25-12-2023, 20:20
Lukaşenko: “Düşünmürəm ki, ermənilər axmaq insanlardır”
“Ermənistan iqtisadi cəhətdən ölmək istəyirsə, biz onu itirə bilərik”.
Bunu Avrasiya İqtisadi İttifaqının Sankt-Peterburqda keçirilən qeyri-rəsmi sammitinə qatılan Belarus Prezidenti Aleksandr Lukaşenko bildirib.
“Amma düşünmürəm ki, ermənilər axmaq insanlardır” - Lukaşenko qeyd edib.
25-12-2023, 19:32
“Dövlət qulluğu haqqında” qanuna dəyişikliklə bağlı fərman imzalandı
Azərbaycan Prezidentinin xüsusi tapşırıqlar üzrə nümayəndəsinin vəzifəsi inzibati vəzifələrin birinci təsnifatına daxil edilib.
Bununla bağlı Azərbaycan Prezidenti İlham Əliyev “Dövlət qulluğu haqqında” qanuna dəyişiklik edilməsi haqqında fərman imzalayıb.
Qərar bu vəzifəni yerinə yetirən şəxslərin müvafiq təsnifat vəzifələr üzrə dövlət qulluqçularına aid hüquq və təminatlardan istifadə etmək, vəzifələri yerinə yetirmək məqsədi daşıyır.
Qanunda, həmçinin aşağıdakı dəyişikliklər nəzərdə tutulub:
- Sınaq müddəti müəyyən edilmiş şəxslər müvafiq vəzifəyə xüsusi rütbə verilmədən təyin olunur və onlar həmin müddət ərzində yalnız vəzifə maaşı alırlar;
- Növbəli işdə - gündüz, axşam və gecə növbələri üçün eyni müddətli iş vaxtı müəyyən edilir;
- Böyük, orta və kiçik xüsusi rütbələr müvafiq təqdimat əsasında müvafiq icra hakimiyyəti orqanının rəhbəri tərəfindən verilir.
25-12-2023, 19:07
Peskov Azərbaycan və Ermənistan liderlərinin görüşüylə bağlı sualı cavabladı
Xəbər verdiyimiz kimi, Ermənistan Baş naziri Nikol Paşinyan Rusiyanın Sankt-Peterburq şəhərinə səfər edib. Azərbaycan Prezidenti İlham Əliyevin də sabah səfəri gözlənilir. Hər iki lider MDB dövlət başçılarının qeyri-rəsmi sammitində iştirak edəcək.
Rusiya Prezidentinin mətbuat katibi Dmitri Peskov sammit çərçivəsində İlham Əliyev və Paşinyanın ikitərəfli görüşünün nəzərdə tutulub-tutulmadığı barədə jurnalistlərin suallarını cavablandırıb.
O bildirib ki, Azərbaycan və Ermənistan liderlərinin ayrı-ayrılıqda ikitərəfli təmasları nəzərdə tutulmayıb, lakin MDB-nin qeyri-rəsmi sammiti çərçivəsində müzakirələr baş tuta bilər.
"Ayrı-ayrı ikitərəfli görüşlər planlaşdırılmır, lakin hər kəs tədbir çərçivəsində ünsiyyət qura biləcək", - o qeyd edib.
25-12-2023, 17:02
Azərbaycanla Səudiyyə Ərəbistanı arasında aviasiya müzakirəsi
Azərbaycan və Səudiyyə Ərəbistanı nəqliyyat, xüsusilə aviasiya və innovasiyalar sahələrində əməkdaşlıq imkanlarını müzakirə edib.
Bu barədə Azərbaycanın rəqəmsal inkişaf və nəqliyyat naziri Rəşad Nəbiyev Səudiyyə Ərəbistanının ölkəmizdəki səfiri İssam bin Saleh əl-Cuteyli ilə görüşü barədə özünün "X" hesabında yazıb.
"Səudiyyə Ərəbistanının ölkəmizdəki fövqəladə və səlahiyyətli səfiri İssam bin Saleh əl-Cuteyli ilə görüşdük. İki ölkə arasında nəqliyyat, xüsusilə aviasiya və innovasiyalar sahələrində əməkdaşlıq imkanlarını müzakirə etdik", - deyə nazir əlavə edib.
25-12-2023, 16:44
Müxalif siyasətçi tapıldı
Rusiyada həbsdə olan müxalif siyasətçi, bir müddətdir yaxınlarının əlaqə qura bilmədiyi Aleksey Navalnı tapılıb.
Siyasətçinin komandası bu barədə məlumat yayıb.
Belə ki, Aleksey Navalnı Rusiyanın Yamal-Nen Muxtar Dairəsinin Xarp kəndindəki 3 saylı islah koloniyasında saxlanılırmış.
Qeyd edək ki, Navalnı ardıcıl olaraq videobağlantı vasitəsilə məhkəməyə qoşula bilməyib. Onun tərəfdaşları uzun müddət siyasətçinin harada olduğunu bilməyiblər. Həbsxana işçiləri Aleksey Navalnının iclaslarda iştirak etməməsini “qəza və elektrik enerjisinin olmaması” ilə izah ediblər. Bundan başqa, vəkilin siyasətçi ilə görüşünə icazə verilməyib.
25-12-2023, 16:10
Özbəkistan Prezidenti də Rusiyaya getdi
Özbəkistan prezidenti Şavkat Mirziyoyev də Rusiyaya gedib.
