Slovakiya heç vaxt Ukraynaya qoşun göndərilməsinə razılıq verməyəcək .....                        Xocalıda olmağımız tarixi ədalətin tam bərpası deməkdir - Prezident .....                        Ermənistan Azərbaycana qarşı ərazi iddialarından əl çəkməlidir - Prezident .....                        Xocalısız ərazi bütövlüyümüzün tam bərpa olunduğunu hesab edə bilməzdik .....                        Günahsız Xocalı qurbanlarının qisasını döyüş meydanında aldıq .....                        Gələn il Ağdama ilk köç başlanacaq - İlham Əliyev .....                        Azərbaycan Ordusu həm peşəkardır, həm vətənpərvərdir - Prezident .....                        Xaçaturyan İraqda rəsmi səfərdədir .....                        AzTV-nin kollektivi "Ana harayı" abidəsini ziyarət etdi .....                       
8-12-2023, 23:48
BMT-nin baş katibi Bakıyla İrəvanın birgə bəyanatına reaksiya verdi


BMT-nin baş katibi Bakıyla İrəvanın birgə bəyanatına reaksiya verdi

BMT-nin baş katibi Antonio Quterreş Azərbaycan və Ermənistanın münasibətləri normallaşdırmaq niyyəti barədə birgə bəyanatını alqışlayır və bunun uzunmüddətli sülhün təmin olunmasına xidmət edəcəyinə ümid bəsləyir.
Bunu BMT rəhbərinin rəsmi nümayəndəsi Stefan Düjarrik keçirdiyi brifinqdə deyib.
“Baş katib Ermənistan və Azərbaycanın birgə bəyanatını alqışlayır”, - deyə o bildirib.
“BMT tərəfləri bu sazişdən qarşılıqlı etimadı inkişaf etdirmək, xalqlarının və regionun rifahı naminə uzunmüddətli sülhü təmin etmək üçün istifadə etməyə təşviq edir”- Düjarrik qeyd edib.
8-12-2023, 23:07
Ermənistan müxalifəti sülh müqaviləsiylə tanış oldu


Ermənistan müxalifəti sülh müqaviləsiylə tanış oldu

Ermənistan müxalifəti ölkənin Xarici İşlər Nazirliyində Azərbaycanla sülh müqaviləsi ilə tanış olublar.
Bu barədə Ermənistan parlamentinin müxalif deputatı Qeqam Manukyan məlumat yayıb.
O, “sülh müqaviləsi” ilə bağlı son təklifləri təhlükəli hesab etdiyini bildirib.
"Bu, əvvəllər haqqında danışdığımız bütün qorxuları gücləndirdi", - Manukyan qeyd edib.
8-12-2023, 22:10
Azərbaycanda zəlzələ baş verdi


Azərbaycanda zəlzələ baş verdi

Bu gün yerli vaxtla saat 21:00-da Astara stansiyasından 45 km cənub-şərqdə, Xəzər dənizində maqnitudası 3.1 olan zəlzələ qeydə alınıb.
Bu barədə Azərbaycan Milli Elmlər Akademiyası nəzdində Respublika Seysmoloji Xidmət Mərkəzi məlumat yayıb.
Zəlzələ ocağının dərinliyi 11 km olub. Zəlzələ hiss olunmayıb.
8-12-2023, 21:46
“Qarabağ” böyükhesablı qələbə ilə rəqibini darmadağın etdi


