçün əhəmiyyətli olduğunu qeyd edib.
Uraloğlu Zəngəzur dəhlizi çərçivəsində Dilucu ilə Qars arasındakı dəmir yolu xəttinin tenderini həyata keçirildiyini açıqlayıb.

Türkiyəli nazir Zəngəzur dəhlizindən danışdı

1-06-2025, 10:36

Rusiya Zaporojyeni dronlarla vurdu - Yaralılar var

Bu gün səhər Rusiya silahlı qüvvələri Ukraynanın Zaporojye vilayətini ən azı yeddi "Şahed" dronu ilə hücuma məruz qoyub.
Bu barədə Zaporojye Vilayət Hərbi Administrasiyasının rəhbəri İvan Fedorov məlumat verib.
"Zaporojyedə kritik infrastruktur obyektinə hücum ediblər. Nəticədə inzibati bina qismən dağılıb və ərazidə yanğın baş verib", - deyə Fedorov bildirib.
Onun sözlərinə görə, Rusiya tərəfi həmçinin şəxsi evlərin yerləşdiyi ərazilərə zərbələr endiriblər. Bir ev dağıdılıb və hadisə yerində yanğın baş verib. Nəticədə bir qadın xəsarət alıb.
Fedorov ümumilikdə Poloji rayonu və Zaporojyedə hadisə nəticəsində dörd nəfərin yaralandığını bildirib.

Rusiya Zaporojyeni dronlarla vurdu - Yaralılar var