17-05-2023, 20:38
İranda “həyat yoldaşı tapmaq mərkəzləri” yaradıldı
İranda ailə həyatı qurmağı asanlaşdırmaq üçün 15 əyalətin 33 nöqtəsində "həyat yoldaşı tapmaq mərkəzləri" yaradılıb. Bu barədə İranın Gənclər və İdman İdarəsinin səlahiyyətli şəxsləri məlumat yayıblar. Bildirilib ki, məqsəd evlənmək istəyən vətəndaşlara yardım etməkdir. Evləndirmə mərkəzləri məscid və mədəniyyət mərkəzlərində yerləşir və hələ ki pulsuz fəaliyyət göstərəcək. Qeyd edək ki, özünü İslam ölkəsi adlandıran İranda "həyat yoldaşı tapmaq mərkəzləri"nin yaradılması birmənalı qarşılanmayıb.
17-05-2023, 19:45
Qərbin vasitəçilikdə müsbət nəticələrini görmürük - Zaxarova
Moskva Ermənistan-Azərbaycan prosesində Qərbin vasitəçiliyinin müsbət nəticələrini görmür. Bunu Rusiya Xarici İşlər Nazirliyinin (XİN) sözçüsü Mariya Zaxarova deyib. O qeyd edib ki, Qərb gündəmi yarımçıq qoyaraq Rusiya Federasiyasının nailiyyətlərini öz üzərinə götürmək istəyir. Zaxarova, həmçinin bildirib ki, Qərbin səylərinin heç bir konstruktivliyi və real nəticəsi yoxdur. "Rusiya tərəfi nəticə verən addımları yüksək qiymətləndirir. Amma Qərbin timsalında, hələ ki qiymətləndirəcək heç nə yoxdur", - XİN rəsmisi vurğulayıb.
17-05-2023, 19:18
“Sevgi yelkəni” romanı çap olunub
Yazıçı, publisist, şair Sevinc Ağa Xəlilqızının “Sevgi yelkəni” adlı yeni romanı “Elm və təhsil” nəşriyyatında nəşr olunub. Müəllifin müşahidələri əsasında yazılmış kitabda gənclərin saf gələcək həyat, təhsil, ailə, dostluq duyğuları və valideynlərə övlad sevgisi yer alıb.
Bu, yazarın “Anamın gülüstanı”, “Məryəm” roman, “Qarabağ əfsanələri” (Azərbaycan, rus və ingilis dillərində), “Əlvida söyləmədən” (akademik, dövlət xadimi Tofiq İsmayılov barədə povest), “Könül səhifəm” (Qarabağ Zəfərinə dair), “Cinayətin izi ilə” detektiv roman işıq üzü görən sayca 7-ci kitabıdır.
Qeyd edək ki, Sevinc Ağa Xəlilqızının şeirləri bir sıra antologiyalarda dərc olunub. O, həmçinin 100-dən çox publisistik məqalə, çoxsaylı təmsillər, hekayələr, nağıllar, əfsanələr müəllifidir. Onun əsərlərinin mövzusu müasir vətəndaş düşüncəsini dolğun əks etdirir və xalqımızın əsrlərlə formalaşan milli-mənəvi dəyərlərinə söykənir.
17-05-2023, 18:07
Taxıl sazişi iki ay uzadıldı
Taxıl sazişinin müddəti daha iki ay uzadılıb. Bu barədə Türkiyə Prezidenti Rəcəb Tayyib Ərdoğan bildirib. Xatırladaq ki, taxıl sazişi 2022-ci il iyulun 22-də İstanbulda bağlanıb. O vaxt BMT, Rusiya, Türkiyə və Ukraynanın iştirakı ilə iki sənəd imzalanıb. Onlardan biri Ukrayna taxılının ixracı üçün dəhlizin yaradılması, digəri Rusiya ərzaq və gübrəsinin ixracı ilə bağlıdır.
17-05-2023, 17:33
Qazaxıstan və Çin qarşılıqlı viza tələblərinin ləğviylə bağlı saziş imzaladı
Qazaxıstan və Çin viza tələblərindən azad olmaq barədə razılığa gəliblər. Bildirilib ki, Qazaxıstan prezidenti Kasım-Jomart Tokayevin Çinə səfəri zamanı Qazaxıstan və Çin hökumətləri arasında viza tələblərindən qarşılıqlı azad olmağa dair saziş imzalanıb. Bundan əvvəl qazaxıstanlıların Çində 30 günə qədər vizasız qala biləcəyi bildirilirdi.
