3-11-2021, 11:14
Son günlər ölkə məktəblərində müəllim və şagirdlər arasında COVID-19 yoluxma halları xeyli artıb. Pedaqoji heyətin 90 faizinin vaksinasiyadan keçdiyi, təhsil müəssisələrində sanitar-gigiyena qaydalarına tam riayət olunduğu deyilsə də, yoluxanların sayı demək olar ki, hər gün artır.
Hətta müəllim və şagirdlər arasında ölüm halları belə baş verib.
Bu vəziyyətdə məktəblərin bağlanması və yenidən distant təhsilə keçid mümkündürmü?
Bakupost.az -ın xəbərinə görə, məsələyə münasibət bildirən Aspirant və Magistrlər Cəmiyyətinin sədri, fizika-riyaziyyat elmləri üzrə fəlsəfə doktoru İlqar Orucov deyib ki, məktəblər təkrar bağlandığı təqdirdə şagirdlərin təhsili dərindən mənimsəməsinə ciddi problemlər yaranacaq:
“Ənənəvi təhsili əvəz edəcək təhsil forması yoxdur. Pandemiya səbəbindən məcburiyyət qarşısında qalıb 2 ilə yaxın bir müddətdə, təhsilsizlik boşluğunu doldurmaq üçün fərqli formatlarda təhsilin davam etdirilməsi ilə bağlı qərarlar qəbul edildi. Hazırda isə məktəblərin yalnız lokal olaraq qapanması ilə bağlı qərarlar qəbul olunur. Hesab edirəm ki, bu doğru qərardır”.
İ. Orucovun sözlərinə görə, bu gün bir sıra məktəblərdə yoluxma halları müşahidə olunur:
“Payız mövsümünə xas xəstəliklər də artıb. Mövsümi qrip səbəbindən immun sistemi zəifləyən insan koronavirusa da tez yoluxur. Bədəni zəif olduğu üçün xəstəliyi bir qədər də ağır keçirir. Koronavirusa yoluxma sayındakı statistika hər kəsi, xüsusilə də valideynləri narahat edir. COVİD-ə yoluxan şagirdlərin sayı artdıqca bəzi valideynlər ehtiyat edib övladlarını məktəbə qoymur. Ancaq unutmaq lazım deyil ki, pandemiyanın nə vaxt bitəcəyi məlum deyil. Bu səbəbdən də biz pandemiya şəraitində yaşamağa alışmalıyıq. Başqa çarəmiz yoxdur”.
İ. Orucov bildirib ki, əgər qarşıdakı dövr ərzində məktəblərdə yoluxma halları kəskin şəkildə artarsa, o zaman məktəblərin qapadılması haqda qərar verilər:
“Hesab edirəm ki, mövcud vəziyyətə uyğun olaraq ayır-ayrı siniflərlə bağlı qərarlar qəbul edilməlidir. Bir sinifdə yoluxma aşkarlandıqda o sinif bağlanmalıdır. Pandemiya nə vaxtadək davam edəcəksə, biz də ona uyğun yaşamalıyıq. Buna məcburuq. Övladlarımıza yaxşı təhsil vermək istəyiriksə, məktəblərin bağlanmasını istəmiriksə hamılıqla ilk növbədə həmrəylik nümayiş etdirməliyik. Valideynlər, müəllimlər və məktəb rəhbərləri sanitar gigiyena qaydalarına əməl etməlidirlər. Qoyulan qaydalara əməl olunduğu halda biz vəziyyəti idarəolunan həddə saxlaya bilərik. Məsələyə qeyri ciddi, başdansovdu yanaşılsa və nəticədə yoluxma və ölüm sayı pik həddə çatsa, gələcəkdə daha sərt qərarların qəbulu qaçılmaz olacaq”.
