31-05-2025, 07:12
Mən də bir döyüşçüyəm…
18 iyul 2004-cü ildə Lerik rayonu Noda kəndində anadan olmuşam. Tam orta təhsil almışam. 18.07.2022-ci ildə hərbi xidmətə çağrılmışam. 3 ay ərzində gənc əsgər kimi hazırlıq mərhələsindən keçməklə Avqustun 27-də N saylı Hərbi hissəyə göndərilmişəm. Vəzifəm kəşfiyyatçı olub. Həmin ərəfələrdə öz vəzifəmdən əlavə digər vəzifələri də yerinə yetirirdim. Belə ki, rabitəçi, kəşfiyyatçı və s. kimi digər istiqamətlərdə də qulluq etmişəm. Hərbi qulluq zamanı inanırdım ki, Ali Baş Komandan İlham Əliyevin rəhbərliyi ilə bütün torpaqlarımız düşmən işğalından azad olunacaq.
2023 ilin iyul ayında mənə baş kəşfiyyatçısı vəzifəsi tapşırıldı. Antiterror əməliyyatları başlamamışdan bir gün əvvəl biz çöl şəraitində qaldıq. Kəşfiyyatçı olduğuma görə, kamando heyətinə dəstək kimi təyinat almışdım. Ayın 18-i günorta vaxtlarında leytenantlar Cəbrayılov Kamran və Əliyev Şəhriyar, sıravi əsgərlər Abuzərov Qalib, Xəlilov Kamal və məni müvafiq əməliyyatları və xüsusi tapşırıqları yerinə yetirmək üçün Ağdama göndərildik.
Mən bir gənc əsgər olaraq digər silahdaşlarımızla birlikdə ön cəbhədə əlimizdə silah qanımızın son damlasına kimi Ana Vətəni qorumağa hazır idik.
19 Sentyabr səhər tezdən hərəkətə keçdik və Ağdam ilə Ağdərə arasındakı postun yuxarı hissəsindəki dağda mövqe tutduq. Əməliyyatın başlamasını gözləyirdik. Saat 12:50-də Artilleriya qurğuları hərəkətə başladı. 5-10 dəqiqə sonra biz hərəkətə keçdik, müəyyən qədər irəlilədikdən sonra cəbhəni yardıq. Qüdrətli ordumuz tərəfindən istənilən vaxt işğalda olan torpaqlarımızı azad etmək iqtidarında olduğunu bilərək rəşadətlə vuruşurduq.
Artıq antiterror əməliyyatları başlanmışdı və biz hərbi komando heyyəti ilə birgə irəliləyirdik. Naməlum mövqelərdən bizə ağır toplardan və mina atanlardan atəş açmağa başladılar. Mən düşmənin top və mina atış nöqtələrinin koordinatlarını xüsusi cihazlarla aşkar edib rabitə vasitəsilə arxaya ötürdükcə, düşmənin mövqeləri bizim artilleriyanın dəqiq və sərrast atəşləri ilə məhv edilirdi. Hərbi qulluqçularımızdan şəhid olanlar və yaralılar varı idi. Biz rabitə vasitəsilə yardım çağırdıq. Dərhal hərbi-tibbi dəstək gəldi və yaralıları maşınlara mindirdik. Həmin yerdən 5-10 metr uzaqlaşmışdıq ki, yaralılarımızı daşıyan təcili tibbi yardım avtomobili ermənilər tərəfindən vuruldu. Bu zaman biz 3 nəfər də ermənilər tərəfindən atılan D30 topunun mərmisinin təsiretmə zonasına düşdük və beləliklə, çox ciddi xəsarət aldıq. Ayılıb özümüzə gələndən sonra bizim üçün çətin olsa da yaralı vəziyyətdə irəliləyirdik. Xeyli döyüşçümüz qəhrəmancasına vuruşaraq şəhid oldu. Biz neytral adlandırılan ərazidə qalmışdıq və Narlıq adlanan əraziyə yaxın yerdə özümüzü qorumaq üçün səngərə düşdük. Bu zaman ermənilər bizi gördülər və ağır texnikarla atəş açmağa başladılar. Yenidən üstümüzdə olan cihazlarla ermənilərin bir neçə mövqelərini təyin edərək hərbi qulluqçulara ötürdük. Onlar da həmin koordinatlara əsasən düşmən mövqelərini məhv etdilər. Düşmənə layiqli cavab vermək, onların bütün həmlələrini dəf etmək üçün bütün gücümüzlə vuruşurduq.
