28-08-2023, 14:00
Ermənistan və Cənubi Koreyanın XİN Başçıları görüşdü
Ermənistanın xarici işlər naziri Ararat Mirzoyan Koreya Respublikasının (Cənubi Koreya) XİN başçısı Park Jinlə görüşüb.
Bu barədə Mirzoyan X platformasındakı səhifəsində məlumat verib.
Tərəflər ikitərəfli əlaqələrin perspektivlərini müzakirə ediblər. Eləcə də Laçın dəhlizi və Qarabağ ətrafında fikir mübadiləsi aparılıb.
28-08-2023, 13:17
Sabahın havası
Bakıda və Abşeron yarımadasında avqustun 29-da hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.
Milli Hidrometeorologiya Xidmətindən verilən məlumata görə, lakin axşam bəzi yerlərdə yağış yağacağı ehtimalı var.
Şimal-qərb küləyi axşama doğru arabir güclənəcək. Havanın temperaturu gecə 20-24° isti, gündüz 27-32° isti olacaq. Atmosfer təzyiqi 756 mm civə sütunu təşkil edir. Nisbi rütubət gecə 70-80 %, gündüz 45-55 % olacaq.
Azərbaycanın rayonlarında bəzi yerlərdə arabir yağış yağacağı, şimşək çaxacağı gözlənilir. Ayrı-ayrı yerlərdə leysan xarakterli intensiv və güclü olacağı, dolu düşəcəyi ehtimalı var. Gecə və səhər bəzi rayonlarda duman olacaq. Mülayim şərq küləyi əsəcək.
Havanın temperaturu gecə 20-24° isti, gündüz 25-30° isti, dağlarda gecə 8-13° isti, gündüz 13-18° isti olacaq.
28-08-2023, 12:59
İtaliya ilə Fransa arasında dəmir yolu əlaqəsi kəsildi
Yağan leysan və sonradan baş verən sürüşmə səbəbindən Fransanın Sen-Jen-de-Marin kommunası ərazisində bir neçə yol bağlanıb.
İtaliya ilə Fransa arasında dəmir yolu əlaqəsi dayandırılıb.
Frecus tuneli isə yük maşınları üçün bağlanıb. İtaliyanın Trenitalia dəmir yolu şirkətinin məlumatına görə, Milandan Parisə və əks istiqamətdə bir neçə qatar ləğv edilib. Yollarda tıxac yaranıb.
Sinoptiklər leysan yağışlar, dolu, qasırğa və güclü küləyin ən azı bir gün də davam edəcəyini proqnozlaşdırırlar.
28-08-2023, 12:54
Reznikov: “F-16-nın cəbhədə görünməsi gələn ilin yazında baş verə bilər”
"Ukrayna 2024-cü ilin yazında F-16 qırıcılarından istifadəyə başlaya bilər".
Bunu Ukraynanın müdafiə naziri Oleksiy Reznikov "Bild"ə müsahibəsində bildirib.
O qeyd edib ki, təlim və infrastruktur hazırlığı üçün vaxt nəzərə alınmalıdır.
“Mən deyərdim ki, F-16-nın cəbhədə görünməsi gələn ilin yazında baş verə bilər, çünki biz pilotlarımız, mühəndislərimiz və texniklərimiz üçün təlim kurslarına başlamışıq”, - nazir vurğulayıb.
Xatırladaq ki, ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb.
28-08-2023, 12:47
Arayik Arutyunyanın “ofisini” atəşə tutdular
Gecə saatlarında naməlum şəxslər qondarma qurumun "prezidenti" Arayik Arutyunyanın "ofisinə" yaxınlaşaraq atəş açıblar.
Bu barədə Ermənistan mətbuatında məlumat yayılıb.
Ölən və yaralananlar barədə məlumat verilmir.
"Hraparak" qəzeti yazıb ki, hadisədən əvvəl bir qrup erməni onun "ofisinə" gəlib və Qarabağdakı vəziyyət barədə qızğın söhbət ediblər. Daha sonra ermənilər binadan çıxıb və "ofisi" gülləbaran ediblər.
Hadisədə iştirak edən şəxslərin hazırda polis idarəsində olduğu bildirilir.
