7-10-2021, 12:46
Pakistanın cənub-qərbində rixter cədvəli üzrə 5,7 bal gücündə zəlzələ baş verib.
Butov.az xəbər verir ki, zəlzələ nəticəsində azı 20 nəfər həyatını itirib. 200-dən çox yaralı var. Tələfatın artacağı istisna edilmir. Məlumata görə, yeraltı təkanların episentri Harnai şəhərində yerin 20 kilometr dərinliyində yerləşib. Zəlzələ nəticəsində çox sayda tikili dağılıb.
Bildirilir ki, yeraltı təkanların baş verdiyi bölgədə mədənlər yerləşir və mədənlərdə dağıntılar qeydə alınıb.
7-10-2021, 12:22
Azərbaycan Respublikasının Prezidenti İlham Əliyev oktyabrın 7-də Rusiya Federasiyasının Prezidenti Vladimir Putinə telefonla zəng edib.
Bununla bağlı Azərbaycan Prezidentinin Mətbuat Xidməti məlumat yayıb.
Dövlətimizin başçısı Rusiya Prezidentini ad günü münasibətilə təbrik edib, ona ölkənin inkişafı və firavanlığı naminə dövlətçilik fəaliyyətində yeni uğurlar, möhkəm cansağlığı arzulayıb.
Vladimir Putin göstərilən diqqətə və təbrikə görə Prezident İlham Əliyevə minnətdarlığını bildirib.
Dövlət başçıları Azərbaycan-Rusiya ikitərəfli dostluq münasibətlərinin müxtəlif sahələrdə uğurla inkişaf etdiyini vurğulayaraq əməkdaşlığımızın bundan sonra da möhkəmlənəcəyinə əmin olduqlarını bildirib, əlaqələrimizin perspektivləri ilə bağlı məsələlər ətrafında fikir mübadiləsi aparıblar.
Telefon söhbəti zamanı bölgədəki vəziyyət müzakirə edilib.
Butov.az
7-10-2021, 12:15
Xurma hazırda ən aktual və çox satılan mövsüm meyvəsidir. Bu dadlı şərq meyvəsini uşaqlar da, yaşlılar da eyni dərəcədə sevir.
Butov.az medicina.az-a istinadən xəbər verir ki, mütəmadi xurma istifadə etsəniz, onun sayəsində bir çox xəstəliklərin qarşısını almaq olar. Lakin özünün bütün cəlbedici və faydalı xüsusiyyətləri ilə bərabər xurmanın zərərli tərəfləri də var.
Orqanizmə ümumi təsiri
Xurmada olan kaxetin və polifenollar iltihabönləyici və antinakterial xüsusiyyətlərə malikdir. Faydalı tərkibi sayəsində meyvə qrip və soyuqdəymə kimi mövsüm xəstəliklərindən orqanizmi müdaifə edir.
Narıncı piqment - beta-karotin isə tənəffüs sistemi orqanlarına müsbət təsir göstərir, xüsusilə də ağciyər iltihabını və bronxitin ağırlaşmasının inkişafına yol vermir.
Ürək-damar sistemi
Xurmanın tərkibindəki yüksək kalium və maqnezium ürək və damarların normal işini qorumağa kömək edir. Bu maddələr bədən üçün olduqca vacibdir, çünki ürək əzələsinin hüceyrələri maddələr mübadiləsində iştirak edir və onları enerji ilə təmin edirlər. Onlar miokard funksiyasını tənzimləyir, bu səbəbdən də xurma istifadəsi imkan verir ki, onu aritmiya və ürək çatışmazlığının təbii profilaktikası adlandıraq.
Sidik kisəsi xəstəliyinin müalicəsində
Xurmada olan maqnezium böyrəklərdə daşların yaranma ehtimalını azaldır, orqanizmdən natrium və duzu çıxartmağa kömək edir. Bu məhsul sidikqovucu və bir çox xüsusiyyətləri sayəsində bədəni tonusda saxlayır.
Anemiya
Xurmanın ləti bu xəstəliyin müalicəsinə yaxşı kömək edir, çünki onun tərkibində çoxlu sayda dəmir var. Meyvə xüsusilə dəmir elementi çatışmazlığından əziyyət çəkən gələcək analar üçün vacibdir.
Xərçəng əleyhinə
Xurma xərçəng yaradan hüceyrələrin inkişafına mane olur. Bu da meyvənin tərkibində hüceyrə strukturlarını dağıdan, azad radikallarla mübarizə apara biləcək çox güclü antioksidant olan beta-karotinlə izah olunur.