Milli Məclisin Təhsil komitəsinin üzvü, professor Aqiyə Naxçıvanlı isə hesab edir ki, heç vaxt distant təhsil əyani tədrisi, müəllimlə şagirdin canlı ünsiyyətini əvəz edə bilməz. Bu səbəbdən də hansısa məktəbdə yoluxma aşkarlansa, konkret olaraq həmin təhsil müəssisəsi qapadılmalıdır. Bütün məktəbləri bağlamaq olmaz:
“Amma virus müəllim və şagirdlər arasında sürətlə yayılarsa, bu haqda düşünməli olacağıq. Ancaq hazırkı vəziyyətdə məktəblərin bağlanması düzgün qərar olmaz. Hər halda gündəlik yoluxma dinamikası izlənməli və təhlil olunmalıdır. Elə məktəb var ki, orada COVID-ə yoluxma halı aşkarlanmayıb. Belə məktəbləri bağlamağa ehtiyac yoxdur”.
A. Naxçıvanlının fikrincə, həm məktəb rəhbərliyi, həm də valideynlər çox diqqətli olmalıdırlar:
“Valideynlər qripə yoluxan övladlarını məktəbə gətirməməlidirlər. Əgər uşaq xəstədirsə onu evdə saxlamaq lazımdır. Qripə yoluxan uşağı məktəbə gətirəndə sinfin yarısı qripə yoluxur. COVİD-ın bəzi əlamətləri adi qriplə oxşardır. Boğaz ağrısı, hərarət, öskürək. Bu səbəbdən də ayırd etmək olmur ki, bu adi qripdir ya COVİD. Məktəb rəhbərləri, eləcə də müəllimlər hazırkı məqamda çox diqqətli olmalıdırlar. Adi qripə yoluxan uşaqları məktəbə buraxmamalıdırlar”.
Millət vəkili Naqif Həmzəyev vurğulayıb ki, orta məktəblərin distant təhsilə keçirilməsi problemin həlli yolu deyil:
“Məktəblər bağlandığı təqdirdə distant təhsilin tətbiqinə başlanılacaq. Distant təhsil isə şagirdlərin bilik səviyyəsinin aşağı düşməsinə, onların dərsə, təhsilə marağının azalmasına səbəb olacaq. Məktəblərin qapadılması həmçinin şagirdlərin psixologiyasına da mənfi təsir göstərəcək. Sadalanan səbəblərə əsaslanaraq, məktəblərin qapadılmasını məqbul saymıram”.
Millət vəkilinin sözlərinə görə, yoluxma sayını artırmamaq üçün vətəndaş olaraq qoyulan qaydalara əməl etməliyik:
“İlk növbədə çalışılmalıdır ki, bütün təhsil işçiləri vaksinasiya olunsun. Müəllimlər həm özlərinin həm şagirdlərin saglamlığı naminə üçüncü doza vaksini də vurdurmalıdırlar. Eyni zamanda məktəblərdə sanitar gigiyena qaydalarına tam əməl olunmalıdır. Qaydalara riayət olunsa yoluxma artmaz və qapanmalara da ehtiyac qalmaz”.
Bütöv.az
7-10-2021, 16:47
Azərbaycan Dövlət İqtisad Universitetində (UNEC) Beynəlxalq əlaqələr və proqramlar üzrə prorektor vəzifəsinə yeni təyinat olub.
Bununla bağlı UNEC məlumat yayıb.
Bildirilib ki, universitetin rektoru Ədalət Muradov yeni prorektor Neman Muradlını Beynəlxalq əməkdaşlıq departamentinin kollektivinə təqdim edib.
Qeyd edək ki, Neman Muradlı 1986-cı ildə anadan olub. 2007-ci ildə BDU-nun Hüquq fakültəsini bitirib. 2009-2010-cu illərdə Koreya Respublikasında Koreya İnkişaf İnstitutunun Dövlət siyasəti və idarəetmə fakültəsində magistr təhsili alıb. 2011-2017-ci illrədə Kyung HEE Universitetinin Dövlət idarəetməsi fakültəsində doktorantura təhsili alıb. 2017-ci ildə namizədlik dissertasiya işini müdafiə edərək, Kyung HEE Universiteti tərəfindən “Dövlət idarəetməsi” üzrə fəlsəfə doktoru elmi dərəcəsinə layiq görülüb.
2015-ci ildən 2021-ci ilin avqust ayınadək Azərbaycan Respublikası Dövlət Neft Fondunda işləyib. 2017-ci ildən UNEC-in İqtisadiyyat və idarəetmə kafedrasının müəllimidir.
İngilis, türk və Koreya dillərini mükəmməl bilir.
