11-08-2023, 23:15
"Fənərbağça" "Mançester Yunayted"in futbolçusunu transfer etdi
"Fənərbağça" futbol klubu İngiltərə "Mançester Yunayted"inin futbolçusu Fredi transfer edib.
Braziliyalı yarımmüdafiəçi tibbi müayinədən keçmək və müqaviləyə imza atamaq üçün avqustun 12-də İstanbula yollanacaq.
Hələlik 30 yaşlı oyunçu ilə sözləşmənin detalları açıqlanmayıb.
Qeyd edək ki, Fred 2018-ci ildən "Mançester Yunayted"də çıxış edirdi. Təcrübəli futbolçu "qırmızı şeytanlar"ın heyətində 213 oyun keçirib.
11-08-2023, 19:52
Gürcüstanda torpaq sürüşməsi nəticəsində ölənlərin sayı 24-ə çatdı
Gürcüstanda torpaq sürüşməsinin olduğu Oni bölgəsində ölənlərin sayı 24 nəfərə çatıb.
Bu barədə Gürcüstanın regional inkişaf və infrastruktur naziri İrakli Karseladze məlumat verib.
Məlumata görə, 9 nəfərin axtarışları davam etdirilir.
Xatırladaq ki, avqustun 3-də Oni bələdiyyəsindəki Şovi kurort zonasının yaxınlığında baş vermiş təbii fəlakətlə əlaqədar avqustun 7-də Gürcüstanda matəm günü elan edilib.
11-08-2023, 18:49
XİN-dən Paşinyanın iddialarına cavab
Ermənistanın baş naziri Nikol Paşinyanın avqustun 11-də hökumətin iclasında çıxışı zamanı növbəti dəfə bölgədə “gərgin humanitar vəziyyət” barədə iddiaları təkrarlayarkən Ermənistan tərəfindən “humanitar yük” adı altında Laçın istiqamətində göndərilən yüklərin qəbul edilməməsinin erməni sakinlərə qarşı “etnik təmizləmə” kimi qələmə verməsi heç bir məntiqə sığmır.
Bu barədə Azərbaycan Xarici İşlər Nazirliyinin Ermənistanın baş naziri Nikol Paşinyanın hökumət iclasında çıxışı zamanı səsləndirdiyi iddialara dair şərhində bildirilib.
Qeyd olunub ki, Azərbaycanın 20 faizə yaxın torpaqlarının işğalı nəticəsində azərbaycanlılara qarşı kütləvi qırğınlar törətmiş, nəinki bu torpaqlardan Ermənistan ərazisindən də azərbaycanlılara qarşı etnik təmizləmə həyata keçirmiş bir ölkənin rəhbərinin etnik təmizləmə iddiaları səsləndirməsinə mənəvi haqqı yoxdur. Ermənistanın bu iddiaları davamlı olaraq təkrarlaması göstərir ki, Laçın sərhəd buraxılış məntəqəsi təsis edilənədək Ermənistanın Laçın yolundan istifadə etməklə həyata keçirdiyi qeyri-qanuni fəaliyyətin məntəqə təsis edildikdən sonra qarşısının alınması bu ölkəni narahat edir.
"Erməni sakinlərin həqiqətən də iddia olunduğu kimi gündəlik tələbat mallarına ehtiyacları varsa, bunun üçün Azərbaycanın təklif etdiyi və beynəlxalq tərəfdaşların dəstəklədiyi Ağdam-Xankəndi yolundan istifadə edilməsi mümkündür. Ermənistan tərəfi, əsassız şəkildə “humanitar böhran” barədə iddialar yaymaq və Azərbaycanın suverenliyi və ərazi bütövlüyünə qarşı təxribatlar törətmək əvəzinə, bölgədə sülh və sabitlik istiqamətində səy göstərməlidir", - deyə XİN-in şərhində vurğulanıb.
11-08-2023, 17:43
Valideyn bağça rəhbərliyini hədələyərək 15 min manat pul tələb etdi
339 saylı bağçada azyaşlı gözdən yayınaraq küçəyə çıxıb.
Tezliklə uşaq tapılıb və xoşbəxtlikdən heç bir əlavə narahatlıq olmayıb.
Bağça rəhbərliyi valideynə məlumat verib, tərbiyəçi-müəllim haqqında tənbeh tədbiri görüb, nəzarət tədbirləri artırılıb. Əsl hadisə bundan sonra başlayıb.