28-08-2023, 12:40
Bəxtiyar Hacıyevin ev dustaqlığına dair vəsatəti təmin edilmədi
Bəxtiyar Hacıyevin ev dustaqlığına dair vəsatəti bu gün Bakı Apellyasiya Məhkəməsi tərəfindən təmin edilmədi.
Bunu vəkil Aqil Layıc bildirib.
Məhkəmə təqsirləndirilən şəxsin həbsdə qalmasına qərar verib.
Qeyd edək ki, Bəxtiyar Hacıyev ötən ilin dekabr ayında həbs edilib. Ona qarşı Cinayət Məcəlləsinin 221.2.2 (xuliqanlıq), 289.1 (məhkəməyə hörmətsizlik etmə), 192 (qanunsuz sahibkarlıq), 193-1 (cinayət yolu ilə əldə edilmiş pul vəsaitlərini və ya digər əmlakı leqallaşdırma), 320.1 (rəsmi sənəd saxtalaşdırma), 320.2 (bilə-bilə saxta sənədlərdən istifadə etmə) və 206-cı (qaçaqmalçılıq) maddələri ilə ittiham irəli sürülüb.
28-08-2023, 12:22
Tərcüməçilərin olmaması Ukrayna qoşunlarına təlim keçməkdə maneə yaradır
İxtisaslı tərcüməçilərin olmaması NATO zabitləri üçün Aİ-nin təlim missiyası çərçivəsində Ukrayna qoşunlarına təlim keçməkdə ən böyük problemə çevrilib.
Bu barədə "Financial Times" məlumat yayıb.
Ötən ilin noyabrında ukraynalılara müxtəlif silah və taktikalarla işləmək üzrə təlim vermək üçün yaradılmış Avropa İttifaqının çoxmillətli təlim missiyasının rəhbərinin müavini, niderlandlı briqada generalı Martin Bonn deyib ki, tərcüməçilər bir nömrəli problemdir.
"Böyük çətinliklər hərbi və ya texniki kontekstdə, xüsusən də gündəlik həyatda istifadə olunmayan sözlərin tərcüməsi ilə bağlıdır", - o vurğulayıb.
Bundan əlavə, Qərb təlimatçıları Kiyevin onlara müxtəlif yaş və qabiliyyətlərə malik qoşunlar göndərməsindən şikayətlənirlər.
28-08-2023, 12:13
Çinə səyahət edənlərdən COVID testi tələb olunmayacaq
Çin ölkəyə səyahət edənlərin COVID test nəticələrini təqdim etmə tələbini ləğv edib.
Bu barədə "RİA Novosti" məlumat yayıb.
Qərar avqustun 30-dan etibarən qüvvəyə minir.
Qeyd edək ki, koronavirus pandemiyası Çinin Uhan əyalətindən dünyaya yayılmışdı.
28-08-2023, 10:53
Rusiyadan Çinə quş ətinin idxalı qadağan edildi
Çin Rusiyadan quş ətinin idxalını qismən məhdudlaşdırıb.
Bununla bağlı heç bir izahat verilməyib.
Belə ki, Rusiya Federasiyasının cənubunda yerləşən 4 böyük quşçuluq fabrikindən məhsulların Çinə idxalı qadağan edilib.
Ehtimal edilir ki, onların məhsullarında təhlükəli orqanizmlər və ya antibiotiklər aşkar edilib.
28-08-2023, 10:33
“Binə” və “Sədərək” ticarət mərkəzləri subasmaya məruz qaldı
Fövqəladə Hallar Nazirliyinin (FHN) "112" qaynar telefon xəttinə, intensiv yağıntılarla əlaqədar Bakı şəhəri, Qaradağ rayonu, Lökbatan qəsəbəsində yerləşən “Binə” və “Sədərək” ticarət mərkəzlərinin ərazisinin subasmaya məruz qalması barədə məlumatlar daxil olub.
Bu barədə FHN-dən məlumat verilib.
Bununla əlaqədar olaraq Nazirliyin Dövlət Yanğından Mühafizə və Xüsusi Riskli Xilasetmə xidmətlərinin qüvvələri ərazilərə cəlb olunub, aidiyyəti qurumlar məlumatlandırılıb.
Hal-hazırda su basmış yerlərdən suyun çəkilərək kənarlaşdırılması işləri həyata keçirilir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!