Xəbərlərin siyahısı: 10.06.2023

10-06-2023, 23:06

Pakistanda güclü yağışlar nəticəsində 19 nəfər öldü

Pakistanın Xayber Paxtunxva və Pəncab əyalətlərində güclü yağışlar nəticəsində azı 19 nəfər ölüb. Təbii fəlakət nəticəsində 150-dən çox insan yaralanıb. Seldən zərərçəkən evlərin damları uçub.

Pakistanda güclü yağışlar nəticəsində 19 nəfər öldü

10-06-2023, 23:06

Pakistanda güclü yağışlar nəticəsində 19 nəfər öldü

10-06-2023, 22:36

Ukraynanın NATO-ya üzvlüyünə rəsmi dəstək verən dövlətlərin sayı 20-yə çatdı

Şənbə günü Kanadanın müvafiq bəyannaməni imzalanmasından sonra Ukraynanın NATO-ya üzvlüyünə rəsmi dəstək verən dövlətlərin sayı 20-yə çatıb. Bunu Ukrayna Prezident Aparatı rəhbərinin müavini İqor Jovkva deyib. Məlumata görə, Kanadanın baş naziri Castin Trüdo şənbə günü elan olunmamış səfərlə Kiyevə gəlib. O, prezident Volodimir Zelenski ilə Ottavanın “şərtlər imkan verən kimi” Ukraynanın NATO-ya daxil olmasını rəsmən dəstəklədiyi bəyannaməni imzalayıb. Həmçinin, Kanada NATO - Ukrayna Şurasının yaradılmasına da tərəfdar çıxıb. Bu, Ukrayna və Alyans arasında yeni qarşılıqlı fəaliyyət mexanizmi üçün ilk belə ictimai dəstək olub. Qeyd edək ki, may ayında Avropa paytaxtlarına səfəri çərçivəsində prezident Zelenski İtaliya, Almaniya və Fransa liderləri ilə də Ukraynanın NATO-ya üzvlüyünü dəstəkləyən bəyannamələr imzalayıb.

Ukraynanın NATO-ya üzvlüyünə rəsmi dəstək verən dövlətlərin sayı 20-yə çatdı

10-06-2023, 21:34

Dənizkənarı Milli Park ərazisində 1 nəfər özünü dənizə atdı

Bakı şəhəri, Səbail rayonunda yerləşən Dənizkənarı Milli Park ərazisində 1 nəfər özünü dənizə atıb. Bu barədə Fövqəladə Hallar Nazirliyi məlumat yayıb. Nazirliyin “112” qaynar telefon xəttinə Bakı şəhəri, Səbail rayonunda yerləşən Dənizkənarı Milli Park ərazisində 1 nəfərin dənizdə batma təhlükəsində olması barədə məlumat daxil olub. Məlumatla əlaqədar dərhal hadisə yerinə FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin “Bakı-bulvarı” dalğıc-axtarış qrupu cəlb edilib. Həyata keçirilən operativ xilasetmə əməliyyatı sayəsində dənizdə batma təhlükəsində olan 1988-ci il təvəllüdlü Kurkin Aleksandr Aleksandroviç dalğıclar tərəfindən xilas edilərək, ilkin yardım göstərilib və aidiyyəti üzrə təhvil verilib.

Dənizkənarı Milli Park ərazisində 1 nəfər özünü dənizə atdı

10-06-2023, 20:40

Kahramanmaraşda 111 minə yaxın bina inşa ediləcək - Nazir

Kahramanmaraşda 110 681 bina tikiləcək. Bunu Türkiyənin yeni daxili işlər naziri Əli Yerlikaya Kahramanmaraşda səfərdə olarkən deyib. Nazir bildirib ki, onların əsas məqsədi müvəqqəti sığınacaq mərkəzlərində qalan vətəndaşları konteynerlərə daşımaq və daimi yaşayış yerlərini tamamlamaqdır. Kahramanmaraşda zərərin qiymətləndirilməsi işlərinin tamamlandığını qeyd edən Yerlikaya 6 fevralda baş verən 100 illik fəlakətdən 125 gün keçdiyini vurğulayıb: "O gündən bu yana görülən işləri araşdırmaq üçün buradayıq. Koordinasiya toplantımızı keçirdik. Kahramanmaraşda zərərin qiymətləndirilməsi işləri artıq tamamlanıb. Zərər dəymiş ümumi 558 min 219 bina sökülüb. Növbəti 4 ay ərzində isə ağır ziyan dəymiş 29 min 601 binanın söküntüsü tamamlanmalıdır”. Xatırladaq ki, fevralın 6-da Türkiyədə səhər saatlarında 7.7 bal gücündə zəlzələ baş verib. Dərinliyi 7 kilometr olduğu müəyyən edilən zəlzələ Hatay, Qaziantep, Kilis, Osmaniye, Malatya, Adıyaman, Şanlıurfa, Diyarbəkir, Adana və Kahramanmaraş vilayətlərində ciddi dağıntılara səbəb olub.