“Qarabağ” böyükhesablı qələbə ilə rəqibini darmadağın etdi

Azərbaycan Premyer Liqasında XVI tura start verilib.
Açılış oyunu Sumqayıtda keçirilib.
Şəhərin eyniadlı komandası “Qarabağ”ı qəbul edib. Görüş son çempionun böyükhesablı qələbəsi ilə yekunlaşıb – 6:1.
Qarşılaşmada hesabı 21-ci dəqiqədə Leandro Andrade açıb. 29-cu dəqiqədə çempionatın bombardiri Juninyo Olavio qol sayını artırıb. Cəmi 4 dəqiqə sonra bu dəfə Abdullah Zubir adını tabloya yazdırıb. İlk hissədə 3 dəfə mərkəzə dəvət edilən “gənclik şəhəri” təmsilçisi fasilə ərəfəsində Erik Sorqanın (43-cü dəqiqə) qolu sayəsində fərqi azaldıb.
Buna baxmayaraq, “Qarabağ” ikinci hissədə də üstünlüyünü davam etdirib. 58-ci dəqiqədə Yassin Benzia baxımlı qola imza atıb. 73-cü dəqiqədə Andrade dublunu rəsmiləşdirib. Matçda son nöqtəni isə 86-cı dəqiqədə Hamidu Keyta qoyub.
“Sumqayıt”ı səfərdə darmadağın edərək xallarının sayını 35-ə çatdıran “Qarabağ” liderliyini bir qədər də möhkəmlədib. “Kimyaçılar” isə 23 xalla üçüncü pillədə qalıb.
Qeyd edək ki, turun digər oyunları dekabrın 9-10-da keçiriləcək.
8-12-2023, 20:15
Deputatlar Türkiyəyə səfər edəcəklər


Deputatlar Türkiyəyə səfər edəcəklər

Milli Məclisin Səhiyyə komitəsinin sədri, Türkiyə ilə parlamentlərarası əlaqələr üzrə işçi qrupunun rəhbəri Əhliman Əmiraslanov, qrupun üzvləri Məlahət İbrahimqızı, Fəzail Ağamalı, Əziz Ələkbərov, Nizami Cəfərov, Naqif Həmzəyev, Cavanşir Feyziyev, Anar İsgəndərov və deputat Ramin Məmmədov dekabrın 11-də Türkiyənin Ankara şəhərinə səfər edəcəklər.
Bu barədə Milli Məclisin Mətbuat və ictimaiyyətlə əlaqələr şöbəsindən məlumat verilib.
Bildirilib ki, Türkiyə Böyük Millət Məclisinin Azərbaycanla parlamentlərarası əlaqələr üzrə dostluq qrupunun rəhbəri Şamil Ayrımın dəvəti əsasında baş tutacaq səfər çərçivəsində deputatlar öz həmkarları ilə bir sıra görüşlər keçirəcək, parlamentlərarası əlaqələrin genişləndirilməsi ilə bağlı fikir mübadiləsi aparacaqlar.
Səfər dekabrın 15-də başa çatacaq.
8-12-2023, 19:47
ATƏT PA prezidenti Azərbaycan və Ermənistanın birgə bəyanatı alqışlayır


ATƏT PA prezidenti Azərbaycan və Ermənistanın birgə bəyanatı alqışlayır

ATƏT Parlament Assambleyasının prezidenti Pia Kauma (Finlandiya) və ATƏT PA-nın Cənubi Qafqaz üzrə xüsusi nümayəndəsi Kari Henriksen (Norveç) Azərbaycan və Ermənistanın dünən yaydığı birgə bəyanatı səmimiyyətlə alqışlayırlar.
Bu barədə təşkilatın saytında məlumat yerləşdirilib.
“Mən Ermənistan Respublikası və Azərbaycan Respublikası liderlərinin iki ölkə arasında etimadın yaradılması üçün atdıqları bu qətiyyətli addımları yüksək qiymətləndirirəm. Xüsusilə, humanizm və xoşməramlılıq dəyərlərinə əsaslanan hər iki tərəfdən hərbi qulluqçuların azad edilməsi gələcək əməkdaşlıq üçün müsbət presedent yaradır. Ümid edirəm ki, bu, gələcək təşəbbüslər üçün ilham mənbəyi olacaq”, - Kauma bildirib.
“Bu birgə bəyanat və onunla bağlı praktiki addımlar sülhə birgə sadiqliyi nümayiş etdirir. Bu, Cənubi Qafqazda bütün insanlar üçün davamlı sülh və təhlükəsizliyə doğru tarixi keçidi qeyd edə bilər”, - deyə xüsusi nümayəndə Henriksen qeyd edib.
Qeyd edək ki, dekabrın 7-də Azərbaycan Respublikası Prezidentinin Administrasiyası və Ermənistan Respublikası Baş nazirinin Aparatı birgə açıqlama yayaraq, bir sıra razılıqların əldə olunmasını elan ediblər. Belə ki, Azərbaycan 32 erməni hərbçini azad edir, Ermənistan öz növbəsində 2 azərbaycanlı hərbçini azad edir. Bundan başqa Ermənistan BMT-nin İqlim Dəyişmələri üzrə Çərçivə Konvensiyasına Tərəf Dövlətlərin 29-cu Konfransına (COP29) ev sahibliyinə öz namizədliyini geri götürərək, Azərbaycanın namizədliyini dəstəkləyir. Azərbaycan isə Ermənistanın Şərqi Avropa Qrupundan COP-un Büro üzvlüyünə namizədliyini dəstəkləyir.
8-12-2023, 19:30
Milli Məclisin sədri Avropa Şurasının Baş katibiylə görüşdü


