6-10-2021, 22:31
6-10-2021, 21:26
6-10-2021, 21:15
Azərbaycan Respublikasında koronavirus (COVID-19) infeksiyasına 1009 yeni yoluxma faktı qeydə alınıb, 1378 nəfər müalicə olunaraq sağalıb.
Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış 12 nəfər vəfat edib.
İndiyədək ölkədə ümumilikdə 488 213 nəfərin koronavirus infeksiyasına yoluxması faktı müəyyən edilib, onlardan 468 421 nəfər müalicə olunaraq sağalıb, 6611 nəfər vəfat edib, aktiv xəstə sayı 13 181 nəfərdir.
Son sutka ərzində yeni yoluxma hallarının müəyyənləşdirilməsi ilə əlaqədar 9 828 , ötən müddət ərzində isə ümumilikdə 4 912 156 test aparılıb.
Butov.az
6-10-2021, 20:26
6-10-2021, 18:36
6-10-2021, 18:00
“Meliorasiya və Su Təsərrüfatı” ASC-nin sədr müavini Zakir Quliyevin xalası oğlu Elman Nuriyevin Kür-Araz Çaylarında Bəndlərin İstismarı İdarəsinin rəisi vəzifəsində hansı əməllərin sahibi olması haqda iddialar var.
Cumhuriyyet.net xəbər verir ki, 1998-ci ildə Sabirabad Suvarma Sistemləri İdarəsinin rəisi təyin olunan Zakir Quliyev bir müddət sonra Kür-Araz Çaylarında Bəndlərin İstismarı İdarəsinin rəisi vəzifəsinə təyin olunub. O, 2006-cı ildə isə Meliorasiya və Su Təsərrüfatı ASC-nin sədr müavini təyin olunanda yaxın qohumu-xalası oğlu Elman Nuriyevi öz yerinə, yəni Kür-Araz Çaylarında Bəndlərin İstismarı İdarəsinin rəisi vəzifəsinə təyin etdirməklə bu idarəni də şəxsi nəzarəti altında saxlaya bilib. Bu idarədə KORRUPSİYANIN MİQYASINI aydın təsəvvür etmək üçün onu da qeyd edək ki, bu idarəyə respublikamızın Gürcüstanla sərhədlərindən başlayaraq Xəzər dənizinə kimi 1595 kilometr uzunluqda axan Kür çayı boyunca bəndlərinin istismarı, təmiri, möhkəmləndirilməsi, çay yataqlarının lildən təmizlənməsi işlərinin həyata keçirilməsi aiddir.
Bu məqsədlə hər il dövlət büdcəsindən külli miqdarda vəsaitlər ayrılır. Bu vəsaitlərin böyük əksəriyyəti idarədə təyinatı üzrə xərclənmir.Yəni, müəyyən işlər üçün ayrılan dövlət vəsaitləri bilərəkdən şişirdilir, israfçılığa yol verilir ki, nəticədə də Elman Nuriyev rayonun, hətta respublikanın ən varlı adamlarından birinə çevrilib.E.Nuriyev Kür çayı boyunca bəndlərin istismarı, təmiri, möhkəmləndirilməsi, çay yataqlarının lildən təmizlənməsi işlərinin həyata keçirilməsi məqsədi ilə hər il dövlət büdcəsindən külli miqdarda vəsait mənimsəyir. O, hər il çay yataqlarının lildən təmizlənməsinə ayrılan milyonlarla vəsaitləri təyinatı üzrə xərcləsəydi Kür ətrafında daşqınların miqyası bu dərəcədə olmazdı. Bildirilir ki, Elman Nuriyev bəndlərə vurulan torpaqları elə bəndin yanından götürür, bu isə su bəndlərinin davamlılığını azaldır və daşqınlar baş verir. Bundan əlavə,
Nuriyev vəzifəyə təyin olunan qohum-əqrəbasını Kür-Araz Çaylarında Bəndlərin İstismarı İdarəsində işlə təmin edib. Bununla bağlı cumhuriyyet.az bildirir ki, Elman Nuriyev öz qardaşı oğlu Qoçu Nuriyevi, qardaşı Saleh Nuriyevi, Mahir Nuriyevi, bacılarının həyat yoldaşları Nuru adlı şəxsi, Sakit Gülməmmədovu idarədə işlə təmin edib. Yəni, bu idarədə çalışanların tam əksəriyyəti rayonun Cavad kəndindəndir.Məsələn, Elman Nuriyev öz qardaşı oğlu Qoçu Nuriyevi, qardaşı Saleh Nuriyevi, Mahir Nuriyevi, bacılarının həyat yoldaşları Nuru adlı şəxsi, Sakit Gülməmmədovu idarədə işlə təmin edib. Elman Nuriyev idarəyə məxsus texnikaların ehtiyyat hissələrini əksər hallarda qardaşı Saleh Nuriyevə məxsus mağazadan alır. Büdcədən maşın və mexanizmlərin ehtiyat hissələrinin alınması məqsədilə ayrılan külli miqdarda vəsait, məhz idarə rəisinin qardaşına məxsus mağaza üzərindən nağdlaşdırılır. Bundan əlavə idarəyə verilən ehtiyyat hissələri, yanacaq və sürtgü yağları, “solyarka” satılaraq Elmanın cibinə gedir. İddialara görə, idarənin işçilərinə sənədlərdə 800 manat maaş yazılsa da, 400 manat verilir. Onun avtomobillərinin nömrəsi 422 ilə başlayır, marketləri, Sabirabadda “ mağazaları var.