Artıq gecə düşmüşdü, biz rabitə qurğuları vasitəsilə digərləri ilə əlaqəyə çıxdıq və onlara dəstək olmaq üçün yerlərini soruşduq. Onlar da Narlıq adlı ərazinin sonunda olduqlarını dedilər. Gecə heç bir işıqdan istifadə etməyərək irəlilədik. Bir qədər getdikdən sora ermənilər 5,45 kalibrli işıqlandırıcı güllələrlə atəş açdılar. Düşmən faqotla yaxınlığımıza atəş açdığına görə yerə yatmalı olduq. Gecə idi, heç nə görmürdük. Rabitə vasitəsilə dəstək istəmək cəhdlərimizə baxmayaraq heç bir əlaqə yaratmaq mümkün olmurdu. Əlaqə tamamilə kəsilmişdi. Ona görə də əvvəlki yerə qayıtmalı olduq və beləliklə, ac- susuz səhərə kimi neytral zonada qaldıq.
Səhər saatlarında ermənilərin ağ bayraq qaldırdıqlarını bildik. Ümumi vəziyyət sakitləşmişdi. H/h kömək qurupu şəhidlərimizi ərazidən çıxarmağa gəldilər və bu işdə biz onlara kömək etdik. Öz postumuza irəliləyərkən postun yanında dayanan tanımadığımız Polkovnik antiterror əməliyyatlarında yaxşı istirak etdiyimizə görə bizə təşəkkür etdi və yaralı olduğumuza görə öz h/h-nin həkimləri tərəfindən üçümüzü də Ağdamda yerləşən hospitala yolladı. 2 gün müalicə aldıqdan sonra bizi yoxlanışa - Ağdaş Rayon Mərkəzi xəstəxanasına göndərdilər. Bədənimdə ağrılar və başımda şiddətli səs-küy varıydı. Həkimlər kontuziya aldığımı dedilər. Orda bir neçə gün qaldım və müalicə aldıqdan sora h/h-yə yollandıq. Səhhətimdə ciddi problem olduğu üçün yenidən Müdəfiə Nazirliyinin Bakı şəhərində (Papanindəki) olan Baş Hərbi Hospitalına göndərildim.
Hərbi xidmətdə xüsusi fəallıq və rəşadət göstərdiyimə, eləcə də antiterror əməliyyatlarında fəal iştirak etdiyimə görə Təşəkkür məktubu və Təltifnamə, Ali Baş Komandanın əmri ilə " Şücaətə görə" medalı təltif olundum. Həmçinin hərbi hissə komandanlığı valideynlərimə zəng edərək onlara xüsusi qaydada təşəkkür etmişlər.
Fəxr edirəm ki, mən də Qarabağda bayrağımızı dalğalandıran şanlı ordumuzun on minlərlə əsgərindən biriyəm. Bundan sonra da şərəfli Azərbaycan əsgərinin formasını geyinərək Vətənimizin müdafiəsinə həmişə hazıram.
Yaşasın Ali Baş Komandan!
Var olsun Azərbaycan əsgəri!
Qarabağ Azərbaycandır!
N saylı hərbi hissənin əsgəri Elmar Elxan oğlu Ağayev
20.05.2024-cü il
30-05-2025, 22:17
Telmanın atası da minaya düşübmüş...
Tərtər rayonunun Qızıloba kəndi ərazisində 1978-ci il təvəllüdlü Hüseynov Telman Əhməd oğlu heyvan otararkən piyada əleyhinə minaya düşüb
O, sağ ayağın pəncə hissəsinin cırılmış-dağılmış yarası diaqnozu ilə xəstəxanaya yerləşdirilib.
Mina partlayışında xəsarət alan Telman Hüseynovun atası da mina qurbanı olub.
