Dünya » Səhifə 397

18-04-2024, 20:35

Torpaq sürüşməsi nəticəsində avtomagistral bağlandı

Gürcüstanın qərbində, Zuqdudi-Djavari-Mestia-Lasdili avtomobil yolunda torpaq sürüşməsi baş verib. Nəticədə avtomagistral tam bağlanıb.
Bu barədə Gürcüstan Avtomobil Yolları Departamenti məlumat yayıb. Bildirilir ki, hazırda yolun təmizlənməsi və avtomobillərin hərəkətinin bərpası istiqamətində tədbirlər görülür.
Torpaq sürüşməsinin daha hansı fəsadlar törətməsi barədə məlumat verilmir.

Torpaq sürüşməsi nəticəsində avtomagistral bağlandı

18-04-2024, 19:52

ABŞ müşaviri Gürcüstanda səfərdədir

ABŞ-nin Qafqaz danışıqları üzrə baş müşaviri Lui Bono Gürcüstanda səfərdədir.
Məlumatı Gürcüstanın barışıq və vətəndaş bərabərliyi üzrə dövlət naziri Tea Axvledianinin Ofisi yayıb.
Bildirilib ki, gürcü nazir Lui Bononu Gürcüstanda həyata keçirilən sosial-iqtisadi təşəbbüslər və barışıq siyasəti barəsində məlumatlandırıb.
Nazir Gürcüstanın ərazi bütövlüyünü dəstəklədiyinə görə ABŞ-yə təşəkkür edib.
“Tərəflər yaxından əməkdaşlığı davam etdirməkdə razılaşıblar”, – məlumatda bildirilib.

ABŞ müşaviri Gürcüstanda səfərdədir

18-04-2024, 19:25

Türkiyədə baş vermiş zəlzələ digər vilayətlərdə də hiss olundu

Türkiyənin Tokat vilayətində zəlzələ baş verib.
Zəlzələ 5,6 bal gücündə olub.
Sulusaray bölgəsində baş verən zəlzələ 5,99 kilometr dərinlikdə qeydə alınıb.
Zəlzələ bir çox vilayətlərdə hiss olunub.
Türkiyənin daxili İşlər naziri Ali Yerlikaya sosial media hesabında ərazidə araşdırmalar başladığını bildirib.
"Allah ölkəmizi və millətimizi bəlalardan qorusun”, - o qeyd edib.

Türkiyədə baş vermiş zəlzələ digər vilayətlərdə də hiss olundu

18-04-2024, 17:20

Dron hücumları Rusiyada dizel ixracını 25% azaldıb

"Dronların hücumları səbəbindən Rusiyanın dizel yanacağı ixracı dörddə bir qədər azalıb.
Bu barədə "Bloomberg" yazıb.
Nəşr yazır ki, neft emalı dərəcələri 11 aylıq minimum həddədir. Aprelin 13-dək 10 gün ərzində tədarüklər gündə orta hesabla 0,74 milyon barel təşkil edib.
Bu da 2019-2023-cü illər arasında ilin bu dövrü üçün orta göstəricidən təxminən 25% azdır.

Dron hücumları Rusiyada dizel ixracını 25% azaldıb

18-04-2024, 17:06

Azərbaycanı yenidən AŞPA-da görmək istəyirəm - AŞ Nazirlər Komitəsinin rəhbəri

Avropa Şurası Nazirlər Komitəsinin rəhbəri, Lixtenşteynin xarici işlər naziri Dominik Hasler Azərbaycan nümayəndə heyətini tezliklə Parlament Assambleyasında görmək istədiyini bildirib.
Avropa Şurası Parlament Assambleyasının (AŞPA) sessiyasında irlandiyalı deputat Pol Havanın sualına cavab verən Dominik Hasler deyib:
“Hesab edirəm ki, bizim bir-birimizə ehtiyacımız var və ümid edirəm ki, Azərbaycan nümayəndə heyəti tezliklə Parlament Assambleyasında öz yerinə qayıdacaq”.
O daha sonra əlavə edib:
“Ümid edirəm ki, nümayəndə heyətinin tezliklə geri qayıtması ilə tərəflər arasında əməkdaşlıq və dialoq bizi birləşdirən dəyərlərin maraqları naminə davam edəcək”.
Dominik Haslerin sözlərinə görə, o, Nazirlər Komitəsinin sədri kimi hamı üçün ən məqbul həll yolunu tapmaq məqsədilə üçtərəfli müzakirə təşkil edib.
O qeyd edib ki, Azərbaycan nümayəndə heyətinin qayıdışı ümumi ideyaların qorunması və təbliği baxımından, xüsusən də təşkilatın 75 illik yubileyinin qeyd olunması üçün mühüm əhəmiyyət kəsb edir.
“Azərbaycan 2001-ci ildə Avropa Şurasına üzv olduqdan sonra demokratikləşmə prosesində AŞ-nin dəstəyindən yararlanıb və AŞ da öz dəyərlərini təbliğ etmək və əhatə dairəsini genişləndirmək üçün Azərbaycandan faydalanıb. Bu, qarşılıqlı faydalı əməkdaşlıqdır və iş başa çatmayıb, ciddi islahatlar tələb edir”, - deyə Lixtenşteyn Xarici İşlər Nazirliyinin rəhbəri əlavə edib.
Xatırladaq ki, Azərbaycanın AŞPA-dakı nümayəndə heyəti 2024-cü ilin yanvarında bu qurumda iştirakını qeyri-müəyyən müddətə dayandırıb. Nümayəndə heyəti bu addımını AŞPA-da Azərbaycana qarşı aparılan qərəzli kampaniya ilə əlaqələndirib.