Butov.az
6-10-2021, 20:26
5-10-2021, 11:23
Təhsil naziri Emin Əmrullayev 5 oktyabr - Beynəlxalq Müəllimlər Günü münasibətilə müəllimləri təbrik edib.
Təbrikdə deyilir:
“Əziz müəllimimiz,
Övladlarımızın təlim-tərbiyəsini etibar etdiyimiz Sizə təşəkkür edir, şərəfli peşənizdə uğurlar arzulayıram!
Beynəlxalq Müəllimlər Gününüz mübarək!”
Butov.az
5-10-2021, 11:11
Ağdam Rayon Təhsil Şöbəsinə yeni müdir təyin olunub.
Unikal.org-un əldə etdiyi məlumata görə, bununla bağlı Təhsil naziri Emin Əmrullayev əmr imzalayıb.
Əmrə əsasən, sözügedən vəzifəyə Tahir Abbasov təyinat alıb.
Qeyd edək ki, o, bu təyinatadək Ağdam Rayon İcra Hakimiyyətinin Hüquq şöbəsinin müdiri vəzifəsində çalışıb.
Butov.az
1-10-2021, 10:47
Açıq demək lazımdır ki, Azərbaycan təhsili son 20-30 ildə ciddi tənəzzülə uğrayıb. Təhsilin səviyyəsi də xeyli aşağı düşüb. Ən dəhşətlisi odur ki, təlim-tərbiyyə məsələsi də ürəkaçan deyil.
Məktəblərimizdə nələr baş verir?
Əslində sual belə olmalıdır: Nələr baş vermir?
Şagird özünü məktəbdə intihar edir...
Məktəb direktoru şagirdə təcavüz edir...
Məktəblərdə rüşvət adi hal alıb...
Müəllimlər repetitorluq üçün direktora aylıq verir..
Direktor isə hər ay müəllimlərdən yığdığı pulu icra başçısına çatdırır..
Və daha nələr...
Uzun müddət təhsil sahəsində çalışmış, Bakı Şəhər Təhsil İdarəsinin müdiri, sonra təhsil nazirinin müavini işləmiş Məhəbbət Vəliyevanın ötən ilin sonunda hay-küylü istefası mediada xeyli müzakirələrə səbəb oldu.
Məhəbbət Vəliyeva uzun müddət nüfuzlu liseylərdən birinin direktoru, sonra Bakı Şəhər Təhsil İdarəsinin müdiri işləyəndə rüşvətxor və korrupsioner kimi ad çıxarmışdı.
Məhəbbət xanım, məktəb direktorlarılnın, lisey direktorlarının təyin olunma qiymətini qaldırmışdı.
Məhəbbət xanımın elmi işinin plagiat olması da xeyli müzakirələrə səbəb olmuşdu.
Xanım Vəliyevanın qızı da şəhər təhsil müəssisəsində baş mühasib kimi bu işlərdə iştirak etmişdi.
Bütün bunları sadalamaqda məqsədimiz odur ki, Məhəbbət Vəliyevanın hay-küylü istefası barədə müxtəlif variantlar səsləndi.
Onun korrupsiya əməlinə görə ifşa olunmasından qorxaraq infarkt keçirməsi və səhhətinə görə istefa verməsi xəbəri də yayıldı.
Ancaq daha çox hallanan xəbər onun Fətullah Gülənin heyranlarından biri olması idi.
Məlumata görə, Məhhəbbət xanım bu boyda rüşvət və korrupsiya bataqlığından sonra haqqa gəlmək istəyib. Və namaz qılaraq, oruc tutaraq günahlarının bağışlanmasını diləyirmiş. Hətta nazirliyə də çarşabda-hicabda gəlirmiş. Yəni həcixanım imiş.
Ancaq rəsmi məlumatda həcixanımın guya səhhətində problem olduğu bildirilir.
Əslində isə, eks nazir müavininin vəzifədən ayrılma səbəbi səhhətində yaranmış problem deyil, dinə meyl etməsi ilə bağlı olub.
Sözün düzü, kiminsə namaz qılması, oruc tutması, hicab taxması bizim üçün müzakirə mövzusu deyil. Hər kəs öz inancında azaddır.