Əks təsiri
Piylənmə və şəkərli diabet
Xurmada çoxlu sayda şəkər olur, odur ki, artıq çəkili insanlara, həmçinin şəkər xəstələrinə xurma yemək məsləhət görülmür.
Üç yaşına qədər uşaqlar
Üç yaşadək uşaqlara xurma verməmək daha yaxşıdır, çünki onlarda bu yaşda mədə şirəsinin normal ifzarı formalaşmayıb. Bu səbəbdən də lif hissəcikləri mədəyə yapışa və qarında ağrılara səbəb ola ilər.
Allergiya
Mütəxəssislər yoda yüksək həssaslığı olan insanlara xurma yeməyi məsləhət görmür. Belə hallarda o, allergik reaksiyaların müxtəlif təzahürlərini yarada və ziyan vura bilər. Yoda qarşı allergiya ən çox uşaqlarda rast gəlinir, lakin böyüklərə də xeyli pis təsir göstərir.
Kariyes
Xurma yedikdən sonra ağız boşluğunu yaxalamaq və dişləri təmizləmək lazımdır, çünki karies riski böyükdür.
Bağırsaq işinin pozulması
Mədə və bağırsaqlarda əməliyyat keçirən insanlara xurmadan imtina etməyə dəyər. Həddindən artıq xurma istifadəsi bağırsaq işinin pozulmasına gətirib çıxarır.
Məsələ ondadır ki, xurma qabığında çoxlu sayda taninlər saxlanılır. Bitki mənşəli bu maddələr aşılayıcı və büzücü xüsusiyyətlərə malikdir. Taninlər mədənin spesifik mühitində həzm edilməyən hissəcik qruplarını meydana gətirə bilər.
7-10-2021, 12:09
“Buster” (3-cü doza) - peyvəndin gücləndirici dozasıdır. O, müxtəlif infeksiyalara qarşı vaksinasiyada tətbiq olunur. ABŞ-ın Xəstəliklərə Nəzarət və Qarşısının Alınması Mərkəzinin (CDC) məlumatına əsasən, 3-cü dozanın 1 və 2-ci dozalardan 6 ay keçmiş və 65 yaşdan yuxarı yaş həddi olan, 18 yaşdan yuxarı yan xəstəlikləri mövcud, yüksək risk şəraitində yaşayan və ya işləyən şəxslərə vurulması tövsiyə edilir.
Bu sözləri Butov.az-a TƏBİB-in Xəstəliklərin kontrolu və profilaktikası departamentinin rəhbəri Yaqut Qarayeva 3-cü doza peyvəndin əhəmiyyəti barədə danışarkən deyib.
“Azərbaycanda da artıq “buster” peyvənd olunanlar var. 60 yaşdan yuxarı və yüksək risk qrupuna daxil olan insanlara da 3-cü doza peyvənd olunmalarını tövsiyə edirik. TƏBİB-in öz əməkdaşları arasında da 3-cü doza peyvəndi olunanlar var. Böyük Britaniyanın Milli Səhiyyə Xidmətindən (NHS) bildirilir ki, 3-cü doza peyvəndi 50 yaşdan yuxarı yaş həddi olanlar, 16 yaşdan yuxarı yüksək risk qrupları, eyni zamanda yüksək risk şəraitində yaşayan və ya işləyən şəxslər qəbul edə bilərlər. İsraildə isə 3-cü doza 60 yaşdan yuxarı vətəndaşlarla yanaşı, avqust ayından 12 yaşdan yuxarı yeniyetmələrə də tətbiq edilir. Tədqiqatlara əsasən, 3-cü doza almış 60-dan yuxarı yaşlı şəxslərdə yoluxmadan qorunma 11 dəfə, ağırlaşmalardan qorunma isə 19 dəfə artıb”, - Y.Qarayeva deyib.
Yaqut Qarayevanın sözlərinə görə, “buster” dozanın müsbət nəticəsi daha çox 65 yaşdan yuxarı yaş qrupunda qeydə alınıb:
“Türkiyədə, ABŞ-da keçirilmiş tədqiqatlara əsasən, “buster” dozanın effektivliyi sübut olunub. Kanada da “buster” dozanı immunsupressiv hallarda və həssas qruplara tövsiyə edir”.
7-10-2021, 11:52
Baş Mütəşəkkil Cinayətkarlıqla Mübarizə İdarəsinin (Bandotdel) əməkdaşları tərəfindən müxtəlif şəxslərdə qanunsuz olaraq saxlanılan odlu silah-sursatların aşkar edilməsi istiqamətində əməliyyatlar həyata keçirilib.
