12-12-2023, 16:21
Saytlara bu haqda məlumatlar yaymaq qadağan edilir
Saytlara şəxsi heyət və texnikanın hərəkəti haqqında məlumatları yaymaq qadağan edilir.
Bu, Milli Məclisin İnsan hüquqları komitəsində müzakirə ediləcək “İnformasiya, informasiyalaşdırma və informasiyanın mühafizəsi haqqında” qanuna təklif edilən dəyişiklikdə qeyd olunub.
İnternet informasiya ehtiyatının və onun domen adının sahibi və ya informasiya-telekommunikasiya şəbəkəsinin istifadəçisi Azərbaycan Respublikası Silahlı Qüvvələrinin şəxsi heyətinin, hərbi silah, sursat və ya hərbi texnikasının hərəkəti, yaxud dislokasiyası haqqında məlumatların yayılmasına yol verməməlidir.
Eyni zamanda Azərbaycan Respublikası Silahlı Qüvvələrinin şəxsi heyətinin, hərbi silah, sursat və ya hərbi texnikasının hərəkəti, yaxud dislokasiyası haqqında məlumatların mediada, o cümlədən internet informasiya ehtiyatında və ya informasiya-telekommunikasiya şəbəkəsində hərbi qulluqçular və ya toplanışa çağırılmış hərbi vəzifəlilər tərəfindən yayılmasına görə - on gündən bir ayadək müddətə inzibati həbs tətbiq olunacaq.
12-12-2023, 15:47
Ermənistan və Ukrayna prezidentləri bir araya gəldi
Argentina Respublikasının yeni seçilmiş prezidenti Xavyer Mileyin andiçmə mərasimi çərçivəsində Ermənistan prezidenti Vahaqn Xaçaturyan bir neçə ölkədən olan həmkarları ilə görüşüb.
Xaçaturyan Buenos-Ayresdəki “Casa Rosada” prezident sarayında İspaniya kralı VI Filipp, Uruqvay prezidenti Luis Lakalle Pou, Paraqvay prezidenti Santyaqo Pen, Çili prezidenti Qabriel Boriç, Ukrayna prezidenti Volodimir Zelenski və Macarıstanın baş naziri Viktor Orbanla söhbət edib.
"Görüşlər zamanı ikitərəfli əlaqələrə dair məsələlər və mövcud potensialın tam reallaşdırılması yolları müzakirə olunub. Vahaqn Xaçaturyan Ermənistanın irəli sürdüyü “Sülhün qovşağı” konsepsiyasının əsas prinsip və müddəalarına toxunaraq, Ermənistan tərəfinin regionda sabit və davamlı sülhün bərqərar olmasına yönəlmiş hərəkətlərini təqdim edib", - məlumatda deyilir.
12-12-2023, 15:09
Deputatlar Türkiyəyə səfər çərçivəsində Ulu Öndərin abidəsini ziyarət etdi
Milli Məclisin Səhiyyə komitəsinin sədri, Azərbaycan-Türkiyə parlamentlərarası əlaqələr üzrə işçi qrupunun rəhbəri Əhliman Əmiraslanov, deputatlar Məlahət İbrahimqızı, Ramin Məmmədov, Fəzail Ağamalı, Nizami Cəfərov, Cavanşir Feyziyev, Naqif Həmzəyev, Anar İsgəndərov, Əziz Ələkbərov və Naqif Həmzəyev Türkiyədə səfər çərçivəsində Ümumilli Lider Heydər Əliyevin anım günü ilə əlaqədar Ankara şəhərində uzalan Ulu Öndər Heydər Əliyevin abidəsini ziyarət edib, onu bir dəqiqəlik sükutla yad edərək, əklil və gül dəstəsi qoyublar.
Anım ziyarətində Azərbaycan Respublikasının Türkiyə Cumhuriyyətindəki fövqəladə və səlahiyyəti səfiri Rəşad Məmmədov və Türkiyə Böyük Millət Məclisinin Azərbaycanla parlamentlərarası əlaqələr üzrə dostluq qrupunun rəhbəri Şamil Ayrım da iştirak edib.
