2-08-2023, 18:32
İranda həbsdə olan həmyerlimizə qarşı sürülən ittiham dəyişdirildi
İranda həbsdə olan Azərbaycan vətəndaşı Fərid Səfərliyə qarşı irəli sürülən ittiham dəyişdirilib.
Bu barədə Azərbaycan Xarici İşlər Nazirliyinin (XİN) Mətbuat xidməti idarəsinin rəisi Ayxan Hacızadənin İranda həbs olunmuş Azərbaycan vətəndaşı Fərid Səfərli ilə bağlı yerli medianın sualına cavabında deyib.
Bildirilib ki, Xarici İşlər Nazirliyinin 9 mart və 2 iyun tarixli mətbuat açıqlamalarında qeyd olunduğu kimi, Fərid Səfərli barədə məlumat Xarici İşlər Nazirliyinə daxil olan gündən etibarən vətəndaşın aqibətinin və sağlamlıq vəziyyətinin öyrənilməsi, İran tərəfindən məsələyə aydınlıq gətirilməsi, vətəndaşın məhkəmə-prosessual hüquqlarının qorunması, eləcə də vəkillə təmin olunması istiqamətində həm Xarici İşlər Nazirliyi, həm də ölkəmizin Təbriz şəhərindəki Baş konsulluğu tərəfindən müvafiq iş aparılıb. Məsələ ilə bağlı, İran tərəfinə dəfələrlə rəsmi müraciətlər ünvanlanıb və mütəmadi əsasda müzakirələr aparılıb.Fərid Səfərlinin ailəsi və özü ilə əlaqə saxlanılıb. Təbrizdəki Baş konsulluğumuz tərəfindən Fərid Səfərli ilə görüşlər keçirilib, demək olar gündəlik əsasda onunla telefon vasitəsilə əlaqə saxlanılıb. Fərid Səfərliyinin valideyni ilə telefon əlaqəsi saxlamasına imkan yaradılıb.
Vətəndaşımızın hüquqlarının qorunması işinin təşkili ilə bağlı İran tərəfinə dəfələrlə edilmiş müraciətlərdən sonra, İran qanunvericiliyinə və məhkəmə prosesinin tələblərinə uyğun olaraq, qarşı tərəfdən bir neçə vəkil barədə məlumat Təbrizdəki Baş konsulluğumuz tərəfindən Fərid Səfərlinin ailəsinə təqdim olunub. Azərbaycanda yaşayan vəkilin prosesə cəlb olunmasının İran qanunvericiliyində nəzərdə tutulmadığı bildirilib.
Bununla yanaşı, İran tərəfinə məhkəmə iclaslarının keçirilmə tarixləri və Baş konsulluğumuzun rəsmilərinin iclaslarda iştirakı barədə sorğu ünvanlansa da, tərəfimizdən edilmiş bu müraciətlər İran tərəfindən cavablandırılmayıb və məhkəmə iclaslarında iştirak mümkün olmayıb. Bununla yanaşı, müraciətlərimizə baxmayaraq, təqsirləndirilən şəxs tərcüməçi ilə də təmin olunmayıb.
Eyni zamanda, müəyyən edilib ki, 19 iyul tarixində keçirilmiş məhkəmə iclası zamanı F.Səfərliyə qarşı irəli sürülmüş “casusluq” ittihamı “casusluq etmək niyyəti” ittihamı ilə əvəz olunub.
Fərid Səfərliyinin valideyninin oğlunu ziyarət etməsi üçün hazırda iş aparılır.
2-08-2023, 17:50
Putin Kadırovanı “Şərəf” ordeni ilə mükafatlandırdı
Rusiya Prezidenti Vladimir Putin Çeçenistan lideri Ramzan Kadırovun anası Aymani Kadırovanı təltif edib.
Putin Kadırovanı “Şərəf” ordeni ilə mükafatlandırıb.
Orden sahibinə təqdim edilib.
