Sentyabrın 26-da İstanbulda, İslam Əməkdaşlıq Təşkilatı Gənclər Forumunun təşkilatçılığı ilə, İƏT tarixində ilk dəfə bu ildən başlayaraq keçirilən Gənclər Gününə həsr olunmuş“Müsəlman Gəncliyinin Durumu” adlı, yüksək səviyyəli beynəlxalq konfrans keçirilib. Konfransda eyni zamanda İƏT üzv ölkələrin gənclərinin durumunu əks etdirən ilk tədqiqat hesabatının təqdimatı da keçirildi.

Tədbirin rəsmi açılış mərasimində Azərbaycan, Turkiyə, Qətər, Fələstin dövlətlərinin Gənclər və İdman nazirlərinin, digər rəsmi qonaqların çıxış etdiyi Konfransda İƏT və BMT-nin yüksək səviyyəli təmsiliçiləri, İstanbulda fəaliyyət göstərən diplomatik korpusun rəhbərləri, 30-dan artıq ölkənin gənc iderləri və aparıcı gənclər təşkilatlarının nümayəndələri iştirak ediblər.

Konfransda açılış nitqi ilə çıxış edən İƏT Gənclər Forumunun sədri səfir Elşad İskəndərov İslam dünyasının üzləşdiyi problemlərə diqqət çəkərək, bu problemlərin ilk qurbanlarının məhz gənclər olduğunu qeyd etməklə, həmin problemlərin həllinin müasir müsəlman gəncliyinin inkişafı, onların təhsil, işlə təmin olunma, iqtisadi müstəqillik perspektivlərinin genişləndirilməsindən keçdiyini bildirib. “Məhz bu baxımdan İƏT tarixində ilk dəfə həmkar strukturlar ilə birgə əsaslı tədqiqat nəticəsində hazırlanmış “Müsəlman Gəncliyinin Durumu” hesabatı gələcəyə yönəlmiş məqsədləri aydınlada bilər,” - E.İskəndərov əlavə edib.

Daha sonra İƏT Xarici İşlər Nazirləri Konfransının 44-cü sessiyasında, İƏT Gənclər Forumunun təşəbbüsü ilə qəbul edilmiş qətnaməyə əsasən ilk dəfə bu ildən etibarən 3 sentyabr tarixində qeyd olunmağa başlayan Gənclər Günü ilə bağlı üzv ölkələrdə keçirilmiş tədbirlərin xülasəsi də təqdim edilmiş, əhəmiyyəti qeyd edilmiş, gələcək illər üçün perspektivləri müzakirə edilib.
Konfransda həmçinin bildirilmişdir ki, Gənclər Günü tarixi 2006-cı ilin 3 sentyabrında Türkiyə Respublikası Prezidenti Rəcəb Tayyib Ərdoğan və Azərbaycan Respublikası Prezidenti İlham Əliyev cənablarının birgə iştirakı ilə İstanbulda İƏT Gənclər Forumun Baş Qərargahının açılış mərasimi günü ilə əlaqədar seçilib.Bunu Azərbaycan və Türkiyənin uğurlu beynəlxalq təşəbbüslərinə İƏT-də verilən yüksək qiymət kimi dəyərləndirən İƏT Gənclər Forumu sədri Elşad İskəndərov, ilk Gənclik Gününün süaurının2017-ci ili “İslam Həmrəylik İli” elan etmiş Azərbaycan Prezidenti İlham Əliyev cənablarının təşəbbüsünə dəstək olaraq “Fəaliyyətdə Həmrəylik” olduğunun qeyd edib.