Xəbərlərin siyahısı: 02.11.2023

2-11-2023, 22:22

Qafanda baş konsulluğunun açılması barədə razılaşma təsdiqləndi

Rusiya hökuməti Ermənistanın Qafan şəhərində baş konsulluğunun açılması barədə razılaşmanı təsdiqləyib.
Bu barədə müvafiq qərarı Rusiya Baş naziri Mixail Mişustin imzalayıb.
Qafandakı baş konsulluq Rusiyanın Ermənistanda sayca ikinci konsulluğu olacaq.
Qərarda Rusiya Xarici İşlər Nazirliyinə nota mübadiləsi aparmaq tapşırılıb.

Qafanda baş konsulluğunun açılması barədə razılaşma təsdiqləndi

2-11-2023, 21:39

Azərbaycan və Türkiyə idmançıları İrəvandakı yarışda iştirak etməyəcək

Noyabrın 10-12-də İrəvanda keçiriləcək sambo üzrə dünya çempionatında Azərbaycan və Türkiyə idmançıları iştirak etməyəcək.
Bu barədə Ermənistan Sambo Federasiyası məlumat yayıb.
Qeyd olunub ki, artıq 70-dən çox ölkənin nümayəndəsi yarışda iştirak etmək üçün ərizə verib.
500-dən çox idmançının və 2500-dən çox qonağın İrəvana gələcəyi gözlənilir.

Azərbaycan və Türkiyə idmançıları İrəvandakı yarışda iştirak etməyəcək

2-11-2023, 21:08

Hakan Fidan ukraynalı həmlarəyla bir sıra məsələləri müzakirə etdi

Ukraynanın xarici işlər naziri Dmitri Kuleba türkiyəli həmkarı Hakan Fidanla görüşüb.
Bu barədə D.Kuleba sosial şəbəkə səhifəsində məlumat yayıb.
“Berlində olarkən türkiyəli həmkarım Hakan Fidanla görüşdüm. Biz Qara dəniz regionunda təhlükəsizlik məsələləri və Ukrayna taxılının dünya bazarlarına çıxarılmasını müzakirə etdik", - deyə ukraynalı nazir bildirib.
Nazirlər, həmçinin Yaxın Şərqdəki vəziyyəti müzakirə ediblər.
Qeyd edək ki, bu gün Berlində Almaniya diplomatiyasının rəhbəri Annalena Barbokun təşəbbüsü ilə xarici işlər nazirlərinin görüşü keçirilir. Tədbirə potensial namizəd kimi Aİ ölkələrinin, namizəd ölkələrin, o cümlədən Ukraynanın, eləcə də Gürcüstanın Xarici İşlər nazirliklərinin rəhbərləri dəvət olunub.

Hakan Fidan ukraynalı həmlarəyla bir sıra məsələləri müzakirə etdi

2-11-2023, 20:26

Qəzza şəhəri mühasirəyə alındı

Qəzza şəhəri mühasirəyə alınıb.
Bunu İsrail Ordusunun Baş Qərargah rəisi Herzi Halevi bildirib.
O deyib ki, İsrail bütün cəbhələrdən - Yəmən, Qəzza, Livan, Suriyadan eyni vaxtda hücuma məruz qalıb.

Qəzza şəhəri mühasirəyə alındı

2-11-2023, 19:12

İranda həbs olunmuş soydaşımızın şikayəti təmin edilmədi

İranda casusluq ittihamı ilə 2 il həbs cəzası verilmiş Fərid Səfərli ilə bağlı hökmdən verilmiş apellyasiya şikayətinə baxılıb.
Bu barədə F.Səfərlinin anası Dilarə Əsgərova “Qafqazinfo”ya bildirib.
O deyib ki, İranın yuxarı instansiya məhkəməsi şikayəti təmin etməyib.
Qərara əsasən, F.Səfərli barəsindəki hökm dəyişdirilmədən qüvvədə saxlanılıb.
D.Əsgərova qeyd edib ki, oğlunun və vəkilinin məhkəmədə iştirakı təmin edilməyib. Onların məlumatı olmadan qərar qəbul edilib.

İranda həbs olunmuş soydaşımızın şikayəti təmin edilmədi

2-11-2023, 17:48

Bəhreyn İsraildəki səfirini geri çağırdı

İsraildə səfriliyini bağlayan dövlətlər sırasına biri də əlavə olunub.
Bəhreyn İsrailin Qəzza zolağındakı hərəkətləri fonunda Fələstin xalqına dəstək əlaməti olaraq Təl-Əvivdəki səfirini geri çağırmaq, eləcə də yəhudi dövləti ilə iqtisadi əlaqələri dayandırmaq qərarına gəlib.
Qeyd edək ki, bundan əvvəl İsrailin Qəzza zolağındakı hərəkətləri ilə əlaqədar Kolumbiya və Çili prezidentləri bu ölkələrin İsraildəki səfirlərinin məsləhətləşmələr üçün geri çağırılmasına qərar verildiyini bildirmişdilər.

