29-12-2022, 15:46
Azərbaycan və Ermənistana sülh yolunda hər cür yardım göstəririk - Rusiya XİN
İrəvan və Bakı təmasların dinamikasını və gələcək sülh müqaviləsinin məzmununu müəyyənləşdirir. Bunu Rusiyanın xarici işlər naziri Sergey Lavrov “Ria Novosti” agentliyinə müsahibəsində Ermənistan və Azərbaycanın yaxın aylarda sülh müqaviləsi imzalayıb-imzalamayacağı və onun Qarabağın statusunu ehtiva edib-etməyəcəyi barədə suala cavabında deyib. O, məsələnin danışıqlar aparan tərəflərə, yəni Bakı və İrəvana ünvanlanmasını məntiqli hesab edib. "Məhz onlar təmasların dinamikasını müəyyən edir və gələcək sülh müqaviləsinin məzmununu müəyyənləşdirirlər. Həm Azərbaycan, həm də Ermənistanla strateji tərəfdaşlıq və müttəfiqlik münasibətləri olan Rusiya bu prosesə hər cür köməklik göstərir”, - rusiyalı nazir bildirib.
29-12-2022, 15:33
Azərbaycan sərvətlərinin talanması qəbuledilməzdir - Çavuşoğlu
Türkiyənin xarici işlər naziri Mövlud Çavuşoğlu Laçın yolundakı vəziyyətə münasibət bildirib. Nazir bu barədə ilin yekunlarına həsr olunmuş mətbuat konfransındakı çıxışı zamanı danışıb. "Laçın yolundakı hadisələr Ermənistan üçün səmimilik sınağıdır. Azərbaycan sərvətlərinin talanması qəbuledilməzdir. Can Azərbaycanla əməkdaşlığımız davam edəcək", - deyə Çavuşoğlu söyləyib. O, Ermənistan-Türkiyə münasibətlərinin normallaşması prosesinin davam etdiyini bildirib.
29-12-2022, 15:30
Lavrov Zelenskinin “sülh formulu”na münasibət bildirdi
Rusiyanın xarici işlər naziri Sergey Lavrov Ukrayna prezidenti Vladimir Zelenskinin ölkədəki münaqişənin həlli üçün təklif etdiyi “sülh formulu”na münasibət bildirib. O bu barədə “Ria Novosti”yə müsahibəsində danışıb. Rusiya Xarici İşlər Nazirliyinin rəhbəri Zelenskinin düsturunu illüziya adlandırıb və belə şərtlərlə iki ölkə arasında dialoqu istisna edib. Onun sözlərinə görə, Ukrayna ünsiyyətə hazır deyil. "Hər cür ideyalar və “sülh düsturları” irəli sürən Zelenski Qərbin köməyi ilə qoşunlarımızın Rusiyanın Donbass, Krım, Zaporojye və Xerson vilayəti ərazisindən çıxarılmasına, təzminatların ödənilməsinə nail olmaq illüziyası danışır. Rusiyanı beynəlxalq tribunallara etiraf etməyə çağırır və s. Təbii ki, belə şərtlər altında heç kimlə danışmayacağıq". Lavrov bildirib ki, Moskva münaqişənin diplomatik yolla həllindən imtina etməyib. O xatırladıb ki, müharibə başlayandan dərhal sonra Zelenski Rusiyanı danışıqlar masasına oturmağa dəvət edib. Moskva onun dəvətini qəbul edib və Ukrayna nümayəndələri ilə bir neçə görüş keçirib. Nazir qeyd edib ki, danışıqlar raundları “qarşılıqlı məqbul razılaşmalar”ın tapılmasının mümkünlüyünü göstərib. "Bununla belə, dialoq zamanı “Zelenskinin mühüm qərarların qəbulunda tam müstəqil olmaması” üzə çıxıb. “Artıq aprel ayında hərbi əməliyyatları davam etdirməkdə maraqlı olan anqlo-saksonların göstərişi ilə o, danışıqları tez dayandırdı və mövqeyini kəskin şəkildə sərtləşdirdi”, - Lavrov vurğulayıb.