12-12-2023, 15:00
Hərbi texnikalarla bağlı məlumatları yaymağa görə cinayət işi müəyyənləşir
Azərbaycan Respublikası Silahlı Qüvvələrinin şəxsi heyətinin, hərbi silah, sursat və ya hərbi texnikanın hərəkəti, yaxud dislokasiyası haqqında məlumatları yaymağa görə cinayət məsuliyyəti müəyyənləşir.
Milli Məclisin İnsan hüquqları komitəsində müzakirə olunan və parlamentin plenar iclasa tövsiyə edilən Cinayət Məcəlləsinə əlavə edilməsi təklif edilən yeni - 284-2 maddəsində əksini tapıb.
Layihəyə əsasən, Azərbaycan Respublikası Silahlı Qüvvələrinin şəxsi heyətinin, hərbi silah, sursat və ya hərbi texnikanın hərəkəti, yaxud dislokasiyası haqqında məlumatları yayma, müharibə vaxtı və ya döyüş şəraitində törədildikdə ağır nəticələrə səbəb olduqda 5 ildən 8 ilədək azadlıqdan məhrumetmə ilə cəzalandırılacaqlar.
Azərbaycan Respublikası Silahlı Qüvvələrinin şəxsi heyətinin, hərbi silah, sursat və ya hərbi texnikanın hərəkəti, yaxud dislokasiyası haqqında məlumatları yayma, müharibə vaxtı və ya döyüş şəraitində törədildikdə və bu Məcəllənin 274-cü, 276-cı və ya 284-cü maddələrində nəzərdə tutulmuş əməllərin əlamətləri olmadıqda – 3 ildən 6 ilədək müddətə azadlıqdan məhrum etmə ilə cəzalandırılacaq.
Qeyd: Azərbaycan Respublikası Silahlı Qüvvələrinin şəxsi heyətinin, hərbi silah, sursat və ya hərbi texnikanın hərəkəti, yaxud dislokasiyası haqqında dövlət orqanları (qurumları) tərəfindən ictimaiyyətə açıqlanan məlumatların yayılması hallarına bu Məcəllənin 284-2-ci maddəsinin qüvvəsi şamil edilmir.
12-12-2023, 14:18
Əsirlərin mübadiləsi yaxın günlərdə gerçəkləşəcək - Simonyan
Ermənistan Baş nazirinin Aparatı və Azərbaycan Prezidentinin Administrasiyası arasındakı razılaşmaya əsasən əsirlərin mübadiləsi yaxın günlərdə gerçəkləşəcək.
Bunu İrəvanda keçirdiyi brifinqdə Ermənistan parlamentinin sədri Alen Simonyan deyib.
"Biz bu mübadilənin tezliklə baş verəcəyini ümidlə gözləyirik", - A.Simonyan vurğulayıb.
Onun sözlərinə görə, İrəvan və Bakının əldə etdiyi razılaşma dəyişməyib, proses davam edir.
Xatırladaq ki, dekabrın 7-də Azərbaycan Prezidentinin Administrasiyası və Ermənistan Baş nazirinin Aparatı birgə açıqlama yayıb. Açıqlamada tərəflər arasında bir sıra razılığın əldə edildiyi bildirilib.
Razılaşmaya əsasən, Azərbaycan 32 erməni hərbçini, Ermənistan öz növbəsində 2 azərbaycanlı əsgəri azad edəcək.
12-12-2023, 14:01
Ceyhun Bayramov GUAM Xarici İşlər Nazirlərinin qeyri-rəsmi görüşündə iştirak etdi
Azərbaycan xarici işlər naziri Ceyhun Bayramov Brüsselə işgüzar səfər çərçivəsində GUAM Xarici İşlər Nazirlərinin qeyri-rəsmi görüşündə iştirak və çıxış edib.
Bu barədə Azərbaycan XİN-in “X” hesabında paylaşım edilib.
Bildirilib ki, nazir Azərbaycanın 2024-cü ildə GUAM-da sədrliyə baxışı və təşkilat çərçivəsində əməkdaşlığın perspektivlərindən danışıb.
12-12-2023, 13:49
Ermənistan və Kiprin müdafiə nazirləri görüşdü
Ermənistan və Kiprin (Cənubi Kipr) müdafiə nazirləri Suren Papikyan və Mixalis Yorqallas arasında görüş olub.
