17-06-2023, 13:04
Sabahın hava proqnozu
Sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin axşam bəzi yerlərdə yağış yağacağı ehtimalı var. Mülayim cənub küləyi gecəyə doğru mülayim şimal-qərb küləyi ilə əvəz olunacaq. Bu barədə Milli Hidrometeorologiya Xidmətindən məlumat verilib. Havanın temperaturu gecə 19-23° isti, gündüz 28-32° isti olacaq. Atmosfer təzyiqi normadan aşağı 754 mm civə sütunu olacaq. Nisbi rütubət gecə 70-80%, günüdz 50-60 % olacaq. Azərbaycanın rayonlarında əsasən gündüzdən başlayaraq bəzi yerlərdə arabir yağış yağacağı gözlənilir. Ayrı-ayrı yerlərdə leysan xarakterli intensiv olacağı, şimşək çaxacağı, dolu düşəcəyi ehtimalı var. Mülayim şərq küləyi bəzi yerlərdə arabir güclənəcək. Havanın temperaturu gecə 18-23° isti, gündüz 31-36° isti, dağlarda gecə 8-13° isti, gündüz 16-21° isti olacaq.
17-06-2023, 12:11
Erməni silahlı qüvvələri mövqelərimizi intensiv atəşə tutur
İyunun 17-si saat 10:45–dən etibarən Ordumuzun Gədəbəy, Kəlbəcər və Laçın rayonları istiqamətlərində yerləşən bölmələri Ermənistan silahlı qüvvələrinin üzbəüz mövqelərdə yerləşən bölmələri tərəfindən müxtəlif çaplı atıcı silahlardan intensiv atəşə tutulur. Bu barədə Müdafiə Nazirliyindən məlumat verilib. Azərbaycan Ordusu tərəfindən qeyd olunan bütün istiqamətlərdə adekvat cavab tədbirləri görülür. Əməliyyat şəraiti bölmələrimizin tam nəzarəti altındadır.
16-06-2023, 21:13
Rusiyanın Ermənistandakı səfiri XİN-ə çağırıldı
Rusiyanın Ermənistandakı səfiri Sergey Kopırkin bu ölkənin Xarici İşlər Nazirliyinə (XİN) çağırılıb. Bu barədə "news.am" Ermənistan XİN-in mətbuat xidmətinə istinadən məlumat yayıb. Bildirilir ki, səfir Laçın yolunda baş verən son insidentə görə nazirliyə dəvət olunub. Səfirə hadisə ilə bağlı Ermənistan tərəfinin narazılığı ifadə olunub.
16-06-2023, 20:33
Rusları Ukrayna ərazisindən çıxarmaq bu müharibəni dayandıra bilər - Zelenski
İyunun 16-da Ukrayna prezidenti Volodimir Zelenski Kiyevdə Afrika missiyasının nümayəndələri ilə görüş keçirib. Bu barədə Zelenski özünün "Telegram" kanalında məlumat yayıb. Görüşdən sonra o, sülh danışıqlarının yalnız Rusiya qoşunlarını Ukraynadan çıxarmasından sonra mümkün olduğunu bildirib. “Aydındır ki, Rusiya terrorunu dayandırmaq və rusların hamısını Ukrayna ərazisindən çıxarmaq bu müharibəni dayandıra bilər. Ukraynaya və dünyaya nə dondurulmuş münaqişələr, nə də qaynar müharibələr lazım deyil”, – Zelenski "Telegram"da yazıb.
16-06-2023, 20:10
ABŞ Ukraynaya 205 milyon dollar yardım edəcək - Blinken
ABŞ Ukraynaya əlavə olaraq 205 milyon dollar yardım edəcək. Bu barədə ABŞ dövlət katibi Entoni Blinken bildirib. Onun sözlərinə görə, yeni yardım paketi “tezliklə” təqdim olunacaq. "Yardım ərzaq, içməli su, təhsil proqramları, hüquqi və digər yardımların alınmasına yönəldiləcək",- Blinken deyib. Yeni yardım paketi “regiondakı beynəlxalq və qeyri-hökumət tərəfdaşları” arasında bölüşdürüləcək. Bununla da 2023-cü maliyyə ilində Amerikanın humanitar yardımının ümumi məbləği 605 milyon dollara çatacaq.
