3-01-2024, 23:23
ABŞ İrandakı partlayışlarda iştirak etməyib - Metyu Miller
ABŞ İrandakı partlayışlarda iştirak etməyib.
Bu barədə ABŞ Dövlət Departamentinin mətbuat xidmətinin rəhbəri Metyu Miller bildirib.
O qeyd edib ki, İrandakı partlayışlarda ABŞ və İsrailin əli yoxdur.
"Bu partlayışlara nəyin səbəb ola biləcəyini söyləmək hələ tezdir, lakin demək istəyirəm ki, ilk növbədə ABŞ bu işdə iştirak etmir. İsrailin partlayışlarda əli olduğuna inanmağa heç bir əsasımız yoxdur”, - Miller vurğulayıb.
Qeyd edək ki, İranın Kirman şəhərində SEPAH-ın Qüds qüvvələrinin keçmiş komandiri Qasım Süleymaninin dəfn olunduğu qəbiristanlığın yaxınlığında iki partlayış baş verib, hadisə nəticəsində ölənlərin sayı 103-ə çatıb. Yerli fövqəladə hallar xidməti 211 nəfərin yaralandığını bildirib. Onlardan bir çoxunun vəziyyəti ağırdır.
3-01-2024, 22:52
Ərdoğandan iranlı həmkarına başsağlığı
Türkiyə Prezidenti Rəcəb Tayyib Ərdoğan İran prezidenti İbrahim Rəisi ilə telefon danışığı aparıb.
Bu barədə TRT kanalı məlumat yayıb.
Ərdoğan Kirmanda törədilən terror aktına görə Rəisiyə başsağlığı verib.
O, dinc əhalini hədəf alan terror aktını qınayıb, Türkiyənin terrorla mübarizədə İranın yanında olduğunu bildirib, itkilərinə görə İran xalqına səbir diləyib.
İbrahim Rəisinin Türkiyəyə səfərinin sonrakı tarixə təxirə salındığı bildirilib.
3-01-2024, 22:13
İran Prezidentinin Türkiyəyə səfəri ləğv edildi
İran Prezidenti İbrahim Rəisi Türkiyəyə səfərini ləğv edib.
Bu barədə "Irna" agentliyi məlumat yayıb.
İran Prezident Aparatının siyasi məsələlər üzrə müavini Məhəmməd Cəmşidi deyib ki, Kirmanda baş verən terror aktından sonra Rəisinin Türkiyəyə səfərinin ləğv edildiyini və səfərin başqa vaxt baş tutacağını deyib.
Qeyd edək ki, İbrahim Rəisinin sabah Türkiyəyə səfəri planlaşdırılmışdı.
3-01-2024, 21:47
Fransada Natəvanın heykəlinə qarşı vandalizm aktı törədildi
Son günlər sosial şəbəkələrdə Fransanın Evian-le Bən şəhərində 2017-ci ildə ucaldılmış Xurşidbanu Natəvanın heykəlinin tezliklə götürüləcəyi ilə bağlı məlumatlar işıqlandırılır.
Natəvanın heykəlinə qarşı vandalizm aktı törədilib və üzərinə qırmızı boya atılıb.
Heykəlin mühafizəsi məqsədilə üzərinə qoruyucu örtük sarılıb.
Qeyd edək ki, Fransanın son zamanlar kəskin şəkildə güclənən antiazərbaycan siyasəti indi mədəniyyət və incəsənət sahəsinə də keçib.
Fransanın “Le Messager” nəşrinin məlumatına görə, 2023-cü il dekabrın 18-də müxalifət nümayəndələri bələdiyyə şurasından şəhərdə bu parkın adı çəkilən bütün lövhələrin rəsmən götürülməsini tələb ediblər. Şəhərin meri Jozian Leyin sözlərinə görə, artıq “Azərbaycan parkı” ilə bağlı bütün istinadlar silinib.
Bunun ardınca İsmayıllı Rayon İcra Hakimiyyəti başçısı yanında daimi məşvərətçi orqan olan Şura dekabrın 28-də İsmayıllı şəhəri ilə Evian-Le Ba şəhəri arasında imzalanmış Dostluq və Əməkdaşlıq Xartiyasının qüvvədən düşməsi ilə bağlı bəyanat yayıb. Bəyanatda İsmayıllı şəhər mərkəzi parkına Azərbaycan şairi Xurşidbanu Natəvanın adının verilməsi təklif olunur.