Azərbaycanı yenidən AŞPA-da görmək istəyirəm - AŞ Nazirlər Komitəsinin rəhbəri

18-04-2024, 15:11

Zurabişvili qanun layihəsinə veto qoydu

Gürcüstan prezidenti Salome Zurabişvili parlament seçkilərində partiyaların proporsional siyahılarında olan qadınlar üçün kvotaların ləğvini nəzərdə tutan qanun layihəsinə veto qoyub.
Layihə qanunverici orqana geri qaytarılıb.
Bundan əvvəl parlament partiya siyahıları üzrə hər 4 namizədin ən azı birinin qadın olması mexanizmini ləğv edib.
Hakim “Gürcü Arzusu” Partiyası Gürcüstan Mərkəzi Seçki Komissiyasının rəhbəri vəzifəsinə Giorgi Kalandarişvilinin namizədliyini dəstəkləmək müqabilində Girçi Partiyasının təşəbbüsünü dəstəkləməyə razılaşıb.
Qeyd edək ki, prezident qalmaqallı "xarici agentlər" qanununu da veto edəcəyini açıqlayıb.

Zurabişvili qanun layihəsinə veto qoydu

18-04-2024, 14:17

Rusiya İrəvandan cavab tələb etdi

Rusiya rəsmi İrəvandan rus qoşunlarının Ermənistandan çıxarılması planlarının İrəvan, Brüssel və Vaşinqton arasında razılaşdırıldığı barədə məlumatlara aydın cavab gözləyir.
Bunu Rusiya Xarici İşlər Nazirliyinin rəsmi nümayəndəsi Mariya Zaxarova brifinq zamanı bildirib.
“Əvvəllər onlar İrəvanda açıq şəkildə əmin etdilər ki, Qərb ölkələri ilə münasibətlərin inkişafı üçüncü ölkələrə qarşı yönəlməyib. Bu amillərin məcmusunu gözləyərək, ortaya çıxan məlumatlara Ermənistan hakimiyyətindən aydın cavab gözləyirik. Təbii ki, o məlumatı təkzib etmək ideal olardı, amma hər halda söhbət rəsmi İrəvandan gedir”, - Zaxarova bildirib.

Rusiya İrəvandan cavab tələb etdi

17-04-2024, 18:25

İranın XİN Başçısı Türkiyədə səfərdədir

İranın xarici işlər naziri Hüseyn Əmir Abdullahian Türkiyədə səfərdədir.
Bu barədə İran mətbuatı məlumat yayıb.
O, İstanbula səfər edib, İranın Baş Konsulluğunda olub.
Səfərin digər detalları hələlik açıqlanmayıb.

İranın XİN Başçısı Türkiyədə səfərdədir

17-04-2024, 17:00

Türkiyə və BƏƏ prezidentləri telefon danışığı apardı

Türkiyə prezidenti Rəcəb Tayyib Ərdoğan və BƏƏ prezidenti Məhəmməd bin Zayed Əl Nəhyan arasında telefon danışığı olub.
Bu barədə TRT məlumat yayıb.
Ərdoğan BƏƏ-də baş verən sel fəlakəti ilə əlaqədar Əl Nahyana "keçmiş olsun" diləklərini çatdırıb.
Qeyd edək ki, Birləşmiş Ərəb Əmirliklərində (BƏƏ) ötən saatlarda yağan güclü yağış daşqınlara və uçuşların dayandırılmasına səbəb olub. Səlahiyyətlilər son 75 ilin ən yüksək yağış miqdarının qeydə alındığını açıqlayıblar.

Türkiyə və BƏƏ prezidentləri telefon danışığı apardı

17-04-2024, 16:37

Tiflisin mərkəzində atışma - Yaralılar var

Gürcüstanın paytaxtı Tiflisin mərkəzində atışma qeydə alınıb.
Hadisə Vake rayonunda, Tabidze küçəsində baş verib.
Üç nəfər yaralanıb, xəsarət alanlardan birinin vəziyyəti ağırdır. Hadisə şahidlərinin sözlərinə görə, atəş açan şəxs maska taxıb.
O, küçə ilə hərəkət edən gəncə atəş açmağa başlayıb. Onun mühafizəçisi atəş açıb və hücumçunu yaralayıb.
Cinayətin motivi məlum deyil.

Tiflisin mərkəzində atışma - Yaralılar var