Bizim üçün bu hicabın altında baş verən rüşvət və korrupsiya əməlləridir.
Biz Məhəbbət Vəliyevaya gec də olsa, düz yola, haqq yoluna qayıtmasını arzu edirik.
Görək, onu əvəz edən və yaxını, bacısı olan Mehriban Vəliyeva nələr edir ?
Təhsilimiz üçün külüng çalır, yoxsa..?
Məlumat üçün qeyd edək ki, Mehriban Vəliyeva Bakı Dövlət Universitetinin Filologiya fakültəsini bitirib. Filologiya üzrə fəlsəfə doktorudur.
1989-cu ildən pedaqoji fəaliyyətə başlayıb, Bakı şəhəri 278 nömrəli tam orta məktəbdə, Heydər Əliyev adına Müasir Təhsil Kompleksində və Akademik Zərifə Əliyeva adına liseydə işləyib.
2014-2020-ci illərdə Akademik Zərifə Əliyeva adına liseyin direktoru vəzifəsində çalışıb.
“Əməkdar müəllim”dir və Təhsil naziri Emin Əmrullayevin əmri ilə 2020-ci il 11 dekabr tarixində Bakı Şəhəri üzrə Təhsil İdarəsinin müdiri vəzifəsinə təyin edilib.
Əslində doğma bacı olan bu iki xanım, məşhur liseydə və digər qurumlarda eyni yolu keçiblər.
Həm də atalar demişkən, dostunu mənə göstər kim olduğunu deyim.
Bəli, bu gün Mehriban Vəliyeva da sələfi Məhəbbət xanım kimi təhsilimizi korrupsiya dolanbaclarından keçirir. Bu iki bacı bu məsələdə vərdişkardırlar. Vərdişi tərgitmək isə müşkül məsələdir.
Az qala unutmuşduq ki, Mehriban Vəliyeva həm də Azərbaycan Respublikası Prezidenti yanında Əfv Komissiyasının üzvüdür. Bəh, bəh..
Bu yerdə Kərəmi ağlamaq tutur.
Görəsən təhsilimizin başına saldıqları daşa görə, bu iki bacını əfv edən olacaqmı ? (gundelik-baku.com)
Bütov.az
30-09-2021, 11:30
Azərbaycan Texnologiya Universiteti (ATU) 8 ildə idarəçilikdən xəbəri olmayan bir adamın rəhbərliyi nəticəsində uçrumun başındadır.Təsəvvür edin ki, ömründə təyyarə sürməyən adamı təyyarənin sükanı arxasında otuzdurublar. Keçək əsas mətləbə.
Bu ilin iyul ayının 10-da Təhsil nazirinin müvafiq əmri ilə ATU-nun rektoru Azər Süleymanovun xəstəliyi ilə əlaqədar Təhsil Nazirliyinin sektor müdiri Y.Ömərov universitetə elmi işlər üzrə prorektot və eyni zamanda 3 ay müddətinə rektor əvəzi təyin edildi. Elə hadisələr də bundan sonra başladı.
Belə ki, bundan bir həftə sonra ağır xəstə olan A.Süleymanov qəfil “sağaldı” və Təhsil Nazirliyinə ərizə ilə müraciət edərək, işə qayıtmasını xahiş etdi. Nəticədə universitetdə bir-neçə günlüyə ikihakimiyyətlik yarandı. A.Süleymanov universitetə rəhbər kimi qayıtmasını daha parlaq nümayiş etdirmək üçün məzuniyyətdə olan elmi şura üzvlərinin təcili toplanmasına və elmi şura iclasının keçirilməsinə (onlayın) göstəriş verdi.
Yetərsay olduğunu bildirən A.Süleymanov iclasın gündəliyini elan edib və məlum olub ki, 6 aydan çox işdə olmayan rektor elə işə çıxdığı gün birdən-birə struktur dəyişikliyi etmək istəyir. Həmin vaxt Elmi işlər üzrə prorektor Y.Ömərov və iclasa qoşulmuş Təhsil Nazirliyinin məsul işçisi Y.Piriyev iclasın keçirilməsinin qanuna zidd olduğunu və çıxarılan nəticələrin legitim olmayacağını bildiriblər. Universitetə 8 il “rəhbərlik” edən rektora başa salıblar ki, məzuniyyətdə olan elmi şura üzvləri ilə iclas keçirmək üçün əvvəla onları məzuniyyətdən geri çağırmaq lazımdır, bu da ancaq fövqəladə hallarda baş verə bilər, hansısa bir struktur dəyişikliyi üçün insanları narahat etməyə dəyməz.
