15-11-2023, 15:56
Almaniya Putin haqqında yazılan kitabların satışını dayandırdı
Almaniyada nəşriyyat jurnalist Hubert Zaypelin Rusiya prezidenti Vladimir Putin haqqında yazdığı kitabların satışını dayandırıb.
DPA bu barədə “Hoffmann und Campe” nəşriyyatının redaktorlarına istinadən məlumat yayıb.
Məlum olub ki, kitabların yazılması üçün Aleksey Mordaşev pul ödəyib. Qərar KİV-də müəllifin rusiyalı milyarderlə əlaqəli ofşor şirkətlərdən pul alması barədə xəbərlərdən sonra verilib. Nəşriyyat qeyd edib ki, bu faktdan onların xəbəri olmayıb və təsdiqlənərsə, nəşriyyat Zaypeli məhkəməyə verə bilər.
15-11-2023, 15:20
Qəzzaya yarım çən yanacaq verildi
Humanitar yardımın daşınması üçün Qəzzaya yarım çən yanacaq verilib.
Bunu BMT-nin Fələstin Qaçqınlarına Yardım və Anklavda İşin Təşkili üzrə Yaxın Şərq Agentliyinin direktoru Tomas Uayt bildirib.
O qeyd edib ki, bununla belə su təchizatı və xəstəxanalar üçün yanacaq yoxdur.
Qeyd edək ki, Fələstin-İsrail qarşıdurması 7 oktyabrdan bəri davam edir. İndiyə kimi hər iki tərəfdən minlərlə insan həyatını itirib.
15-11-2023, 15:11
XİN Fələstini təbrik etdi
Azərbaycan Xarici İşlər Nazirliyi (XİN) Fələstini Milli Gün münasibətilə təbrik edib.
Bu barədə qurumun “X” hesabında yazılıb.
“Fələstini Milli Günü münasibəti ilə təbrik edirik! Milli bayramınız mübarək!”, - XİN-in təbrikində qeyd olunub.
15-11-2023, 14:57
44 günlük Vətən müharibəsi iştirakçısının şəhid statusu bərpa edildi
44 günlük Vətən müharibəsi iştirakçısı Röyal Verdiyevin şəhid statusunun ləğv edilməsi ilə bağlı işə yenidən baxılıb.
Verdiyev Röyal Qabil oğlunun ailəsi şəhid statusunun bərpası ilə bağlı Səfərbərlik və Hərbi Xidmətə Çağırış üzrə Dövlət Xidmətinin Daşkəsən rayon bölməsinə qarşı iddia qaldırıb.
İddiaçı tərəfin vəkili Əziz Qənbərli bildirib ki, R.Verdiyev 2020-ci ildə 44 günlük Vətən müharibəsində iştirak edib. O, Cəbrayıl, Qubadlı, Laçın rayonları istiqamətində gedən döyüşlərdə qəhrəmancasına döyüşüb. R.Verdiyev döyüş bölgəsində əsgər yoldaşının silahla ehtiyatsız davranması nəticəsində açılan güllədən həlak olub. O, 2020-ci ilin 3 dekabrında Daşkəsən Rayon Şəhidlər Xiyabanında dəfn edilib. Xidmət vaxtı həlak olduğuna görə Verdiyevə şəhid, ailəsinə şəhid ailəsi statusu verilib.
Lakin 1 il sonra Səfərbərlik və Hərbi Xidmətə Çağırış üzrə Dövlət Xidmətinin Daşkəsən rayon bölməsi R.Verdiyevin şəhid statusunun ləğv edilməsi, ailəsinə verilən müavinətlərin dayandırılması tələbi ilə iddia qaldırıb. Xidmət iddiasını belə əsaslandırıb ki, R.Verdiyevlə bağlı təkrar araşdırma aparılıb, onun şəhidlik statusunun ləğv edilməli olduğu qənaətinə gəlinib.
İnzibati orqanın hərbçinin cinayət nəticəsində həlak olması barədə məktubundan sonra-2021-ci ilin oktyabr ayında onun şəhid statusu ləğv edilib, həmin vaxtdan ailəsinə verilən müavinətlər dayandırılıb.
İddiaçı tərəf bununla bağlı ilk olaraq Gəncə İnzibati Məhkəməsinə müraciət etsə də, məhkəmə onların iddia tələbini rədd edib. Gəncə Apellyasiya Məhkəməsinin hakimi Azər Bayramov isə həmin qərardan verilmiş şikayəti qismən təmin edib və işi yenidən baxılması üçün Gəncə İnzibati Məhkəməsinə qaytarıb.
Hakim Hüseynovun sədrliyi ilə işə yenidən baxılıb. Məhkəmə bu dəfə əvvəlki qərarını dəyişib, iddianı təmin edib. Qərara əsasən, inzibati orqanın məktubu qanunsuz hesab edilib. Bununla da Röyal Verdiyevin şəhid statusu yenidən bərpa edilib. Bundan əlavə, yeni qərara görə, 2 il ərzində dayandırılmış müavinət tam həcmdə şəhidin ailəsinə ödənilməlidir.
Qeyd edək ki, Prezident İlham Əliyevin sərəncamları ilə Röyal Verdiyev "Hərbi xidmətlərə görə", "Cəbrayılın azad olunmasına görə", "Qubadlının azad olunmasına görə", "Laçının azad olunmasına görə" medalları ilə təltif edilib.
