Xəbər » Səhifə 1503

24-07-2022, 17:45

Makron Rəisi ilə danışdı:"Mümkün qədər tez..."
İranla “nüvə sazişi”nə qayıtmaq hələ də mümkündür – bir şərtlə ki, danışıqlar mümkün qədər tez bərpa olunsun. Bunu Fransa Prezidenti Emmanuel Makron İranın dövlət başçısı İbrahim Rəisi ilə telefon danışığı zamanı deyib. “2015-ci il nüvə sazişinə gəlincə, ilə bağlı Fransa Prezidenti əmin olduğunu təsdiqlədi ki, onun tam icrasına qayıtmağa yönəlmiş qərar hələ də mümkündür, lakin bu, mümkün qədər tez edilməlidir. Vyanada danışıqların dayandırılmasından bir neçə ay sonra o, irəliləyişin olmamasından məyusluğunu ifadə etdi və Prezident Rəisinin saziş bağlamaq, nüvə öhdəliklərini yerinə yetirməyə qayıtmaq lehinə aydın seçim etməsində israr etdi”, – Yelisey Sarayının mətbuat xidmətindən bildirilib.

Makron Rəisi ilə danışdı: "Mümkün qədər tez..."

24-07-2022, 17:35

Arvadının evini yandırdı, azyaşlı qızını bıçaqladı

Butov.az Report-a istinadən xəbər verir ki, hadisə ötən gecə Bərdə rayonunun Əliyanlı kəndində qeydə alınıb. Belə ki, 1993-cü il təvəllüdlü Abdullayev Şikar Nurəddin oğlu, ondan boşanmaq istəyən həyat yoldaşı Kərimova Cəmilə Firdovsi qızına məxsus olan evi yandırıb. Məlumata görə, Ş.Abdullayev C.Kərimovanın ikinci həyat yoldaşıdır. Son vaxtlar onlar arasında tez-tez ailə münaqişəsi baş verib. Bu səbəbdən Cəmilə Məmmədova boşanmaq üçün məhkəməyə müraciət edib. Lakin Ş.Abdullayev evi yandıracağı ilə hədələyib. Ötən gün saat 23 radələrində evə gələn Ş.Abdullayev həyat yoldaşına fiziki zor tətbiq edərək onu döyüb. Əri tərəfindən boğulmaq təhlükəsi ilə üzləşən qadın qonşuları köməyə çağırıb. Ş.Abdullayev Cəmilənin birinci həyat yoldaşından olan qızı 9 yaşlı Fatimə İsmayıl qızı Orucovanın sağ qoluna bıçaq xəsarəti endirib. Qonşuların köməyə gəldiyini görən Ş.Abdullayev hadisə yerindən qaçıb. Hadisə ilə bağlı hüquqi təhqiqat aparılması üçün hüquq mühafizə orqanlarına məlumat verilib.

Arvadının evini yandırdı, azyaşlı qızını bıçaqladı

24-07-2022, 17:23

Sabah da yağış yağacaq

Sabahın hava proqnozu açıqlanıb. Butov.az Milli Hidrometeorologiya Xidmətinə istinadən xəbər verir ki, Bakıda və Abşeron yarımadasında arabir yağış yağacağı, gündüz tədricən kəsiləcəyi gözlənilir. Mülayim şimal küləyi əsəcək. Havanın temperaturu gecə 21-24° isti, gündüz 30-33° isti olacaq. Bakıda gecə 22-24° isti, gündüz 30-32° isti olacaq. Atmosfer təzyiqi 758 mm civə sütunu təşkil edəcək. Nisbi rütubət 60-65 % olacaq. Sabah Azərbaycanın rayonlarında bəzi yerlərdə şimşək çaxacağı, arabir yağış yağacağı, gündüz tədricən kəsiləcəyi gözlənilir. Mülayim şərq küləyi əsəcək. Havanın temperaturu gecə 20-24° isti, gündüz 30-35° isti, dağlarda gecə 10-15° isti, gündüz 14-18° isti olacaq.

Sabah da yağış yağacaq

24-07-2022, 08:39

Cüdoçumuz Avropada gümüş medal qazandı
Çexiyanın paytaxtı Praqa şəhərində baş tutan gənclər arasında cüdo üzrə Avropa Kuboku turnirinin ilk günün görüşləri başa çatıb.
Bu haqda Azərbaycan Cüdo Federasiyası məlumat yayıb.
Bildirilib ki, bu gün 66 kq. çəki dərəcəsində Azərbaycanı təmsil edən gənclərdən ibarət milli yığma komandamızın üzvü Samir Piriyev gümüş medala sahiblənərək turnirin ikincisi olub.

