Dünya » Səhifə 33

21-09-2025, 18:03

Polşa ilə döyüşmək istəmirik - Xrenin

Belarus tərəfi Polşa ilə münasibətlərdə gərginliyin azaldılmasında maraqlıdır və qonşuları ilə döyüşmək istəmir.
Bunu Belarus müdafiə naziri Viktor Xrenin deyib.
“Biz görürük ki, Polşa hərbçilərinin hərəkət kursu siyasi rəhbərliyin sözlərindən bir qədər fərqlidir. Təbii ki, biz hərbi gərginliyin, xüsusən də müharibə ilə bağlı gərginliyin azalmasında maraqlıyıq. Polşa bizim qonşumuzdur. Prezidentimizin dediyi kimi, siz qonşularınızı seçmirsiniz. Biz onlarla döyüşmək istəmirik”, - Xrenin bildirib.

Polşa ilə döyüşmək istəmirik - Xrenin

21-09-2025, 11:21

Gürcüstan Prezidenti ABŞ-yə getdi

Gürcüstan Prezidenti Mixail Kavelaşvili Amerika Birləşmiş Ştatlarına səfər edib.
O, Nyu-Yorkda keçiriləcək BMT Baş Assambleyasının 80-ci sessiyasında çıxış edəcək.
Səfər çərçivəsində yüksək səviyyəli ikitərəfli görüşlər planlaşdırılıb. Mixail Kavelaşvili həmçinin BMT-nin Baş katibi Antoniu Quterreşlə görüşəcək.
Gürcüstan Prezidenti ABŞ Prezidenti Donald Tramp və xanımı Melaniya Trampın Baş Assambleyada iştirak edən nümayəndə heyətlərinin rəhbərləri üçün təşkil etdikləri rəsmi qəbula da qatılacaq.
Mixail Kavelaşvilinin ABŞ səfəri 21–26 sentyabr tarixlərini əhatə edəcək.

Gürcüstan Prezidenti ABŞ-yə getdi

21-09-2025, 11:17

Rusiya Ukraynanın 19 PUA-sını vurdu

Rusiya hava hücumundan müdafiə sistemləri gecə ərzində Ukraynaya məxsus 19 pilotsuz uçuş aparatını (PUA) zərərsizləşdirib.
Bu barədə Rusiya Müdafiə Nazirliyi məlumat yayıb.
Nazirlikdən verilən məlumata görə, PUA-lar Krım, Bryansk, Kursk vilayətləri və Qara dəniz üzərində aşkarlanaraq məhv edilib.

Rusiya Ukraynanın 19 PUA-sını vurdu

21-09-2025, 11:02

Peruda etirazçılarla polis arasında toqquşma

Peruda etiraz aksiyası zamanı kütləvi iğtişaşlar baş verib.
Bu barədə AFP məlumat yayıb.
Perunun paytaxtı Limada gənclər "Z nəsli prezident Dina Boluarteyə qarşı" şüarı ilə etiraz aksiyası keçirib.
Hökumət və parlament qərarlarında şəffaflıq tələb edən etirazçılar pensiya islahatını rədd ediblər.
Qarşıdurma zamanı etirazçılar hökumət binalarını ələ keçirməyə cəhd ediblər. Polis gözyaşardıcı qazdan və rezin güllələrdən istifadə edib. Həbslər və yaralananlar olub.
Xatırladaq ki, sentyabrın əvvəlində Nepalda "Z nəsli inqilabı" baş verib. Kütləvi iğtişaşlar ölkədə əsas sosial media və media vasitələrinə məhdudiyyətlər qoyulduqdan sonra başlayıb.
Aksiyalar zamanı Baş Prokurorluq və paytaxtın rayon məhkəməsi hücuma məruz qalıb. Etirazçılar maliyyə naziri Prasad Paudalı döyüblər, sonra isə keçmiş baş nazir Şer Bahadur Deubanın evinə soxulublar. O, Xarici İşlər Nazirliyinin rəhbəri olan həyat yoldaşı Arzu Rana Deuba ilə birlikdə döyülüb.

Peruda etirazçılarla polis arasında toqquşma

21-09-2025, 10:25

Britaniya qırıcıları Polşa səmasında

Britaniya Hərbi Hava Qüvvələrinin qırıcı təyyarələri Polşa üzərində patrul uçuşlarına başlayıb. Bu, NATO-nun “Şərq keşikçisi” missiyası çərçivəsində ölkənin hava məkanının qorunmasına yönəlmiş ilk uçuş olub.
Böyük Britaniya hökumətinin saytında dərc olunan məlumata görə, missiya bu ay Rusiya pilotsuz uçuş aparatlarının hava məkanını pozmasından sonra alyansın müdafiəsini gücləndirməyə xidmət edir.
Məlumatda bildirilir ki, cümə günü axşam saatlarında Britaniyanın şərqində yerləşən hərbi bazadan qalxan iki "RAF Typhoon" qırıcısı Polşa üzərində patrul uçuşu həyata keçirib. Onların məqsədi Rusiya tərəfindən yarana biləcək hava təhdidlərinin, o cümlədən pilotsuz aparatların qarşısını almaq olub. Təyyarələr şənbə günü səhər tezdən Britaniyaya qayıdıblar.