Telman Hüseynovun atası Əhməd Hüseynov 1992-ci il 16 iyun tarixində Ağdərə rayonunun Qızıloba kəndi ərazisində mal-qara otaranda minaya düşərək həlak olub.
30-05-2025, 21:56
Buraxılış imtahanının cavabları elan edildi
Ümumi (9 illik) orta təhsil səviyyəsi üzrə 2025-ci il aprelin 20-də keçirilən buraxılış imtahanının nəticələri elan olunub.
İmtahanda iştirak edən 9-cu sinif şagirdləri verilmiş keçidə (//eservices.dim.gov.az/2025/netorta) daxil olaraq iş nömrəsi və şəxsiyyəti təsdiq edən sənədin nömrəsindən (və ya FİN kodundan) istifadə etməklə öz imtahan nəticələri, cavab vərəqinin qrafik təsviri ilə tanış ola bilərlər. İmtahan iştirakçıları iş nömrələrini buradan öyrənə bilərlər.
Şagirdlər imtahan nəticələri haqqında məlumatı (hər fənn üzrə ümumi balı) mobil operatorlar (Azercell, Bakcell, Nar, Naxtel) vasitəsilə bu imtahan üçün nəzərdə tutulan buraxılış vərəqəsində göstərilən kodu 7727 nömrəsinə göndərməklə də öyrənə bilərlər.
Yazı işlərinin (açıq tipli tapşırıqların cavabları) yoxlanılması prosesi onlayn şəkildə həyata keçirilib. Belə ki, hər marker yoxlama prosesinə öz evindən qoşularaq proqramın onun kompüterinə təsadüfi göndərdiyi işləri yoxlayıb. Qeyd edək ki, onlayn (evdən) yoxlama prosesində üztanıma texnologiyası tətbiq edilib və yoxlama prosesinin bütün tələblərinə (meyarların təkmilləşdirilməsi, işlərin şifrələnməsi, markerlərin hər tapşırıq üzrə yoxlamadan əvvəl kalibrləmədə iştirak etməsi, yoxlama ərzində "seeding" (markerlərə sayıqlığı itirməmək üçün əvvəlcədən hazırlanan və kalibrə edilən sualların mütəmadi olaraq göndərilməsi) prosesinin tətbiqi, işlərin markerlərə proqram tərəfindən təsadüfi göndərilməsi, imtahan protokollarının araşdırılması və s.) əməl olunub.
Yazı işlərinin onlayn yoxlanılması üçün proqram təminatı Dövlət İmtahan Mərkəzinin mütəxəssisləri tərəfindən hazırlanıb.
Bu imtahanda iştirakı nəzərdə tutulan 53649 nəfərdən 447 nəfər imtahana gəlməyib. Tələb olunan imtahan qaydalarını pozduğu üçün 6 nəfərin nəticəsi ləğv olunub.
İmtahan iştirakçıları arasında 17 nəfər (siyahı) maksimal olan 300 bal toplamaqla ən yüksək nəticəni göstərib.
İmtahan nəticələri ilə bağlı müraciətlərə baxılması üçün DİM-də Apellyasiya Komissiyası fəaliyyət göstərəcək. Apellyasiya Komissiyasına müraciət etmək istəyənlər 3 iyun saat 10:00-dan 5 iyun saat 17:00-dək tarixlərində DİM-in saytında yerləşdiriləcək elektron ərizəni doldurmaqla qeydiyyatdan keçə bilərlər. Göstərilən müddət ərzində qeydiyyatdan keçməyənlər sonradan Apellyasiya Komissiyasına müraciət edə bilməyəcəklər. Elektron ərizədə haqqında müraciət edilən tapşırığın nömrəsi seçilməli, onunla bağlı müraciətin məzmunu yazılmalı və meyarın hansı bəndinə uyğun hesab edildiyi göstərilməlidir. Elektron ərizədə müraciətin məzmunu qeyd olunmadığı halda ərizə qəbul edilmir və həmin müraciət araşdırılmır. Apellyasiya prosesi aşağıdakı ardıcıllıqla aparılır:
Apellyasiya Komissiyası tərəfindən haqqında müraciət olunan bütün işlər araşdırılır;
Şagirdlərin müraciət etdikləri tapşırıqlar üzrə ekspert rəyi (yazılı şəkildə) apellyasiya ərizələrinə əlavə edilir;
Şagirdlərin apellyasiya ərizələrində qeyd etdikləri telefon nömrəsinə apellyasiya prosesinin başa çatması ilə bağlı “sms” göndərilir.