Daxili İşlər Nazirliyindən verilən məlumata görə, Baş İdarəyə əvvəllər dəfələrlə məhkum olunmuş Bərdə rayon sakini Babək İsbəndiyarovun üzərində qanunsuz olaraq odlu silah gəzdirməsi barədə əməliyyat məlumatı daxil olub.
Keçirilən təxirəsalınmaz tədbir nəticəsində həmin şəxs Abşeron rayonu Xırdalan şəhərində saxlanılıb. Onun üzərinə baxış zamanı 1 ədəd “Makarov” markalı tapança, həmin silaha məxsus 1 ədəd sandıqça və 3 ədəd patron aşkar olunaraq götürülüb.
Baş İdarə əməkdaşları tərəfindən həyata keçirilən daha bir tədbir zamanı isə əvvəllər Cinayət Məcəlləsinin müxtəlif maddələri ilə dəfələrlə məhkum olunmuş Məzahir Aslanov isə yaşadığı Şirvan şəhərində saxlanılaraq Baş İdarəyə gətirilib. Onun üzərinə baxış keçirilən zaman 1 ədəd “Revolver” tipli tapança və həmin silaha məxsus 5 ədəd patron aşkar olunaraq götürülüb.
Faktlarla bağlı Baş İdarədə Cinayət Məcəlləsinin müvafiq maddəsi ilə cinayət işləri başlanılıb. Babək İsbəndiyarov və Məzahir Aslanov barəsində Nərimanov Rayon Məhkəmənin qərarı ilə həbs qətimkan tədbirləri seçilib, araşdırmalar davam etdirilir.
Butov.az
7-10-2021, 11:33
"Yeni binalar tikilərkən mərkəzləşmiş qaydada istilik təchizatına qoşulmaq üçün müraciət edə bilərlər”.
Sfera.az xəbər verir ki, bunu açıqlamasında "Azəristiliktəchizat" ASC-nin Abonent və Müştəri Xidmətlərinin rəisi Rafiq Əliyev deyib.
Onun sözlərinə görə, bunun üçün öncə binadaxili istilik sistemi qurulmalıdır:
"Bundan sonra biz texniki şərtlər çərçivəsində yaxınlıqda yerləşən istilik sisteminə qoşulmanı təmin edirik. Lakin bəzi MTK-lar özləri fərdi şəkildə qazanxanalar tikir. Mərkəzi istilik sisteminə qoşulma məcburi olmadığı üçün biz sadəcə bu istiqamətdə tövsiyə verə bilərik".
Paytaxtın bəzi yerlərində köhnə tikililərin sökülməsi ilə əlaqədar mərkəzi istilik sisteminin əhatə dairəsinin daralmasına gəlincə isə qurum rəsmisi ciddi azalma olmadığını bildirib:
"Bu gün sökülən köhnə tikililər əsasən birmərtəbəli, ikimərtəbəli evlərdir. Doqquzmərtəbəli binaların söküntüsü demək olar aparılmır. Sökülən beşmərtəbəli binaların sayı isə az olduğundan, bu, ümumi faizə çox cüzi təsir edir. Həmçinin mərkəzi istilik təchizatına yeni binaların qoşulması ilə vəziyyət kompensasiya olunur".
(Trend)
Butov.az
7-10-2021, 11:22
İran İslam Respublikasının ali rəhbəri Əli Xameneinin Azərbaycandakı nümayəndəsi Əli Əkbər Ocaqnejat Azərbaycanı tərk edib.
Axar.az xəbər verir ki, bu barədə “BBC Azərbaycanca”ya İranın Azərbaycandakı səfirliyindən bildirilib.
Qeyd olunub ki, Ocaqnejat bir aydır ki, Tehrandadır.
Xatırladaq ki, oktyabrın 5-də polis əməkdaşları və digər mütəxəssislərin iştirakı ilə Hüseyniyyə məscidinə baxış keçirilib və ibadət yerinin fəaliyyəti dayandırılıb. Hazırda orada epidemioloji xidmət tərəfindən müvafiq tədbirlər görülür.
Qeyd edək ki, Ocaqnejatın ofisi Hüseyniyyə məscidində yerləşir.
Butov.az
7-10-2021, 11:11
İcra başçısı deyib ki, kim işdən çıxmaqla bağlı ərizə yazmasa, onlarla özüm məşğul olacam…
Rafil Hüseynov, yəqin ki, “Tütək səsi” filmindəki “əsgər ailəsi” yadındadır…
Ağcabədi sakini Günel Yusif qızı Mehdiyevanın Gundelik-Bakıya səsli müraciəti daxil olub. Müraciəti olduğu kimi dərc edirik.