29-12-2022, 15:27
Türkiyə XİN-dən Yunanıstana xəbərdarlıq
Türkiyənin xarici işlər naziri Mövlud Çavuşoğlu Yunanıstana xəbərdarlıq edib. Nazir bu barədə ilin yekunlarına həsr olunmuş mətbuat konfransındakı çıxışı zamanı danışıb. "Yunanıstana bir daha xəbərdarlıq edirik. Arxana almağa çalışdıqlarına güvənərək saxta qəhrəmanlıq arxasınca qaçma. Məcəraya atılma. Sonu sizin üçün heç yaxşı olmaz", - Çavuşoğlu söyləyib. XİN başçısı rəsmi Afinanı diqqətli olmağa çağırıb.
29-12-2022, 15:25
Ukraynalılar günə həyəcan siqnalı ilə oyandılar
Bu gün ukraynalılar günə həyəcan siqnalı ilə oyanıblar. Həyəcan siqnalı bütün ölkə ərazisində verilib. Rusiya hərbi qüvvələrinin Ukrayna şəhərlərinə aviazərbələr endirdiyi barədə məlumatlar var. Ukrayna Silahlı Qüvvələrinin Baş Qərargahı son sutkada 30 aviasiya zərbəsi endirildiyini açıqlayıb. Bundan başqa 7 raket hücumu gerçəkləşdirildiyi qeyd olunub. Xatırladaq ki, bu ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb.
29-12-2022, 15:21
Paşinyan dostunun nazir seçilməsindən imtina etdi
Ermənistanda yaradılmaqda olan Daxili İşlər Nazirliyinə kimin rəhbərlik edəcəyi müzakirə olunur. "Hraparak" qəzeti baş nazir Nikol Paşinyanın kadr seçimi barədə məlumat əldə edib. Qəzet yazır ki, Paşinyanın dostu və yaxın kadrı hesab olunan Ermənistan Polisinin rəisi Vahe Kazaryanın adı yeni nazir kimi hallansa da, o, DİN başçısı vəzifəsinə təyinat almayacaq. Bildirilib ki, Paşinyan bu təyinatdan imtina edib. "Ona görə yox ki, Paşinyan Kazaryana etibar etmir, sadəcə olaraq baş nazir düşünür ki, o, meqanazirliyə rəhbərlik etməyi bacarmaz", - yazıda qeyd olunub. "Hraparak"ın istinad etdiyi mənbə hesab edir ki, çox güman hazırkı fövqəladə hallar naziri Armen Pambuxçyan DİN-ə rəhbər gətiriləcək. Qeyd edək ki, Ermənistanda əvvəllər mövcud olmuş və sonradan ləğv edilən Daxili İşlər Nazirliyi yenidən bərpa olunur.
29-12-2022, 15:14
Akar Rusiyada keçirilən görüşün detallarını açıqladı
Türkiyənin milli müdafiə naziri Hulusi Akar və Milli Kəşfiyyat Təşkilatının (MİT) rəhbəri Hakan Fidan Rusiya Müdafiə Nazirliyində görüş keçiriblər. Dünən baş tutan görüş barədə Akar jurnalistlərə özü məlumat verib. Bildirilib ki, 11 ildən sonra baş tutan görüş zamanı Suriya məsələsi müzakirə olunub. “Vnukovo” hava limanında Rusiya rəsmiləri tərəfindən qarşılanan Akar və Fidanın Rusiya Müdafiə Nazirliyində keçirdiyi görüşün detallarını nazir özü açıqlayıb. Akar görüşdə Rusiya müdafiə naziri Sergey Şoyqu ilə yanaşı, Suriya MN başçısı Ali Mahmud Abbasın da iştirak etdiyini, eləcə də Rusiya və Suriya xüsusi xidmət orqanlarının rəhbərlərinin müzakirələrə qatıldığını açıqlayıb.“Toplantıda Suriyada və bütövlükdə regionda vəziyyətin tezliklə müsbətə doğru dəyişməsi, sülh və sabitliyin bərqərar olması üçün edə biləcəyimiz işləri müzakirə etdik. Türkiyənin mövqeyini çatdırdıq, digər tərəflərin də mövqelərini dinlədik. Bizim dilə gətirdiyimiz ən vacib məsələ terrorla mübarizə oldu. Suriya və İraq başda olmaqla, bütün qonşularımızın ərazi bütövlüyünü dəstəklədiyimizi, terrorla mübarizədən başqa heç bir məqsədimizin olmadığını diqqətə çatdırdıq”, - o qeyd edib. Akar bildirib ki, digər məsələ isə Türkiyə sərhədlərinin təhlükəsizliyi və Suriyadan qaçqın axının qarşısının alınması olub. Nazir əlavə edib ki, üçtərəfli təmasların davam etdirilməsi ilə bağlı razılıq əldə olunub.
