26-12-2023, 15:17
İlham Əliyev Belarus Prezidentiylə görüşdü - FOTO
Dekabrın 26-da Rusiyanın Sankt-Peterburq şəhərində Azərbaycan Respublikasının Prezidenti İlham Əliyevin Belarus Respublikasının Prezidenti Aleksandr Lukaşenko ilə görüşü olub.
Görüşdə Azərbaycan ilə Belarus arasında ikitərəfli dostluq münasibətlərinin müxtəlif sahələrdə uğurlu inkişafı bir daha məmnunluqla qeyd edildi, əməkdaşlığımızın daha da genişləndirilməsi üçün yaxşı potensialın mövcud olduğu bildirildi. Yüksək səviyyəli görüşlərin və təmasların əlaqələrimizin möhkəmləndirilməsi işinə töhfə verdiyi vurğulandı.
Dövlət başçıları əlaqələrimizin bundan sonra da möhkəmlənəcəyinə əminliklərini ifadə edərək gələcək təmaslar və əməkdaşlığımızın perspektivləri barədə fikir mübadiləsi apardılar.
26-12-2023, 14:26
İranda APA-ya giriş məhdudlaşdırıldı
İran İslam Respublikası ərazisində Azəri-Press Agentliyinin (APA) web səhifəsinə giriş məhdudlaşdırılıb.
Məlumatı agentliyin özü yayıb.
Maraqlıdır ki, İran dövlət qurumları tərəfindən bu addım APA-nın fars dili redaksiyası yaranandan sonra atılıb.
“APA Media Qrup” şirkətinə daxil olan APA Agentliyinin saytına girişin məhdudlaşdırılmasına etirazını ifadə edib.
Şirkət bununla bağlı İranın Azərbaycandakı səfirliyinə və İran İslam Respublikasının İnformasiya, Kəşfiyyat və Təhlükəsizlik Nazirliyinə müraciət edəcək.
26-12-2023, 13:53
Ağdamda mina partladı: ANAMA əməkdaşı xəsarət aldı
Dekabrın 26-da işğaldan azad edilmiş Ağdam rayonunun Sarıcalı kəndi ərazisində Azərbaycan Respublikası Minatəmizləmə Agentliyinin (ANAMA) əməkdaşı 1982-ci il təvəllüdlü Mahmudov Zaur Eldar oğlu xidməti vəzifəsini yerinə yetirərkən piyada əleyhinə mina partlayışı baş verib.
Bu barədə ANAMA-nın Mətbuat Xidmətindən məlumat verilib.
Məlumata görə, xəsarət alan şəxs hadisə yerindən təxliyyə edilərək, rayon xəstəxanasına çatdırılır. Vəziyyəti qənaətbəxşdir.
26-12-2023, 13:11
İlham Əliyev Sankt-Peterburq səfərə getdi - FOTO
Azərbaycan Respublikasının Prezidenti İlham Əliyev Rusiya Federasiyasının Prezidenti Vladimir Putinin dəvəti ilə MDB dövlət başçılarının qeyri-rəsmi görüşündə iştirak etmək üçün dekabrın 26-da Sankt-Peterburq şəhərinə işgüzar səfərə gedib.
Sankt-Peterburq şəhərinin “Pulkovo-1” hava limanında dövlətimizin başçısını Sankt-Peterburq şəhərinin qubernatoru Aleksandr Beqlov və digər rəsmi şəxslər qarşılayıblar.
25-12-2023, 23:46
XİN Başçısı sülh haqqında danışdı - VİDEO
“44 günlük Vətən müharibəsi dövründən - 2020-ci ilin oktyabr ayından bu günə kimi Birləşmiş Millətlər Təşkilatının (BMT) Təhlükəsizlik Şurasında Azərbaycana qarşı yeddi sənədin qəbul edilməsi çağırışları olub. Təkcə bu il üç belə cəhd olub”.
