3-05-2025, 17:59
Bakı metrosundakı problem həll olundu - YENİLƏNİB
"Bakı metropoliteninin "Həzi Aslanov" və "Xalqlar dostluğu" stansiyalarına şəhər şəbəkəsindən gələn yüksək gərginlikli xətlərdə elektrik enerjisinin verilməsində məhdudiyyətlər tam aradan qaldırılıb. Bu səbəbdən həmin istiqamətdə metropolitenin dizel-generatorları yenidən ehtiyat rejimə keçirilib".
Bunu "Bakı Metropoliteni"nin mətbuat katibi Bəxtiyar Məmmədov deyib.
"Qatarlar arasında interval hərəkət qrafikinə uyğun təmin edilməklə gecikmələr aradan qaldırılıb.
Bakı metropoliteninin stansiyaları normal iş rejimi şəraitində fəaliyyətini davam etdirir", - o əlavə edib.
***
Bakı metrosunun "Həzi Aslanov" və "Xalqlar dostluğu" stansiyalarının işində problem yaranıbş
Bu barədə "Bakı Metropoliteni" QSC-nin yaydığı məlumatda bildirilib.
Məlumata görə, adları çəkilən stansiyalar istiqamətindəki şəhər şəbəkəsindən Azərbaycan Nəqliyyat və Kommunikasiya Holdinqinin (AZCON) tərkibində fəaliyyət göstərən "Bakı Metropoliteni" QSC-yə gələn yüksək gərginlikli elektrik xətləri ilə enejinin verilişində məhdudiyyətlər yaranıb. Bu səbəbdən dərhal həmin istiqamətdən elektrik təchizatını təmin edən Bakı metropoliteninin dizel-generatorları qoşulmaqla qatarların hərəkəti təmin edilib.
"Qatarların hərəkətində qismən gecikmələr müşahidə olunur. Bakı metropoliteninin stansiyaları fəaliyyətini normal iş rejimi şəraitində davam etdirir. Sərnişinlərdən yaranmış vəziyyəti anlayışla qarşılamağı, istifadə qaydalarına və təhlükəsizlik tələblərinə əməl etməyi xahiş edirik", - "Bakı Metropoliteni"nin məlumatında bildirilib.
3-05-2025, 17:40
İlham Əliyevə təşəkkür edirəm! - Şimali Kipr Prezidentinin müşaviri
“Əvvəla cənab Prezident İlham Əliyevə təşəkkür etmək istəyirəm”.
Bunu Şimali Kipr Türk Respublikasının Prezidentinin xüsusi müşaviri Gökhan Güler “Dildə, fikirdə, işdə birlik: Türk dünyasının gələcəyi” panel iclasında çıxış edərkən deyib.
“Cənab Prezident İlham Əliyev ADA Universitetində çıxışı zamanı Şimali Kiprin yanında olacaqlarını, onun müstəqilliyin tanınması prosesinə dəstək verəcəklərini deyib. Bir daha Azərbaycan Prezidentinə təşəkkür edirəm. Azərbaycandakı nümayəndəliyimizin statusunun böyüdülməsini gözləyirik. Eyni zamanda Qırğızıstan ölkəmizdə təmsilçiliyinin açılması ilə bağlı prosesin baş tutacağını deyib. Şimali Kiprin izolasiyadan xilas olmasının TDT üçün önəmli olduğunu unutmamaq lazımdır. Türk dünyasının “Dildə, fikirdə, əməldə birlik” şüarına uyğun davranması vacibdir”,- o deyib.
3-05-2025, 16:36
100 illiyi ortaq əlifba ilə qeyd etməliyik! - Səfir
“3 may Türkçülük Günü münasibətilə keçirilən iclasda sizinlə birlikdə olmaqdan xoşbəxtəm”.
Bunu Türkiyənin ölkəmizdəki səfiri Birol Akgün “Dildə, Fikirdə, İşdə birlik: Türk dünyasının Gələcəyi” panel iclasında çıxışı zamanı bildirib.