Qeyd edək ki, aktiv ictimai fəaliyyətə görə ordenlə təltif edilmə haqda fərman ötən ilin oktyabr ayında imzalanıb.
2-08-2023, 17:23
Daha bir ölkədə “TikTok” qadağan edildi
Qərbi Afrika ölkəsi Seneqalda "TikTok" növbəti xəbərdarlığa qədər qadağan edilib.
Bu barədə ölkənin Rabitə Nazirliyi yazılı açıqlama yayıb.
"TikTok" ölkənin sabitliyini təhdid edən nifrət dolu və dağıdıcı mesajlar yaymaq üçün bədxassəli insanların seçdiyi proqramdır”, - deyə bəyanatda bildirilib.
Qeyd edək ki, iyulun 31-də müxalifət lideri Ousmane Sonkonun həbsindən sonra Seneqal ictimai asayişi pozacaq sosial mediada nifrət mesajlarının və mümkün küçə etirazlarının qarşısını almaq üçün mobil interneti kəsib.
2-08-2023, 16:30
İranda neft emal edən zavod yanır
İranın qərbində yerləşən Loristan vilayətinin Durud rayonunda neft emalı zavodunda yanğın başlayıb.
Bu barədə İranın İRNA rəsmi xəbər agentliyi məlumat yayıb.
Məlumata görə, Durud rayonunda yerləşən sənaye bölgəsindəki neft emalı zavodunda günortadan əvvəl baş verən yanğın zamanı iki nəfər xəsarət alıb.
Hadisənin səbəbi məlum deyil və yanğının qarşısının alınması istiqamətində işlər davam etdirilir.
2-08-2023, 16:09
Şimali Kiprin müstəqil tanınmaması üçün heç bir səbəb yoxdur - Deputat
BMT-nin Şimali Kipr Türk Respublikasını müstəqil dövlət kimi tanınmaması üçün heç bir səbəb yoxdur.
Bunu Böyük Britaniyanın Şimali İrlandiyadan olan deputatı Semmi Uilson deyib.
O, Şimali Kiprin müstəqil dövlət kimi tanınmasını dəstəkləyən məqalə yazıb. Deputat bildirib ki, Şimali İrlandiyada məzhəb və separatçı münaqişələrin və problemlərin sona çatması ilə nəticələnən müqavilə Yaxşı Cümə Müqaviləsi (1998-ci ildə) Kiprə də tətbiq oluna və Kipr probleminin siyasi həllinə kömək edə bilər.
Uilson qeyd edib ki, vasitəçilər Kipr türkləri ilə yunanlar arasında bu razılaşmaya vasitəçilik etməsi məntiq olar: "Böyük Britaniya bu rolu yerinə yetirə biləcəyinə inanınıram. Böyük Britaniya Kiprdə gələcək və daimi sülh razılaşması üçün şablon ola biləcək Yaxşı Cümə Sazişinin tərəfdarıdır".
2-08-2023, 15:55
Qərbi Azərbaycan icmasının öz vətəninə qayıtmaq hüququ var - Hikmət Hacıyev
Qərbi Azərbaycan icmasının Ermənistanda öz yurdlarına qayıtmaq hüququ var, çünki bu icma 1980-ci illərin sonlarında Ermənistandan qovulub.
Bu barədə Azərbaycan Prezidentinin köməkçisi – Prezident Administrasiyasının xarici siyasət məsələləri şöbəsinin müdiri Hikmət Hacıyev Səudiyyə Ərəbistanının “Əş-Şarg əl-Avsat” qəzetinə müsahibəsində bildirib.
Prezidentin köməkçisi qeyd edib ki, "Ermənistanın ozamankı demoqrafik vəziyyətinə baxdıqda, müsəlmanların, xüsusilə də azərbaycanlıların geniş coğrafi regionda məskunlaşdıqlarını və oranın yerli icması olduğunu görmək olar. Lakin bugünkü Ermənistan monoetnik cəmiyyətdir. Buna görə də Qərbi Azərbaycan icmasının öz vətəninə qayıtmaq hüququ var. Təəssüf ki, Ermənistan bu icmanın hüquqlarını tam şəkildə pozur".