Valideyn bağça rəhbərliyini məsələni ictimailəşdirəcəyi ilə hədələyərək 15 000 manat pul tələb edib. O, bunu övladını özəl bağçaya qoymaq istəməsi ilə əlaqələndirib. Maraqlıdır ki, özəl bağçanın ödəniş haqqının da dövlət bağçası rəhbərliyinin ödəməsini istəyib.
Prosesin ardıcıllığı və valideynin çəkinmədən və təhdidlə bağça rəhbərliyindən pul tələb etməsi məsələnin qurama olduğuna dair şübhələr yaradır.
11-08-2023, 17:21
Rusiyanın müdafiə nazirinin qızı bloger həyat yoldaşından boşandı
Rusiyanın müdafiə naziri Sergey Şoyqunun qızı Kseniya və onun həyat yoldaşı məşhur fitnes-bloger Aleksey Stolyarov ayrılıb.
Kseniya Şoyqu gözlənilmədən "artıq cütlük olmadıqlarını" elan edib.
Stolyarov isə əlavə edib ki, ayrılıq bir neçə ay əvvəl baş verib, lakin cütlük ünsiyyətdə olmağa və ortaq bir qız böyütməyə davam edir.
Məlumata görə, boşanma təsadüfi baş verməyib və böyük skandalla müşayiət olunub. Belə ki, son aylar Stolyarov "qəşəng həyat tərzinə və daimi xaricə səfərlərinə görə" mütəmadi olaraq tənqid edilib.
Bəzi iddialara görə, Rusiya prezidenti Vladimir Putin qızının evliliyi ilə bağlı Sergey Şoyqu ilə bir neçə dəfə əlaqə saxlayıb və ondan “kürəkənini susdurmağı” istəyib və bundan sonra Kseniya Şoyqu Stolyarovla münasibətini kəsib.
11-08-2023, 17:08
Qazaxıstan Gürcüstanda konteyner terminalının təməlini qoydu
Qazaxıstanın sənaye naziri Gürcüstanın Poti limanında konteyner terminalının təməlqoyma mərasiminə qatılıb.
Planlaşdırılan terminalın yerinə kapsul qoyulub.
Artıq tikintiyə start verilib. Terminalın istifadəyə verilməsi 2024-cü ilə planlaşdırılır. Layihə Transxəzər beynəlxalq nəqliyyat marşrutu üzrə yükdaşımaların həcmini artıracaq.
Terminalın gücü ildə 80 min konteyner olacaq. Qara dəniz sahilində yeni obyekt Qazaxıstanın "PTC Holding" şirkətinin nəqliyyat və logistika investisiya qrupu tərəfindən tikiləcək.
11-08-2023, 16:29
Zelenski hərbi komisarların işdən çıxarılmasıyla bağlı qərar qəbul etdi
Ukrayna prezidenti Volodimir Zelenski bütün regional hərbi komissarların işdən çıxarılması barədə qərar qəbul edib.
Müvafiq qərar Milli Təhlükəsizlik və Müdafiə Şurasının iclasının yekunları üzrə verilib.
Onun sözlərinə görə, işdən çıxarılan əməkdaşları “cəbhədən keçmiş hərbçilər" əvəz edəcək.
“Artıq hərbi komissarlığa qarşı ümumilikdə 112 cinayət işi var. Bu hallar ölkənin müxtəlif regionlarında qeydə alınıb: Donetsk, Poltava, Vinnitsa, Odessa, həmçinin Kiyev və Lvov", - Zelenski qeyd edib.
Qərarın icrası Ukrayna Silahlı Qüvvələrinin Ali Baş Komandanı Valeri Zaluznıya həvalə edilib.
11-08-2023, 15:53
Putin Təhlükəsizlik Şurasının daimi üzvləriylə operativ iclas keçirdi
Rusiya prezidenti Vladimir Putin Təhlükəsizlik Şurasının daimi üzvləri ilə operativ iclas keçirib.
Bu barədə Kremlin mətbuat xidməti məlumat yayıb.
Məlumata görə, görüşdə informasiya məkanı və onun təhlükəsizliyinin təmin edilməsi müzakirə olunub.
“Bu gün biz sizinlə müasir şəraitdə Rusiya dövlətinin təhlükəsizliyinin təmin edilməsi ilə bağlı informasiya məkanı sahəsində iş məsələsini müzakirə edəcəyik. Bunun nə qədər vacib olduğunu hamımız başa düşürük, xüsusən indi, həmişə vacibdir, amma xüsusilə indi...", - Putin iclasdan əvvəl bildirib.
Ənənəvi olaraq görüş qapalı formatda keçirilir.