Bunu Azərbaycanın xarici işlər naziri Ceyhun Bayramov “AzTV”də yayımlanan “Əsas Məsələ” verilişinə müsahibəsində bildirib.
O qeyd edib ki, BMT-nin Təhlükəsizlik Şurasında irəli sürülən təşəbbüslər və çağırışlar Azərbaycanı beynəlxalq səviyyədə tanınan ərazisində süverenliyini bərpa etməsi üçün keçirdiyi antiterror əməliyyatlarına mane olmaq cəhdləri idi.
Nazir onu da bildirib ki, bu ilin 19-20 sentyabr 2023-cü il tarixində keçirilən antiterror əməliyyatını zəruri edən hallar var idi:
“Ermənistan və üçüncü tərəflərin Qarabağda qalmış qanunsuz silahlı birləşmələri gücləndirmək və Azərbaycanın ərazi bütövlüyünü təhlükə altına qoymaq cəhdləri var idi”.
Həmin müsahibəni təqdim edirik:
[media=https://youtu.be/XUrfUtkZPVI]
25-12-2023, 23:11
SEPAH zabiti Suriyada öldü
İran İslam İnqilabı Keşikçiləri Korpusunun (SEPAH) hərbi müşaviri Razi Musəvi Suriyada ölüb.
O, İsrailin zərbələri nəticəsində həyatını itirib.
Məlumata görə, Musəvi İsrail silahlı qüvvələrinin Dəməşqin ətrafına zərbələr endirməsi zamanı ölümcül yaralanıb.
Qeyd edək ki, Suriya paytaxtı ətrafındakı Seyidə Zeynəb bölgəsində partlayış baş verib.
25-12-2023, 22:58
Qəzza zolağında ölənlərin sayı 20 mini keçdi
Oktyabrın 7-də Fələstin-İsrail münaqişəsinin yeni mərhələsi başlayandan bəri Qəzza zolağında ölənlərin sayı 20 min 674 nəfərə çatıb.
Bu barədə Fələstin Səhiyyə Nazirliyi öz teleqram kanalında məlumat yayıb.
Məlumata görə, daha 54 min 536 nəfər xəsarət alıb.
25-12-2023, 22:21
Fransa öz ölkəsində heç nəyi həll edə bilmir - Lukaşenko
Avropada Fransa nəsə etməyə çalışır.
Bunu Belarus Prezidenti Aleksandr Lukaşenko Sankt-Peterburqda keçirilən Avrasiya İttifaqı Ali İqtisadi Şurasının iclasından sonra jurnalistlərə müsahibəsində deyib.
"Onlara kim kömək edəcək? Fransada nələrin baş verdiyini görürsünüz. Öz ölkələrində heç nəyi həll edə bilmirlər. Ermənilər də bunu görürlər", - deyə o bildirib.
25-12-2023, 22:16
Prezident yeni illə bağlı paylaşım etdi
Azərbaycan Respublikasının Prezidenti İlham Əliyev “2024 - Yaşıl dünya naminə həmrəylik ili” ilə əlaqədar sosial şəbəkə hesablarında paylaşım edib.
Butov.az həmin paylaşımı təqdim edir.
25-12-2023, 21:33
Putin Lukaşenkodan yumurta istədi
Rusiya Prezidenti Vladimir Putin Avrasiya İqtisadi Birliyinin iclası zamanı belaruslu həmkarı Aleksandr Lukaşenkodan ölkəsinə yumurta tədarük etməsini istəyib.
O, Lukaşenkodan zarafatla xəsis olmamağı xahiş edib.
Lukaşenkonun sözlərinə görə, Belarus, demək olar ki, 100% öz istehsalı olan məhsullarla - taxıl, donuz əti, quş əti, süd, tərəvəz, bitki yağları ilə təmin olunub. O, toyuq yumurtasına xüsusi diqqət yetirib.
“Bizə bir az ver! Xəsislik etməyin”, - deyə Putin gülümsəyərək cavab verib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!