15-03-2026, 19:34
Müsəlmanları təhqir edən qadın həbs edildi
Türkiyənin Burdur əyalətinin sakini Qamze Gökçeye qarşı vətəndaşların dini hisslərini təhqir etmək barədə ittiham irəli sürülüb və o, məhkəmənin qərarı ilə həbs olunub.
Özünü “yazıçı” adlandıran Gökçe sosial mediada müsəlmanların müqəddəs Ramazan ayını tənqid edən, insanları namazdan çəkinməyə çağıran və orucun “mənasız” olduğunu bildirən video paylaşıb.
Qamzenin Qurban bayramı zamanı heyvanların kəsilməsinin “lazımsız qətl ayini” olduğu barədə iddiası da sosial media istifadəçilərinin tənqidinə səbəb olub. O, həmçinin bu paylaşım ilə bağlı qəzəb dolu şərhlər yazan insanları təhqir edib.
Gökçenin həbs qərarı martın 15-də, İslamofobiya ilə Mübarizə Günündə verilib.
Türkiyənin ədliyyə naziri Akın Gürlek bazar günü müvafiq açıqlama verib. Nazir cəmiyyətdə, o cümlədən dini zəmində nifaq salmaq cəhdlərinin yolverilməzliyini vurğulayıb və islamofobiya təzahürlərini pisləyib.
15-03-2026, 19:07
Tayvan ətrafında gərginlik: Çin 26 döyüş təyyarəsi göndərdi
Tayvan Müdafiə Nazirliyi adanın ətrafında Çin ordusuna məxsus 26 döyüş təyyarəsi və 7 hərbi gəminin müşahidə edildiyini açıqlayıb.
Nazirliyin yaydığı məlumata görə, həmin uçuş aparatlarının 16-sı Tayvanın hava hücumundan müdafiə identifikasiya zonasına (ADIZ) daxil olub.
Rəsmi açıqlamada bildirilib ki, Çin hərbi təyyarələri Tayvanın şimal, mərkəzi və cənub-qərb istiqamətlərində fəaliyyət göstərib. Tayvan Silahlı Qüvvələri vəziyyəti yaxından izləyib və buna cavab olaraq hava patrul təyyarələri, dəniz qüvvələri və hava hücumundan müdafiə sistemləri hazır vəziyyətə gətirilib.
Nazirlik vurğulayıb ki, Çin hərbi aktivliyi son dövrlərdə regionda təhlükəsizlik gərginliyini artıran əsas amillərdən biri kimi qiymətləndirilir. Taypey administrasiyası Pekinin bu cür addımlarını təzyiq və hərbi güc nümayişi kimi dəyərləndirir.
Son illərdə Çin ordusunun Tayvan ətrafında tez-tez hərbi təlimlər keçirməsi və döyüş təyyarələrinin ADIZ zonasına daxil olması regionda gərginliyin artmasına səbəb olur. Pekin Tayvanı öz ərazisinin bir hissəsi hesab edir və adanın müstəqillik yönümlü siyasətinə qarşı çıxır. Tayvan isə faktiki olaraq müstəqil idarəetmə sisteminə malikdir və öz təhlükəsizliyini qorumaq üçün hərbi hazırlığını davam etdirir.
Geosiyasi baxımdan Tayvan boğazı Asiya-Sakit okean regionunda ən həssas təhlükəsizlik nöqtələrindən biri sayılır və burada baş verən hərbi aktivlik beynəlxalq ictimaiyyət tərəfindən diqqətlə izlənilir.
15-03-2026, 18:55
İran bu raketi ilk dəfə istifadə etdi
Bu müharibə ərzində İran ilk dəfə İsrailə qarşı “Sacil” raketindən istifadə edib.
Bu barədə İslam İnqilabı Keşikçiləri Korpusu məlumat yayıb.
Qeyd edilib ki, “Doğru vəd 4” əməliyyatı çərçivəsində 54-cü raket zərbələri zamanı “Horremşəhr”, “Heybərşəkan”, “Emad” raketləri ilə bərabər “Sacil” raketindən istifadə edilib.
15-03-2026, 18:11
Bəhreyndə İran casusları saxlanıldı
Bəhreyndə İrana casusluq etməkdə şübhəli bilinən 5 nəfər həbs edilib.
Bu barədə ölkənin Daxili İşlər Nazirliyi məlumat yayıb.
Bildirilib ki, saxlanılan şəxslər məxfi və strateji məlumatları toplamaqda, həmçinin onları İran İslam İnqilabı Keşikçiləri Korpusuna (SEPAH) ötürməkdə ittiham olunurlar.
Nazirliyin rəsmi bəyanatında qeyd olunur ki, həbs edilən şəxslərin yaşları 25-39 arasındadır. Onlardan birinin İranın hərbi düşərgələrində intensiv hazırlıq keçdiyi iddia edilir:
"Həmin şəxs və digər dəstə üzvləri krallıq ərazisindəki bir sıra həyati əhəmiyyətli obyektlərin, eləcə də mehmanxanaların fotolarını çəkərək koordinatlarını müəyyən ediblər. Bu məlumatlar SEPAH-a ötürülüb və həmin ərazilərin hədəfə alınması prosesində istifadə edilib".
Məlumatda qeyd olunur ki, casus şəbəkəsinin fəaliyyəti krallığın milli təhlükəsizliyinə birbaşa təhdid yaradıb. Hazırda faktla bağlı genişmiqyaslı istintaq tədbirləri davam etdirilir.
