14-03-2023, 16:14
İrəvan və Bakı arasında razılaşma effektiv olmalıdır - Paşinyan
"Bakı bir neçə gün əvvəl İrəvanın fevralın ortalarında göndərdiyi sülh müqaviləsinin mətni ilə bağlı təkliflərə cavab verib". Bunu Ermənistanın baş naziri Nikol Paşinyan bu gün keçirdiyi mətbuat konfransında deyib. Baş nazir bildirib ki, Ermənistan tərəfi prosesdə müəyyən irəliləyiş görür, lakin irəliləyiş həm də fundamental problemləri ortaya qoyur. Paşinyanın sözlərinə görə, 2020-ci ilin üçtərəfli bəyanatından fərqli olaraq, İrəvan və Bakı arasında razılaşma effektiv olmalıdır.
14-03-2023, 16:11
Arayik istefa verməyə hazırlaşır
Rusiya sülhməramlılarının müvəqqəti yerləşdirildiyi Azərbaycan ərazilərində qalan erməni sepatarçılarının rəhbəri Arayik arutyunyan istefa verməyə hazırlaşır. Bu barədə Ermənistan mediası məlumat yayıb. Erməni mənbələrində yer alan xəbərlərə görə, Arutyunyan "vəzifəsindən" getməyə razıdır. "İrəvunk" nəşri isə bildirib ki, Arayik payız aylarına qədər "vəzifə"sində qala bilər, onun istefası sonrakı dövrdə mümkündür. İddia olunur ki, Arutyunyan istefaya razılaşsa da, guya yerli ermənilər onun getməsini istəmir. Qeyd edək ki, bir neçə gün əvvəl separatçıların "rəhbəri" Arayik Arutyunyan Ermənistan Baş naziri Nikol Paşinyanla görüşüb. "Hraparak" bildirir ki, görüş çox gərgin keçib. Belə ki, Paşinyan Qarabağdakı ermənilərin Azərbaycanla dil tapmalı olduğunu, əks halda müharibə baş verəcəyini diqqətə çatdırıb. Arayik qəmgin əhval-ruhiyyə ilə Xankəndiyə qayıdıb və artıq "vəzifədə" qalmaq istəmədiyini söyləyib. Bu mənada, onun tezliklə istefa verə biləcəyi ehtimal olunur.
14-03-2023, 16:08
Taxıl sazişi eyni şərtlərlə uzadıldı - Kreml
Rusiya xarici işlər nazirinin müavini Aleksandr Qruşko taxıl sazişi ilə bağlı açıqlamalar verib. Bu barədə TASS məlumat yayıb. O taxıl sazişinin müddətinin uzadıldığını bildirib: "Taxıl sazişi uzadıldı. Eyni şərtlərlə uzadılmasından söhbət gedir. Rusiya Federasiyasından kənd təsərrüfatı məhsullarının ixracına qoyulan məhdudiyyətlərin aradan qaldırılması prosesi gedir, lakin yavaş-yavaş baş verir. Rusiya Federasiyası taxıl müqaviləsi üzrə bütün öhdəliklərin yerinə yetirilməsini israrla təmin etməyə çalışacaq". "Rusiya “Şimal axını”nda terror aktlarının təhqiqatında iştirak etməkdə israrlı olacaq, hələlik bu prosesdə heç bir irəliləyiş yoxdur", - nazir müavini əlavə edib.
13-03-2023, 23:39
Rusiya hökuməti devirmək üçün hibrid müharibə aparır - Moldovalı nazir
Moldova hazırda təcili hərbi təhlükə ilə üz-üzə deyil, lakin Rusiya hökuməti devirmək üçün hibrid müharibə aparır. Bunu Moldova müdafiə naziri Anatoli Nosatii AFP-yə müsahibəsində bildirib. "Hazırda Moldovaya birbaşa hərbi təhdid yoxdur, lakin ölkənin təhlükəsizliyinə təsir edən digər təhdid növləri var, məsələn, hibrid müharibə", - Nosatii deyib. Onun sözlərinə görə, Rusiya dezinformasiya yayır və Moldova cəmiyyətində gərginlik yaradır.
13-03-2023, 23:36
Rusiya taxıl sazişinin uzadılmasına bu müddətlə razıdır
Rusiya Ukrayna ilə taxıl sazişinin imzalanmasının əleyhinə deyil, ancaq Moskva müqavilənin cəmi 60 gün uzadılmasını istəyir. Bunu Cenevrədə Rusiya xarici işlər nazirinin müavini Sergey Verşinin deyib. Onun sözlərinə görə, Rusiya sövdələşmədən təkcə Ukraynanın deyil, Rusiyanın da qazanc əldə etməsini arzulayır. Nazir müavini bildirib ki, sövdələşmə müddətinin uzadılması onun “sözdə deyil, əməldə” necə həyata keçiriləcəyindən asılıdır. Verşinin əlavə edib ki, Rusiya Tolyatti-Odessa ammonyak boru kəmərinin yenidən açılmasını və kənd təsərrüfatı məhsullarının ixracının “normallaşdırılmasını” istəyir. Məlumat üçün bildirək ki, taxıl müqaviləsi 2022-ci ilin iyununda bağlanıb və noyabrda müddəti uzadılıb. Ukrayna martın 18-də başa çatacaq müqavilənin daha bir il uzadılmasını təklif edib.