Bundan sonra şagirdlər apelyasiya.dim.gov.az saytında ərizələrinə daxil olaraq apellyasiyanın nəticəsi ilə tanış ola və ekspert rəyini oradan çap edə bilərlər.
Cavab vərəqində təlimata uyğun olmayan formada qeyd olunmuş cavablar, o cümlədən cavabın optik qurğu tərəfindən səhv kimi nəzərə alınması ilə nəticələnən düzəlişlərlə (məsələn qapalı sualda iki dairənin qaralanması və s.) bağlı müraciətlərə baxılmayacaq.
Apellyasiya Komissiyasına müraciət etməmişdən əvvəl şagirdlər DİM-in saytında, imtahan nəticələri ilə bağlı səhifədə öz nəticələri, cavab vərəqinin qrafik təsviri, hər bir açıq tipli tapşırıq üzrə qiymətləndirmə meyarları ilə tanış ola bilərlər. Ötən imtahanların təcrübəsi göstərir ki, apellyasiya üçün ərizə yazanların təqribən 15%-i ümumiyyətlə tapşırığa cavab verməyib və ya öz cavabı ilə mümkün doğru cavabları, qiymətləndirmə şkalasını müqayisə edib tanış olmadan komissiyaya müraciət ediblər. Şagirdlərin nəzərinə çatdırırıq ki, bu tip müraciətlərə baxılmayacaq.
30-05-2025, 21:45
Tələbə xərçəngdən vəfat etdi
Mingəçevir Dövlət Universitetinin tələbəsi vəfat edib.
Bu barədə univeristetin sosial şəbəkə hesabında məlumat paylaşılıb.
Təhsil fakültəsinin tələbəsi olan Nübar Cabbarova qan xərçəngindən dünyasını dəyişib.
30-05-2025, 21:09
Millimiz dünya çempionatının finalında
Azərbaycanın minifutbol millisi Bakıda keçirilən dünya çempionatında finala yüksəlib.
Elşad Quliyevin rəhbərlik etdiyi kollektiv yarımfinalda Monteneqro ilə üz-üzə gəlib.
Qarşılaşma yığmamızın 2:1 hesablı qələbəsi ilə başa çatıb.
Millinin heyətində Ağaseyid Qasımov (23) və Ramiz Çovdarov (44) fərqləniblər.
Qeyd edək ki, Azərbaycan həlledici mərhələdə Macarıstan - Serbiya cütünün qalibi ilə qarşılaşacaq.
30-05-2025, 20:34
Gəncəni raketlə vuranlar onlar imiş - Adlar AÇIQLANDI
Bakı Hərbi Məhkəməsində davam etdirilən məhkəmə prosesində tədqiq olunan sənədlərdə Gəncəni raketlərlə hədəf almış Ermənistan silahlı qüvvələrinin hərbçilərinin bir qisminin adları da yer alıb.
Sənədlərdə qeyd edilib ki, Gəncə şəhərini yenidən hədəf alaraq Ermənistan silahlı qüvvələrinin bu ölkənin Stepanavan rayonunda dislokasiya olunmuş 71-ci hərbi texnikaların saxlanması bazasının (51556 saylı hərbi hissə) komandiri polkovnik Artaşen Rafiki Hacatyan, komandir müavini polkovnik-leytenant Ara Artuşi Sarqsyan, “Elbrus” taktiki raket kompleksləri diviziyasının komandiri polkovnik-leytenant Vazgen Daviti Vardanyan, “İsgəndər” taktiki raket kompleksləri diviziyasının komandiri polkovnik-leytenant Tiqran Norayri Vardanyan və qeyrilərinin rəhbərliyi ilə həmin hərbi hissənin ehtiyatında olan, əvvəlki hücumlarda istifadə edilmiş silah növlərindən daha böyük dağıdıcı qüvvəyə malik operativ-taktiki təyinatlı ballistik trayektoriyalı “Elbrus” taktiki raket kompleksi Ermənistanın Geqarqunik vilayətinin Vardenis (tarixi Basarkeçər) rayonunun ərazisinə gətirilib.