Mən Günel Yusif qızı Mehdiyeva Ağcabədi rayonunun Hacıbədəlli kəndində yaşayıram. Atam Qarabağ müharibəsində şəhid olub. 15 ildir Səməd Vuğun adına uşaq bağçasında işləyirəm.
Həyat yoldaşım Novruzov Qabil Əfqanıstan müharibəsi veteranıdır.
Həyat yoldaşıma Rusiya məhkəməsinin qərarı ilə 10 il həbs cəzası verilib.
Həyat yoldaşım artıq həbs cəzasının 5 ilini Rusiyada çəkib.
Bir sözlə, ailə başçısı olmayan başsız qadınam.
Dediyim kimi, 15 ildir uşaq bağçasında işləyirəm, hazırda 208 manat maaş alıram. Onun 150 manatını kredit verirəm. Anamın köməkliyi ilə birtəhər yaşayıram.
Rafil Hüseynov Ağcabədiyə icra başçısı gələnədək öz həyatımızı birtəhər yaşayırdıq.
Rafil Hüseynov 2019-cu ildə Ağcabədiyə icra başçısı təyin olunandan sonra bizim qara günlərimiz başladı.
Belə ki, icra başçısı Rafil Hüseynov bizi icra hakimiyyətinə dəvət edərək sorğu-sual edir, elə suallar verir ki, heç bizim sahəyə dəxli yoxdur.
Sorğu-sualdan sonra bizim qarşımızda şərt qopyulur: Ərizənizlə işdən çıxmalısınız.
Yəni biz icra başçısının tapşırığı ilə guya könüllü işdən çıxmalıyıq.
Biz axı niyə işdən çıxmalıyıq ?
Hansı səbəbə görə, işimizi itirməliyik ?
Mənim 15 illik əmək stajım var.
İşdən çıxsam, mən nə ilə dolanmalı, hansı pulla yaşamalıyam ?
Axı, dedim ki, həyat yoldaşım həbsdədir, hər ay 150 manat kredit verirəm, anamın köməkliyi ilə yaşayıram.
Biz ərizə yazmadığımız üçün icra başçısı göstəriş verib ki, könüllü ərizə yazmayanların maaşlarını kəsin, qoy məcbur olub işdən çıxmaqla bağlı ərizə yazsınlar.
Hazırda bizim bağçadan 3 nəfərə deyilib ki, işdən çıxmaqla bağlı ərizə yazaq.
Onlardan biri icrada işləyən Səfərin qohumudur. Ona dəymirlər. Bizi, yəni məni və iş yoldaşım Abbasova Fəridə Sumbat qızını kimsəsiz görüb bizə təzyiq edirlər.
İcra başçısı bizi başsız görüb bizi incidir.
Görəsən, icra başçısı Rafil Hüseynov biz başsız qadınlardan nə istəyir ?
Biz artıq bezmişik. İş yoldaşım olan qadınlardan biri deyir ki, özümü yandırıb öldürəcəm.
İcra hakimiyyətində işləyən Sevinc xanım bizə deyir ki, icra başçısı sizi yanına çağırır…
İcra başçısı deyib ki, əgər ərizə yazmasalar özüm bilirəm nə edəcəm…
Görəsən, icra başçısı bizə nə edəcək ?
Biz ehtiyat edirik, qorxuruq…
Redaksiyadan: Cənab Rafil Hüseynov !
Yəqin ki, “ Tütək səsi” filminə baxmısan. Əsgər ailəsinə, şəhid qızına problem yaratmağın nə olduğunu bilirsən ?
Biz Gundəlik-Bakı olaraq təkcə bu məsləni deyil, ümumiyyətlə, şəhid və asgər ailələri ilə bağlı bütün məsələləri gündəmdə saxlayıb, sonuna çıxmağa çalışacağıq.
Biz imkan verməyəcəyik ki, kimlərsə əllərində olan səlahiyyət resurslarından istifadə edib cənab Prezidentimizin gördüyü tarixi işlərə kölgə salmağa çalışsınlar.
Bildinmi, Rafil Hüseynov ?
(Gundəlik-Bakı)
Butov.az
7-10-2021, 11:07
Dünya bazarında neft qiymətləri ucuzlaşıb.
WTI markalı neftin noyabr fyuçersləri 0,96 % ucuzlaşaraq, bir bareli 76,69 ABŞ dolları təşkil edib.
“Brent” markalı neftin noyabr fyuçersləri 0,47 % ucuzlaşaraq, bir bareli 80,70 ABŞ dolları olub.
Mənbə: “Bloomberg”
Butov.az
7-10-2021, 07:46
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!