Səfir qeyd edib ki, gələn il Türkoloji qurultayın 100 illiyini ortaq əlifba ilə qeyd etməyi gözləyir:
“Bu gün fərqli toplantılarla fikir alış-verişi oldu. Burada sənədə çevriləcək fikirlərdən danışdıq. Geniş coğrafiyada yayılan türklərin iqtisadi, sosial baxımdan ortaq yönləri var. Bu baxımdan Türk Dövlətləri Təşkilatı (TDT) qurulub. TDT strateji vizyonun, dəstəkləşmənin təzahürüdür. Siyasi əlaəqlərdən təhsilə, yaşıl enerjidən tutmuş digər bütün sahələrdə birgə çalışırıq. TDT-nin regional inteqrasiyasında maraqlıyıq. Türk universiterləri arasında iki və çoxtərəfli əməkdaşlıq edirik. Mediada ortaq addımların atılması gənclərdə milli kimlik şüuru yaratmağa kömək edə bilər. Xarici təsirlərə qarşı daha dayanıqlı vəziyyətə çatmalıyıq. Bunun reallaşması qarşılıqlı inam və geniş skeptrli əməkdaşlıqla mümkündür. TDT üçüncü tərəflərə qarşı təhdid üçün qurulmayıb, əksinə, sülh üçün addımlar atan bir platformadır. Bakı ilk Türkoloji qurultayın keçirildiyi yerdir. Türkoloji qurultayın gələn il 100 illiyinin ortaq əlifba ilə qeyd olunmasını səbirsizliklə gözləyirik”.
3-05-2025, 16:29
Putindən İlham Əliyevə məktub gəldi
Rusiya Federasiyasının Prezidenti Vladimir Putin Azərbaycanın Prezidenti İlham Əliyevə təbrik məktubu ünvanlayıb. Təbrik məktubunda deyilir:
"Hörmətli İlham Heydər oğlu.
Böyük Vətən müharibəsində Qələbənin 80-ci ildönümü münasibətilə Sizi səmimi-qəlbdən təbrik edirəm.
Bu yubiley tarixini qeyd edən ölkələrimizin vətəndaşları döyüş meydanlarında və arxa cəbhədə öz güclərini və həyatlarını əsirgəmədən nasist işğalçıları üzərində qələbəni yaxınlaşdıranları lazımınca qiymətləndirirlər.
Əminəm ki, həmin ağır illərdə bərkiyən şanlı dostluq və qarşılıqlı kömək ənənələri gələcəkdə də Rusiya ilə Azərbaycan arasında dostluq, müttəfiqlik münasibətlərinin inkişafı üçün etibarlı zəmin olacaq.
Azərbaycan torpağında yaşayan bütün veteranlara səmimi minnətdarlıq, ürəkdən gələn təbrik sözlərimi, möhkəm cansağlığı, əmin-amanlıq və uzunömürlülük arzularımı çatdırmağı xahiş edirəm".
3-05-2025, 16:10
Şeyxin İdarəsindən Rəsul Quliyevin ittihamına cavab
Milli Məclisin mühacirətdə olan keçmiş sədri Rəsul Quliyevin Qafqaz Müsəlmanları İdarəsinin (QMİ) sədri Allahşükür Paşazadə haqqında dediyi sözlər ictimaiyyətdə müzakirələr yaradıb. Məscidlərdə aparılan bərpa işlərinə münasibət bildirən R.Quliyev QMİ sədrini nəzir qutularına yığılan pullara görə ittiham edib:
"Şeyxülislam Allahşükür Paşazadənin qulağından tutub demək lazımdır ki, yığılan pulları məscidlərin abadlaşdırılmasına sərf elə. Hökumət bura pul ayırmamalıdır. Camaat gedib ora pul verir. Sən bu pulu götürüb yeməli deyilsən ki... Onsuz da 30-40 faizini yeyirsən, yerdə qalanını heç olmasa məscidlərin bərpasına sərf elə. Ona görə də şərurlu İsfəndiyarın "məscidləri söküb yerinə məktəb tikmək" tezisi qəbul olunan tezis deyil. Bu “kolxoz” düçüncəsidir. Pulu olan adam belə şey eləməz”.
Qafqaz Müsılmanlar İdarəsinin sədr müavini Bəxtiyar Nəcəfov Rəsul Quliyevə cavab verib.