2020-ci il oktyabrın 11-də saat 2 radələrində döyüşə hazır vəziyyətə gətirilmiş həmin raket kompleksindən fuqaslı təsirə malik olan, “8Ф44” tipli döyüş başlığı ilə təchiz edilmiş raket böyük insan tələfatı törətmək məqsədilə və Gəncə şəhərinin silahlı münaqişə zonası hesab edilməyən, hərbi əməliyyatların aparılmadığı, hərbi obyektlərin yerləşmədiyi, aşkar surətdə yalnız mülki obyektlərin mövcud olduğu istiqamətdə düşünülmüş şəkildə hədəfə yönəldilərək Gəncə şəhəri, Kəpəz rayonu, Ə.Rəfibəyli küçəsinin 4-cü dalanında yerləşən 3 saylı 2 mərtəbəli, 4, 5 və 7 saylı 1 mərtəbəli yaşayış binalarının üzərinə 1 ədəd atılıb. Həmin raketin dinc əhalinin sıx yaşadığı qeyd edilən ünvanlara düşüb partlaması nəticəsində 10 mülki şəxs qəsdən öldürülüb, 1 mülki şəxsə ağır, 18 mülki şəxsə yüngül, 32 mülki şəxsə dərəcəsi təyin edilməyən xəsarət yetirilib.
Qeyd edək ki, Ermənistanın hərbi təcavüzü nəticəsində sülh və insanlıq əleyhinə cinayətlər, müharibə cinayətləri, o cümlədən təcavüzkar müharibənin hazırlanması və aparılması, soyqırımı, müharibə qanunlarını və qaydalarını pozma, habelə terrorçuluq, terrorçuluğu maliyyələşdirmə, hakimiyyəti zorla ələ keçirmə, onu zorla saxlama və digər çoxsaylı cinayətlər törətməkdə təqsirləndirilən Ermənistan Respublikasının vətəndaşlarının məhkəməsi iyunun 2-də davam etdiriləcək.
30-05-2025, 18:10
Azərbaycanda bu cərimə iki dəfə artdı
Dəmir yolu nəqliyyatında sərnişin müvafiq qaydada ödəniş etmədən getməyə görə də cərimə ediləcək.
Bu, Prezident İlham Əliyevin tətbiqi barədə fərman imzaladığı İnzibati Xətalar Məcəlləsinə dəyişiklikdə əksini tapıb.
Hazırda dəmir yolu nəqliyyatında sərnişin biletsiz getməyə görə otuz manat məbləğində cərimə edilir. Yeni qanuna əsasən, müvafiq qaydada ödəniş etmədən gedən sərnişinlər də 30 manat cərimələnəcək.
Dəmir yolu nəqliyyatında sərnişinin biletsiz aparılmasına görə cərimələr də 2 dəfə artırılıb. Dəmir yolu nəqliyyatında sərnişinin biletsiz və ya müvafiq qaydada ödəniş edilmədən aparılmasına görə 80 manat məbləğində cərimə ediləcək.
30-05-2025, 18:02
Bakının bu küçəsində yenilik tətbiq olunur - AYNA
Fətəli xan Xoyski küçəsi, “Gənclik Mall”un qarşısı sıxlıq hallarının müşahidə edildiyi ərazidir. Əhmədbəy Ağaoğlu küçəsi, Vaqif və Atatürk prospektləri istiqamətlərindən gələn 6 hərəkət zolağı bu ərazidə 3 hərəkət zolağı ilə əvəzlənir.
Bu barədə AYNA-dan məlumat verilib.
Bildirilib ki, nəticədə darboğaz əmələ gəlir və nəqliyyat vasitələrinin hərəkəti çətinləşir. Bundan əlavə, “Gənclik Mall”a gələn yüksək ziyarətçi axını parklanma yerinin girişində növbəyə səbəb olur. Bu isə Fətəli xan Xoyski küçəsini, o cümlədən, avtobus zolağını bloklayır. Məsələnin həlli üçün yeni layihə icra olunacaq.
