Bu gün Çempionlar Liqasında V tura yekun vurulacaq.
Butov.az Oxu.Az-a istinadən xəbər verir ki, ilk günün nəticəsinə əsasən, yeddi komanda 1/8 finala vəsiqə qazandı.
Bunlar “Bayern”, “Ayaks”, “Mançester Siti”, “Real”, “Roma”, “Yuventus” və “Mançester Yunayted”dir.
İkinci oyun günündə A, B, C və D qruplarında növbəti qarşılaşmalar baş tutacaq.
A qrupunda Dortmund “Borusiya”sı və Madrid “Atletiko”su “pley-off”a vəsiqə üçün bir xal da qazansa, arzularına çatacaq.
B qrupunda “Barselona”nın vəsiqə qazanması daha əvvəldən bəllidir. Burada ikinci vəsiqənin sahibini müəyyənləşdirmək üçün “Totenhem” Londonda “İnter”i qəbul edəcək. Milan təmsilçisi Dumanlı Albiondan bir xalla qayıtsa da, adını 1/8 finala yazdıra biləcək.
Daha sıx turnir cədvəli olan C qrupunda diqqətlər hər iki matça yönələcək. Parisdə PSJ-nin qonağı olacaq “Liverpul” rəqibini yenib, “Srvena Zvezda”nın xal itirməsi ilə vəsiqəni rəsmiləşdirə bilər. “Napoli” də özü qalib gəlməli, “Liverpul” isə uduzmamalıdır.
D qrupunda “Portu”ya 1/8 finala vəsiqə üçün bir xal kifayətdir. “Qalatasaray” üçün ən yaxşı variant “Şalke”nin uduzmasıdır. Çətin durumda olan “Qalatasaray” son tura şansını qorumaq üçün özü də mütləq qalib gəlməlidir. Rusiyalılara heç-heçə isə istanbulluların Avropa Liqasında yarışacağını rəsmiləşdirəcək.

A qrupu
21:55 “Atletiko” (İspaniya) – “Monako” (Fransa)
00:00 “Borussiya” (Dortmund, Almaniya) – “Brüqqe” (Belçika)

1. “Borussiya” 9
2. “Atletiko” 9
3. “Brüqqe” 4
4. “Monako” 1

B qrupu
00:00 “Tottenhem” (İngiltərə) – “İnter” (İtaliya)
00:00 PSV (Hollandiya) – “Barselona” (İspaniya)

1. “Barselona” 10
2. “İnter” 7
3. “Tottenhem” 4
4. PSV 1

C qrupu
00:00 “Napoli” (İtaliya) – “Srvena Zvezda” (Serbiya)
00:00 PSJ (Fransa) – “Liverpul” (İngiltərə)

1. “Liverpul” 6
2. “Napoli” 6
3. PSJ 5
4. “Srvena Zvezda” 4

D qrupu
21:55 “Lokomotiv” (Rusiya) - “Qalatasaray” (Türkiyə)
00:00 “Portu” (Portuqaliya) – “Şalke” (Almaniya)

1. “Portu” 10
2. “Şalke” 8
3. “Qalatasaray” 4
4. “Lokomotiv” 0