15-11-2023, 14:40
“Baykar” şirkətindən Qəzzaya 286 milyon lirəlik yardım
Türkiyənin "Baykar" şirkətinin Qəzzaya ayırdığı 286 milyon lirəlik humanitar yardım Fövqəladə Halların İdarə Olunması Agentliyi (AFAD) və Türkiyə Diyanət Vəqfinə nağd ianə şəklində çatdırılıb.
Bu barədə "Baykar" şirkətinin sözçüsü İlker Akgüngör məlumat verib.
Bildirilib ki, fələstinlilərə göndərilməsi nəzərdə tutulan yardım paketində qida, dərman və tibbi dəstək avadanlıqları da daxil olmaqla humanitar yardım ləvazimatları olacaq.
15-11-2023, 14:33
ABŞ İsrailə hər gün sursat və raketlər göndərir
Pentaqon ictimaiyyətə açıqlama vermədən İsrailə hərbi yardımın həcmini artırıb.
Bu barədə "Bloomberg" nəşri məlumat yayıb.
Bildirilir ki, İsrailə “demək olar ki, hər gün” sursat və raketlər verilir.
Məlumata görə, Pentaqon İsrail Müdafiə Qüvvələrinin "Apaçi" hücum helikopterləri üçün lazerlə idarə olunan raketlər, həmçinin 155 mm-lik mərmilər, gecəgörmə cihazları, bunkerlərin məhv edilməsi üçün döyüş sursatları tələbini yerinə yetirib.
15-11-2023, 14:18
Rusiya xilasediciləri MDB və digər ölkələrin vətəndaşlarına kömək edir
"Rusiya Federasiyasının xilasediciləri həmişə yalnız Rusiya vətəndaşlarına deyil, həm də MDB və digər ölkələrin vətəndaşlarına kömək edirlər".
Bunu Kremlin sözçüsü Dmitri Peskov deyib.
"Bir gün öncəki söhbətində Putin Misir prezidenti ilə Fələstin-İsrail münaqişəsinin həllində vasitəçilik imkanlarını müzakirə etməyib. Qəzza zolağından vətəndaşların təxliyəsi işi davam edir, bu həm Fövqəladə Hallar Nazirliyi, həm də diplomatlar üçün asan iş deyil. Kreml Finlandiya hakimiyyətinin Rusiya ilə əvvəlki yaxşı münasibətlərdən qəsdən uzaqlaşma yolunu seçdiyinə görə dərin təəssüf hissi keçirir", - deyə o söyləyib.
Peskov Danimarkanın Rusiya nefti daşıyan tankerləri saxlamaqla bağlı mümkün planlarına cavab olaraq, beynəlxalq naviqasiya qaydalarına riayət edilməsinin zəruriliyini xatırladıb.
15-11-2023, 14:06
Ərdoğan:"Ermənistan Qarabağ savaşında dərsini aldı"
"Ermənistan Qarabağ savaşında dərsini aldı".
Bunu ölkə prezidenti Rəcəb Tayyib Ərdoğan parlamentdəki çıxışı zamanı deyib.
"Ermənistan dərsini aldı, yerinə oturduldu", - deyə o əlavə edib.
Ərdoğan daha sonra İsraili tənqid edib.
15-11-2023, 13:52
2024-cü il Avropa çempionatının rəsmi topu təqdim olundu
Futbol üzrə 2024-cü il Avropa çempionatının rəsmi topu təqdim olunub.
Qitə çempionatının oyunları zamanı istifadə ediləcək top “Fussballliebe” adlanır.
Alman dilindən tərcümədə "Futbol sevgisi" mənasını verən top hərəkətin hər bir elementi ilə bağlı məlumat verən və hakimlərin qərarvermə prosesini asanlaşdıran “Connected Ball” texnologiyası ilə təchiz olunub. Top maksimum sürətli və dəqiq oyuna imkan verir.
“Fussballliebe”nin dizaynı topun hərəkətini və oyunun enerjisini əks etdirir. Qırmızı, mavi, yaşıl və narıncı rənglərin istifadəsi həm iştirakçı ölkələrin turnirə gətirdiyi canlılığı, həm də bütün dünyada azarkeşlərin böyük sevgisini qazanan futbolun sadəliyini göstərir.
Qeyd edək ki, Avropa çempionatı 2024-cü il iyunun 14-dən iyulun 14-dək Almaniyada keçiriləcək. Qitə birinciliyində 24 komanda mübarizə aparacaq.
15-11-2023, 13:49
Erməni deputat: “KTMT-nin iclasına getmirik, lap yaxşı edirik”
“KTMT-nin iclasına getmirik, lap yaxşı edirik”.
Bunu parlamentin hakim "Mülki müqavilə" partiyasından olan deputatl Qaqik Melkonyan deyib.
"Bu, Ermənistanın KTMT-dən çıxması deməkdirmi" sualına Melkonyan belə cavab verib: “Yox, çıxmırıq”.
Xatırladaq ki, Ermənistan hökumətinin başçısı Nikol Paşinyan Belarus prezidenti Aleksandr Lukaşenko ilə söhbətində KTMT-nin Kollektiv Təhlükəsizlik Şurasının iclasında iştirak etməyəcəyini bildirib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!