Görəsən, uzun müddətdir univerisitetdə elmi şuranın katibi işləyən, aylıq maaşı universitetin professorunun aylıq maaşından 6 dəfə artıq olan dosent Mətanət Əhmədova tradikomik vəziyyətə düşməməsi üçün niyə vaxtında rektoru, “dayısı” Akif Süleymanovu məlumatlandırmayıb?! Ola bilər ki, M. Əhmədova uzun müddətdir xəsdəlikdən əziyyət çəkən rektoru görmək istəyirmiş...
Yeri gəlmişkən, M.Əhmədova elmi şuranın katibi kimi, elmi şura iclaslarının protokollarını sonradan öz istədikləri şəkildə dəyişdirməkdə həmişə yüksək ustalıq nümayiş etdirib. Həmin biabırçı, yarımçıq qalmış iclasdan sonra universitetə nəhayət ki, Təhsil Nazirliyinin yoxlaması gəlib və məlun olub ki, işə qayıtmasından 4 gün keçməsinə baxmayaraq, rekor A.Süleymanov işə çıxmır. O da məlum olub ki, A.Süleymanov vərdiş etdiyi köhnə qayda ilə yenidən universiteti idarə etmək istəyir. Yəni adı işdə, özü isə haradasa məlum olmayan yerlərdə.
Nəhayət, vərdiş etdiyi qaydada universitetə ”rəhbərlik” etməsinin mümkünsiz olduğunu və eyni zamanda universitetə gələn yoxlamanın suallarına cavab vermək iqtidarında olmadığını dərk edən A.Süleymanov yenidən ərizə yazaraq məzuniyyətə çıxıb.
A.Süleymanov rektor olduğu müddətdə işlədiyi “Kompyuter mühəndisliyi və telekommunikasiya” kafedrasında müəllim kimi bir saat belə dərs deməyib. Amma adı çəkilən kafedrada 8 ildir ki, ona qanunsuz olaraq əmək haqqı yazılır. Bu korrupsiya faktı deyilsə bəs nədir?
Yəni A.Süleymanov dərs demədən müftə maaş alaraq vəzifəsindən sui-istifadə edib. Universitetə gələn yoxlama üzviləri də qeyd olunanların doğru olduğunun şahidi olublar. Ayda özünə 10 min manat maaş yazdıran rektor A. Süleymanovun gözü doymadığından, iddialara görə, rüşvət almaqla da ciddi məşğul olmuşdur.
Onun 8 illik fəaliyyəti artıq Təhsil Nazirliyinin müvafiq komissiyası tərəfindən araşdırılır. Respublikanın digər ali məktəbləri ilə müqayisədə cəmi 3 min tələbəsi olan bir universitet (həm də dövlət universiteti olmaqla) rektorunun, digər universitet rəhbərlərindən fərqli olaraq, bu qədər fantastik maaş alması görən nə ilə izah oluna bilər?! Görəsən, Akif Süleymanov hansı keyfiyyətlərinə görə digər universitet rektorlarından dəfələrlə artıq maaş alır? Bəlkə bunların materialı İ.Stalin demişkən, bolşeviklər kimi xüsusi növ parçadan hazırlanıb!
A.Süleymanov son 6 ildə universitetdən 3 mühasib kənarlaşdırıb. Yəni ağlı başında olan heç bir mühasib rektorun ağılsız fantaziyalarına inanıb, hansısa bir qanunsuz sənədə imza atmayıb, çıxış yolunu ərizə yazıb işdən çıxmaqda görüblər və belə də olub. Univrsitetin mühasibatlığında elə maliyyə pozuntuları edilib ki, bunları təsəvvür etmək mümkün deyil. ATU fəaliyyət göstərdiyi tarixdən bəri belə bir duruma heç vaxt düşməmişdir.