Bəhreyn İsraildəki səfirini geri çağırdı

2-11-2023, 17:42

ABŞ Ermənistanı yanlış istiqamətə yönəldib - XİN

Əgər ABŞ Azərbaycana, habelə beynəlxalq sülh və təhlükəsizliyə qarşı təhdidlərə fərqli münasibət göstərsəydi Azərbaycana qarşı təhdidlərin güc yolu ilə həllinə ehtiyac qalmazdı və məsələ sülh yolu ilə həll olunardı.
Bu Xarici İşlər Nazirliyinin mətbuat katibi Ayxan Hacızadənin ABŞ Dövlət Departamenti rəsmilərinin Azərbaycan əleyhinə bəyanatlarına cavabında öz əksini tapıb.
Onun sözlərinə görə, ABŞ Ermənistanı yanlış istiqamətə yönəldib, separatçıların qeyri-qanuni fəaliyyətinin müdafiəsi məqsədilə ABŞ-a səfər etmələri üçün imkanlar yaratmaqla və maliyyə vəsaiti ayırmaqla Azərbaycan ərazilərində qanunsuz rejimin saxlanılmasına dəstək verib.
“Məhz ABŞ-ın da iştirak etdiyi vasitəçilik cəhdlərinin nəticə verməməsi və Ermənistanın işğalçı siyasətinin qarşısının alınmaması Azərbaycanı öz torpaqlarını hərbi yolla azad etməyə sövq edib. Buna görə də, digər faktlarla yanaşı, ABŞ da keçmiş münaqişənin sülh yolu ilə həlli istiqamətində fəaliyyətsizliyinə görə məsuliyyət daşıyır”, - qeyd olunub.
Həmçinin vurğulanıb ki, sülhün və sabitliyin təmin edilməsi qarşısında əsas maneə olan təcavüzkar dövlət Ermənistanı regionumuzda cəsarətləndirmək siyasətinə son qoyulması vacibdir.
“Azərbaycanla təhdid dili ilə danışmaq qəbuledilməzdir. Azərbaycana qarşı hər hansı qeyri-dost hərəkət müsbət nəticə verməyəcək və bu cür hərəkətlərə adekvat cavab veriləcək”.

ABŞ Ermənistanı yanlış istiqamətə yönəldib - XİN

2-11-2023, 17:37

Türkiyə və Qırğızıstan Prezidentləri görüşdü

Türkiyə Prezidenti Rəcəb Tayyib Ərdoğan Qırğızıstan Prezidenti Sadır Japarov ilə görüşüb.
Bu barədə Prezident Administrasiyası məlumat yayıb.
Qeyd edək ki, görüş Qazaxıstanın paytaxtı Astanada Türk Dövlətləri Təşkilatının “Türk Dövrü” şüarı altında keçirilən 10-cu Zirvə toplantısı çərçivəsində baş tutub.

Türkiyə və Qırğızıstan Prezidentləri görüşdü

2-11-2023, 17:35

Ermənistan Azərbaycanın növbəti sülh təklifinə cavab verməyib

Ermənistan Azərbaycanın sülh sazişi üzrə növbəti təkliflərinə hələ ki cavab verməyib.
Bunu Ermənistan Xarici İşlər Nazirliyinin mətbuat katibi Ani Badalyan bildirib.
O deyib ki, Ermənistan sentyabr ayında Azərbaycanın təklif etdiyi sülh sazişi üzrə təkliflərə hələ də cavab verməyib.

Ermənistan Azərbaycanın növbəti sülh təklifinə cavab verməyib

2-11-2023, 17:25

Zelenski Rusiyanın Uqledar istiqamətində irəliləmə cəhdiylə bağlı məlumat verdi

Ukrayna prezidenti Volodimir Zelenski Rusiya Federasiyasının Uqledar istiqamətində irəliləmək cəhdi barədə məlumat verib.
Onun sözlərinə görə, Silahlı Qüvvələr bunu dayandırıb.
Zelenski bildirib ki, ordu Rusiya Federasiyasına ağır itkilər verdirib, o cümlədən onlarla texnika məhv edilib. Avdeyevka yaxınlığında müdafiə əməliyyatları, cənubda isə hücum əməliyyatları davam edir.
Eyni zamanda, Ukrayna dəniz dəhlizindən istifadəyə hazır olan gəmilərin sığortasının hazırlanması başa çatdırılır.
Xatırladaq ki, ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb.

Zelenski Rusiyanın Uqledar istiqamətində irəliləmə cəhdiylə bağlı məlumat verdi