16-06-2023, 19:53
Azərbaycan iranlıların hava limanlarında viza rəsmiləşdirilməsini dayandırır
23 iyun 2023-cü il tarixdən Azərbaycan İran vətəndaşlarına Azərbaycanın beynəlxalq hava limanlarında viza rəsmiləşdirilməsini dayandırır. Bu haqda İranın Azərbaycandakı Səfirliyi məlumat yayıb. Məlumata əsasən, Azərbaycana səfər edəcək İran vətəndaşlarının öncədən “ASAN viza” almaları və ya Azərbaycanın Təbrizdəki Baş Konsulluğundan viza əldə etmələri xahiş olunur. Eləcə də, Azərbaycanın İran ilə olan quru sərhədlərinin bağlı olduğu bir daha diqqətə çatdırılır.
16-06-2023, 18:20
Zelenski yəhudi deyil, yəhudi xalqı üçün biabırçılıqdır - Putin
Rusiya prezidenti Vladimir Putin Sankt-Peterburq Beynəlxalq İqtisadi Forumunda Ukrayna prezidenti Volodimir Zelenski haqqında danışıb. Bu barədə "Kommersant" qəzeti yazıb. "Yəhudi dostlarım deyir ki, Zelenski yəhudi deyil, yəhudi xalqı üçün biabırçılıqdır", - Putin deyib. O, Zelenskini "neonasistləri" dəstəkləməkdə ittiham edib.
16-06-2023, 18:06
Ukraynanın 54 yaşayış məntəqəsi su altında qaldı
Xerson, Dnepropetrovsk və Nikolayevdə Kaxov SES-i partlatdıqdan sonra 54 yaşayış məntəqəsi su altında qalıb. Bunu Ukrayna Dövlət Fövqəladə Hallar Xidmətinin mətbuat katibi Aleksandr Xorunji deyib. "Hazırda Kaxovska SES-in işğalçıları tərəfindən törədilən partlayışdan ən çox zərər çəkmiş Xerson, Nikolayev və Dnepropetrovsk vilayətlərində 54 yaşayış məntəqəsi su altında qalıb, onlardan 17-si Xerson vilayətinin müvəqqəti işğal olunmuş ərazisindədir", - o bildirib.
16-06-2023, 17:22
Türklər İranın çoxəsrlik düşmənləridir - Rəisinin xanımı
İran prezidenti İbrahim Rəisinin həyat yoldaşı Cəmilə Ələm Əl-Hadi türklər və monqolları İranın çoxəsrlik düşmənləri adlandırıb. Bu barədə o, Venesuelada yerli telekanallardan birinə müsahibəsində deyib. "Tarix boyu bu ölkələr İrana hücum edib", - deyə İranın birinci xanımı bildirib. Cəmilə Ələm Əl-Hadinin sözləri sosial şəbəkələrdə geniş əks-sədaya səbəb olub.
16-06-2023, 16:57
Moskva bu məsələdə veto hüququna malik ola bilməz - Stoltenberq
"NATO-nun qapısı rəsmi Kiyevin üzünə açıqdır". Bunu NATO baş katibi Yens Stoltenberq deyib. O vurğulayıb ki, Ukrayna gələcəkdə NATO-nun üzvü olacaq və buna özü qərar verəcək: "Moskva bu məsələdə veto hüququna malik ola bilməz". Stoltenberqin sözlərinə görə, NATO-Ukrayna Şurasının yaradılması da nəzərdə tutulub ki, burada qarşılıqlı maraq doğuran mövzular və təhlükəsizliklə bağlı məsələlər müzakirə olunacaq.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!