Milli Məclisin sədri Avropa Şurasının Baş katibiylə görüşdü

Milli Məclisin sədri Sahibə Qafarova dekabrın 8-də Avropa Şurasının Baş katibi Mariya Peyçinoviç Buriçin başçılıq etdiyi nümayəndə heyətini qəbul edib.
Bu barədə parlamentin Mətbuat və ictimaiyyətlə əlaqələr şöbəsindən məlumat verilib.
Görüşdə Azərbaycanla Avropa Şurası (AŞ) arasında mövcud əməkdaşlığa dair fikir mübadiləsi aparılıb. Milli Məclisin sədri Azərbaycanın Avropa Şurası ilə əməkdaşlığı çərçivəsində görülmüş işləri, həyata keçirilmiş birgə proqramları qeyd edib, 2022-2025-ci illəri əhatə edən yeni Fəaliyyət Planının əlaqələrin dərinləşməsində mühüm vasitə kimi qiymətləndirib. Mariya Peyçinoviç Buriç Azərbaycanın Avropa Şurasının dəyərli üzvü olduğunu vurğulayıb. O, Azərbaycan parlament nümayəndə heyətinin Avropa Şurası Parlament Assambleyasında fəal iştirakını qeyd edib. O, ölkəmizin bir sıra mühüm Konvensiyalara qoşulduğunu deyərək, bu məsələdə parlamentin mühüm rolu olduğunu bildirib.
Görüşdə Milli Məclisin sədri Sahibə Qafarova regionda gedən proseslər barədə ətraflı məlumat verib. Parlamentin spikeri işğaldan azad edilmiş ərazilərimizin bərpası və yenidən qurulması istiqamətində görülmüş işlər, Azərbaycanın Ermənistanla münasibətlərin normallaşması və sülh müqaviləsinin imzalanması üzrə təşəbbüsləri haqda danışıb. Həmçinin qonaq cari ilin sentyabr ayında Qarabağ bölgəsində aparılmış lokal antiterror tədbirlərinin səbəbləri, mahiyyəti və nəticələri barədə məlumatlandırılıb. Bu tədbirlərin beynəlxalq hüquqa uyğun şəkildə həyata keçirildiyi, mülki əhaliyə qarşı heç bir zorakılıq faktının qeydə alınmadığı, Azərbaycan öz suverenliyi bərpa etdiyi ifadə edilib.
Milli Məclisin sədri qeyd edib ki, bu gün artıq Azərbaycanla Ermənistan arasında sülh sazişinin imzalanmasına heç bir maneə yoxdur. Bu mənada, Azərbaycan Respublikası Prezidentinin Administrasiyası və Ermənistan Respublikası Baş nazirinin Aparatı arasında qəbul olunmuş birgə bəyanat qarşılıqlı sülh gündəliyinin irəli aparılması üçün mühüm addım kimi qiymətləndirilib. Hər iki ölkənin yaxın gələcəkdə əlavə etimad tədbirlərinin həyata keçirilməsi üçün müzakirələri davam etdirməyə razılığını ifadə etməsi və tərəflərin beynəlxalq ictimaiyyəti bu səyləri dəstəkləməyə çağırması bəyanatın mühüm cəhəti kimi səciyyələndirilib.
Bu kontekstdə, Avropa Şurasının Azərbaycan və Ermənistan arasında etimad quruculuğu proseslərinə töhfə verə biləcək platforma rolunu oynamaq imkanlarına toxunulub. Milli Məclisin sədri mövcud reallıqları təhrif edən, iki ölkə arasında normallaşma prosesini zədələyən, sülh sazişinin tezliklə imzalanması perspektivlərinə xələl gətirən addımlara yol verilməməsini zəruri hesab edib.
Söhbət zamanı AŞ-nin Baş katib regionda davamlı sülhün təmin edilməsi istiqamətində ölkəmizin atdığı addımları təqdir etdiklərini bildirib. Maria Peyçinoviç Buriç, Azərbaycan ilə Ermənistan arasında etimad quruculuğu proseslərinə Avropa Şurasının töhfə verməyə hazır olduğunu vurğulayıb.
Qarşılıqlı maraq doğuran digər məsələlərin də müzakirə olunduğu görüşdə Milli Məclisin Beynəlxalq münasibətlər və parlamentlərarası əlaqələr komitəsinin sədri, AŞPA-da nümayəndə heyətinin rəhbəri Səməd Seyidov, Azərbaycanın AŞ yanında daimi nümayəndəsi səfir Fəxrəddin İsmayılov, AŞ-nin Bakı ofisinin rəhbəri səfir Petr Zix və digər rəsmi şəxslər iştirak edib.
8-12-2023, 19:15
Ukrayna Qafqazda normallaşma prosesini dəstəkləyir - XİN


