Karusel » Səhifə 3485

8-11-2021, 11:32

Bakıda Zəfər yürüşü keçirilib.

Yürüş iştirakçıları Azneft dairəsindən “Ağ şəhər” bulvarınadək 440 metr uzunluğunda Azərbaycan bayrağını çiyinlərində aparıblar.

Onların son dayanacağı Hərbi Qənimətlər Parkı olub.

Bütöv.az

Bakıda Zəfər yürüşündən görüntülər - VİDEO

8-11-2021, 11:12

Dövlət Təhlükəsizliyi Xidməti (DTX) 8 Noyabr - Zəfər Günü ilə bağlı videoçarx hazırlayıb.

Həmin videoçarxı təqdim edirik:

Bütöv.az

DTX Zəfər Günü ilə bağlı videoçarx hazırlayıb - VİDEO

8-11-2021, 08:18

2020-ci il sentyabrın 27-də Ermənistanın növbəti hərbi təcavüzünə cavab olaraq Azərbaycan xalqı işğal altındakı torpaqların azad edilməsi məqsədilə Azərbaycan Respublikasının Prezidenti, Ali Baş Komandan İlham Əliyevin rəhbərliyi ilə Vətən müharibəsinə başlayıb. Xatırladaq ki, 44 gün sürən hərbi əməliyyatlar nəticəsində Azərbaycan Ordusu oktyabrın 3-də Tərtər rayonunun Suqovuşan qəsəbəsini, oktyabrın 4-də Cəbrayıl şəhərini, oktyabrın 9-da Xocavənd rayonunun Hadrut qəsəbəsini, oktyabrın 17-də Füzuli şəhərini, oktyabrın 20-də Zəngilan şəhərini, oktyabrın 25-də Qubadlı şəhərini, noyabrın 8-də isə Şuşa şəhərini işğaldan azad edib, ümumilikdə 300-dən çox yaşayış məntəqəsi, həmçinin Ağdərə, Murovdağ və Zəngilan istiqamətlərində mühüm strateji yüksəkliklər işğaldan azad olunub.
Prezident İlham Əliyev 2020-ci il dekabrın 3-də Azərbaycan Respublikasında Zəfər Gününün təsis edilməsi haqqında Sərəncam imzalayıb.
Sərəncama əsasən, Şuşanın işğaldan azad edildiyi gün - 8 Noyabr Azərbaycan Respublikasında Zəfər Günü kimi təntənəli şəkildə qeyd edilir. Zəfər Günü ilə əlaqədar bu gün bir sıra tədbirlər keçiriləcək.

Azərbaycanda Zəfər Günüdür

8-11-2021, 08:09

Azərbaycanın müdafiə naziri, general-polkovnik Zakir Həsənov və nazirliyin rəhbər heyəti Bakıya gələn Türkiyə Respublikasının milli müdafiə naziri Hulusi Akarın başçılıq etdiyi geniş tərkibli hərbi nümayəndə heyətini qarşılayıb.
Bu barədə Butov.az-a Müdafiə Nazirliyindən məlumat verilib.
Türkiyə nümayəndə heyəti Zəfər Günü münasibətilə keçiriləcək bayram tədbirlərində iştirak edəcək.

Hulusi Akar Bakıya gəldi

8-11-2021, 08:02

İlham Əliyevdən Zəfər Günü ilə bağlı paylaşım

Azərbaycan Respublikasının Prezidenti, Silahlı Qüvvələrin Ali Baş komandanı İlham Əliyevin rəsmi Feysbuk səhifəsində 8 noyabr – Zəfər Günü münasibətilə paylaşım edilib.
Butov.az xəbər verir ki, ölkə başçısının rəsmi səhifəsində Şuşa və Xarıbülbülün görüntüsünü özündə əks etdirən foto paylaşılıb

