11-03-2026, 17:57
İran yığması Dünya Çempionatında iştirak etməyəcək
İranın idman naziri Ahmad Donyamali çərşənbə günü bildirib ki, ABŞ-nin ölkənin Ali Lideri Əli Xameneinin öldürdüyünü iddia etdikdən sonra İran 2026-cı ildə keçiriləcək "2026 FIFA World Cup"da iştirak etməyəcək.
Bu barədə nazir dövlət televizyasında çıxışı zamanı bildirib.
“Bu korrupsiyalaşmış rejim bizim liderimizi öldürdüyü üçün biz heç bir halda Dünya Çempionatında iştirak etməyəcəyik”, – deyə o, çıxışı zamanı qeyd edib.
Qeyd edək ki, 2026-cı ildə keçiriləcək Dünya Çempionatı üç ölkənin birgə ev sahibliyi ilə təşkil olunacaq. Turnir ABŞ, Kanada və Meksika ərazilərində keçiriləcək. İlk dəfə olaraq oyunda 42 komandanın iştirakı gözlənilir.
11-03-2026, 17:20
Antonio Koşta Azərbaycana təşəkkür etdi
Azərbycan Avropa İttifaqı ölkələrinin vətəndaşlarının İrandan təxliyəsinə əvəzsiz yardım göstərib.
Bunu Avropa İttifaqı Şurasının Prezidenti Antonio Koşta Azərbaycan Respublikasının Prezidenti İlham Əliyev ilə birgə mətbuat konfransında çıxışı zamanı bildirib.
Antonio Koşta təxliyələrə görə, Azərbaycana təşəkkür edib.
11-03-2026, 17:15
Prezident: Avropa İttifaqı bir nömrəli ticarət tərəfdaşımızdır
Azərbaycan Respublikasının Prezidenti İlham Əliyev Bakıda Avropa İttifaqı Şurasının Prezidenti Antonio Koşta ilə birgə mətbuat konfransı keçirib.
Prezident çıxışı zamanı Koştanın səfərinin ikitərəfli əlaqələrin gələcək inkişafında mühüm rol oynayacağına əminliyini ifadə edib.
“Keçən il bir neçə dəfə iqtisadi göstəricilərə baxdım və bu ilin yanvarında ticarətimizin 50 faizi Avropa İttifaqı ilə həyata keçirilib. Bu isə göstərir ki, bizim üçün Avropa İttifaqı bir nömrəli ticarət tərəfdaşıdır.
Əminəm ki, yeni layihələr, investisiya imkanları və hər iki istiqamətdə investisiyaların artması ilə biz bu sahədə daha fəal fəaliyyət göstərəcəyik”, - dövlət başçısı vurğulayıb.
11-03-2026, 17:00
Yeni müharibə olmayacaq - Paşinyan söz verdi
“Mənim şəxsi inancıma görə, 2024-cü ilin mart-aprel aylarında Ermənistan dövlətçiliyinin son həddinə çatmışdıq. Əgər 2024-cü ilin aprelində Azərbaycanla sərhəd demarkasiyası prosesinə başlamaq qərarı verməsəydik, bu gün Ermənistan müstəqil dövlət deyil, ən çox xarici hakimiyyət altında olan ərazi olardı”.
Bunu Ermənistanın Baş naziri Nikol Paşinyan Avropa Parlamentində bəyan edib.
“Sərhəd demarkasiyası qərarını vermək çox çətin idi. Kilsəmizin faktiki rəhbəri tərəfindən təşviq edilən arxiyepiskoplardan biri Ermənistanda təkcə sərhəd demarkasiyasını aparmamağı, həm də mahiyyət etibarilə Qarabağ hərəkatını, yəni münaqişəni aktivləşdirməyi tələb edən hərəkat başlatmışdı. Ermənistan hökumətinin Ermənistanın suveren ərazilərini və orada yerləşən qədim kilsələri və yaşayış məntəqələrini Azərbaycana verməyə hazırlaşdığını iddia edən yüksək vəzifəli ruhanilər və onları dəstəkləyən müxalifət qüvvələri tərəfindən aparılan dezinformasiya kampaniyasına aludə olan on minlərlə vətəndaş küçələrə çıxdı”, - deyə Paşinyan bildirib.
Paşinyan yeni müharibəyə yol verməyəcəklərini bildirib.
“Minlərlə qurbanın hesabına əldə edilən sülhün və müstəqilliyin antixristian məqsədlər üçün qurban verilməsinə imkan verməyəcəyik”.