Ukrayna Qafqazda normallaşma prosesini dəstəkləyir - XİN

Azərbaycan və Ermənistanın münasibətlərin normallaşması istiqamətində səylərini dəstəkləyirik.
Bu barədə Ukrayna Xarici İşlər Nazirliyi “X” hesabında paylaşım edib.
“Biz beynəlxalq səviyyədə tanınmış sərhədlər daxilində onların suverenliyinə və ərazi bütövlüyünə sadiqik. Ukrayna Azərbaycan və Ermənistan arasında münaqişənin dinc və diplomatik yollarla yekun həllini dəstəkləyir”, - deyə Ukrayna XİN yazıb.
8-12-2023, 19:15
Ukrayna Qafqazda normallaşma prosesini dəstəkləyir - XİN


Ukrayna Qafqazda normallaşma prosesini dəstəkləyir - XİN

Azərbaycan və Ermənistanın münasibətlərin normallaşması istiqamətində səylərini dəstəkləyirik.
Bu barədə Ukrayna Xarici İşlər Nazirliyi “X” hesabında paylaşım edib.
“Biz beynəlxalq səviyyədə tanınmış sərhədlər daxilində onların suverenliyinə və ərazi bütövlüyünə sadiqik. Ukrayna Azərbaycan və Ermənistan arasında münaqişənin dinc və diplomatik yollarla yekun həllini dəstəkləyir”, - deyə Ukrayna XİN yazıb.
8-12-2023, 18:50
Sabiq səfir vəfat etdi


Sabiq səfir vəfat etdi

Azərbaycanın Çindəki sabiq səfiri Yaşar Əliyev vəfat edib.
Yaşar Əliyev 75 yaşında dünyasını dəyişib.
Milli Məclisin keçmiş sədr müavini Yaşar Əliyev iki çağırış deputat olub. O, daha sonra 10 il Azərbaycanın Çindəki səfiri postunda çalışıb.
2011-ci il avqustun 16-da Prezident İlham Əliyevin sərəncamı ilə Azərbaycanın Çin Xalq Respublikasındakı səfiri vəzifəsindən geri çağırılıb.
Qeyd edək ki, Yaşar Əliyev Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyevanın atası, deputat Siyavuş Novruzovun qaynatasıdır.
����������� ��������� ������ � �����-����������.
��� dle ������� ��������� ������� � �����.
���������� ���� ������ ��������� � ��� �����������.
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Dekabr 2023    »
BeÇaÇCaCŞB
 123
45678910
11121314151617
18192021222324
25262728293031
Reklam
Hava
Valyuta
Reklam

Sayğac
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Erməni tərəfdən Azərbaycan mövqeləri belə görünür... - VİDEO






Bütöv.az
Video
"Vətən Qəhrəmanları" Şəhid İlyas Nəsirov


All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!