28-08-2022, 19:35
ABŞ və Fransa səfirlərinin əsas niyyəti
Ötən gün Şuşada xarici diplomatlar və hərbi atteşelərin iştirakı ilə beynəlxalq konfrans keçirilib. Butov.az-ın xəbərinə görə, konfransa dəvət edilsələr də, ABŞ və Fransa səfirləri Şuşaya getməkdən imtina ediblər. “ABŞ və Fransa səfirlərinin Şuşaya səfərdən imtina etməsi onların şəffaf siyasət yürütmədiyinin bariz nümünəsidir” – bu fikirləri AzTV-nin efirində millət vəkili Cavanşir Feyziyev səsləndirib.
28-08-2022, 19:32
4 milyona yaxın ukraynalı Polşadan qayıtdı
Fevralın 24-dən bəri Ukraynadan Polşaya 5,8 milyondan çox insan gedib, əks istiqamətə təxminən 4 milyon nəfər qayıdıb. Bu barədə Ukrinform agentliyi Polşa sərhəd xidmətinə istinadla məlumat yayıb. “Rusiyanın Ukraynaya hücumunun başlanğıcından bəri polşalı sərhədçilər Ukraynadan 5 milyon 835 nəfərin gəlişini qeydə alıblar, sərhədin əks tərəfinə 3 milyon 996 min nəfər keçib”, - məlumatda deyilir. Son günlər geri qayıdanların sayı gələnlərin sayını üstələyir. Belə ki, avqustun 26-da Polşaya 24,8 min ukraynalı gəldiyi halda, geri dönənlər 33,2 min nəfər olub.
28-08-2022, 19:23
Çin döyüş gəmilərini hazır vəziyyətə gətirdi
Birləşmiş Ştatların Hərbi Dəniz Qüvvələrinə məxsus 2 döyüş gəmisinin Tayvan boğazındakı beynəlxalq sulardan keçməsi Çini hiddətləndirib. Butov.az xəbər verir ki, ABŞ-ın bu addımından sonra Çin Silahlı Qüvvələri döyüş hazırlığı vəziyyətinə gətirilib. Hərbi gəmilərin artıq gücləndirilmiş döyüş növbətçiliyinə başladığı vurğulanır. ABŞ Hərbi Dəniz Qüvvələri esmineslərin Tayvan boğazından keçməsi ilə bağlı məlumatı təsdiqləyib.
28-08-2022, 19:20
İrəvanda seçki - Paşinyanın reytinqi düşdü
Sentyabrın 25-də İrəvanda yerli özünüidarəetmə orqanlarına seçkilər keçiriləcək. Butov.az xəbər verir ki, seçki öncəsi "JAM" Monitorinq Mərkəzi müxtəlif ərazilər üzrə sorğu keçirib. Məlum olub ki, əvvəlki seçki ilə müqayisədə hazırkı baş nazir Nikol Paşinyanın komandasına etimad edənlərin sayı 14,3 faiz azalıb. Buna baxmayaraq, Paşinyana etimad edənlərin sayı yenə də müxtəlifət tərəfdarlarına nisbətən bir qədər yüksəkdir.
28-08-2022, 19:18
Laçının girişindəki lövhə söküldü
Laçının gişirindəki erməni dilində “Berdzor” yazılan löhvə sökülüb. Bunu əks etdirən görüntülər sosial şəbəkələrdə yayılıb. Qeyd edək ki, Laçın işğalda olduğu müddətdə ermənilər tərəfindən “Berdzor” adlandırılırdı. Xatırladaq ki, avqustun 26-da Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin tapşırığına əsasən Laçın şəhəri, eləcə də Zabux və Sus yaşayış məntəqələri Azərbaycan Ordusunun bölmələri tərəfindən tam nəzarətə götürülüb.
28-08-2022, 19:15
Dağlıq ərazidəki yanğın söndürüldü
Fövqəladə Hallar Nazirliyi tərəfindən həyata keçirilmiş zəruri və təxirəsalınmaz tədbirlər sayəsində Masallı rayonunun Qəriblər kəndi yaxınlığında mürəkkəb relyefli dağlıq ərazidə baş vermiş yanğın daha geniş sahəyə yayılmasına imkan verilmədən dünən axşam saatlarında söndürülüb. Bu barədə FHN-in Mətbuat Xidmətindən məlumat verilib. Yanğın nəticəsində təxminən 5,5 hektar sahədə kol-kos və ağaclar yanıb. Sıx meşəlik ərazi yanğından mühafizə olunub. Qeyd edək ki, yanğınla mübarizə tədbirlərində FHN-in Dövlət Yanğından Mühafizə Xidməti, Mülki müdafiə qoşunları, Xüsusi Riskli Xilasetmə Xidməti, Cənub Regional Mərkəzinin müvafiq qüvvələri və Aviasiya dəstəsinin 2 ədəd helikopteri, habelə Ekologiya və Təbii Sərvətlər Nazirliyi Meşə Təsərrüfatı Mərkəzi və yerli icra hakimiyyətinin əməkdaşları, bir qrup yerli sakin iştirak edib.