15-03-2026, 16:51
Türkiyə 2 min kilometr məsafəli raket hazırlayacaq
Türkiyə 2 min kilometr məsafəli raket proqramı üzərində işləyir.
Bunu Türkiyənin sənaye və texnologiya naziri Mehmet Fatih Kacır "Kanal 7"nin efirində deyib.
"Tayfun"un yeni növləri hazırlanır, "Seyir" raketləri də hava hücumundan müdafiə (HHM) sistemləri üçün problem yaradır",- türkiyəli nazir bildirib.
Onun sözlərinə görə, Türkiyənin digər raketləri də HHM sistemləri üçün asan hədəf deyil. M. Kacır bildirib ki, 2026-cı ildə Türkiyənin raket proqramında irəliləyiş gözlənilir:
"Bizim heç bir dövlətə qarşı ərazi iddiamız yoxdur, amma kimlərinsə bizim torpaqlarda gözü olmasın deyə hərbi potensialımızı gücləndirməliyik".
15-03-2026, 16:38
Rusiya İrandakı konsulluğunu BAĞLADI
İranın İsfahan şəhərindəki Rusiya konsulluğu fəaliyyətini dayandırıb.
Bu barədə Rusiya Xarici İşlər Nazirliyinin teleqram kanalında məlumat yayılıb.
“Mövcud vəziyyətlə əlaqədar olaraq, Rusiyanın İsfahandakı Baş Konsulluğu fəaliyyətini müvəqqəti olaraq dayandırır”, - deyə açıqlamada bildirilib.
Qeyd edilib ki, konsulluğun bərpası ilə bağlı əlavə məlumat veriləcək.
15-03-2026, 16:10
Müctəba Xamenei gizli şəkildə Moskvaya aparıldı – İDDİA
İranın ali dini lideri Ayətullah Əli Xameneinin oğlu Müctəba Xameneinin gizli şəkildə müalicə üçün Rusiyanın paytaxtı Moskvaya aparıldığı iddia olunur.
Bu barədə Küveytin “Al-Jarida” nəşri məlumat yayıb. Qəzetin yazdığına görə, məlumat ali dini liderə yaxın mənbəyə istinadən verilib.
Mənbənin bildirdiyinə əsasən, Müctəba Xamenei səhhətində yaranan problemlərlə əlaqədar olaraq gizli şəkildə Moskvaya aparılıb və hazırda orada müalicə aldığı iddia edilir.
15-03-2026, 15:45
Moskvada tramvaylar toqquşdu - Onlarla insan xəsarət aldı
Moskvada, Volokolamsk şosesinin köməkçi yolunda iki tramvayın toqquşub.
Moskva Dövlət Yol Polisi İdarəsinin məlumatına görə, hadisə nəticəsində 22 nəfər xəsarət alıb ki, onlardan da 5-i azyaşlıdır.
Hadisə zamanı hər iki tramvayda ümumilikdə 70-ə yaxın sərnişin olub.
Hüquq-mühafizə orqanlarından verilən məlumata görə, yaralılardan 11 nəfərinin vəziyyəti ağır olaraq qiymətləndirilir. Hadisə yerinə dərhal 20 təcili tibbi yardım maşını cəlb olunub.
Rusiya Daxili İşlər Nazirliyinin Moskva üzrə Baş İdarəsinin mətbuat xidmətindən bildirilib ki, ilkin ehtimala görə, qəzaya tramvaylardan birinin texniki nasazlıq səbəbindən relsdən çıxması səbəb olub.
Hadisə ilə bağlı araşdırma aparılır.
15-03-2026, 15:26
İranda 56 muzey və tarixi abidə zərər görüb
İranda yerləşən onlarla muzey və tarixi abidə hərbi hücumlar nəticəsində zərər görüb.
Bu barədə İranın Mədəni İrs, Turizm və Əl Sənətləri Nazirliyi məlumat yayıb.
Məlumata görə, ABŞ və İsrailin hücumları nəticəsində ölkə üzrə azı 56 muzey və tarixi abidə, o cümlədən dünya irsi siyahısına daxil olan bəzi obyektlər zədələnib. Nazirlik bildirir ki, hücumlar zamanı bir sıra tarixi tikililərin konstruksiyasında ciddi dağıntılar qeydə alınıb.
Qeyd olunub ki, zərər görən obyektlər arasında qədim memarlıq nümunələri, muzey binaları və müxtəlif tarixi komplekslər var. Hazırda mütəxəssislər tərəfindən həmin abidələrdə ziyanın miqyası qiymətləndirilir və bərpa imkanları araşdırılır.
15-03-2026, 15:10
PUA bazarının 65 faizi əlimizdədir - Türkiyəli nazir
Rusiya-Ukrayna müharibəsi və ABŞ ilə İsrailin İrana hücumları göstərir ki, hazırkı münaqişələrdə pilotsuz uçuş aparatları (PUA) ön plana çıxıb.
Bunu Türkiyənin sənaye və texnologiya naziri Mehmet Fatih Kacır "Kanal 7"nin efirində deyib.
"PUA, kamikadze dronlar bahalı silahlardan üstün olub",- o bildirib və əlavə edib ki, indiki müharibələr cəbhədə yox, məsafədən aparılır: "Bu savaşlarda milyonlarla dollar dəyərində olan silahlardan çox daha ucuz pilotsuz uçuş aparatları (PUA), süni intellektlə idarə olunan sistemlərin işə yaradığı ortaya çıxıb. Hazırda PUA sahəsində Türkiyə dünyanın ən təcrübəli ölkəsidir və bazarın 65 faizi Türkiyənin əlindədir".
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!