Qeyd etmək istəyirəm ki, universitetdə çox az sayda professor çalışır. A.Süleymanov rektor kimi fəaliyyəti müddətində universitetə nə bir elmlər doktoru, nə də fəlsəfə doktoru dəvət edib, müəllim kimi işə götürdükləri ancaq magistr səviyyəli işçilər olub. Əksinə, ATU-nun rektoru Akif Süleymanovun təzyiqi ilə 4 nəfər yüksək potensiallı, cavan elmlər doktoru universitetdən uzaqlaşdırılıb. Sonradan onlardan biri məhkəmənin qərarı ilə universitetə bərpa olunub.
Bax, budur A.Süleymanov və oğlu Şamil Süleymanov cütlüyünün “ədalət” meyarları.
Hörmətli prezidentimiz, cənab İlham Əliyev dəfələrlə vətəndaşlara müraciət edərək bildirib ki, “yerlərdə məmurların özbaşnalığına göz yummayın, məlumat verin”. Yazının əvvəlində qeyd edildiyi kimi, artıq Təhsil Nazirliyinin yoxlaması universitetdədir və ümid edirik ki, dövlətimizin qanunlarını pozanlar, zəli kimi kollektivin qanını soranlar layiqli cəzasını alacaqlar.
Mövzunu davam etdirəcəyik.
(Hurriyyet.az)
Bütov.az
20-08-2021, 17:57
23-07-2021, 11:03
Uzaq keçmişdə Ağdamın ərazisində yaşamış türkdilli qəbilələr özlərini düşməndən müdafiə etmək üçün kiçik qalalar tikirdilər. Buna əsəsən “Ağdam” sözü keçmiş zamanda “Kiçik qala” mənasına gəlirdi. Zaman keçdikcə isə həmin şəhərin adının mənası dəyişdi. XVIII əsrin birinci yarısında Qarabağ xanı Pənahəli xan bu şəhərdə özü üçün ağ daşdan imarət tikdirmək barədə əmr verib. Həmin imarət uzun müddət ətraf kəndlərin sakinləri üçün bir növ oriyentirə çevrilib. Bundan sonra "Ağdam" sözü günəş şüaları ilə nurlanmış işıqlı, ağ ev mənasına gəlib. Qədim insanların yaşayış məskəni olan Ağdam rayonu 8 avqust 1930- cu ildə salınıb. Rayonun relyefi əsasən düzənlik, qismən isə dağlıqdır. Sahəsi 1150 kvadrat km-dir. Əhalisi 153 mindən çoxdur. Qafqazda ilk şəhər tipli yaşayış məskəni və Cənubi Qafqazda ən zəngin abidələri olan yerlərdən biri məhz Ağdamdır. Şəhərin şimal-qərbində Xındırıstan kəndində yеrləşən Üzərlik təpə abidəsi, Xaçındərbənd kəndindəki Qutlu Musa oğlu günbəzi (1314-cü il), Salahlı-Kəngərli kəndindəki türbə və daş abidələri (XIV əsr), Papravənd kəndindəki Xanoğlu türbəsi (XVII əsr), türbələr və məscid (XVIII əsr), Qarabağ xanı Pənahəli və onun nəslinin Ağdam şəhərindəki imarəti (XVIII əsr), Şahbulaq qalası və s. mеmarlıq abidələri var. Rayonda 34 uşaq bağçası və körpələr evi, 89 ümumtəhsil məktəb, 4 fəhlə-gənclər, 1 qiyabi orta, 2 kəndli gənclər məktəbi, 4 orta ixtisas təhsili məktəbi var idi. Dram teatrı, ölkəşünaslıq muzeyi, 71 kitabxana, 13 mədəniyyət evi, 27 klub fəaliyyət göstərib. Hətta XX əsrin 70-ci illərində dünyada cəmi bir neçə yerdə mövcud olan çörək muzeyindən biri də Ağdamda yaradılıb. Qarabağın işğalı zamanı ən ağır yük Ağdam şəhərinin üzərinə düşüb. 1988-ci ilin sonlarında ermənilər ruslara arxalanaraq İrəvandan, sonra isə Qarabağdan soydaşlarımızı silah zoru ilə çıxarmağa başlayıblar. Öz doğma, ata-baba yurdlarından deportasiya edilən çarəsiz insanlar Ağdama sığınıblar. Xankəndi, Xocalı, Şuşa, Laçın, Xocavənd və Kəlbəcər işğal olunduqdan sonra sıra Ağdama gəlib. 