Britaniya qırıcıları Polşa səmasında

21-09-2025, 10:10

Türkiyədə zəlzələ oldu

Türkiyənin Simav bölgəsində 4,2 bal gücündə zəlzələ qeydə alınıb.
Bu barədə ölkənin Fövqəladə Halların İdarə Olunması Agentliyinin (AFAD) rəsmi internet saytında məlumat yayıb.
Zəlzələnin 9,49 kilometr dərinlikdə baş verdiyi müəyyən edilib.

Türkiyədə zəlzələ oldu

21-09-2025, 09:55

İsrail İordan çayının sahilinə əlavə qüvvələr yerləşdirir

İsrail Müdafiə Qüvvələri (IDF) Yəhudi bayram mövsümü ərəfəsində Qərb Sahilindəki mövcudluğunu gücləndirəcək.
İsrail ordusunun verdiyi məlumata görə, artan təhlükəsizlik riskləri səbəbindən bölgəyə əlavə səkkiz hərbi rota yerləşdiriləcək.
Əlavə rotalar bu gün yerləşdiriləcək və oktyabrın ortalarına qədər – bayramlar bitənədək orada qalacaq.

İsrail İordan çayının sahilinə əlavə qüvvələr yerləşdirir

21-09-2025, 09:40

Tramp Əfqanıstanı hədələdi

ABŞ prezidenti Donald Tramp bəyan edib ki, əgər ölkə hakimiyyəti "Baqram" aviabazasına nəzarəti ABŞ-yə qaytarmaqdan imtina edərsə, Əfqanıstan nəticələrlə üzləşəcək.
Bu barədə Amerika lideri "Truth Social"da yazıb.
"Əgər Əfqanıstan Baqram aviabazasını onu tikənlərə, yəni Amerika Birləşmiş Ştatlarına qaytarmasa, pis nəsə baş verəcək", - Vaşinqton administrasiyasının rəhbəri qeyd edib.
Sentyabrın 19-da Tramp ABŞ rəsmilərinin Əfqanıstan nümayəndələri ilə hava bazası ilə bağlı məsələləri müzakirə etdiyini açıqlayıb. O, Vaşinqtonun obyektə nəzarəti bərpa etməyə cəhd etdiyini bildirib.

Tramp Əfqanıstanı hədələdi

21-09-2025, 00:09

Uşaqlar Ağrı dağının Ermənistanda olmadığını bilmirlər - Paşinyan

Ermənistanın baş naziri Nikol Paşinyan erməni uşaqların Ağrı dağının ərazi mənsubiyyəti barədə məlumatsız olmalarından danışıb.
Bu barədə Ermənistan mediası məlumat yayıb.
"Mən uşaqlardan Ermənistanda ən hündür dağın hansı olduğunu soruşdum. Uşaqların 70%-i Ararat (Ağrı dağı - red.) cavabını verdilər. Onlar bu dağın Ermənistan ərazisində olmadığını belə bilmirlər. Hətta bizimlə, ermənilərlə ünsiyyətdə olan bir çoxları da bunu bilmir, çünki biz bunu belə təqdim edirik. Onlar sonradan təəccüblənirlər ki, məgər bu dağ Ermənistan ərazisində yerləşir? Belə halda bizim barəmizdə nə düşünürlər?" - deyə baş nazir bildirib.
Paşinyan vurğulayıb ki, bir çox erməni, o cümlədən də yaşlılar Ağrı dağının Türkiyə ərazisində olduğunu dərk etmir.

Uşaqlar Ağrı dağının Ermənistanda olmadığını bilmirlər - Paşinyan

20-09-2025, 23:51

Rusiyaya qarşı Türkiyə sistemi istifadə ediləcək

Polşa və Rumıniya son vaxtlar Rusiya pilotsuz uçuş aparatlarının NATO məkanını pozması halları fonunda Türkiyədə istehsal olunan “Merops” (Multispectral Extended Range Optical Sight) hava nəzarət sistemindən istifadə etməyi planlaşdırır.
Bu sistemin operatorlarının hazırlanması mərhələsində Ukraynanın da iştirakı nəzərdə tutulur.
“Merops” helikopterlərə montaj oluna bilər, buludlu hava şəraitində belə düşmən obyektlərini aşkar etmə qabiliyyətinə malikdir. Bu sistem ilk dəfə 2022-ci ildə ictimaiyyətə təqdim edilib.

Rusiyaya qarşı Türkiyə sistemi istifadə ediləcək