2-08-2023, 14:53
Əməkdaşlıq çərçivəsinin təsdiq olunmasıyla bağlı fərman imzalandı
“Azərbaycan Respublikası Hökuməti ilə Birləşmiş Millətlər Təşkilatının Sənaye İnkişafı Təşkilatı (BMTSİT) arasında 2022 – 2026-cı illər üzrə Əməkdaşlıq Çərçivəsi” təsdiq edilib.
Prezident İlham Əliyev bununla bağlı fərman imzalayıb.
Fərmana əsasən, Əməkdaşlıq Çərçivəsi qüvvəyə mindikdən sonra Nazirlər Kabineti onun müddəalarının həyata keçirilməsini təmin etməlidir.
Xarici İşlər Nazirliyinə isə Əməkdaşlıq Çərçivəsinin qüvvəyə minməsi üçün zəruri olan dövlətdaxili prosedurların yerinə yetirildiyi barədə Birləşmiş Millətlər Təşkilatının Sənaye İnkişafı Təşkilatına bildiriş göndərmək tapşırılıb.
2-08-2023, 14:47
Bakıda əcnəbi vətəndaş faciəvi şəkildə öldü
Bakıda Çin vətəndaşının faciəvi şəkildə ölməsi ilə bağlı cinayət işi başlanıb.
Baş Prokurorluqdan bildirilib ki, avqustun 1-də, saat 8 radələrində özəl şirkətlərdən birində quraşdırıcı işləyən Çin Xalq Respublikasının vətəndaşı, 1974-cü il təvəllüdlü Ren Zhanmının ölməsi barədə rayon prokurorluğuna məlumat daxil olub.
Ren Zhanmın onunla eyni şirkətdə operator-sürücü vəzifəsində işləyən Vüqar Cəfərovla birgə Qobustan qəsəbəsində yolda olan maneəni qaldırmaq istəyərkən teleskopik yükləyicinin hissələri arasında qalıb və aldığı xəsarətlərdən ölüb.
Faktla bağlı Qaradağ rayon prokurorluğunda Cinayət Məcəlləsinin 124.1-ci (ehtiyatsızlıqdan adam öldürmə) maddəsi ilə cinayət işi başlanaraq istintaq aparılır.
2-08-2023, 14:38
Ermənistan və Azərbaycanı sərhədlərin müəyyənləşdirilməsinə çağırırıq - Zaxarova
Rəsmi Moskva Ermənistan və Azərbaycanı sərhədlərin müəyyənləşdirilməsinə çağırıb.
Bu barədə Rusiya Xarici İşlər Nazirliyinin (XİN) sözçüsü Mariya Zaxarova avqustun 2-də keçirdiyi brifinqdə bildirib.
O anklavlarla bağlı suala cavabında deyib ki, ərazi mübahisələri Ermənistan-Azərbaycan sərhədinin delimitasiyası və demarkasiyası prosesi zamanı həll edilməlidir.
2-08-2023, 14:24
Çexlərin Ukrayna ordusunda iştirakinə icazə verildi
Çex Respublikasının Prezidenti Petr Pavel 14 ölkə vətəndaşının Ukrayna Silahlı Qüvvələrinin sıralarına qoşulmasına icazə verib.
Ukraynadakı müharibədə leqal olaraq iştirak etmək istəyən çexlər üçün ölkə prezidentinin icazəsi zəruridir.
Çexiya qanunvericiliyinə görə, xarici ölkələrin silahlı qüvvələrdə xidmət etməsi, zəruri hallar istisna olunmaqla, qadağandır. Bu hüquq yalnız ölkə prezidentinin xüsusi sərəncamı ilə mümkündür, əks halda Ukraynadakı hərbi əməliyyatlarda iştirak edənləri Çexiyada cinayət təqibi gözləyir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!