"“Gənclik Mall”un giriş hissəsində “dropoff” məntəqəsinin yaradılması, parklanma yerinin giriş hissəsində olan geriyədönmə yerinin təkmilləşdirilməsi, Fətəli xan Xoyski küçəsindəki zolaqların silinərək yenidən çəkilməsi və 3 hərəkət zolağının 4 hərəkət zolağı ilə əvəzlənməsi nəzərdə tutuluг.
Bununla da ticarət və əyləncə mərkəzinin giriş hissəsində sıxlığın azaldılması, sıxlıq olsa belə bunun əsas yola minimum təsiri müşahidə ediləcək, avtomobil və ictimai nəqliyyatın fasiləsiz olaraq hərəkətinin təmin edilməsi baş tutacaq.
Bütün tənzimləmələr AYNA-nın mütəxəssisləri tərəfindən hesablanıb və təhlil olunub, vətəndaşların daha rahat hərəkət etməsi üçün nəzərdə tutulub", - qurumdan əlavə olunub.
30-05-2025, 17:49
Qatarda ödəniş etmədən gedən sərnişinlər cərimələnəcək
Dəmir yolu nəqliyyatında sərnişin müvafiq qaydada ödəniş etmədən getməyə görə də cərimə ediləcək.
Bu, Prezident İlham Əliyevin tətbiqi barədə fərman imzaladığı İnzibati Xətalar Məcəlləsinə dəyişiklikdə əksini tapıb.
Hazırda dəmir yolu nəqliyyatında sərnişin biletsiz getməyə görə otuz manat məbləğində cərimə edilir. Yeni qanuna əsasən, müvafiq qaydada ödəniş etmədən gedən sərnişinlər də 30 manat cərimələnəcək.
Dəmir yolu nəqliyyatında sərnişinin biletsiz aparılmasına görə cərimələr də 2 dəfə artırılıb. Dəmir yolu nəqliyyatında sərnişinin biletsiz və ya müvafiq qaydada ödəniş edilmədən aparılmasına görə 80 manat məbləğində cərimə ediləcək.
30-05-2025, 17:40
Bu lampalara görə 5 min cərimələnəcəksiz
İstehsal proseslərində və əsas məqsədi işıqlandırma olmayan məhsullarda xüsusi istifadəsi nəzərdə tutulan közərmə lampaları istisna olmaqla, dəyişən cərəyan dövrəsində işıqlandırma məqsədilə istifadə edilə bilən 25 Vt və daha yuxarı gücə malik olan elektrik közərmə lampalarının idxalına, istehsalına və ya satışına görə inzibati xətanın bilavasitə obyekti olan elektrik közərmə lampaları müsadirə edilməklə, vəzifəli şəxslər min manatdan min beş yüz manatadək məbləğdə, hüquqi şəxslər üç min manatdan dörd min manatadək məbləğdə cərimə ediləcək.
Bu, Prezident İlham Əliyevin tətbiqi barədə fərman imzaladığı İnzibati Xətalar Məcəlləsinə dəyişiklikdə əksini tapıb.
Qanuna əsasən, nəzərdə tutulmuş xətanın inzibati tənbeh almış şəxs tərəfindən inzibati tənbeh vermə haqqında qərar qüvvəyə mindiyi gündən bir il ərzində təkrar törədilməsinə görə inzibati xətanın bilavasitə obyekti olan elektrik közərmə lampaları müsadirə edilməklə, vəzifəli şəxslər min beş yüz manatdan iki min manatadək məbləğdə, hüquqi şəxslər dörd min manatdan beş min manatadək məbləğdə cərimə ediləcək.
Qanun 60 Vt və daha yuxarı gücə malik olan közərmə lampalarına münasibətdə 2026-cı il yanvarın 1-dən, 25 Vt-dan (25 Vt daxil olmaqla) 60 Vt-a qədər gücə malik olan közərmə lampalarına münasibətdə 2026-cı il iyulun 1-dən qüvvəyə minəcək.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!