[media=https://youtu.be/-NDXorvb89o]
28-12-2022, 23:49
Qarabağdakı seperatçılara daha bir milyon veriləcək - Paşinyan
Ermənistan hakimiyyəti Qarabağdakı separatçılara daha bir milyon dollar verəcək. Bu barədə Ermənistan Baş naziri Nikol Paşinyan bildirib. O, bu il ərzində Rusiya sülhməramlılarının müvəqqəti yerləşdirildiyi Azərbaycan ərazisindəki ermənilərə 410 milyon dollar yardım ayrıldığını deyib. "Nazirlər Kabinetinin sabahkı qərarı ilə artıq yardımın məbləği 411 milyon dollara çatacaq", - Paşinyan qeyd edib.
28-12-2022, 23:36
ABŞ bu ölkələrə qarşı Ukraynaya yardım edir
ABŞ İranın pilotsuz uçuş aparatları (PUA) istehsal etməsinin və onları Ukraynada istifadə edən Rusiyaya tədarükün qarşısını almaq üçün müxtəlif tədbirlər görür. Bunu Ağ Evin Milli Təhlükəsizlik Şurasının mətbuat xidmətinin rəhbəri Adrian Watson “The New York Times”a bildirib. “Biz PUA-ların istehsalında istifadə edilən özəl şirkətlərlə danışıqlar yolu ilə İranın pilotsuz uçuş aparatları istehsalına qarşı çıxmağın yollarını axtarırıq. Eyni zamanda İranın pilotsuz uçuş aparatı texnologiyasından istifadə imkanlarını məhdudlaşdırmaq üçün atıla biləcək əlavə ixrac nəzarəti addımlarını qiymətləndiririk”, - deyə o qeyd edib. Məlumatda bildirilib ki, ABŞ ilk növbədə Tehranı PUA-larda istifadə olunan Qərb istehsalı komponentlərdən məhrum etmək istəyir. Bundan əlavə, ABŞ silahlı qüvvələri Ukrayna hərbçilərinə İran PUA-larının buraxılış məntəqələrini aşkar etməkdə köməklik göstərir. Eyni zamanda, amerikalılar Kiyev üçün pilotsuz uçuş aparatını aşkar edən yeni xəbərdarlıq texnologiyaları hazırlayırlar.
28-12-2022, 23:21
Çarəsiz İran vətəndaşları orqanlarını satmağa çalışır
İranda çarəsiz gənclər öz orqanlarını satışa çıxarırlar. Bu barədə “Azad İran” Teleqram kanalı məlumat yayıb. Bu gün vətəndaşlardan biri Tehranın mərkəzindəki Pasdaran küçəsində yerləşən xəstəxananın önünə vurulan insan orqanları satışına dair elanları videoya çəkib. “Hər yer böyrək satışı ilə bağlı elanlarla doludur. Elan verənlərin əksəriyyəti 26-30 yaşlarında gənclərdir. Bu da molla rejiminin xalqa bəxş etdiyi “firavan həyat”...” - deyə həmin şəxs ürək ağrısı ilə qeyd edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!