O qeyd edib ki, nəzir qutularına nəzarət və yığılan pulların hara xərclənilməsi məscidlərin daxili işidir və Qafqaz Müsəlmanlar İdarəsi bu prosesə müdaxilə etmir:
“Məscidlərin icma üzvləri pulların necə xərclənməsinə özləri nəzarət edirlər. Ümumilikdə baxdıqda, nəzir qutularına o qədər də çox pul yığılmır ki, kimsə də onu mənimsəsin. Bu pullar məscidin komunal xərclərini ancaq ödəyir. Artıq pul qalarsa, o da bank hesabında saxlanılır və gələcəkdə məscidin ehtiyacları üçün xərclənilir. Məscidlərin icmaları Dini İşlər üzrə Dövlət Komitəsinə və Qafqaz Müsəlmanlar İdarəsinə hər il bu barədə hesabat da verirlər”.
3-05-2025, 15:24
Bütün Rusiyanın Patriarxı Kirill Bakıya gəlib
Moskva və bütün Rusiyanın Patriarxı Kirill Bakıya gəlib.
Bu barədə Moskva və bütün Rusiyanın Patriarxının mətbuat xidmətinin məlumatında bildirilib.
Heydər Əliyev Hava Limanında Patriarx Kirilli Bakı və Azərbaycan yepiskopu Aleksiy, Rusiyanın Azərbaycandakı səfiri Mixail Yevdokimov və Azərbaycanın Dini Qurumlarla İş üzrə Dövlət Komitəsi sədrinin müavini Sahib Nağıyev qarşılayıblar.
3-05-2025, 15:10
Bakı metrosunda problem - İki stansiyada enerji kəsildi
Bakı metrosunun "Həzi Aslanov" və "Xalqlar dostluğu" stansiyalarının işində problem yaranıbş
Bu barədə "Bakı Metropoliteni" QSC-nin yaydığı məlumatda bildirilib.
Məlumata görə, adları çəkilən stansiyalar istiqamətindəki şəhər şəbəkəsindən Azərbaycan Nəqliyyat və Kommunikasiya Holdinqinin (AZCON) tərkibində fəaliyyət göstərən "Bakı Metropoliteni" QSC-yə gələn yüksək gərginlikli elektrik xətləri ilə enejinin verilişində məhdudiyyətlər yaranıb. Bu səbəbdən dərhal həmin istiqamətdən elektrik təchizatını təmin edən Bakı metropoliteninin dizel-generatorları qoşulmaqla qatarların hərəkəti təmin edilib.
"Qatarların hərəkətində qismən gecikmələr müşahidə olunur. Bakı metropoliteninin stansiyaları fəaliyyətini normal iş rejimi şəraitində davam etdirir. Sərnişinlərdən yaranmış vəziyyəti anlayışla qarşılamağı, istifadə qaydalarına və təhlükəsizlik tələblərinə əməl etməyi xahiş edirik", - "Bakı Metropoliteni"nin məlumatında bildirilib.
3-05-2025, 15:03
Azərbaycanlı nazir müavini Yaşar Gülərin qəbulunda
Türkiyənin milli müdafiə naziri Yaşar Güler Azərbaycanın müdafiə nazirinin müavini Aqil Qurbanovu qəbul edib.
Bu barədə Türkiyənin Milli Müdafiə Nazirliyi məlumat yayıb.
"Şimali Kipr Türk Respublikasında səfərdə olan milli müdafiə naziri Yaşar Güler “TEKNOFEST” ilə əlaqədar Lefkoşaya gələn qardaş Azərbaycanın müdafiə nazirinin müavini Aqil Qurbanovu qəbul edib", - məlumatda bildirilib.
3-05-2025, 14:39
Mərkəzi Seçki Komissiyası buraxıla bilər
Son günlər Mərkəzi Seçki Komissiyasının (MSK) buraxılacağı xəbərləri yenidən gündəmə gəlib.
MSK Prezident, parlament və bələdiyyə seçkilərinin, həmçinin referendumların (ümumxalq səsvermələrinin) hazırlanması və keçirilməsini təmin edir.
Qeyd edək ki, Azərbaycanda seçki komissiyalarının səlahiyyət müddəti 5 ildir.