Çox qəribədir ki, məsələ ilə hələlik nə rəsmi Paris, nə də mədəni irsin mühafizəsinə cavabdehlik daşıyan və Frsansanın ev sahibliyini etdiyi UNESCO reaksiya verməyib.
Xatırladaq ki, 2015-ci ildə Azərbaycanın İsmayıllı şəhəri ilə dostluq və əməkdaşlıq xartiyası imzalayan Fransanın Evian-le Ba şəhərinin meriyası bu yaxınlarda mədəniyyətə düşmən münasibət bəsləyən qərar qəbul edib. 2017-ci ildə burada “Azərbaycan Parkı” açılıb. 2015-ci ildə imzalanan xartiyaya əsasən İsmayıllı şəhər mərkəzi parkında “Azərbaycan-Fransa dostluq parkı” lövhəsi də yerləşdirilib.
3-01-2024, 20:31
Terror zamanı valideynlərini itirən Sevil ailə qurur
Gəncə terrorunda valideynlərini itirən Sevil Əliyevanın toyudur.
Toy Gəncə şəhərindəki məkanlardan birində keçirilir.
Qeyd edək ki, ötən ilin dekabrında Sevil və Talış cütlüyünün nikah mərasimi olub.
Ətraflı
Sevilin ailə qurduğu gənc onu dağıntılar altından çıxaran sinif yoldaşıdır.
Xatırladaq ki, 2020-ci il oktyabrın 11-də Gəncəyə atılan raket nəticəsində hər iki valideynini itirən Sevil və 8 yaşlı qardaşı Hüseyni ana nənəsi himayəsinə götürüb. Sevil Əliyeva Azərbaycan Dövlət Aqrar Universitetinin İqtisadiyyat fakültəsində təhsil alır.
3-01-2024, 20:26
Azərbaycan XİN İrana başsağlığı verdi
Azərbaycanın Xarici İşlər Nazirliyi İrana başsağlığı verib.
Bu barədə nazirliyin "X" sosial şəbəkəsindəki hesabında paylaşım edilib.
"İranın Kirman əyalətində törədilən terror aktı nəticəsində həlak olanların ailələrinə dərin hüznlə başsağlığı verir, yaralananların tezliklə sağalmasını arzulayırıq. Azərbaycan terrorizmdən çox əziyyət çəkən ölkə kimi onun bütün forma və təzahürlərini pisləyir", - Xarici İşlər Nazirliyinin paylaşımında bildirilir.
Qeyd edək ki, partlayışlar nəticəsində ölənlərin sayı 103 nəfərə, yaralıların sayı 211-ə çatıb. Terror aktı ilə əlaqədar sabah ölkədə matəm elan edilib.
3-01-2024, 20:15
Fransadakı soydaşlarımız Natəvanın abidəsinə görə ayağa qalxdı
Fransanın Evian-le Bən şəhər meriyasının “Azərbaycan bağı” adı ilə bağlı şəhərdəki bütün lövhələrin yığışdırılmasına dair qərarı bu ölkədə yaşayan Azərbaycan icmasını hiddətləndirib.
Fransa Azərbaycanlılarının Koordinasiya Şurası adından Fransa Xarici İşlər Nazirliyinə, Fransa parlamentinə, Evian-le Bən şəhər meriyasına ünvanlanan bəyanatda bu yolverilməz hadisə Azərbaycanın İsmayıllı şəhəri ilə Fransanın Evian-le Bən şəhəri arasında 2015-ci ildə imzalanmış qarşılıqlı dostluq və əməkdaşlıq xartiyasının kobudcasına pozulması kimi qiymətləndirilib.
Diqqətə çatdırılıb ki, məhz həmin xartiyaya əsasən, 2017-ci ildə bu şəhərdə “Azərbaycan bağı” açılıb və parkda dünya qadınlarının azadlıq rəmzi olan görkəmli Azərbaycan şairəsi Xurşidbanu Natəvanın abidəsi ucaldılıb.
Azərbaycanla Ermənistanın artıq sülh müqaviləsinin imzalanması üzrə danışıqlar mərhələsində olduğunu, İsmayıllı şəhərinin heç vaxt iki ölkə arasında mübahisə obyekti olmadığını xatırladan Koordinasiya Şurası qeyd edib ki, meriyanın qərarı Ümumi İcma Məcəlləsinin L. 1115-1 maddəsinə ziddir.
