Əhərli dostumuzu təbrik edirik! .....                        Bu gün ilaxır çərşənbəsidir .....                        Azay Quliyev ATƏT PA-da görüşlər keçirdi .....                        Ərdoğanla Putin arasında telefon danışığı baş tutub .....                        Güləşçilərimiz “Çempionlar” turnirini 10 medalla başa vurdu .....                        Mömünə Xatun türbəsiylə bağlı yayılan məlumata aydınlıq gətirildi .....                        Putin Bakıdan nə qədər səs topladı? - Açıqlama .....                        Tehranlı soydaşımız mükafatlandırıldı .....                        Azərbaycan çox yaxşı təlim keçmiş hərbi qüvvələrə malikdir - Stoltenberq .....                       
Tarix : 4-02-2021, 15:12
Cəmiyyətə "tökdüklərimiz"

Empatiya - bu günlərdə onu görən, duyan cənnətlikdir. Hər birimiz üçün son 1 il qarışıq hisslərin nirvanaya çatıb, əsəblərimizin tarıma çəkildiyi il oldu. Son zamanlarda isə bir stul çəkib, əyləşib uzaqdan böyük rəsmə-cəmiyyətə baxsaq, açıq-aydın "qusulmuş nifrətləri" və "atılan qınaqları" görərik. Söz, fikir azadlığı ilə maskalanan, özünü daha "ağıllı" göstərmək üçün edilən təhqirlər, çirkin fikirlər, gərəksiz qınaqlar... Vallah, billah ağıllı-başlı olsa dərd yarı, bu qədər yanıb tökülmərəm. Zibil torbaları arasından çıxarılan Banu niyə gündəm olmadı?! Niyə sadəcə "qısqanclıq zəminində öldürülüb" başlığını görən kimi "nəsə zibili varmış"dan törəmə şərhlər bürüdü sosial medianı?! Bu cür qınaqları yağdıranlar heç düşünmürlərmi ki, Banuya bunu edən bir insandır?! Və sabah başqa bir insan da bunu başqa bir "Banuya" yaşada bilər. Hələ intihar edənlərə "çalınan zurnaları" demirəm. "Tələf" edilən insanlarla eyni vəziyyətdə olan biri və ya biriləri olar düşünmədən, fikir bildirmək adı ilə qınağın "suyunu çıxardıqları", maska taxmaqdan oksigensiz qalmış beyinin məhsulu olan düşüncələrini cəmiyyətə, sosial mediaya virus effekti ilə yayırlar. "Fikir" isə ən qorxulu "virus"dur. Özümüz də bilmədən şüuraltımıza düşər və bizi xərçəng kimi ağuşuna alar. Birinin yerinə özünü qoymağı keçdim, heç dinləyib anlama da... Amma bilmədiyini nə danış, nə də...
Yerində və zamanında olan qınaq, tənqid gözəldir. Çünki inkişafa səbəb olar. Ancaq tənqidin "ögəy qardaşı" təhqir var ha, bax o qəliz məsələdir. Bu "qardaşlıq" Habillə Qabilin qardaşlığına oxşayır. Sən niyə Habili öldürüb Qabillə dostluq edəsən axı?
Kimisə qınamaq və bununla da yaxşı nəyə isə vəsilə olmaq istəyiriksə, Banunun zibil qabından çıxan cəsədinə "cansız kukladı, parçalayıblar" kimi reaksiya verənləri və ya bir-birinin ardınca olan intiharlara "insan deyil, həşərat həyatıymış" kimi fikir bildirənləri qınayaq. Bir yerdən ağlımda qalıb: Sözü gərək yaş əski kimi üzə çırpmayasan, sakitcə palto kimi çiyindən asasan. Mənfi fikirlərlə xislətlərini qidalandırıb, özünü fövqəlbəşər hesab edənlər, əgər 32 səddə rəğmən ağzınızdan çıxanlar və ya beyninizdən barmaqlarınız vasitəsi ilə klaviaturaya "tökülənlər" kiminsə həyatına zərər verərək toxunacaqsa, bunu etməyək. Yox, əgər "mən həyatlara toxunmaq istəyirəm" deyiriksə, buna müsbətlərimizlə nail olaq. Özümüz dəyişək ki, qınadıqlarımız da dəyişsin. Yer dairəvidir, Magellan belə, səyahətə başladığı yerə geri döndü. Bu gün bu cəmiyyətə "tökdüklərimiz" sabah bizim həyatımıza toxunacaq. Qınaqları qınayan, qınaqlarla dolu yazının sonu.

Adilə Həmzəyeva,
BDU Jurnalistika fakültəsinin II kurs tələbəsi


Paylaş



Bölmə: Köşə / Karusel / Slayd / Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Mart 2024    »
BeÇaÇCaCŞB
 123
45678910
11121314151617
18192021222324
25262728293031
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Erməni tərəfdən Azərbaycan mövqeləri belə görünür... - VİDEO






Bütöv.az
Video
"Vətən Qəhrəmanları" Şəhid İlyas Nəsirov


All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!