Dünya » Səhifə 825

23-09-2022, 21:01

İranda hakimiyyətə dəstək aksiyaları keçirilib

İranın paytaxtı Tehranda hakimiyyətə dəstək mitinqləri keçirilib. Butov.az xəbər verir ki, “Mehr” Agentliyinin məlumatına görə, cümə namazından sonra aksiyaya çıxanlar ölkədə xaricdən təşkil olunmuş iğtişaşları pislədiklərini bəyan ediblər. Yürüş iştirakçıları indiyədək bir neçə təhlükəsizlik əməkdaşının ölümü ilə nəticələnmiş iğtişaşların zorakı hərəkətlərinə qəzəbləndiklərini bildiriblər. Qeyd edək ki, sentyabrın 16-da Tehranda hicab qaydalarına əməl etmədiyinə görə polis tərəfindən saxlanıldıqdan sonra döyülən və komaya düşərək həyatını itirən 22 yaşlı Mehsa Əmini adlı qızın ölümü ölkəni etiraz aksiyalarına bürüyüb. Çevik polis qüvvələri nümayişçilərin qarşısını almağa çalışarkən bir neçə şəhərdə qarşıdurma yaşanıb. Mehsa Əmininin ölümünə etiraz olaraq bəzi qadınlar saçlarını kəsib. Aksiyalar Tehran, Pave, Bane, Mehabad, Rəşt şəhərlərində davam etdirilir. Etnik kürdlərin çox olduğu Kürdistan, Kirmanşah, İlam və Qərbi Azərbaycan əyalətlərində də insanlar etirazlara başlayıb.

İranda hakimiyyətə dəstək aksiyaları keçirilib

23-09-2022, 21:00

Moskva hər şey edir ki, nüvə silahından istifadə olunmasın - Kreml

Rusiya Təhlükəsizlik Şurası katibinin müavini Aleksandr Venediktov bildirib ki, Kreml öz günahı olmadan nüvə raketlərindən istifadə risklərini minimuma endirmək üçün hər şeyi edir. Butov.az xəbər verir ki, Venediktov bunu cümə günü Kuba raket böhranının 60-cı ildönümünə həsr olunmuş konfransda deyib. “SSRİ ilə ABŞ arasında qarşıdurma başa çatdıqdan sonra keçmiş kimi görünən nüvə təhlükəsi üfüqdə yenidən peyda olub. Qeyd edirəm ki, bu, heç bir halda Rusiyanın günahı deyil”.

Moskva hər şey edir ki, nüvə silahından istifadə olunmasın - Kreml

23-09-2022, 20:57

Döyüşə çağırılan rus gənc intihara cəhd etdi

Rusiyanın paytaxtı Moskvada hərbi xidmətə çağırış vərəqəsi alan 25 yaşlı şəxs intihara cəhd edib. Butov.az xəbər verir ki, Nikita adlı gənc əvvəl hiddətlənib və spirtli içki qəbul etməyə başlayıb. O, bir müddət sonra sərxoş vəziyyətdə damarlarını kəsərək eyvandan özünü atmağa çalışıb. Lakin son dəqiqədə anası onun həyatını xilas edib və təcili tibbi yardım xidmətinə zəng vurub. Nikita xəstəxanaya çatdırılıb, həkimlərin müdaxiləsi nəticəsində onu həyata qaytarmaq mümkün olub.

Döyüşə çağırılan rus gənc intihara cəhd etdi

23-09-2022, 20:44

ABŞ İran generalına və Əxlaq Polisinə sanksiya tətbiq etdi

ABŞ İran Silahlı Qüvvələrinin quru qoşunlarının komandanı Kiyumərd Heydəriyə qarşı sanksiyalar tətbiq edib. Bu barədə ABŞ Maliyyə Nazirliyi məlumat yayıb. İran vətəndaşı olan 5 nəfərə, eləcə də İran Əxlaqı Müdafiə Polisinə sanksiya tətbiq edilib.

ABŞ İran generalına və Əxlaq Polisinə sanksiya tətbiq etdi

23-09-2022, 20:32

Ukraynadan daha 11 ərzaq gəmisi yola düşüb

Sentyabrın 23-də ərzaq məhsulları daşıyan 11 gəmi “Odessa”, “Çornomorsk” və “Cənub” limanlarını tərk edib. Bu barədə Ukrayna İnfrastruktur Nazirliyi məlumat yayıb. Bildirilib ki, gəmilərin göyərtəsində ümumilikdə 201 min ton kənd təsərrüfatı məhsulu var. Gəmilər Asiya, Afrika ölkələrinə yola salınıb. Məlumata görə, taxıl dəhlizi işə başlayandan bəri Ukraynanın 4,58 milyon ton kənd təsərrüfatı məhsulu ixrac edilib. Ümumilikdə avqustun əvvəlindən Asiya, Avropa və Afrika ölkələri üçün kənd təsərrüfatı məhsulları daşıyan 203 gəmi Ukrayna limanlarını tərk edib. Xatırladaq ki, iyulun 22-də Ukrayna, Rusiya, Türkiyə və BMT Ukrayna taxılının Qara dəniz vasitəsilə ixracının həyata keçirilməsi ilə bağlı dördtərəfli saziş imzalayıb.