3-01-2024, 19:08
İranda milli matəm elan olundu
İranda milli matəm elan edilib.
Bu barədə "Irna" agentliyi məlumat yayıb.
Bildirilib ki, sabah ölkə üzrə milli matəm olacaq.
Qeyd edək ki, İranın Kirman şəhərində SEPAH-ın Qüds qüvvələrinin keçmiş komandiri Qasım Süleymaninin dəfn olunduğu qəbiristanlığın yaxınlığında iki partlayış baş verib, hadisə nəticəsində ölənlərin sayı 103-ə çatıb.
Yerli fövqəladə hallar xidməti 188 nəfərin yaralandığını bildirib. Onlardan bir çoxunun vəziyyəti ağırdır.
3-01-2024, 18:44
İranda törədilən partlayışda 4 polis həlak olub - Araşdırma davam edir
İranın cənub-şərqində yerləşən Kirman vilayətində törədilən partlayış ilə bağlı araşdırma aparılır.
Bu barədə İranın daxili işlər naziri Əhməd Vəhidi məlumat verib.
O qeyd edib ki, faktlar təsdiqlənən kimi insanlara məlumat veriləcək. "Şayiələrə fikir verməməlidirlər”, - nazir deyib.
Nazirin sözlərinə görə, ilk partlayış saat 15:00-da, ikinci partlayış isə insanlar köməyə toplaşanda baş verib. İkinci partlayışda isə ölənlərin və yaralananların sayı daha çox olub.
"Fars" agentliyi bəyan edib ki, terror hadisəsi zamanı dörd polis ölüb.
Qeyd edək ki, Kirman şəhərində SEPAH-ın Qüds qüvvələrinin keçmiş komandiri Qasım Süleymaninin dəfn olunduğu qəbiristanlığın yaxınlığında baş verən partlayışlar nəticəsində ölənlərin sayı 103-ə çatıb.
3-01-2024, 18:30
İrandakı partlayışda ölənlərin sayı 103-ə çatdı
İranın Kirman şəhərində SEPAH-ın Qüds qüvvələrinin keçmiş komandiri Qasım Süleymaninin dəfn olunduğu qəbiristanlığın yaxınlığında baş verən partlayışlar nəticəsində ölənlərin sayı 103-ə çatıb.
Bu barədə "Irna" agentliyi məlumat yayıb.
Yerli mətbuat yazır ki, partlayışlar nəticəsində İran Qızıl Aypara Cəmiyyətinin 3 əməkdaşı həlak olub. Kirman fövqəladə hallar xidməti 188 nəfərin yaralandığını bildirib. Onlardan bir çoxunun vəziyyəti ağırdır.
İran mətbuatı hadisənin terror aktı olduğunu iddia edir. "Tasnim" mənbələrə istinadən yazıb ki, qəbiristanlığın girişinin yaxınlığında uzaqdan partladıla bilən bomba olan iki paket olub. "Irna"nın məlumatına görə, birinci partlayış Süleymaninin məzarının 700 metrliyində, ikinci partlayış isə ziyarətgahın bir kilometrliyində, nəzarət-buraxılış məntəqəsi yaxınlığında eşidilib.
Hücumlara görə hələ ki, heç bir qruplaşma məsuliyyəti üzərinə götürməyib.
Kirman Qızıl Aypara Cəmiyyətinin rəhbəri Reza Fallah dövlət televiziyasına açıqlamasında bildirib ki, təhlükəsizlik tədbirlərinə baxmayaraq, dəhşətli səs eşidilib.
"Biz hələ də araşdırma aparırıq. Biz hazırda ərazidə olan yaralıları təxliyə edirik. İzdiham böyükdür və iş olduqca çətindir, ora gedən bütün yollar bağlanıb", - Fallah deyib.
Qeyd edək ki, Qasım Süleymani 2020-ci ilin yanvarın 3-də Bağdad hava limanı yaxınlığında ABŞ Hərbi Hava Qüvvələrinin raket hücumu nəticəsində ölüb. Süleymani İslam İnqilabı Keşikçiləri Korpusuna (SEPAH) daxil olan Qüds Qüvvələrinin komandiri idi. Bu qüvvələr İran üçün kəşfiyyat və xarici xüsusi əməliyyatlara cavabdehdir.
7 yanvar 2020-ci ildə Qasım Süleymaninin dəfn mərasimi zamanı milyonlarla insan küçələrə çıxıb və izdiham nəticəsində 50-dən çox insan ölüb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!