Xəbərlərin siyahısı: 26.12.2023

26-12-2023, 23:24

Ukraynalı pilotlar F-16 qırıcılarının uçuş hazırlığı kursunu bitirdi

Ukrayna Silahlı Qüvvələrinin ilk pilotları Böyük Britaniyada F-16 qırıcılarının əsas uçuş hazırlığı kursunu bitirib.
Bu barədə Birləşmiş Krallığın Müdafiə Nazirliyi məlumat yayıb.
Məlumata görə, ukraynalı hərbçilərdən təşkil olunan altı nəfərlik pilotlar qrupu F-16 qırıcılarında uçuş bacarıqları üzrə kursu bitirərək Danimarkada təlim uçuşlarına başlayıb. On nəfərdən ibarət digər qrup isə Böyük Britaniyada təlimlərini davam etdirir.
Qeyd edək ki, Ukrayna uzun müddətdir Qərb müttəfiqlərindən F-16 qırıcı təyyarələrinin tədarükünü gözləyir. Avqustun sonunda Niderland 42 ədəd, Danimarka isə 19 ədəd F-16 qırıcısını Kiyevə verməyə hazır olduqlarını bildirib.

Ukraynalı pilotlar F-16 qırıcılarının uçuş hazırlığı kursunu bitirdi

26-12-2023, 22:46

İlham Əliyev və Paşinyan sülh gündəmindəki məsələləri müzakirə etdi

Azərbaycan Prezidenti İlham Əliyev və Ermənistan Baş naziri Nikol Paşinyan MDB dövlət başçılarının qeyri-rəsmi sammitində bir araya gəlib.
Ermənistan hökuməti tərəflər arasında təmasların olduğunu açıqlayıb.
Liderlər ayaqüstü söhbət zamanı sülh gündəmindəki məsələləri müzakirə ediblər.
Qeyd edək ki, görüş qeyri-rəsmi formatda baş tutub.

İlham Əliyev və Paşinyan sülh gündəmindəki məsələləri müzakirə etdi

26-12-2023, 22:28

Prezident MDB dövlət başçılarının birgə naharında iştirak etdi

Dekabrın 26-da Rusiyanın Sankt-Peterburq şəhərində MDB dövlət başçılarının birgə naharı olub.
Azərbaycan Respublikasının Prezidenti İlham Əliyev tədbirdə iştirak edib.

Prezident MDB dövlət başçılarının birgə naharında iştirak etdi

26-12-2023, 22:07

Minaya düşən ANAMA əməkdaşının fotosu yayıldı

Xəbər verdiyimiz kimi, bu gün Ağdam rayonunda Azərbayca Ərazilərinin Minalardan Təmizlənməsi üzrə Milli Agentliyin (ANAMA) əməkdaşı Zaur Mahmudov minaya düşüb.
O, Gəncə şəhərində yerləşən özəl xəstəxanalardan birinə gətirilib.
Z.Mahmudovun yaxını Mahmud Mahmudovun sözlərinə görə, yaralanan şəxs Bakı şəhərinə aparılacaq. İlkin məlumata görə, ANAMA əməkdaşının sol ayağının daban nahiyəsində problem var. Ümumilikdə isə huşu yerindədir və yaxınları ilə danışır.
Qeyd edək ki, Zaur Mahmudov Qazax rayonundadır və üç ildən artıqdır ANAMA-da çalışır.

Minaya düşən ANAMA əməkdaşının fotosu yayıldı

26-12-2023, 21:53

Abdullahian Ermənistana səfərə gedir

İranın xarici işlər naziri Hüseyn Əmir Abdullahian Ermənistana səfər edəcək.
Səfər sabah baş tutacaq.
Ermənistan və İran xarici işlər nazirlərinin görüşü planlaşdırılır.
Görüşdən sonra nazirlərin birgə mətbuat konfransı keçiriləcək.
Qeyd edək ki, Abdullahian bu gün azərbaycanlı həmkarı Ceyhun Bayramovla telefon danışığı aparıb.

Abdullahian Ermənistana səfərə gedir

26-12-2023, 21:11

Mina qurbanlarının sayı artmaqda davam edir - Hikmət Hacıyev

Azərbaycanda mina qurbanlarının sayı artmaqda davam edir.
Bunu Azərbaycan Prezidentinin köməkçisi, Prezident Administrasiyasının xarici siyasət şöbəsinin müdiri Hikmət Hacıyevin “X” sosial şəbəkəsindəki səhifəsindəki paylaşımda qeyd edib.
Prezidentin köməkçisi bu gün işğaldan azad edilmiş Ağdam rayonunun Sarıcalı kəndi ərazisində baş verən mina partlayışına diqqət çəkib.
Paylaşımda mina qurbanlarının statistikasını əks etdirən infoqrafika da verilib.
İnfoqrafikada qeyd olunub ki, İkinci Qarabağ müharibəsi başa çatdıqdan sonra Azərbaycanın 341 vətəndaşı mina qurbanı olub.
Göstərilən müddət ərzində mina partlamalarından 65 nəfər ölüb, 276 nəfər isə yaralanıb.
2020-ci il noyabrın 10-dan 2023-cü il dekabrın 6-dək Azərbaycanda minalardan 50 mülki şəxs və 15 hərbçi həlak olub. Eyni zamanda 112 mülki şəxs və 164 hərbçi yaralanıb.