17-05-2023, 17:06
Ceyhun Bayramov Zirvə görüşündə çıxış etdi
Xarici işlər naziri Ceyhun Bayramov Avropa Şurasının Dövlət və Hökumət Başçılarının İslandiyanın Reykyavik şəhərində keçirilən 4-cü zirvə görüşündə çıxış edib. Xarici İşlər Nazirliyindən bildirilib ki, o, Azərbaycanın Avropa Şurasını, Avropa məkanında insan hüquqları, demokratik dəyərlər və qanunun aliliyinin qorunması istiqamətində qarşılıqlı fəaliyyətin göstərilməsi baxımından mühüm platforma kimi dəyərləndirdiyini qeyd edib. Bu xüsusda, Azərbaycanın hər zaman olduğu kimi konstruktiv dialoqa və birgə fəaliyyətə hazır olduğu diqqətə çatdırılıb. Çıxış zamanı, öz müstəqilliyini əldə etdiyi andan ərazi bütövlüyünün, suverenliyinin pozulması, hərbi işğal faktı ilə üzləşən bir ölkədən, qlobal təhlükəsizliyə töhfə verən ölkəyə çevrilən Azərbaycanın 30 ilə yaxın davam etmiş münaqişənin bitməsindən sonra bölgədə sülh gündəliyinin təşəbbüskarı olduğu bildirilib. C.Bayramov, regionda sülh və təhlükəsizliyin bərqərar olunması üçün şanslarla zəngin post-münaqişə dövründə danışıqlar prosesi çərçivəsində əldə olunmuş uğurların azlığına baxmayaraq, Azərbaycanın prosesin irəlilədilməsində qərarlı olduğunu, habelə qarşı tərəfdən də eyni yanaşmanı gözlədiyini qeyd edib. Bununla yanaşı, Azərbaycanın münaqişə nəticəsində fundamental hüquqlarından məhrum olmuş vətəndaşlarımızın öz yurdlarına qayıdışını təmin etmək məqsədilə işğaldan azad olunmuş ərazilərdə genişmiqyaslı bərpa və quruculuq işləri apardığı, habelə erməni əsilli Azərbaycan vətəndaşlarının cəmiyyətimizə inteqrasiyası istiqamətində əməli tədbirlər istiqamətində niyyət vurğulanıb. Bununla yanaşı, Ermənistan tərəfindən mina təhdidinin davam etdirilməsinin və səhih mina xəritələrinin təqdim olunmamasının görülən işlərə maneə törətdiyi diqqətə çatdırılıb. Nazir eyni zamanda, Ermənistanın 30 illik təcavüzü nəticəsində 4000-ə yaxın itkin düşmüz azərbaycanlıdan hələ də xəbər olmadığı və Ermənistanın bu istiqamətdə məlumatları bölüşməkdən imtina etdiyini bildirib.
17-05-2023, 16:56
Üçtərəfli görüşü təsdiqləyirik - Zaxarova
Mayın 19-da Moskvada Ermənistan, Rusiya və Azərbaycan xarici işlər nazirlərinin üçtərəfli görüşü keçiriləcək, ikitərəfli danışıqlar da planlaşdırılır. Bunu Rusiya XİN-in sözçüsü Mariya Zaxarova brifinqdə bildirib. "Moskva ümid edir ki, müzakirələr Ermənistan-Azərbaycan prosesinin irəliləməsinə və mübahisəli məsələlərin həllinə töhfə verəcək", - o qeyd edib.
17-05-2023, 16:48
Keçmiş mədəniyyət naziri yeni vəzifəyə təyin olundu
Azərbaycanın keçmiş mədəniyyət naziri Anar Kərimova yeni vəzifə verilib. O, ISESCO-nun Tərəfdaşlıq və Beynəlxalq Əməkdaşlıq sektorunun müdiri təyin olunub. Qeyd edək ki, 2021-ci ilin yanvarında mədəniyyət naziri təyin edilən Anar Kərimov cəmi 11 ay bu vəzifədə işləyib. O, 2022-ci ilin dekabr ayında işdən çıxarılıb. Onun yerinə Heydər Əliyev Mərkəzinin direktorunun birinci müavini vəzifəsində çalışan Adil Kərimli gətirilib.
17-05-2023, 16:40
Paşinyan AŞPA rəhbəriylə Laçın dəhlizini müzakirə etdi
Ermənistan baş naziri Nikol Paşinyan İslandiyanın paytaxtı Reykyavikdə AŞPA rəhbəri Tini Koksla görüşüb. Bu barədə Paşinyanın mətbuat xidməti məlumat yayıb. Keçirilən görüşdə Laçın dəhlizi ətrafındakı vəziyyət müzakirə olunub. Məlumata görə, Ermənistanın baş naziri Rumıniya və Lüksemburqdan olan həmkarları ilə də danışıqlar aparıb.
17-05-2023, 16:28
Ermənistana ticarət axınında şübhəli artım müşahidə olunur - Aİ
Avropa İttifaqı Qərb ölkələrindən Ermənistana, oradan da Rusiyaya ticarət axınında şübhəli artım müşahidə edir. Bu barədə Avropa İttifaqının iqtisadiyyat üzrə komissarı Paolo Gentiloni bildirib. Onun fikrincə, Avropa İttifaqı ölkələrinin gömrük sistemlərindəki boşluqlardan istifadə edərək, sanksiyalardan yayınmağa cəhd edirlər. "Sanksiyalardan yayınmağın müəyyən yolları var. Bunu gömrük sistemlərindəki boşluqlar vasitəsilə həyata keçirməyə çalışırlar. Ticarət yolu ilə sanksiyalardan yayınmağın variantları mövcuddur. Avropa ölkələrindən Ermənistan, Qazaxıstan və Qırğızıstana gələn malların Rusiyaya ixrac edilməsində artım qeydə alınıb", - Avrokomissar vurğulayıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!