1993-cü il iyunun 12-dən ermənilər Ağdama hücum etməyə başlayıb. Lakin Ağdam güclü müdafiə olunduğu üçün rayonu işğal etmək ermənilər üçün çətin idi. Bu zaman özünümüdafiə batalyonları da yaradılmışdı. Ağdamın əhalisi və qarabağlılar Ağdamın müdafiəsinə qalxmışdılar. Hətta Xocalı sakini olan 15 yaşlı Elsəvər Məmmədov Ağdamda 1993 -cü ildə Ağdam rayonu özünümüdafiə batalyonunda xidmət etmişdir. Buna baxmayaraq, ermənilərin təcavüzünün ardı kəsilmirdi. Silahların azlığı, hərbi texnikanın olmaması, ölkə daxilində baş verən problemlər, Gəncədə
Surət Huseynovun qaldırdığı qiyam - bütün bunlar Ağdamın müdafiəsini getdikcə çətinləşdirirdi. Və beləliklə, ermənilər 23 İyul 1993-cü ildə Ağdam rayonunun 77,4%-ni işğal etməyə nail oldular. Bu, ermənilərin böyük qələbəsi idi. Çünki Ağdamı çətinliklə işğal etmişdilər. Ağdam uğrunda gedən döyüşlərdə 5897 nəfər şəhid, 3531 nəfər əlil, 17 nəfər Milli Qəhrəman adına laiq görülmüşdür. 126 min ağdamlı isə öz doğma yurdundan ayrılmaq məcburiyyətində qalmışdı. Qarabağ döyüşlərində Allahverdi Bağırovun, Samir Abdinovunda böyük köməyi olmuşdur. Allahverdi Bağırov 3 gün ərzində 1003 Xocalı əsirini ermənilərdən xilas etmişdir. Samir Abdinov isə Xocalı faciəsi zamanı məcburi köçkün Elyana Hümbətova oğlu ilə birlikdə meşədə gizlənərkən orada onları Azərbaycan əsgərləri ilə birgə tapıb. Samir Abdinov Elyana Hümbətovanın ayaqlarının soyuqdan donmaması üçün öz çəkməsini ona verib. Əsgərlərimiz düşmənlə döyüşə-döyüşə ana ilə övladını xilas ediblər. Onları qərargaha, oradan da xəstəxanaya çatdırıblar. Hümbətovlar ailəsi on il bu əsgər çəkmələrini saxlayıb, onun sahibini axtarıblar. Yalnız sonradan öyrəniblər ki, o, həmin hadisələrdən 14 gün sonra şəhid olub. Hazırda həmin çəkmələr Döyüş Şöhrəti Muzeyində saxlanılır. 2010-cu ildə ermənilər Ağdamı erməniləşdirmək üçün Akna adını veriblər. Lakin onların Ağdamı erməniləşdirmək xəyalı 2020-ci ildə puç olur. 2020-ci il sentyabrın 27-də İkinci Qarabağ müharibəsi başlayır. Bu savaşda igidlərimiz Vətənin dar günündə torpaqlarımızı işğaldan azad etmək üçün könüllü olaraq döyüşə yollanırlar. 44 gün davam edən “Dəmir Yumruq” əməliyyatı nəticəsində torpaqlarımız erməni tapdağından azad olur. 2020-ci il noyabrın 20-sinədək Ağdam rayonu Azərbaycana qaytarılır. Birinci Qarabağ müharibəsi zamanı erməni vəhşiləri mədəniyyət beşiyi olan Ağdamı alt-üst etmişdilər. Lakin Azərbaycan Respublikasının prezidenti İlham Əliyevin göstərişi ilə Ağdam yenidən dirçələcək və daha gözəl bir şəhər olacaq. Mən Ağdamın Zəngişalı kəndindənəm. Uşaqlıqdan Ağdamda gedib rahat doya-doya gəzə bilməmişəm. Ağdama hər gedəndə ermənilərin işğal etdiyi yerlərə baxıb içimdə qəribə hisslər yaşayırdım. Mənim üçün çox çətin idi. Çünki həsrətlə dağlara baxırdım. İçimdə hər zaman bir ümid var idi. Düşünürdüm ki, mütləq bir gün Ağdam yenidən bizdə olacaq və mən doğma şəhərimin hər qarış torpağında gəzə biləcəm. Və inandığım kimi də oldu. Artıq Ağdam bizdədir.