Bu barədə "Sputnik Armenia" məlumat yayıb.
Bildirilib ki, tərəflər əməkdaşlığın hazırkı mərhələsinin yekunlarına nöqtə qoyaraq və onun inkişafı üçün yeni imkanları qeyd ediblər.
Təhsil və təlim proqramları üzrə hərbi-texniki əməkdaşlıq, müxtəlif sahələrdə təcrübə mübadiləsi əsas müzakirə mövzuları olub.
12-12-2023, 13:34
Qızılcaya yoluxmaların artım sürətində nisbətən azalma var - Nazir
Görünən mənzərə odur ki, qızılcaya yoluxmaların artım sürətində nisbətən azalma var.
Bunu jurnalistlərə açıqlamasında elm və təhsil naziri Emin Əmrullayev bildirib.
Onun sözlərinə görə, proses nəzarətdədir: "Hazırda baş verənlərin təkrarlanmaması üçün valideynlər öz övladlarını vaxtında, düzgün qaydada peyvənd etdirməlidirlər. Hazırda ümumilikdə təhsil sisteminin distanta keçirilməsi və qapanma olması ilə bağlı gözlənti yoxdur. Amma ayrı-ayrı məktəblərdə və ya siniflərdə yoluxmalar artarsa, lokal qapanma ola bilər".
12-12-2023, 13:07
Ağdamda 5 məhəllənin salınması nəzərdə tutulub - Emin Hüseynov
Ağdam şəhərində 5 məhəllənin salınması nəzərdə tutulub.
Bunu Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) Azərbaycan Respublikası Prezidentinin xüsusi nümayəndəsi Emin Hüseynov deyib..
Onun sözlərinə görə, Ağdamın əsas mədəni-tarixi mərkəzi hissəsində geniş layihələndirmə işləri yekunlaşmaq üzrədir:
“Artıq tikinti proseslərinə başlanılıb. Açıq səma altında İşğal və Zəfər muzeyləri, Muğam Mərkəzi, mehmanxalanlar, daxili yol-küçə şəbəkəsi, məktəb və xəstəxana və digər infrastruktur 2026-ci ilin sonuna qədər tikilib təhvil veriləcək".
12-12-2023, 12:50
YUNESKO Azərbaycan tərəfindən irəli sürülən qətnaməni qəbul etdi
YUNESKO mənzil qərargahında dekabrın 11-də Silahlı münaqişə zamanı mədəni mülkiyyətin qorunması üzrə 1954-cü il Haaqa Konvensiyasına Tərəf Ölkələrin 15-ci görüşünün gündəliyinə Azərbaycan tərəfindən daxil edilmiş “Minaların mədəni irsə təsiri” mövzusunda qətnamə layihəsi Konvensiyaya 135 Tərəf Ölkənin yekdil qərarı ilə qəbul edilib.
Bu barədə XİN-in məlumatında deyilir.
Qətnamədə, silahlı münaqişələr və postmünaqişə dövrlərində mədəni mülkiyyətin (mədəni irsin) qorunması və mühafizəsi məqsədilə Üzv Dövlətlərin göstərdiyi səylər təqdir edilir, minaların və digər partlayıcı qurğuların beynəlxalq humanitar hüquqa zidd olaraq istifadənin mədəni mülkiyyətə əhəmiyyətli dərəcədə ziyan vura biləcəyi qeyd olunur.
Sənəddə minalar və digər partlayıcı qurğuların istifadəsinin mədəni mülkiyyətə qarşı ciddi təhlükə yaratması ilə bağlı narahatlıq ifadə olunur və 1954-cü il Haaqa Konvensiyasını pozan addımlarının atılmasının qarşısının alınmasının əhəmiyyəti vurğulanıb.
Qeyd edək ki, minaların mədəni irsə təsiri mövzusu YUNESKO tarixində müzakirəyə çıxarılan və yekdilliklə qəbul edilən ilk qətnamədir. Bununla yanaşı eyni məzmunlu bənd sözügedən konvensiyanın tarixində ilk dəfə olaraq Azərbaycan tərəfindən gündəliyə daxil edilib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!