Kahramanmaraşda 111 minə yaxın bina inşa ediləcək - Nazir

10-06-2023, 19:17

İranın 17 bölgəsi sel və daşqına məruz qaldı - 7 ölü, 72 yaralı var

İranda leysan yağışları nəticəsində 17 bölgədə sel və daşqın baş verib. Bu barədə İranın xilasetmə qüvvələrinin rəhbəri Babək Mahmudi məlumat yayıb. O, leysan yağışları nəticəsində 7 nəfərin öldüyünü, 72 nəfərin isə yaralandığını bildirib.

İranın 17 bölgəsi sel və daşqına məruz qaldı - 7 ölü, 72 yaralı var

10-06-2023, 18:59

Prezident Lukaşenkoya təbrik məktubu ünvanladı

Azərbaycan Respublikasının Prezidenti İlham Əliyev Belarus Respublikasının Prezidenti Aleksandr Lukaşenkoya məktub ünvanlayıb. Məktubda deyilir: “Hörmətli Aleksandr Qriqoryeviç. Sizi və Sizin simanızda dost Belarus xalqını Azərbaycan Respublikası və Belarus Respublikası arasında diplomatik münasibətlərin qurulmasının 30 illiyi münasibətilə səmimi-qəlbdən təbrik edirəm. Bu əlamətdar gündə son üç onillikdə xalqlarımızı birləşdirən mehriban dostluq ənənələrinə, qarşılıqlı hörmətə və etimada əsaslanan, faydalı tərəfdaşlıq ruhunda ardıcıl olaraq genişlənən və dərinləşən Azərbaycan-Belarus münasibətlərinin yüksək səviyyəsini bir daha qeyd etmək istərdim. Bizim böyük inkişaf yolu keçmiş, fəal siyasi dialoqla, intensiv təmaslarla, ikitərəfli və çoxtərəfli formatlarda iqtisadi-ticari, humanitar və bir çox başqa sahələrdə məhsuldar əməkdaşlıqla xarakterizə olunan dövlətlərarası əlaqələrimiz xüsusi məmnunluq doğurur. Siz Azərbaycan-Belarus münasibətlərinin ardıcıl inkişafına, onların strateji tərəfdaşlıq səviyyəsinə yüksəlməsinə sanballı şəxsi töhfə vermisiniz. Əminəm ki, Azərbaycan Respublikası ilə Belarus Respublikası arasında dostluq münasibətləri və əməkdaşlıq birgə səylərlə gələcəkdə də hərtərəfli möhkəmlənəcək, xalqlarımızın və ölkələrimizin maraqları naminə yeni məzmunla zənginləşəcəkdir. Hörmətli Aleksandr Qriqoryeviç, Sizə möhkəm cansağlığı, xoşbəxtlik və uğurlar, dost Belarus xalqına isə sülh və firavanlıq diləyirəm”.

Prezident Lukaşenkoya təbrik məktubu ünvanladı

10-06-2023, 18:42

Makron və Rəisi telefon danışığı apardı

Fransa Prezidenti Emmanuel Makron və İran Prezidenti İbrahim Rəisi arasında telefon danışığı olub. Bu barədə İran prezidentinin aparat rəhbərinin siyasi məsələlər üzrə müavini Məhəmməd Cəmşidi "Twitter" hesabında yazıb. Bildirilib ki, Fransa Prezidenti iranlı həmkarına zəng edib. Telefon danışığı 90 dəqiqə davam edib. Liderlər qarşılıqlı fəaliyyətin davam etdirilməsi, xüsusi ilə də sanksiyaların aradan qaldırılması və regional məsələlərlə bağlı danışıqlar barədə razılığa gəliblər.

Makron və Rəisi telefon danışığı apardı

10-06-2023, 18:14

İranda ziyarətgahlar yandırıldı

İranın İlam vilayətində iki ziyarətgah yandırılıb. Bu barədə IRNA məlumat yayıb. Bildirilib ki, bu gün Abdanan-Dehloran yolunda yerləşən iki ziyarətgah naməlum şəxslər tərəfindən yandırılıb. İlam prokurorluğu ziyarətgahların yandırılması ilə bağlı araşdırma başlandığını bildirib. Hadisə ilə bağlı bir neçə şübhəli şəxs saxlanılıb.

İranda ziyarətgahlar yandırıldı

10-06-2023, 17:54

Türkiyədə kimyəvi maddələr daşıyan yük maşını qəzaya düşdü - Ölənlər var

Türkiyənin Ərzincan vilayətində kimyəvi maddələr daşıyan yük maşını qəzaya uğrayıb. Yük maşını başqa bir yük maşını ilətoqquşub. Ərzincan-Sivas avtomobil yolunda baş verən qəza nəticəsində hər iki sürücü ölüb. Hadisə bağlı araşdırma başladılıb.

Türkiyədə kimyəvi maddələr daşıyan yük maşını qəzaya düşdü - Ölənlər var