Mərkəzi Seçki Komissiyasının sonuncu tərkibi 2021-ci il aprel ayının 27-də formalaşıb. MSK-nın yeni tərkibinin 2026-cı ilin aprel ayında formalaşacağı gözlənilir.
MSK-nın üzvləri Milli Məclis tərəfindən seçilir. Komissiyanın 6 üzvü deputatları Milli Məclisdə çoxluq təşkil edən və onların namizədliklərini təqdim edən siyasi partiyanı, 6 üzvü heç bir siyasi partiyaya mənsub olmayan (müstəqil) və onların namizədliklərini təqdim edən deputatları, 6 üzvü deputatları Milli Məclisdə azlıq təşkil edən və onların namizədliklərini təqdim edən siyasi partiyaları təmsil edir. Müstəqil deputatları MSK-da namizədlikləri onlar tərəfindən irəli sürülmüş müstəqil, dövlət qulluğunda olmayan, bir qayda olaraq, hüquqşünaslar təmsil edirlər. 2 namizəd maraqlı tərəflərlə razılaşdırılır: bir namizəd Milli Məclisə çoxluq təşkil edən siyasi partiyanın nümayəndələri ilə, digər namizəd isə deputatları Milli Məclisə azlıq təşkil edən siyasi partiyanın nümayəndələri ilə.
MSK vaxtından əvvəl də buraxıla və yeni tərkib formalaşdırıla bilər.
3-05-2025, 13:55
Azərbaycanda saatlıq əmək haqqına keçid - Bizi nələr gözləyir
Azərbaycanda saatlıq əmək haqqı sisteminə keçid hazırda gündəmdə olan aktual məsələlərdən biridir. Görünən odur ki, yeni sistemə keçid nə vaxtsa baş tutacaq. Amma indidən bu mövzu ətrafında müakirələr intensivləşib. Bu da təbiidir. Saatlıq əmək haqqı sisteminin tətbiqi bir sıra sualları gündəmə gətirir. Məsələn,
- Ənənəvi aylıq əmək haqqı müqavilələri əvəzinə saatlıq əsaslı müqavilələr hüquqi baxımdan necə tənzimlənəcək?
- İstirahət vaxtı, qeyri-iş günləri və bayram günləri üçün saatlıq əmək haqqı necə tətbiq olunacaq?
- Aylıq minimum əmək haqqı əvəzinə saatlıq minimum əmək haqqı tətbiq ediləcəkmi və bu necə hesablanacaq?
- Saatlıq maaş sistemində işçinin sosial təminatı necə qorunacaq?
- İş saatlarının dürüst şəkildə qeydiyyatı və nəzarəti üçün hansı texnoloji və inzibati mexanizmlər tətbiq olunacaq?
- İşçilər sosial paketlərdən yararlana biləcəkmi? (maddi yardım, istirahət yerlərinə göndəriş və s.)
- Kredit, icarə, ipoteka kimi məsələlərdə gəlirlər hansı meyarlarla tənzimlənəcək?
Mütəxəssislər suallarla yanaşı, potensial problemlərin də olduğunu düşünürlər.
Ekspertlər hesab edir ki, bəzi işəgötürənlər saatlıq sistemdən sui-istifadə edərək işçini az saatla çalışdırıb daha az maaş ödəyə bilərlər.
Rəsmi qeydiyyatdan yayınmaq üçün bəzi müəssisələr saatlıq əmək sistemindən istifadə edib qeyri-leqal işçi saxlaya bilər.
İşçilər üçün sabit gəlir imkanları azalacaq, xüsusilə az saatla işləyənlər üçün aylıq dolanışıq daha çətin olacaq.
Saatlıq sistem kollektiv əmək müqavilələrinin tərtibində əlavə çətinliklər yarada bilər, çünki aylıq ödəniş sisteminə əsaslanan hüquqlar dəyişir.
Saatlıq əmək haqqı sisteminə keçid yalnız əmək münasibətlərini deyil, həm də maliyyə və bank sektoruna, o cümlədən kredit almaq, ipoteka, icarə, təhsil haqqı ödənişi kimi sosial məsələlərə də təsir edə bilər.