28-08-2022, 19:13
“Qarabağ”ın futbolçusu Fransa klubuna keçir
“Qarabağ”ın futbolçusu İbrahima Vadji Fransanın “Sent Etyen” komandasına transfer olunur. Butov.az xəbər verir ki, seneqallı hücumçu növbəti həftənin əvvəllərində yeni klubu ilə rəsmi müqavilə bağlayacaq. 27 yaşlı forvardın transferinə görə Azərbaycan təmsilçisinə 1 milyon avrodan çox vəsait ödəniləcək. Bura müxtəlif bonuslar daxil deyil. Qeyd edək ki, hazırda Fransa Liqa 2-də mübarizə aparan “Sent Etyen” mövsümə -3 cərimə xalı ilə başlayıb. Klub 5 oyundan 3 xal toplayaraq, mənfi saldonu sıfırlasa da, hazırda sonuncu - 20-ci pillədə qərarlaşıb.
28-08-2022, 19:10
ABŞ gəmiləri Tayvan boğazına daxil oldu
ABŞ Hərbi Dəniz Qüvvələrinə məxsus iki gəmi Tayvan boğazından keçməyə başlayıb, ABŞ Nümayəndələr Palatasının sədri Nensi Pelosinin Vaşinqton və Pekin arasında gərginliyi artıran Taypeyə səfərindən sonra ilk dəfə belə manevrlər edilir. Butov.az xəbər verir ki, manevrdə beynəlxalq sularda fəaliyyət göstərən “Antietam” və “Chancellorsville” esminesləri iştirak edir. Daha əvvəl Ağ Evin Milli Təhlükəsizlik Şurasının Hind və Sakit okean regionları üzrə koordinatoru Kurt Kempbell Tayvan ətrafındakı vəziyyətlə bağlı brifinqdə deyib ki, ABŞ beynəlxalq hüququn icazə verdiyi yerlərdə hava və dəniz məkanında fəaliyyətini davam etdirəcək.
28-08-2022, 18:50
“Rusiya son alətindən də məhrum olacaq” - Saakaşvili
"Yaxın aylarda ABŞ və Almaniyanın hava hücumundan müdafiə sistemləri işə salınacaq ki, bu da Ukrayna səmasını demək olar ki, tamamilə qoruyacaq və bununla da Rusiyanı son alətindən məhrum edəcək". Bunu Gürcüstanın sabiq prezidenti Mixail Saakaşvili deyib. Onun sözlərinə görə, hər şey Ukraynanın xeyrinə çoxlarının düşündüyündən də yaxşı gedir: “Ən gözlənilməz hadisə cəbhədə baş verir - yaxın vaxtlara qədər Rusiyanın tam üstünlüyə malik olduğu Donbasda hər şey dəyişib. Artilleriya pariteti quruldu və son günlər ukraynalılar silah anbarlarını intensiv şəkildə məhv etməyə başladılar. Şoyqu etiraf edib ki, rus ordusu artıq irəliləyə bilməz". Saakaşvilinin fikrincə, əraziyə nəzarət planı uğursuz olduğu üçün referendum planları da ləğv edildi: "Söhbət praktiki olaraq rusların ala bilmədiyi Donetsk vilayətlərindən gedir. Donbasın digər hissələrini demirəm, Ukraynanın nəzarətində olan Donbas, Slavyansk və Kramatorsk kimi iri şəhərlərin ələ keçirilməsindən ümumiyyətlə danışmağa dəyməz. Deyə bilərəm ki, Zelenski həmişəkindən daha əmindir. Qələbəyə olan bu inam bir milyon Ukrayna əsgərinin fədakarlığına və peşəkarlığına əsaslanır. Pentaqon Ukrayna ordusunun effektivliyini "10 ballıq şkala üzrə 12" olaraq qiymətləndirib. Vaşinqtonun fikrincə, ukraynalılar Qərb silahlarından hər kəsin təsəvvür etdiyindən daha səmərəli istifadə edir. Bir sözlə, hər şey çoxlarının düşündüyündən də yaxşı gedir".
28-08-2022, 18:47
Türkiyədə qalan terrorçuların sayı açıqlandı
29 oktyabr 2023-cü ildə Cümhuriyyətin 100-cü ildönümündə Türkiyəni terrordan təmizləyəcəyik. Bunu Türkiyə daxili işlər naziri Süleyman Soylu deyib. "Hazırda Türkiyədə 120 terrorçu qalıb. Bir dənə də olsun terrorçu buraxmadan ölkəmizi təmizləyəcəyik. “Zeytun budağı” əməliyyatı zamanı Amerika “buraya girə bilməzsiniz” dedi. Bütün Avropa paytaxtları “Afrinə girə bilməzsiniz” dedi. Bizim problemimiz Hakurk idi. İraqın Hakurk bölgəsi. Həmin ərazini terror dəhlizinə çevirəcəkdilər. Rəcəb Tayyib Ərdoğan cəsarətli olmasaydı, biz ora girə bilməzdik", - Soylu bildirib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!