11-03-2026, 16:53
Kəlbəcərin bu kəndində su problemi olmayacaq
"Tikilməkdə Olan Obyektlərin Müdiriyyəti" publik hüquqi şəxsi işğaldan azad edilmiş ərazilərin infrastrukturunun bərpası layihələri çərçivəsində növbəti addımı atır.
Kəlbəcər rayonunun Zallar kəndinin müasir kommunal sistemlərlə təminatı məqsədilə genişmiqyaslı tikinti işləri elan edilib.
Kəndin xarici su təchizatı sistemlərinin, tullantı su şəbəkəsinin və bu proses üçün zəruri olan texniki qurğuların inşasını nəzərdə tutulur.
Müəyyən olunmuş xərc 5.381.539,86 azn-dir.
11-03-2026, 16:48
Paşinyan Zəngəzur dəhlizindən danışdı: saziş imzalanacaq
“Cənubi Qafqazda əsrlər boyu, bəlkə də minilliklər boyu təsir göstərəcək dəyişikliklər baş verib”.
Bunu Ermənistan Respublikasının Baş naziri Nikol Paşinyan martın 11-də Strasburqda Avropa Parlamentindəki çıxışında bildirib.
“Ən yaddaqalan dəyişiklik Ermənistanla Azərbaycan arasında sülhün bərqərar olmasıdır ki, bu da 8 avqust 2025-ci ildə ABŞ-ın paytaxtı Vaşinqtonda imzalanıb. Həmin gün Azərbaycan Prezidenti İlham Əliyevlə mən Ağ Evdə Ermənistanla Azərbaycan arasında sülhü bərqərar edən birgə bəyannamə imzaladıq.
Bəyannaməni ABŞ Prezidenti Donald Tramp da şahid qismində imzalayıb. Bundan əvvəl Ermənistan və Azərbaycan xarici işlər nazirləri ABŞ Prezidentinin, Azərbaycan Prezidentinin və mənim iştirakımla Ermənistanla Azərbaycan arasında sülhün və dövlətlərarası münasibətlərin qurulması haqqında Sazişi imzalayıblar.
Vaşinqton Bəyannaməsində regional hava yollarının açılması kimi çox vacib və olduqca həssas məsələ də müzakirə olunub. Bəyannamənin üçüncü bəndində deyilir: "Biz iki ölkə arasında daxili, ikitərəfli və beynəlxalq səyahətlər üçün əlaqələrin açılmasının vacibliyini bir daha təsdiqlədik ki, bu da hər bir dövlətin suverenliyinə, ərazi bütövlüyünə və yurisdiksiyasına hörmət əsasında regionda və onun ətrafında sülhü, sabitliyi və rifahı təşviq edir. Bu səylər beynəlxalq və daxili rabitə baxımından Ermənistan Respublikasının qarşılıqlı faydası naminə, Azərbaycan Respublikasının əsas hissəsi ilə Naxçıvan Muxtar Respublikası arasında Ermənistan Respublikasının ərazisi vasitəsilə maneəsiz əlaqələri əhatə edəcək”.
Bəyannamənin dördüncü abzasında deyilir: "Ermənistan Respublikası Amerika Birləşmiş Ştatları və qarşılıqlı razılaşdırılmış üçüncü tərəflərlə Ermənistan Respublikası ərazisində "Beynəlxalq Sülh və Rifaha Doğru Tramp Yolu" Kommunikasiya Proqramının həyata keçirilməsi üçün çərçivə müəyyən etmək məqsədilə əməkdaşlıq edəcək. Bu məqsədə mümkün qədər tez çatmaq üçün bütün zəruri tədbirləri vicdanla görməyə sadiq olduğumuzu bir daha təsdiqləyirik.
"Beynəlxalq Sülh və Rifaha Doğru Tramp Yolu" Proqramı hazırda hazırlıq mərhələsindədir. 13 yanvarda Amerika Birləşmiş Ştatları və Ermənistan hökumətləri bu proqramın həyata keçirilməsi üçün çərçivə qəbul etdilər və yaxın gələcəkdə Ermənistan və Amerika Birləşmiş Ştatları müvafiq saziş imzalayacaqlar və bundan sonra layihənin praktiki olaraq istifadəyə verilməsi baş tutacaq”, - Paşinyan vurğulayıb.
Baş nazirin sözlərinə görə, İrəvan və Bakının rabitəni açmaq niyyətləri ardıcıldır və hər iki tərəfin maraqlarına uyğundur. O vurğulayıb ki, Ermənistan artıq Azərbaycan ərazisindən keçən tranzit marşrutlarından istifadə edir, lakin Ankara və Bakı hələlik əks təklifi qəbul etməyiblər.