Cüdoçumuz Avropada gümüş medal qazandı

24-07-2022, 08:34

Meşə yanğını Yunanıstanı cənginə aldı:
Yunanıstanda iki güclü meşə yanğını başlayıb. Yanğın ölkənin şimal-şərqində, Evros bölgəsindəki Dadia-Lefkimi-Suflion Milli Parkı və Egey dənizindəki Midilli adasında davam edir.
Ərazidəki turistlər və yerli sakinlər evakuasiya edilir.
Yanğınla əlaqədar ölkənin Baş naziri Kiriakos Miçotakis İqlim Böhranı və Mülki Müdafiə Nazirliyinin əməliyyatlar və böhranların idarə edilməsi üzrə vahid koordinasiya mərkəzinə gəlib.

Meşə yanğını Yunanıstanı cənginə aldı:

23-07-2022, 19:20

Hərbçimiz Kəlbəcərdə İTKİN DÜŞDÜ

İyulun 23-də günorta saatlarında Azərbaycan Ordusunun müddətli həqiqi hərbi xidmət hərbi qulluqçusu əsgər İbayev Kamiz Mübariz oğlu dövlət sərhədinin Kəlbəcər rayonu sahəsində itkin düşüb. Bu barədə Butov.az-a Müdafiə Nazirliyindən bildirilib. Hərbi qulluqçumuzun axtarışı istiqamətində müvafiq tədbirlər görülür. Hazırda faktla bağlı araşdırma aparılır.

Hərbçimiz Kəlbəcərdə İTKİN DÜŞDÜ

23-07-2022, 18:59

Yoluxanların sayı açıqlandı - 2 nəfər ÖLDÜ

Azərbaycanda koronavirus (COVID-19) infeksiyasına 309 yeni yoluxma faktı qeydə alınıb, 145 nəfər müalicə olunaraq sağalıb. Nazirlər Kabineti yanında Operativ Qərargahdan verilən məlumata görə, analiz nümunələri müsbət çıxan 2 nəfər vəfat edib. Azərbaycanda indiyədək ümumilikdə 796 141 nəfər koronavirus infeksiyasına yoluxub. Onlardan 784 653 nəfər müalicə olunaraq sağalıb, 9 735 nəfər vəfat edib, aktiv xəstə sayı 1 753 nəfərdir. Ölkədə son sutka ərzində 3026, hazırkı dövrədək isə 7 021 193 test aparılıb.

Yoluxanların sayı açıqlandı - 2 nəfər ÖLDÜ

23-07-2022, 18:19

İmişlidə ər arvadını BIÇAQLADI

İyulun 21-i saat 6 radələrində İmişli rayon sakini Günel Abdullayevanın xəsarətlər alması barədə rayon prokurorluğuna məlumat daxil olub. İmişli rayon prokurorluğundan verilən məlumata görə, aparılmış araşdırmalarla zərərçəkmişin əri, 1983-cü il təvəllüdlü Xanoğlan Quliyevin şəxsi münasibətlər zəminində aralarında yaranmış münaqişə zamanı bıçaqla xəsarətlər yetirərək Günel Abdullayevanı qəsdən öldürməyə cəhd etməsinə əsaslı şübhələr müəyyən edilib. Faktla bağlı İmişli rayon prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanıb. Xanoğlan Quliyev şübhəli şəxs qismində tutularaq istintaqa cəlb olunub. İş üzrə istintaq davam edir.

İmişlidə ər arvadını BIÇAQLADI

23-07-2022, 18:16

Generalı qətlə yetirən şəxs edam olundu

İranda polis generalını qətlə yetirən şəxs edam olunub. Butov.az xəbər verir ki, Şiraz şəhərində polis generalı Əli Əkbər Rəncbəri qətlə yetirən şəxs bu gün səhər edam edilib. Fars əyalətinin prokuroru seyid Kazim Musəvi deyib ki, edam cinayətin törədildiyi yerdə baş tutub.

Generalı qətlə yetirən şəxs edam olundu

23-07-2022, 18:13

Ağdaş sakinini cərəyan vurub öldürdü

Ağdaşda kişini elektrik cərəyanı vurub. Butov.az xəbər verir ki, hadisə rayonun Nehrəxəlil kəndində olub. 1978-ci il təvəllüdlü T.Hüseynov özünə məxsus traktorda qaynaq cihazı ilə təmir apararkən onu elektrik cərəyanı vurub. Nəticədə o, hadisə yerində ölüb. Faktla bağlı araşdırma aparılır.

Ağdaş sakinini cərəyan vurub öldürdü