İlham Əliyevdən Zəfər Günü ilə bağlı paylaşım

7-11-2021, 17:38

Noyabrın 8-də Bakıda Zəfər Günü ilə əlaqədar keçiriləcək yürüşün detalları bəlli olub.
Butov.az xəbər verir ki, saat 10-da hərbi orkestrin müşayiəti ilə başlayacaq yürüş Azneft dairəsindən “Ağ şəhər” bulvarınadək davam edəcək.
Heydər Əliyev adına Azərbaycan Ali Hərbi Məktəbinin kursantları isə Azərbaycan bayrağını yürüş marşrutu üzrə aparacaqlar. Yürüşü süvari dəstəsi müşayiət edəcək.
“Ağ şəhər” bulvarınadək davam edən yürüş “Regional İnkişaf” İctimai Birliyinin dəstəyi ilə təşkil olunan flaşmobla başa çatacaq.

Zəfər günü yürüşünün DETALLARI

7-11-2021, 17:33

Gələn həftə Rusiya, Azərbaycan və Ermənistan liderlərinin üçlü görüşü planlaşdırılır.
Bunu “İnterfaks”a Kremlin mətbuat katibi Dmitri Peskov deyib.
“Bəli, həqiqətən də belə görüş hazırlanır və videokonfrans formatında keçiriləcək”, - Peskov vildirib.

Kremldən açıqlama

7-11-2021, 17:26

Azərbaycan Respublikası Prezidenti İlham Əliyev Şuşa Rayon Mərkəzi Xəstəxanasının layihələndirilməsi və tikintisi ilə bağlı tədbirlər haqqında sərəncam imzalayıb.
Sərəncamın mətnini təqdim edirik:
1. Şuşa rayonunda 90 çarpayılıq mərkəzi xəstəxananın layihələndirilməsi və tikintisi məqsədilə Azərbaycan Respublikasının 2021-ci il dövlət büdcəsində işğaldan azad olunmuş ərazilərin yenidən qurulması və bərpası üçün nəzərdə tutulan vəsaitdən Azərbaycan Respublikasının Səhiyyə Nazirliyinə ilkin olaraq 500,0 (beş yüz) min manat ayrılsın.
2. Azərbaycan Respublikasının Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni təmin etsin.
3. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.

Şuşa ilə bağlı sərəncam

7-11-2021, 15:43

Ötən ilin bu günləri keçirdiyim hisslər nə qədər sevindiriciydisə, bir o qədər də ağrılı idi. Vətən illərlə gözlədiyi haqqını şəhidlərimizin qanı bahasına alırdı. O günlərdə şəhid balalarının sifəti gözlərim önündən getmirdi. Bu sətirlər də onda yaranmışdı. Allah şəhidlərimizə qəni-qəni rəhmət eləsin, qazilərimizə can sağlığı versin.

Bir şəhid balasının
Sözü ağlatdı məni.
Məlul-məhzun baxışı
Üzü ağlatdı məni.

Getdilər ər oğullar,
Yurda sipər oğullar.
Dönmədi nər oğullar,
İzi ağlatdı məni.

Solmamış toy xınası,
Ağlar qalıb sonası...
Qan-yaş tökür anası,
Gözü ağlatdı məni.

Şeytan oyunun pozan,
Şuşada tarix yazan,
Düşmənə qəbir qazan
Yüzü ağlatdı məni.

Xalqa zəfər gətirən,
Eli yurda yetirən,
Gözlərini itirən
Qazi ağlatdı məni.

İlham Məmmədli

Bir şəhid balasının sözü ağlatdı məni.

6-11-2021, 18:20

Azərbaycanın xarici işlər naziri Ceyhun Bayramovla İranın xarici işlər naziri Hüseyn Əmirabdullahian arasında telefon danışığı olub.
Bunu C.Bayramov tvitter səhifəsində yazıb:
"İrandan olan hörmətli həmkarımla telefon danışığımız oldu. Ona möhkəm cansağlığı və COVID-19-dan tezliklə sağalmağı arzuladım. Biz qarşılıqlı əməkdaşlığın daha da inkişaf etdirilməsi, regionda sülh və firavanlığa töhfə vermək öhdəliyimizi bir daha bəyan etdik".

Azərbaycan və İran XİN başçıları telefonla danışdı