N. Abdinova, BDU Jurnalistika fakültəsinin birinci kurs tələbəsi
Surət Huseynovun qaldırdığı qiyam - bütün bunlar Ağdamın müdafiəsini getdikcə çətinləşdirirdi. Və beləliklə, ermənilər 23 İyul 1993-cü ildə Ağdam rayonunun 77,4%-ni işğal etməyə nail oldular. Bu, ermənilərin böyük qələbəsi idi. Çünki Ağdamı çətinliklə işğal etmişdilər. Ağdam uğrunda gedən döyüşlərdə 5897 nəfər şəhid, 3531 nəfər əlil, 17 nəfər Milli Qəhrəman adına laiq görülmüşdür. 126 min ağdamlı isə öz doğma yurdundan ayrılmaq məcburiyyətində qalmışdı. Qarabağ döyüşlərində Allahverdi Bağırovun, Samir Abdinovunda böyük köməyi olmuşdur. Allahverdi Bağırov 3 gün ərzində 1003 Xocalı əsirini ermənilərdən xilas etmişdir. Samir Abdinov isə Xocalı faciəsi zamanı məcburi köçkün Elyana Hümbətova oğlu ilə birlikdə meşədə gizlənərkən orada onları Azərbaycan əsgərləri ilə birgə tapıb. Samir Abdinov Elyana Hümbətovanın ayaqlarının soyuqdan donmaması üçün öz çəkməsini ona verib. Əsgərlərimiz düşmənlə döyüşə-döyüşə ana ilə övladını xilas ediblər. Onları qərargaha, oradan da xəstəxanaya çatdırıblar. Hümbətovlar ailəsi on il bu əsgər çəkmələrini saxlayıb, onun sahibini axtarıblar. Yalnız sonradan öyrəniblər ki, o, həmin hadisələrdən 14 gün sonra şəhid olub. Hazırda həmin çəkmələr Döyüş Şöhrəti Muzeyində saxlanılır. 2010-cu ildə ermənilər Ağdamı erməniləşdirmək üçün Akna adını veriblər. Lakin onların Ağdamı erməniləşdirmək xəyalı 2020-ci ildə puç olur. 2020-ci il sentyabrın 27-də İkinci Qarabağ müharibəsi başlayır. Bu savaşda igidlərimiz Vətənin dar günündə torpaqlarımızı işğaldan azad etmək üçün könüllü olaraq döyüşə yollanırlar. 44 gün davam edən “Dəmir Yumruq” əməliyyatı nəticəsində torpaqlarımız erməni tapdağından azad olur. 2020-ci il noyabrın 20-sinədək Ağdam rayonu Azərbaycana qaytarılır. Birinci Qarabağ müharibəsi zamanı erməni vəhşiləri mədəniyyət beşiyi olan Ağdamı alt-üst etmişdilər. Lakin Azərbaycan Respublikasının prezidenti İlham Əliyevin göstərişi ilə Ağdam yenidən dirçələcək və daha gözəl bir şəhər olacaq. Mən Ağdamın Zəngişalı kəndindənəm. Uşaqlıqdan Ağdamda gedib rahat doya-doya gəzə bilməmişəm. Ağdama hər gedəndə ermənilərin işğal etdiyi yerlərə baxıb içimdə qəribə hisslər yaşayırdım. Mənim üçün çox çətin idi. Çünki həsrətlə dağlara baxırdım. İçimdə hər zaman bir ümid var idi. Düşünürdüm ki, mütləq bir gün Ağdam yenidən bizdə olacaq və mən doğma şəhərimin hər qarış torpağında gəzə biləcəm. Və inandığım kimi də oldu. Artıq Ağdam bizdədir.
N. Abdinova, BDU Jurnalistika fakültəsinin birinci kurs tələbəsi
28-06-2021, 15:13
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!