Mina qurbanlarının sayı artmaqda davam edir - Hikmət Hacıyev

26-12-2023, 20:52

İlkin Süleymanovun növbəti məhkəmə prosesi keçirildi

Tovuz rayonunun Dondar Quşçu kənd sakini, 10 yaşlı Nərmin Quliyevanın qətlində ittiham olunan İlkin Süleymanovun apellyasiya şikayəti üzrə növbəti məhkəmə prosesi keçirilib.
Məhkəmədə İlkin Süleymanovun vəkilləri çıxış edərək İlkin Süleymanova oxunan hökmün qərəzli olduğunu, bir daha həmin hökmün dəyişdirilməsini istəyiblər.
Növbəti məhkəmə prosesi yanvarın 16-na təyin olunub.
Qeyd edək ki, Tovuz rayonunun Dondar Quşçu kənd sakini N.Quliyeva 2019-cu il noyabrın 21-də itkin düşüb, onun meyiti 2020-ci il yanvarın altısında yandırılmış halda tapılıb. 2020-ci il yanvarın 10-da isə hadisəni törətməkdə şübhəli bilinən Dondar Quşçu kənd sakini, 1973-cü il təvəllüdlü İ.Süleymanov saxlanılaraq istintaqa cəlb edilib.
Ona Cinayət Məcəlləsinin 120.2.4 (xüsusi amansızlıqla qəsdən adam öldürmə), 120.2.9 (təqsirkar şəxs üçün aşkar surətdə köməksiz vəziyyətdə olan adamı qəsdən öldürmə), 144.3 (adam oğurluğu) və başqa maddələrində nəzərdə tutulan ittiham elan olunub. İlkin Süleymanov məhkəmənin qərarı ilə 18 il müddətinə azadlıqdan məhrum edilib.

İlkin Süleymanovun növbəti məhkəmə prosesi keçirildi

26-12-2023, 20:06

XİN Başçısı iranlı həmkarıyla telefon danışığı apardı

Bu gün Azərbaycanın xarici işlər naziri Ceyhun Bayramov və İran İslam Respublikasının xarici işlər naziri Hüseyn Əmir-Abdullahian arasında telefon danışığı baş tutub.
Bu barədə Azərbaycan Xarici İşlər Nazirliyindən (XİN) bildirilib.
Qeyd edilib ki, telefon danışığı zamanı Azərbaycan və İran arasında ikitərəfli və çoxtərəfli əməkdaşlıq gündəliyində duran məsələlər, habelə regionda mövcud vəziyyət, Azərbaycan-Ermənistan arasında normallaşma prosesinin perspektivləri ətrafında fikir mübadiləsi aparılıb.
Telefon danışığında, həmçinin qarşılıqlı maraq doğuran regional əməkdaşlıq məsələləri müzakirə olunub.

XİN Başçısı iranlı həmkarıyla telefon danışığı apardı

26-12-2023, 19:52

MDB dövlət başçılarının qeyri-rəsmi sammiti başlayıb

Sankt-Peterburqda MDB dövlət başçılarının qeyri-rəsmi sammiti başlayıb.
Prezident İlham Əliyev tədbirdə iştirak edir.

MDB dövlət başçılarının qeyri-rəsmi sammiti başlayıb

26-12-2023, 19:33

Ermənistan və
Azərbaycan sülh müqaviləsini imzalamağa hazırdılar - Peskov

Ermənistan və Azərbaycan liderləri - Nikol Paşinyan və İlham Əliyev sülh danışıqlarını yekunlaşdırmağa və sülh müqaviləsini imzalamağa hazır olduqlarını bəyan ediblər.
Bunu Rusiya prezidentinin mətbuat katibi Dmitri Peskov Birinci Kanala müsahibəsində bildirib.
"Müharibə edən tərəflər nədir? Onlar sülh danışıqlarını yekunlaşdırmağa, vahid sənədə, sülh müqaviləsinə nail olmağa tam hazır olduqlarını bildirirlər, heç bir risk yoxdur", - Peskov bildirib.
Qeyd edək ki, Azərbaycan və Ermənistan liderləri MDB liderlərinin qeyri-rəsmi sammitində iştirak etmək üçün Rusiyaya səfər ediblər.

Ermənistan və Azərbaycan sülh müqaviləsini imzalamağa hazırdılar - Peskov