"Milli QHT Forumunda "Kəlağayı Bayramı" silsilə tədbirlərinə start verildi .....                        Qazaxda gənclərin karyera planlama müzakirəsi .....                        Könüllərdə taxt quran kişi .....                        TƏHSİL TARİXİMİZİN SÖNMƏYƏN ÇIRAQLARI .....                        20 oktyabr — Səttarxanın doğum günü: .....                        Zəngilanın dirçəliş və qayıdış dövrü .....                        Sədaqətli dost, dəyərli qələm sahibi .....                        Azərbaycan və Kamboca əməkdaşlığın yeni mərhələsinə hazırlaşır .....                        Onlar məndən, mən onlardan öyrəndim… .....                       
Tarix : 21-09-2017, 10:40
Xatirələrdə yaşayacaq ozan



Sentyabrın 14 - ü 2017-ci ildə Azərbaycan incəsənətində ağır itki oldu. Sazımızın Kralı, Azərbaycan Respublikasının Prezident təqaüdçüsü, Əməkdar incəsənət xadimi Ədalət Məhəmmədəli oğlu Nəsibov (Dədə Ədalət) 78 yaşında uzun sürən xəstəlikdən sonra Bakı şəhərində gözlərini əbədi olaraq yumdu, haqq dünyasına qovuşdu.
XX əsrin ən görkəmli, əvəzolunmaz saz ifaçısı olan Ədalət Nəsibov 27 yanvar 1939-cu ildə Qərbi Azərbaycanın Çəmbərək (Krasoselo) rayonunun Toğulca kəndində anadan olub. 9 yaşına qədər Krasoselo rayonunun Bəriabad kəndində əmisi Alməmməd kişinin yanında yaşayır. Və birinci sinifə də elə bu kənddə gedir. Atası Məhəmmədəli kişi 1948-ci ildə Qazax rayonuna köçür.


Xatirələrdə yaşayacaq ozan


Ədalət Məhəmmədəli oğlu Nəsibov hələ uşaq ikən saza-sözə vurulur. Bunun da səbəbi atasının gözəl saz çalıb oxuması olub. Sazın bütün sirlərini atasından öyrənən gənc Ədalət az bir müddətdə el şənliklərinə dəvət alır. El şənliklərində çalıb oxumağa başlayır.

Aşıq Ədalət Türk dünyasının sayılıb-seçilən ozanları olan Aşıq Qurbani, Tufarqanlı Abbas, Xəstə Qasım, Miskil Abdal, Aşıq Valeh, Molla Cüma, Ağ aşıq (Aşıq Allahverdi), Aşıq Alı, Aşıq Ələsgər, Aşıq Nəcəf, Aşıq Əsəd, Hüseyn Bozalqanlı, Aşıq Əmrah, Aşıq Kamandar, Aşıq Şəmşir, Mikayıl Azaflı, Aşıq İmran, Aşıq Əkbər, Murad Niyazlı və s. aşıqlarla bir cərgədə olan Aşıq Ədalət Nəsibov da var.

Xatirələrdə yaşayacaq ozan


Ədalət Nəsibov bir çox havacatlara öz möhürünü elə vurub ki, bundan sonra bu havacatlara kimsə kölgə sala bilməz. Bu havacatlardan “Qaytarma”, “Ruhani”, “Qaraçı”, “Urfani”, “Naxçıvani”, “Yanıq Kərəm”i və s. havacatlarını göstərə bilərik. Bu havacatlar birbaşa Aşıq Ədalətin adı ilə bağlıdı.
El şairi Kəlbəcərli Əli Qurbanov bir qoşmasında olduqca çox gözəl deyib:

Ellər bilsin, oxuyanda Əkbərə,
Saz çalanda Ədalətə heyranam.


Şair Əli Qurbanov hər iki ustadı olduğu kimi qeyd edib. Onların özlərinə layiq qiymətləndirib.
Dədə Ədalətin ölüm xəbəri hər bir saz-söz sevərləri kədərləndirdi. Hərə özünə bir təskinlik verirdi. Leyla Bayramlının yazdığı bu gözəl şeirdə olduğu kimi: “Kərəmi” çal ay dədə, həzin-həzin.

Barmaqlarda saz sehrini yaşatdın,
Dədə Qorqud ruhunu sən ucaltdın.
Ömür günü “Qara sazla” qocaltdın,
“KƏRƏMİ” ÇAL AY DƏDƏ, HƏZİN-HƏZİN,
Bu gedişlə ürəkləri göynətdin…

Gah coşdurdu, gah dincəltdi saz səni.
Unutdurdun qəlbdə nisgil ələmi.
Sazın sehri mat qoyurdu aləmi,
“RUHANİ” ÇAL AY DƏDƏ, HƏZİN-HƏZİN,
Bu gedişlə ürəkləri göynəltdin…

Məni qoyun qara sazla torpağa!
Vəsiyyət edirdin övlad uşağa.
Gedirsənmi yenə doğma Qazaxa?
“DÜBEYTİ” ÇAL AY DƏDƏ, HƏZİN-HƏZİN,
Bu gedişlə ürəkləri göynətdin…


Bəli, Leyla xanım çox doğru deyir ki, ustadın bu gedişi çox ürəkləri göynətdi.
Gənc şair Şahlar Qəribli də ustadın ölüm xəbərini eşidib “Ustad” qoşmasını yazmışdı:

Çətin bir də dövran sizi yetirə,
İllər keçsə indən belə yüz, Ustad.
Ürəklərdə yaşayacaq adın var,
Silinməzdi, o qoyduğun iz, Ustad.

Tapılarmı bu dərdimin çarəsi,
Allah qaldı ürəyimin parası.
Sağalmamış Zəlimxanın yarası,
Yetim qaldı, təzədənnən söz, Ustad.

Nə zülümdü başımıza bu gəldi,
Bu nə vaxtsız, nə vədəsiz əcəldi.
Qəriblinin ahı göyə yüksəldi,
Qara geydi, yasa batdı saz Ustad.


Xatirələrdə yaşayacaq ozan


Şair Şahlar Qəribli də olduqca çox gözəl qeyd edir ki, Zəlimxan yaramız sağalmadan təzədən bir yara da vurdun ürəyimizə.
Sazımızın Kralı Dədə Ədalət 15 sentyabr 2017-ci ildə boya-başa çatdığı Qazax rayonunda torpağa tapşırılmışdı.
Allah rəhmət etsin.

Hüseyn Məmmədov,
“Bütöv Azərbaycan” qəzeti


Paylaş



Bölmə: Ana seife / Karusel / Slayd / Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Noyabr 2026    »
BeÇaÇCaCŞB
 1
2345678
9101112131415
16171819202122
23242526272829
30 
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Zəngilanın dirçəliş   və qayıdış dövrü


Zəngilanın dirçəliş

və qayıdış dövrü


Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.

Qərbi zəngəzurlular Zəngilan şəhidliyində

Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.

Azad Zəngilanın qonaqları

Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.

Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov


All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!