13-03-2023, 23:28
Rusiyada meşə sahələri azaldılaraq müdafiə sistemləri quraşdırılır
Moskvanın bir sıra bölgələrində hava hücumundan müdafiə sistemlərinin quraşdırılması üçün meşələr qırılıb. Bu barədə "The Insider" nəşri yazıb. Qeyd olunub ki, hava hücumundan müdafiə sistemləri yaşayış binalarının arasında yerləşdirilə bilər. Nəşrin məlumatına görə, Rusiyanın paytaxtında meşələrin qırılması bir neçə yerdə həyata keçirilib. Xüsusilə, Tymiryaz Akademiyasının tarlalarına hərbi texnika yerləşdirilib. Ərazidə zenit-raket komplekslərinin quraşdırıldığı deyilir.
13-03-2023, 23:24
Təşəbbüs birbaşa Moskvadan sifariş olunub - Saakaşvili
Gürcüstanda "xarici agentlər haqqında" qanun layihəsi Moskvanın göstərişi ilə irəli sürülüb. Bunu Gürcüstanın həbsdə olan keçmiş prezidenti Mixail Saakaşvili Fransanın “Le Figaro” qəzetinə müsahibəsində bildirib. “Mən 100 faiz əminəm ki, təşəbbüs birbaşa Moskvadan sifariş olunub... Aydındır ki, bütün bunları Kremlin PR mütəxəssisləri təşkil edib”, - Saakaşvili deyib. Onun fikrincə, bu qanun qəbul edilsəydi, Gürcüstan Avropa İttifaqı və NATO-nu itirə bilərdi. Saakaşvili Gürcüstandakı etiraz aksiyalarının iştirakçılarını yüksək qiymətləndirib. "Etiraz aksiyası Rusiyanın sərt gücünün xalqın iradəsini boğmağa qadir olmadığını göstərdi", - o bildirib. Xatırladaq ki, martın 7-də Gürcüstan parlamenti birinci oxunuşda Rusiya qanunvericiliyinin analoqu olan “Xarici agentlər haqqında” qanun layihəsini dəstəkləyib. Sənəddə KİV-ə və xaricdən maliyyə alan ictimai təşkilatlara “xarici təsir agenti” statusunun verilməsi təklif edilib. Bundan sonra Tbilisidə qanun layihəsinə qarşı genişmiqyaslı etiraz aksiyaları başlayıb. Etirazlardan sonra hakim partiya qanun layihəsini geri götürdüyünü elan edib. Daha sonra Gürcüstan parlamentində qanun layihəsi ikinci oxunuşda rədd edilib.
13-03-2023, 15:05
Səudiyyə Ərəbistanında İsrail rəsmilərinə giriş vizası verilmədi
BMT-nin Dünya Turizm Təşkilatı konfransına ev sahibliyi edən Səudiyyə Ərəbistanı İsrail nümayəndə heyətinə giriş vizası verməyib. Bununla bağlı "Bloomberg" nəşri məlumat yayıb. Səudiyyə Ərəbistanının Əl-Ula şəhərində Dünya Turizm Təşkilatının 18 ölkədə 32 turistik kəndi əhatə edən iki günlük konfransı keçirilir. Qeyd edək ki, Səudiyyə Ərəbistanı ilə İsrail arasında diplomatik əlaqələr yoxdur. Səudiyyə Ərəbistanı ilə İran arasında 7 illik fasilədən sonra martın 10-da diplomatik münasibətlərin bərpasına dair razılaşmanın İsraillə Səudiyyə Ərəbistanı arasında “normallaşma imkanlarına” mənfi təsir göstərəcəyi proqnozlaşdırılır.
13-03-2023, 15:00
Putin Paşinyanla telefon danışığı aparıb
Rusiya Prezidenti Vladimir Putin Ermənistan Baş naziri Nikol Paşinyanla telefon danışığı aparıb. Bu barədə Kremlin mətbuat xidməti məlumat yayıb. Telefon danışığı zamanı Azərbaycan, Ermənistan və Rusiya arasında imzalanan üçtərəfli danışıqların icrası, Ermənistan-Azərbaycan sərhədində təhlükəsizliyin təmin edilməsi istiqamətində atılan addımlar və sülh müqaviləsinin hazırlanması müzakirə edilib. Putin bütün məsələlərin konstruktiv şəkildə və Rusiya sülhməramlıları ilə əməkdaşlıq şəraitində həllinin vacibliyini vurğulayıb.
13-03-2023, 14:48
Türkiyədə seçkilərin başlanacağı tarix məlum oldu
Türkiyədə seçki prosesinin başlanacağı tarix məlum olub. Bu barədə ölkənin Ali Seçki Komissiyasının sədri Ahmet Yener açıqlama verib. Onun sözlərinə görə, prosesə 18 martdan start veriləcək: "Seçki təqviminin başlanğıc tarixi 18 mart 2023-cü il tarixidir". Qeyd edək ki, seçki 14 mayda keçiriləcək.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!