Elman Nuriyev Cavad yolunun üstündə özünə ŞAMLIQ şadlıq sarayı tikdirib. Özü də bu restoran-şadlıq sarayını 44 günlük müharibə dövründə, şəhidlərimizin qanı axan zamanda tikdirib.
Zakir Quliyevlə xalası oğlu Elmanın Çuxuryurddakı qoşa villaları isə milyonlara başa gəlib. Bir sözlə, Zakirin və Elmanın Sabirabadda, Cavadda, Bakıda evlərinin, obyektlərinin sayı bilinmir.
Zakir Quliyevin rayondakı fermaları, qoyun sürüləri, balıq vətəgələri isə başqa bir yazının mövzusudur.
Butov.az
6-10-2021, 17:55
İran - Azərbaycan münasibətlərindəki gərginlik durmadan artır.
Qaynarinfo xəbər verir ki, Tehranın Azərbaycana qarşı qərəzli siyasəti artıq Bakını da adekvat addımlar atmağa vadar edib.
Habelə Azərbaycanın müttəfiq ölkələri Türkiyə və Gürcüstan da müəyyən dəstəkləyici addımlar atmağa başlayıb. Bu isə onsuz da qlobal sanksiyalar altında ağır iqtisadi duruma düşən İran üçün "oksigen balonu" rolunu oynayan Azərbaycandan məhrumolma anlamına gəlir.
Rəsmi Bakı növbəti addım kimi İran iş adamlarının Azərbaycandakı fəaliyyətlərini də araşdırmaya cəlb edə bilər.
Qlobal maliyyə sanksiyalarından əziyyət çəkən İranın iş adamları nədənsə Azərbaycanda əsasən maliyyə sektorunda gözə dəyir. Bu da Azərbaycandan tranzit ölkə kimi istifadə edildiyi şübhələri oyadır.
1994-cü ildən Azərbaycanda fəaliyyət göstərən "Bank of Baku” Açıq Səhmdar Cəmiyyətinin əsas səhmdarlarından biri də "NAB Holdinq Anonim Şirkəti”dir. Şirkət ASC-də 35 faiz paya sahibdir. "NAB Holdinq” iranlı iş adamı Bəhram Oromiyə məxsusdur.
Bəhram Oromi ABŞ-da İrana qarşı maliyyə sanksiyalarını pozma, qeyri-leqal pul yuma əməliyyatları təşkil etmə ittihamları ilə mühakimə olunan iş adamı Rza Zərrabın bacısının əridir. Şirkətin İrana məxsus çirkli pulların yuyulmasında iştirak etdiyi barədə iddialar var. Mediada gedən məlumatlara görə, şirkətin adı Rza Zərrabla bağlı cinayət işində keçir. Hətta iddia olunurdu ki, "NAB Holdinq”in icraçı direktoru Omid Orominin aktivlərinə həbs qoyulub.
"NAB Holdinq” həm də "Baku Electronics" və "Auto Azerbaijan" şirkətlərinin sahibidir.
AFB Bank və Muğan Bank kimi bankların da İran bağlantıları da diqqətə alına bilər.
Bundan əlavə "NAB Holdinq”ə yaxın olduğu təxmin edilən "Fərrum Kapital" kimi nəhəng maliyyə strukturunun da adını çəkmək olar.
Butov.az
6-10-2021, 17:49
Prezident İlham Əliyev Naxçıvan Muxtar Respublikası Sədərək Rayon İcra Hakimiyyətinə yeni başçı təyin edilməsi haqqında sərəncam imzalayıb.
Bu barədə Butov.az məlumat yayıb.
Sərəncama əsasən, Mahirə İsmayıl qızı Adnayeva Naxçıvan Muxtar Respublikası Sədərək Rayon İcra Hakimiyyətinin başçısı təyin edilib.
Qeyd edək ki, Mahirə Adnayeva bu təyinata qədər Sədərək Rayon İcra Hakimiyyəti başçısının müavini vəzifəsində çalışıb.
6-10-2021, 17:10
6-10-2021, 13:37
Azərbaycanın 17 yaşadək futbolçulardan ibarət milli komandasının bu gün Norveç yığması ilə keçirməli olduğu Avropa çempionatının seçmə oyunu qeyri-müəyyən müddətə təxirə salınıb.
AFFA-dan Butov.az-a verilən məlumata görə, Belçikanın daxili qanunları nəzərə alınaraq, bu gün Azərbaycan millisinin üzvlərindən COVID-19 testi götürüləcək.
Qeyd edək ki, 17 yaşadək futbolçulardan ibarət komandalar arasında Avropa çempionatının seçmə mərhələsində çıxış etmək üçün hazırda Belçikada səfərdə olan Azərbaycan milli komandasının 3 futbolçusunun - Həmzəalı Mikayılov (müdafiəçi, “Sabah”), Adəm Topalov (yarımmüdafiəçi, “Səbail”) və İbrahim Ağayarov (yarımmüdafiəçi, “Qarabağ”) - COVID-19 testi pozitiv nəticələnib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!