24-02-2024, 17:13
Ərdoğan Xocalıdan danışdı: “Dünya buna qarşı səsini çıxarmadı”
Azərbaycan torpaqları və onun bir parçası olan Qarabağ uzun illər işğal altında qaldı. Xocalı başda olmaqla torpaqlarda qırğınlar törədildi. Lakin dünya buna qarşı səsini çıxarmadı, heç bir görmədi.
Bunu Türkiyə Prezidenti Rəcəb Tayyib Ərdoğan Sakaryada keçirilən tədbirdə bildirib.
Ərdoğan deyib ki, türk milləti olaraq bu torpaqlarda sülh və əmin-amanlıq içində yaşamaq istəyiriksə, güclü ordumuz olmalıdır.
24-02-2024, 16:21
Xocalıdan bəhs edən “13” adlı filmin təqdimat mərasimi keçirildi
Fevralın 24-də Nizami Kino Mərkəzində “Obyektiv” Milli Dəyərlərin Təbliğinə Dəstək İctimai Birliyinin ərsəyə gətirdiyi “13” adlı bədii-sənədli filmin təqdimat mərasimi keçirilib. Xocalı itkinlərindən 13 nəfərin naməlum taleyini araşdıran film QHT-lərə Dövlət Dəstəyi Agentliyinin maliyyə dəstəyi ilə hazırlanıb.
Agentliyin icraçı direktoru Aygün Əliyeva qeyd edib ki, əsir, girov və itkinlər mövzusuna müvafiq QHT layihələrində geniş yer verilməsi əsas prioritetlərdən biridir.
Əsir və itkin düşmüş, girov götürülmüş vətəndaşlarla əlaqədar Dövlət Komissiyasının nümayəndəsi Eldar Səmədov itkinlərin axtarışı ilə əlaqədar işlərin son itkinin taleyi müəyyən edilənədək davam edəcəyini və artıq işğaldan azad edilən ərazilərdə 13 kütləvi məzarlığın aşkarlandığı bildirib.
Bədii-sənədli filmin müəllifi “Obyektiv” Milli Dəyərlərin Təbliğinə Dəstək İctimai Birliyinin sədri, telejurnalist və ssenarist Mübariz Əsgərov film üzərində peşəkar komandanın aylarla gərgin iş apardığını diqqətə çatdırıb.
Filmin rejissoru Elçin Elxanlı Xocalı soyqırımı mövzusunun ağırlığı və tarixi Zəfərin gətirdiyi təsəlli, ümid barədə danışıb.
Film 1992-ci ilin fevralında Xocalıda baş verən hadisələrə işıq salır. Belə ki, Xocalı soyqırımı zamanı 2 gün meşədə gizləndikdən sonra Dəhraz kəndi istiqamətində mühasirəyə düşərək girov götürülən bir qrup dinc əhali həmin kənddəki fermaya aparılır. Orada Ermənistanın müharibə cinayətkarları dinc insanlara amansız işgəncələr verir, fermada saxlanılan girovların içərisindən 13 nəfər gənc seçilərək naməlum istiqamətə aparılır. Həmin 13 nəfərdən bu günə qədər də xəbər yoxdur.
Təqdimat mərasimində çıxış edənlər itkinlər mövzusunda bu cür peşəkar işlənilmiş QHT layihələrinə, audiovizual əsərlərə, bədii və sənədli fimlərə böyük ehtiyac olmasından danışıblar.
Filmi fevralın 26-da saat 21:00-da AzTV-də izləmək mümkündür.
Bundan başqa, filmin ingilis dilindəki versiyası bu günlərdə xarici ölkələrdə də nümayiş olunacaq.
24-02-2024, 16:13
Ermənilər Kəlbəcəri yenidən atəşə tutdular
Kəlbəcər istiqamətində mövqelərimiz yenidən atəşə tutulub.
Bu barədə Müdafiə Nazirliyindən bildirilib.
Qeyd edilib ki, fevralın 24-ü saat 12:45-də Ermənistan silahlı qüvvələrinin bölmələri Basarkeçər rayonunun Yuxarı Şorca yaşayış məntəqəsi istiqamətində yerləşən mövqelərindən Ordumuzun Kəlbəcər rayonunun Yellicə yaşayış məntəqəsi istiqamətindəki mövqelərini atıcı silahlardan atəşə tutub.
24-02-2024, 16:07
Ermənistanda istisadiyyat naziri postuna yeni namizəd irəli sürüldü
Fevralın 24-də Nikol Paşinyanın sədrliyi ilə “Mülki müqavilə” partiyasının İdarə Heyətinin iclası keçirilib.
İdarə Heyəti iqtisadiyyat naziri vəzifəsinə Gevorq Papoyanın namizədliyini müzakirə edərək təsdiqləyib.
Xatırladaq ki, Ermənistanın keçmiş iqtisadiyyat naziri Vaan Kerobyan fevralın 14-də istefa verib.
O, bir müddət əvvəl nazirlikdə baş verən qalmaqallı hadisələrə görə istefaya gedib.
Xatırladaq ki, yanvarın 31-də iqtisadiyyat nazirinin müavini Ani İspiryan və qurumun daha 6 əməkdaşı korrupsiyada şübhəli bilinərək həbs edilib.
24-02-2024, 15:00
Ramazan bayramında 5 gün iş olmayacaq - Rəsmi
Azərbaycanda iş və istirahət günlərinin yerləri dəyişdirilib.