Banklar və kredit təşkilatları adətən sabit aylıq gəliri olan müştəriləri daha etibarlı hesab edir. Saatlıq sistemdə isə gəlirlər dəyişkən və proqnozlaşdırılması çətin ola bilər. Bu aşağıdakı problemlərə yol aça bilər. Gəlirin sabit olmaması səbəbilə kreditlərin təsdiqlənməsi çətinləşə bilər. Banklar riskləri nəzərə alaraq daha sərt şərtlər tətbiq edəcək.
Gəlirin sübutu da çətinləşə bilər, çünki hər ay fərqli saat və fərqli yerlərdə işləyən şəxsin aylıq ortalama gəliri bank tərəfindən riskli hesab oluna bilər.
İpoteka kreditlərinə çıxış məhdudlaşa bilər, çünki uzunmüddətli kreditlər üçün əsas meyar sabit gəlirlərdir.
Saatlıq maaş alan şəxslərin sosial sığorta ödənişləri qeyri-sabit ola bilər. Bu isə gələcəkdə pensiya kapitalının toplanmasında çətinliklər yarada, vətəndaşların təqaüd imkanlarını zəiflədə bilər. Həmçinin, doğum, xəstəlik və əmək qabiliyyəti itkisindən sığorta kimi hallarda da müavinətlər ödənilməsi aşağı düşə bilər.
Ailə büdcəsinin planlaşdırılması üçün sabit gəlir vacibdir. Saatlıq sistemdə gəlirin dəyişməsi ailələrin bəzi xərclərini – xüsusən məktəb, universitet, baxça və tibbi xidmətlər kimi bəzi xərclərini sual altına ala bilər.
Azərbaycan Respublikasının Əmək Məcəlləsinin 89-cu maddəsində qeyd olunub ki, gündəlik normal iş vaxtının müddəti 8 saatdan artıq ola bilməz. Gündəlik normal iş vaxtına uyğun olan həftəlik normal iş vaxtının müddəti 40 saatdan artıq müəyyən edilə bilməz.
2025-ci ilin istehsalat təqviminə əsasən, Azərbaycanda orta aylıq iş norması 158,6 saatdır. Minimum əmək haqqının 400 manat olduğunu nəzərə alsaq, indiki halda aylıq maaşa işləyən işçinin 1 saatlıq minimum əmək haqqı 2 manat 50 qəpik civarındadır. Saatlıq əmək haqqına keçid zamanı hansı həddin müəyyən olunması hökumətin qərarından asılı olacaq.
Xarici ölkələrdə saatlıq əmək haqqı sistemi geniş yayılıb və bu sistem hüquqi baza, sosial təminat və vergi mexanizmləri ilə dəqiq şəkildə tənzimlənir. ABŞ-da saatlıq əmək haqqı “Fair Labor Standards Act” qanunu ilə tənzimlənir. Federal minimum əmək haqqı 2024-cü ildə 7,25 dollar olsa da, bir çox ştatlarda bu göstərici daha yüksəkdir. Həftədə 40 saatdan artıq iş üçün 1,5 əmsal “overtime” ödənişi verilir. Saatlıq və maaşlı işçilər eyni sosial təminat haqları ilə əhatə olunur.
Birləşmiş Krallıqda minimum saatlıq əmək haqqı yaş qruplarına görə dəyişir və 2024-cü ildə 21 yaşdan yuxarı işçilər üçün 11 funtdur. Saatlıq işçilər də məzuniyyət və pensiya hüquqlarına malikdir.
Almaniyada saatlıq iş “Arbeitsrecht” və kollektiv müqavilələrlə tənzimlənir. Minimum əmək haqqı 12 avrodur. Bu işlərdə vergi və sosial sığorta yükü azdır, sosial təminat sistemi geniş və əhatəlidir.
Skandinaviya ölkələrində rəsmi minimum maaş yox, kollektiv müqavilələrlə müəyyən edilən saatlıq əmək haqları mövcuddur. Güclü həmkarlar ittifaqları və inkişaf etmiş sosial təminat sistemi sayəsində saatlıq işləyənlər də yüksək səviyyədə qorunur.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!