29-08-2023, 13:24
İraqda qəza: İranlı zəvvarları daşıyan avtobus aşdı
İraqda iranlı zəvvarları daşıyan avtobus aşıb.
Bu barədə məlumatı İranda Ərbəin Mərkəzi Qərargahının sözçüsü Cavad Təşəkküri açıqlayıb.
Onun sözlərinə görə, avtobusun aşması nəticəsində Ərbəin ziyarətinə yollanan 20 iranlı zəvvar həlak olub, çox sayda insan isə yaralanıb.
Yaralılar arasında üç azyaşlının da olduğu qeyd olunub.
Qəzanın səbəbləri açıqlanmayıb.
29-08-2023, 13:09
Sabahın havası - Yağış yağacaq, şimşək çaxacaq
Bakıda və Abşeron yarımadasında avqustun 29-u axşamdan 30-u səhərədək bəzi yerlərdə arabir yağış yağacağı, şimşək çaxacağı gözlənilir.
Bu barədə Milli Hidrometeorologiya Xidmətindən məlumat verilib.
Bəzi yerlərdə leysan xarakterli olacağı ehtimalı var.
Şimal-qərb küləyinin 15-18 m/s, gecəyə doğru arabir 20-23 m/s-dək güclənəcəyi gözlənilir.
Havanın temperaturu gecə 19-23 dərəcə, gündüz 24-28 dərəcə isti olacağı gözlənilir.
29-08-2023, 12:49
Ukrayna-Belarus sərhədində partlayış
Ukrayna-Belarus sərhədində tank əleyhinə minalar partlayıb.
Bu barədə NEXTA məlumat yayıb.
Partlayış Ukrayna tərəfdə, Belarusun Sloveçno keçid məntəqəsindən 800 metr aralıda baş verib.
Versiyalardan biri ildırım vurmasıdır. Partlayış nəticəsində dəmir yolu dağılıb, körpünün dayaqları zədələnib. Zərərçəkənlər barədə məlumat yoxdur.
29-08-2023, 12:27
İmran Xanın cəzası ertələndi
İslamabad məhkəməsi Pakistanın keçmiş baş naziri İmran Xanın cəzasını ertələyib.
Bu barədə "RİA Novosti" məlumat yayıb.
Belə ki, məhkəmə onun girov müqabilində həbsdən buraxılmasına qərar verib.
Qeyd edək ki, bu ilin 9 mayında İmran Xan barəsində irəli sürülmüş korrupsiya ittihamları ilə bağlı məhkəmə iclasında iştirak etmək üçün gələn zaman silahlı polislər tərəfindən saxlanılıb.
Həbs edilməsindən sonra İmran Xanın lideri olduğu Təhrik-i-İnsaf partiyası tərəfdarlarını etiraz etməyə çağırıb. Bundan bir neçə saat sonra Lahor, Kəraçi və Pişəvər də daxil olmaqla bir sıra şəhərlərdə zorakılıq halları baş qaldırıb.
Mayın 11-də Pakistan Ali Məhkəməsi sabiq Baş nazir İmran Xanın həbsini qanunsuz elan edib.
Xatırladaq ki, ölkənin sabiq Baş naziri və müxalif Pakistan Ədalət Hərəkatı Partiyasının (PTI - Pakistan Tehreek-e-Insaf) rəhbəri İmran Xan, ona və həyat yoldaşına məxsus “Əl-Qadir” fondundan istifadə edərək çirkli pulların yuyulmasında ittiham olunur.
Sabiq hökumət başçısının rəhbərlik etdiyi dövrdə Böyük Britaniyadan köçürülən 60 milyard rupi (təxminən 210,6 milyon dollar) məbləğinin leqallaşdırılmasına görə İmran Xan adı açıqlanmayan daşınmaz əmlak firmasından milyardlarla rupi pul vəsaiti almaqda təqsirli bilinir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!