Bu barədə Baş nazir Əli Əsədov qərar imzalayıb.
Qərara əsasən, iş və istirahət günlərinin ardıcıllığını təmin etmək məqsədilə 12 aprel iş günü ilə 6 aprel istirahət gününün yerləri dəyişdirilib.
Qeyd edək ki, bu il aprelin 10, 11-i Ramazan bayramıdır. 13 və 14 aprel şənbə və bazar günlərinə təsadüf etdiyi üçün Ramazan bayramı ilə əlaqədar 5 gün - 10, 11, 12, 13 və 14 aprel tarixləri qeyri-iş günü olacaq.
Şənbəyə təsadüf edən 6 aprel isə iş günü olacaq.
24-02-2024, 14:33
Ombudsman “Xocalının səsi” adlı videoçarxını işıqlandırdı - VİDEO
Azərbaycan Respublikasının Ombudsmanı Səbinə Əliyeva Xocalı soyqırımının 32-ci ildönümü ərəfəsində hadisəsinin törədildiyi yerə gedib.
Səbinə Əliyeva qətliam yerindən dünya ictimaiyyətinə, beynəlxalq qurumlara səslənib.
Ombudsman Aparatının “Xocalının səsi” adlı videoçarxını təqdim edirik:
[media=https://youtu.be/hOA5jwTFS98]
24-02-2024, 14:17
Kütləvi məzarlıqların aşkarlanmasıyla bağlı qazıntı işləri planlaşdırılır
“İşğaldan azad edilmiş ərazilərdə kütləvi məzarlıqların aşkar edilməsi ilə bağlı onlarla ərazidə qazıntı aparılması planlaşdırılır”.
Bunu açıqlamasında Əsir və itkin düşmüş, girov götürülmüş vətəndaşlarla əlaqədar Dövlət Komissiyası İşçi qrupu rəhbərinin müavini Eldar Səmədov deyib.
O bildirib ki, builki plana uyğun olaraq işğaldan azad edilmiş ərazilərdə axtarış məqsədli qazıntılar davam etdiriləcək:
“Bu qazıntılar işğaldan azad edilmiş bütün əraziləri əhatə edəcək. Bizdə onlarla kütləvi məzarlığın yeri barədə məlumatlar var. Bu məlumatlar toplanaraq sistemləşdirilir”.
24-02-2024, 08:54
İstanbul Hava Limanı yanvarda Avropanın ən işlək hava limanı olub
İstanbul Hava Limanı yanvar ayında gündə orta hesabla 1308 uçuşla Avropanın birinci ən işlək hava limanı olub.
Butov.az Türkiyəmətbuatına istinadla xəbər verir ki, Avropa Hava Naviqasiyasının Təhlükəsizliyi Təşkilatının (Eurocontrol) yanvar ayı üzrə Avropa Aviasiya Hesabatına görə, İstanbul Hava Limanı bu müddət ərzində gündə orta hesabla 1308 uçuşla Avropanın ən işlək hava limanları arasında birinci olub.
İstanbul Hava Limanını gündə orta hesabla 1201 uçuşla London Hitrou, 1160 reyslə Amsterdam Şiphol və 1032 uçuşla Paris Şarl de Qoll hava limanı izləyib.
İstanbul Sabiha Gökçen Hava Limanı isə gündə orta hesabla 596 uçuşla Avropanın ən işlək 10-cu hava limanı olub.
24-02-2024, 08:50
Türkiyədə işsizlərin sayı azalır
Türkiyədə işsizlik son 40 rübün ən aşağı səviyyəsinə - 8,8 faizə çatıb, işsizlərin sayı 137 min nəfər azalıb.
Butov.az xəbər verir ki, Türkiyə Statistika İdarəsi (TÜİK) 2023-cü ilin oktyabr-dekabr ayları üçün işçi qüvvəsi statistikasını açıqlayaq göstərib ki, əhali məşğulluğunda da artım olub. Ötən ilin oktyabr-dekabr aylarında məşğulluq 48,6 faiz olub, məşğul əhalinin sayı 195 min nəfər artıb.
24-02-2024, 08:43
Tatarıstan-Türkiyə əlaqələri genişlənir
Tatarıstandan gələn nümayəndə heyəti İzmirdə iş adamları ilə görüş keçirib.
İzmir Ticarət Palatasında (İZTO) Rusiya Federasiyası Tatarıstan Respublikası Ticarət və Sənaye Palatasına üzv olan 13 şirkətin iştirakı ilə türk iş adamlarının görüşləri keçirilib.
Butov.az xəbər verir ki, İZTO İdarə Heyətinin sədri Mahmut Özgener Türkiye ilə Tatarıstan arasında ticarət həcminin yüksələn tendensiyaya malik olduğunu və hər iki tərəfin bu əlaqələri müxtəlif sahələrdə inkişaf etdirmək əzmində olduğunu bildirib.
Əməkdaşlıq təkcə ticarətlə məhdudlaşmır, enerji, nəqliyyat, tikinti və avtomobil başda olmaqla bir çox sahədə artan türk sərmayələri ilə gündən-günə daha da dərinləşir” deyib.
Bildirilib ki, görüşdə 200-ə yaxın türk şirkəti müxtəlif sektorlardan 13 tatar şirkəti ilə görüş keçirib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!