Ukraynadan daha 11 ərzaq gəmisi yola düşüb

23-09-2022, 19:01

ABŞ Türkiyəni sanksiyalarla hədələyir

ABŞ Türkiyə banklarını Rusiyanın “Mir” ödəniş sistemindən istifadə etdiyinə görə sanksiyalarla hədələyir. Bu barədə “Yeni Şafak” qəzeti məlumat yayıb. “Ankara və Moskva arasındakı münasibətlərə müdaxilə etməkdən çəkinməyən ABŞ türk banklarını Rusiyanın “Mir” ödəniş sistemindən istifadə etdiyinə görə sanksiyalarla hədələyir”, - deyə nəşr bildirib. Məlumata görə, Türkiyənin Ziraat, Halk və Vakif bankları "Mir"lə əməkdaşlığı davam etdirir.

ABŞ Türkiyəni sanksiyalarla hədələyir

23-09-2022, 18:40

Zaporojyedə güclü partlayış olub

Ukraynanın Zaporojye vilayətinin Melitopol şəhərində güclü partlayış olub. Bu barədə şəhərin meri İvan Fedorov bildirib. Mer qeyd edib ki, bu gün səhər saatlarında baş vermiş partlayış şəhərin mərkəzində hiss olunub. Xatırladaq ki, bu gündən etibarən Ukraynanın işğal altında olan Donetsk, Luqansk, Xerson və Zaporojye vilayətlərinin Rusiyaya birləşdirilməsi ilə bağlı referendum keçiriləcək.

Zaporojyedə güclü partlayış olub

23-09-2022, 18:37

ABŞ Gürcüstana hərbi yardım göndərdi

ABŞ Gürcüstana 11,5 milyon dollar dəyərində hərbi yardım göndərib. Bu barədə ABŞ-ın Gürcüstandakı səfirliyi məlumat yayıb. Bildirilib ki, yardım "Strateji tərəfdaşlara dəstək" layihəsi çərçivəsində edilib. Yardım şəkilində Gürcüstana 26 ton hərbi avadanlıq təqdim olunub.

ABŞ Gürcüstana hərbi yardım göndərdi

22-09-2022, 22:37

Zelenski Səudiyyə kralına təşəkkür etdi

Səudiyyə Ərəbistanının vəliəhd şahzadəsi Məhəmməd bin Salman Əl Səud ilə Ukrayna Prezidenti Volodimir Zelenski arasında telefon danışığı olub. Bu barədə “Al Arabiya” məlumat yayıb .Zelenski Səudiyyə şahzadəsinə hərbi əsirlərin mübadiləsində göstərdiyi səylərə görə minnətdarlığını bildirib və krallığın bu prosesdə əsas rolunu qeyd edib. Salman Əl Səud ölkəsinin Ukrayna münaqişəsinin bütün tərəfləri arasında vasitəçi kimi səy göstərməyə hazır olduğunu bəyan edib. Zelenski Ukraynanın enerji təhlükəsizliyi, müharibədən sonrakı yenidənqurma və birgə investisiya layihələrini də müzakirə etdiklərini açıqlayıb. Rusiya ilə Ukrayna arasında sonuncu əsir mübadiləsi sentyabrın 21-də baş tutub. Rusiya 55 nəfəri, o cümlədən Vladimir Putinin xaç atası adlandırılan Viktor Medvedçuku geri qaytarıb. Ukrayna tərəfi 215 hərbi qulluqçu, o cümlədən Azov alayının döyüşçülərini qəbul edib.

Zelenski Səudiyyə kralına təşəkkür etdi

22-09-2022, 22:35

“Həyat bahalaşıb, soydaşlarımız çətin vəziyyətdədir” - Makron

Prezident Emmanuel Makron cümə axşamı bildirib ki, Fransada ərzaq və elektrik enerjisinin qiymətləri artıb, yaşayış minimumu qalxıb. Makron bunu BFMTV-yə müsahibəsində bildirib. "Həyat bahalaşıb, ona görə də soydaşlarımız çətin vəziyyətdədir. Ərzaq, enerji və s. qiymətləri artırmışıq. Əhalini qorumaq üçün tədbirlər görmüşük... Və hər kəs üzərinə düşəni etsə, bu qışdan sağ çıxa bilərik”. Prezident deyib ki, bu yay Fransa hökuməti qarşıdan gələn qışda qıtlığın qarşısını almaq üçün elektrik enerjisi istehlakını 10% azaltmaq məqsədi ilə "enerji ehtiyatlılığı" proqramına başlayıb. O, hökuməti və şirkətləri enerji istehlakını azaltmaq üçün konkret planlar təqdim etməyə çağırıb.

“Həyat bahalaşıb, soydaşlarımız çətin vəziyyətdədir” - Makron