11-03-2026, 16:34
Azər Qasımlıya hökm oxundu - 12 il
Bakı Ağır Cinayətlər Məhkəməsində Siyasi Menecment İnstitutunun direktoru, politoloq Azər Qasımlıya hökm oxunub.
Hakim Telman Hüseynovun sədrliyi ilə keçirilən prosesdə Azər Qasımlı 12 il müddətinə azadlıqdan məhrum edilib.
Qeyd edək ki, prokuror ona 13 il iş istəmişdi.
Azər Qasımlı barəsində olan müraciətlə əlaqədar 8 dekabr 2024-cü ildə polis tərəfindən saxlanılıb.
O, Cinayət Məcəlləsinin 182.2.3 (Hədə-qorxu ilə tələb etmə, zor tətbiq etmə ilə törədildikdə) maddəsi üzrə təqsirli bilinir.
11-03-2026, 16:10
İlham Əliyev Koştanı qəbul etdi
Azərbaycan Prezidenti İlham Əliyevin Avropa İttifaqı Şurasının Prezidenti Antonio Koşta ilə təkbətək görüşü keçirilir.
Əvvəlcə dövlət başçısı və Antonio Koşta birgə foto çəkdiriblər.
Qeyd edək ki, Avropa İttifaqı Şurasının Prezidenti Antonio Koşta martın 11-də Azərbaycan Respublikasına rəsmi səfərə gəlib.
11-03-2026, 15:46
İrandan Azərbaycana təxliyə olunanların sayı artıb
Fevralın 28-i saat 08:00-dan martın 11-i saat 14:00-dək İran İslam Respublikasından Azərbaycana ümumilikdə 2225 nəfər təxliyə edilib.
Təxliyə olunanların 394-ü Azərbaycan vətəndaşıdır.
Bundan başqa, 674 Çin, 293 Rusiya, 174 Tacikistan, 140 Pakistan, 57 Oman, 44 İtaliya, 32 İndoneziya, 26 İspaniya, 25 Əlcəzair, 29 İran, 18 Səudiyyə Ərəbistanı, 17 Yaponiya, 16 Fransa, 16 Almaniya, 13 Gürcüstan, 12 Özbəkistan, 12 Macarıstan, 12 Polşa, 11 Meksika, 10 Nigeriya, 10 Belarus, 10 Bolqarıstan, 10 Konqo Demokratik Respublikası, 9 Böyük Britaniya, 9 Kanada, 8 Braziliya, 8 Qazaxıstan, 6 BƏƏ, 6 Slovakiya, 6 Belçika, 6 Rumıniya, 5 Serbiya, 5 İsveçrə, 5 Çexiya, 5 Əfqanıstan, 5 Avstriya, 5 Hindistan, 4 İordaniya, 4 Banqladeş, 4 Türkiyə, 4 Ukrayna, 4 Şri-Lanka, 4 Küveyt, 4 Bəhreyn, 4 ABŞ, 4 Finlandiya, 4 Niderland, 3 Qətər, 3 Filippin, 3 Xorvatiya, 3 Danimarka, Avstraliya 3, Nepal, 2 Livan, 2 Yəmən, 2 Qırğızıstan, 2 Sloveniya, 2 İsveç, 2 Sudan, 2 Kipr vətəndaşı, 2 Sloveniya, eyni zamanda, Tunis, Cənubi Afrika, Maldiv adaları, Myanma, Kuba, Vatikan, Argentina, Bosniya və Herseqovina, Latviya, Misir və Belizdən hər biri 1 nəfər olmaqla xarici vətəndaş təxliyə edilib.
11-03-2026, 15:35
Ölkə üzrə pensiyalar tam ödənildi
Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu tərəfindən qarşıdan gələn bayramlarla əlaqədar olaraq respublika üzrə mart ayının pensiya ödənişləri qrafikdən əvvəl başa çatdırılıb.
Bu barədə ƏƏSMN-dən məlumat verilib.
Bildirilib ki, martın 6-da Bakı, Sumqayıt şəhərləri və Abşeron rayonunda, habelə Naxçıvan Muxtar Respublikasında, bu gün isə ölkəmizin bölgələrində qeydiyyatda olan şəxslərin mart ayı üzrə pensiyaları, habelə güzəştli şərtlərlə təyin edilmiş pensiyalar ödənilib.
Bu ayın müavinət, təqaüd və ünvanlı sosial yardımları da qrafikdən əvvəl olmaqla Novruz və Ramazan bayramlarına qədər ödəniləcək.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!