7-12-2022, 16:09
Yeni cərimələr tətbiq olunacaq
Maliyyə institutları tərəfindən yeni texnologiyaların tətbiq edilməsinə dair tələblərin pozulmasına görə cərimələr müəyyənləşib. Bu barədə “Cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” qanun layihəsində öz əksini tapıb. Qanuna əsasən, tələblərin pozulmasına görə vəzifəli şəxslər iki min manatdan dörd min manatadək məbləğdə, hüquqi şəxslər iyirmi min manatdan otuz min manatadək məbləğdə cərimə ediləcək.
7-12-2022, 16:05
Rusiyada növbəti səfərbərlik dalğası gözlənilir
Rusiya prezidenti Vladimir Putin rusları Ukraynada müharibə üçün yeni səfərbərlik elanına hazırlayır. Bu barədə Amerika Müharibənin Tədqiqi İnstitutunun analitiklərinin məlumatında qeyd olunub. Bildirilib ki, nə ümumi səfərbərlik, nə də Ukraynaya rəsmi müharibə elan etmək “dünyanın ikinci ordusu”na kömək etməyəcək. Məlumata görə, Rusiyanın Müdafiə Nazirliyi dinc dövrdə iki illik çağırış dövrü ərzində eyni vaxtda 130 mindən çox olmayan çağırışçıya təlim keçə bilər. Beləliklə, peşəkar şəkildə mobilizasiya üçün ən azı üç ay lazım olacaq. Qeyd edək ki, bundan əvvəl Ukrayna Quru Qoşunlarının komandanı, general-polkovnik Aleksandr Sırski bildirib ki, hazırda cəbhəyə gələn “mobillər" Putinin qismən səfərbərlik əmrindən dərhal sonra cəbhəyə göndərilənlərdən daha yaxşı hazırlanıb.
7-12-2022, 15:39
Ukraynanın NATO-ya üzv olmasına qarşı səssizlik..
Qərb ölkələri Ukraynanın NATO-ya üzv olması məsələsindən yayınmağa çalışır. Bu barədə “Politico” nəşri yazıb. Bildirilib ki, bu mövzu Qərb ölkələri üçün təhlükəlidir və bu səbəbdən NATO üzvü olan ölkələrdən bəziləri Ukrayna ilə bağlı müzakirələrdən yayınmağa çalışır. “Sentyabr ayında rəsmi Kiyevin hərbi təşkilata yenidən müraciət etməsindən sonra alyans yenə də konkret cavab verməkdən imtina edib. Sadəcə 2008-ci ildə Ukraynanın NATO-ya üzv ola biləcəyi ilə bağlı verilən vəd yada salınıb”, - deyə nəşr yazır. “NATO üzvləri Ukraynanın alyansa daxil olmasından qaçır”, - deyə məlumatda əlavə olunub.
7-12-2022, 15:33
Ermənistan idarəçiliyində yeni qaydalar
Bundan sonra Ermənistan Respublikasının istefada olan prezidentləri və keçmiş baş nazirlərinin dövlət himayəsinə alınması yalnız vəzifədə olan baş nazirin qərarı ilə mümkün olacaq. Bu barədə “Jogovurd” qəzeti yazıb. Bildirilib ki, dekabrın 9-da Ermənistan parlamentinin növbədənkənar sessiyası keçiriləcək. Sessiyanın gündəliyinə “Xüsusi dövlət mühafizəsi altında olan şəxslərin təhlükəsizliyinin təmin edilməsi haqqında” qanuna əlavə və dəyişikliklər edilməsinə dair sənəd zərfi daxildir. Bu layihələrlə respublikanın istefada olan prezidentləri və baş nazirlərinə verilən şəxsi dövlət mühafizəsi müddətlərinin məhdudlaşdırılması təklif edilir. O cümlədən, Ermənistan Respublikası ərazisində prezidentlərə və baş nazirlərə verilən şəxsi dövlət mühafizəsi müddətinin müvafiq olaraq 7 və 10 ilə məhdudlaşdırılması təklif olunur. Həmçinin, istefada olan prezidentlər və baş nazirlərin bir il ərzində ümumi müddəti 20 gündən çox olmayan xarici ölkələrə səfərləri zamanı dövlət mühafizəsi ilə təmin olunmasının hüquqi tənzimləmələri məsələsinə də baxılacaq. Bu layihəyə əsasən, Milli Təhlükəsizlik Xidməti baş nazirə tabe olan orqan statusuna malik olacaq. Beləliklə də, baş nazir Nikol Paşinyan yeni səlahiyyətlərə sahiblənəcək.
7-12-2022, 15:15
Qazi piyadanın həyatına son qoydu
İmişli rayonunda piyadanın ölümü ilə nəticələnən yol-nəqliyyat hadisəsi baş verib. Daxili İşlər Nazirliyinin (DİN) Mətbuat xidmətindən bildirilib ki, dekabrın 6-da saat 21 radələrində 1997-ci il təvəllüdlü Nahid Məhərrəmov sərxoş vəziyyətdə, sürücülük vəsiqəsi olmadan idarə etdiyi “VAZ-2107” markalı avtomobillə 1967-ci il təvəllüdlü Sarvan Yaqubovu vurub. Piyada aldığı xəsarətlərdən dünyasını dəyişib. Araşdırma aparılır. Qeyd edək ki, N.Məhərrəmov Vətən müharibəsi qazisidir. Onun idarə etdiyi avtomobil qardaşına məxsus olub.
7-12-2022, 15:12
Qazimiz məhkəmə qarşısında - 8 illik hökm
Ukrayna məhkəməsi Azərbaycan vətəndaşı, İkinci Qarabağ müharibəsi veteranı Misir Qasımlı və onun dostu Sübhan Quliyevə hökm oxuyub. Ötən gün keçirilən məhkəmə prosesində azərbaycanlı gənclər adam oğurluğu, xuliqanlıq və silah saxlamaqda təqsirli bilinərək 8 il müddətinə azadlıqdan məhrum ediliblər. Xatırladaq ki, milliyətcə erməni olan əcnəbi azərbaycanlıları onu döyməkdə günahlandıraraq polisə şikayət edib. Lakin indiyədək keçirilən məhkəmə proseslərində ittihamı təsdiqləyən heç bir fakt təqdim olunmayıb. Qeyd edək ki, 29 yaşlı Misir Qasımlı Vətən Müharibəsində iştirak edib. O, “Kəlbəcərin azad olunmasına görə” medalı ilə təltif olunub.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!