Şavkat Mirziyoyev Müstəqil Dövlətlər Birliyinə üzv ölkələrin dövlət başçılarının qeyri-rəsmi sammitində iştirak etmək üçün Sankt-Peterburqa işgüzar səfərə gedib.
Qeyd edək ki, Belarus, Ermənistan, Qazaxıstan liderləri artıq Sankt-Peterburqdadır. Sabah Azərbaycanın dövlət başçısı İlham Əliyevin də Rusiyaya səfəri gözlənilir.
25-12-2023, 16:01
Peskov Putin-Paşinyan görüşündən danışdı
"Putin dekabrın 25-də Sankt-Peterburqda Şimal Gəmiqayırma Zavoduna səfəri zamanı Şoyqu ilə ayrıca görüş keçirəcək".
Bunu Kremlin sözçüsü Dmitri Peskov deyib.
"Üçüncü tərəflərin xaricdən Belqradda iğtişaşlar törətmək cəhdləri var. Rusiya tərəfi Serbiya rəhbərliyinin ölkədə qanunun aliliyini təmin edə biləcəyinə şübhə etmir. Serbiyada baş verənlər onun daxili işidir, Rusiya Federasiyası heç vaxt belə məsələlərə qarışmır", - sözçü bildirib.
"Putin və Paşinyan Sankt-Peterburqda keçiriləcək Aİİ və MDB sammitləri çərçivəsində ünsiyyət qurmaq üçün əla fürsət əldə edəcəklər", - Peskov belə deyib.
25-12-2023, 15:35
Tokayev Putinin dəvətiylə Sankt-Peterburqdadır
Qazaxıstan prezidenti Kasım-Jomart Tokayev Rusiya prezidenti Vladimir Putinin dəvəti ilə Ali Avrasiya İqtisadi Şurasının iclasında iştirak etmək üçün Sankt-Peterburqdadır.
Bu barədə "Kazinform" agentliyi məlumat yayıb.
Aİİ ölkələrinin liderləri inteqrasiya proseslərinin gələcək inkişafı üçün əsas vəzifələri və əsas istiqamətləri müzakirə etməyi planlaşdırırlar.
MDB dövlət başçılarının qeyri-rəsmi görüşündə Qazaxıstan prezidenti də iştirak edəcək.
25-12-2023, 15:13
TƏBİB məlumat yaydı: 11-40 yaşlı əhali arasında..
Tibbi Ərazi Bölmələrini İdarəetmə Birliyinin (TƏBİB) tabeliyindəki tibb müəssisələrində 11-40 yaşlı əhali arasında qızılca əleyhinə immunizasiya tədbirlərinin aparılması üçün müvafiq təlimat hazırlanır.
Bu barədə TƏBİB məlumat yayıb.
Qeyd olunub ki, Səhiyyə Nazirliyinin Azərbaycana gətirdiyi peyvəndlərin təhvil-təslimi yekunlaşdıqdan sonra tibb müəssisələrində qeyd olunan əhali kateqoriyasından olan şəxslərin qızılcaya qarşı peyvəndlənmə prosesinə başlanılacaq.
Peyvəndlənmə prosesinin aparılma qaydaları və prosesin təşkil olunacağı ambulator-poliklinik xidmət göstərən tibb müəssisələri barədə ictimaiyyətə əlavə məlumat veriləcək.
Qeyd edək ki, 11-40 yaşlı əhali qruplarının yoluxmadan müdafiəsi üçün 1 dəfə peyvənd olunması kifayət edir və peyvəndləmə prosesi könüllülük əsasında aparılacaq.
Xatırladaq ki, Səhiyyə Nazirliyi əhalinin sağlamlığının qorunması və yoluxmaların qarşısının alınması məqsədilə vaxtında qızılcaya qarşı vaksinasiyadan kənarda qalan, heç vaxt bu xəstəliyi keçirməyən 11-40 yaşlı əhali arasında vaksinasiya tədbirlərinin aparılması üçün müvafiq vaksin preparatları ölkəyə idxal edilib. Hazırda immunizasiya tədbirlərinin təşkili üzrə işlər görülür.
25-12-2023, 15:00
Sülh müqaviləsiylə bağlı daha bir təklif paketi almışıq - Ermənistan XİN
"İrəvan sülh müqaviləsi ilə bağlı Bakıdan daha bir təklif paketi alıb".
Bu barədə Ermənistan XİN məlumat yayıb.
Qeyd edək ki, bunu daha öncə Azərbaycanın xarici işlər naziri Ceyhun Bayramov açıqlayıb. Nazir bildirib ki, rəsmi Bakı cari ilin noyabr ayının sonunda İrəvandan sülh müqaviləsi üzrə növbəti təkliflər paketini alıb:
“Bir ay ərzində tərəfimizdən işlənmiş təkliflər paketi Ermənistana təqdim olunub. Proses davam edir. Düşünürəm ki, 2024-cü ildə görüşlər keçiriləcək. Biz bu məsələyə real və nikbin baxırıq. Eyni zamanda biz sülh müqaviləsi barədə danışarkən başa düşməliyik ki, bu, hər şeyin 100 faiz həlli demək deyil. Bu, ölkələr arasında münasibətlərin inkişaf etdirilməsinin əsasını qoya bilər".
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!