11-08-2023, 15:18
6 ay ərzində qaz ixracı 7 faiz yüksəlib
2023-cü ilin yanvar-iyul ayları üzrə operativ məlumatlara əsasən, 7 ay ərzində Azərbaycanda 28,1 milyard kubmetr təbii qaz hasil edilib. Qazın 7,5 milyard kubmetri “Azəri-Çıraq-Günəşli”dən, 15,4 milyard kubmetri “Şahdəniz”dən, 0,1 milyard kubmetri “Abşeron”dan, 5,1 milyard kubmetri SOCAR üzrə hasil olunub. Ötən ilin müvafiq dövrünə nisbətən qaz hasilatında 3,3 faiz, yəni 0,9 milyard kubmetr artım qeydə alınıb.
Bu barədə Energetika Nazirliyindən məlumat verilib.
Hesabat dövründə xaricə qaz satışı 13,8 milyard kubmetr təşkil edib ki, bu da ötən ilin müvafiq dövrü ilə müqayisədə 7 faiz çoxdur. Cari ilin yanvar-iyul aylarında Avropaya 6,6 milyard kubmetr, Türkiyəyə 5,8 milyard kubmetr, Gürcüstana isə 1,4 milyard kubmetr qaz satılıb. Bu müddətdə Türkiyəyə TANAP-la 3,3 milyard kubmetr qaz nəql olunub.
“Azəri-Çıraq-Günəşli” və “Şahdəniz” yataqları istismara veriləndən 01 avqust 2023-cü il tarixinədək AÇG-dən 211 milyard kubmetr, “Şahdəniz”dən isə 198 milyard kubmetr qaz hasil edilib. Bu dövrdə “Şahdəniz” yatağından hasil edilən qazın 139,9 milyard kubmetrə yaxını ixraca nəql edilib.
2023-cü ilin yanvar-iyul ayları üzrə ölkədə 17,7 milyon ton neft (kondensatla birlikdə) hasil edilib. Neft hasilatının 10,6 milyon tonu “Azəri-Çıraq-Günəşli”nin, 2,6 milyon tonu (kondensat) “Şahdəniz”in, 40,4 min tonu (kondensat) “Abşeron” yatağının payına düşüb. SOCAR üzrə neft (kondensatla birlikdə) hasilatı 4,5 milyon ton təşkil edib.
Hesabat dövründə 14,9 milyon ton neft (kondensatla birlikdə) ixraca nəql olunub. Bunun 13,2 milyon tonu konsorsium, 1,7 milyon tonu isə SOCAR-ın payına düşüb. “Azəri-Çıraq-Günəşli” və “Şahdəniz” yataqları istismara veriləndən 01 avqust 2023-cü il tarixinədək 620,3 milyon tona yaxın neft (kondensatla birlikdə) hasil edilib. “Azəri-Çıraq-Günəşli”dən 577,5 milyon ton neft, “Şahdəniz”dən isə 42,8 milyon tona yaxın kondensat çıxarılıb. Bundan 01 avqust 2023-cü il tarixinədək 618,4 milyon tonu ixraca nəql edilib. 2023-cü ilin 7 ayı üzrə ölkədə neftin emalı 3,7 milyon ton təşkil edib.
11-08-2023, 15:02
“Nizami” stansiyasında təmir işləri başladı
Bakı metropoliteninin “Nizami” stansiyasında platformanın tağtavanında sağlamlaşdırma və gücləndirmə tədbirlərinə başlanılıb.
“Bakı Metropoliteni” QSC-dən verilən məllumata görə, stansiyas ağır hidrogeoloji şəraitdə yerləşdiyindən stansiya müntəzəm olaraq nəzarət altında saxlanılır.
Bildirilib ki, hazırda stansiyanın tavan örtüyü sökülərək, müvəqqəti işıqlanma sistemi qurulub:
“Tunel geyimi müvafiq qaydada korroziyadan təmizlənəcək, axıntılar ləğv olunacaq. Daha sonra korroziya əleyhinə boya maddəsi ilə rənglənəcək, suaxarlar quraşdırılacaq. Bütün texnoloji tədbirlər başa çatdıqdan sonra stansiyanın tavan örtüyü yenisi ilə əvəzlənməklə işıqlanma sistemi bərpa olunacaq.
Sağlamlaşdırma istiqamətində tədbirlər yalnız metropolitendən sərnişinlərin istifadə etmədiyi gecə növbəsində aparılır. Təmir dövründə stansiyada müvafiq nəzarət mexanizmləri təmin olunacaq”.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!