Butov.az- ın xəbər verirdiyi xəbərə görə Tələbə Qəbulu üzrə Dövlət Komissiyasının sədri Məleykə Abbaszadə bu gün keçirdiyi mətbuat konfransında bildirib ki, nəticələrdə heç bir müsbət dəyişiklik olmayıb. O,qeyd edib ki, ali məktəblərin boş qalan plan yerlərinə 10.495 nəfər sənəd verib. İkinci turun nəticələri bu günün sonuna kimi açıqlanacaq.

M. Abbaszadə onu da qeyd edib ki, 9 illik təhsil bazasından orta ixtisas təhsil müəssisələrinə rekord sayda abituriyent iştirak edir. Onların 13.768 nəfəri əvvəlki illərin məzunlarıdır. Təəccüb doğuran odur ki, 11 illiyi bitirənlərin 4737 nəfəri bu ilki, 4785 nəfəri isə əvvəlki illərin məzunlarıdır.

TQDK sədri abituriyentləri qeydiyyatdan keçməyə çağırıb: “Ali məktəblərə qəbul olanların qeydiyyatı aparılır. Sadəcə, qeydiyyatdan keçənlərin sayı həm dövlət, həm də özəl yerlərə olduqca azlıq təşkil edir. Müraciətim odur ki, onlar tələssinlər, öz sənədlərini gətirib versinlər. Axırıncı günə saxlamasınlar, çünki axırıncı günlərdə müəyyən problemlər yarana bilər. Avqustun 29-a qədər vaxt var. Magistraturaya daxil olan bakalavrlar avqustun 18-dən 28-ə kimi qeydiyyatdan keçməlidirlər. Ümumən magistraturaya 643 nəfər daxil olub. Onların yalnız 165 nəfəri qeydiyyatdadır”.

Orta məktəbi medalla bitirənlərə gəlincə, TQDK sədri bildirib ki, bununla bağlı araşdırma aparılmalıdır. Düzdür, onların əksəriyyəti 600 baldan yuxarı nəticə göstərənlərdir. Təəssüf ki, onların arasında 499, 533, hətta 140 bal toplayanlar da var.