29-04-2024, 16:26
Paşinyan Putinin andiçməsinə getməyəcək - KİV
Mayın 7-də Rusiya Federasiyasının Prezidenti Vladimir Putinin andiçmə mərasimi keçiriləcək. Rusiyada keçirilən prezident seçkilərindən sonra gündəmdə olan məsələlərdən biri də Ermənistan Baş naziri Nikol Paşinyanın həmin mərasimdə iştirak etmək üçün Rusiyaya gedib-getməyəcəyi olub.
Ermənistanın "MediaHub" nəşrinin mənbələri Paşinyanın andiçmə mərasimində iştirak etməyəcəyini bildirib.
Qeyd olunur ki, Ermənistan Rusiyadan müttəfiq kimi narazı olduğunu bir daha göstərmək istəyir.
Saytın mənbəsinin məlumatına görə, Paşinyan Avrasiya İqtisadi İttifaqının yaradılmasının 10 illiyi münasibətilə təşkil olunan yubiley sammitində iştirak etmək üçün mayın 8-də Rusiyada olacaq. Paşinyan 9 May Qələbə Günü münasibətilə təşkil olunan tədbirlərdə iştirak etməyəcək.
29-04-2024, 16:10
Qadın şahmatçımız Avropa çempionu oldu
Azərbaycanın qadın şahmatçısı Ülviyyə Fətəliyeva Yunanıstanda keçirilən Avropa çempionatının qalibi olub.
Qrossmeyster bütün rəqiblərini qabaqlayaraq birinci yeri tutub.
Azərbaycan yarışda 10 şahmatçı ilə təmsil edilib.
29-04-2024, 15:59
NATO Baş katibi gözlənilmədən Ukraynaya gedib
NATO-nun baş katibi Yens Stoltenberq Kiyevdə səfərdədir.
O, gözlənilmədən Ukraynaya səfər edib.
Stoltenberq Zelenski ilə birgə mətbuat konfransı keçirəcək.
NATO Baş katibi Stoltenberq 2022-ci ilin fevralından bəri üçüncü dəfədir Ukraynaya səfər edir. Bu, həm də oktyabrın 1-də vəzifəsini tərk etdiyi üçün onun Baş katib kimi sonuncu səfəridir.
29-04-2024, 15:51
Rusiya Ukraynanın daha bir kəndini işğal etdi
Rusiya Ukraynanın Donetsk vilayətində yerləşən Semyonovka kəndini tutub.
Bu barədə Rusiyanın Müdafiə Nazirliyindən bildirilib.
Kənd Donetsk vilayətinin Pokrovsk rayonunda yerləşir.
29-04-2024, 15:30
İsa Qəmbər Müsavat başqanlığına namizəd oldu
Müsavat Partiyasının mayın 4-də keçiriləcək qurultayında başqanlığa namizədlərdən biri İsa Qəmbər olacaq.
Bu barədə Partiyanın mətbuat xidməti məlumat yayıb.
İsa Qəmbər bu haqda qərarını qurultaya hazırlıq üzrə Təşkilat Komitəsinin aprelin 29-da keçirilən iclasında açıqlayıb. Bundan əvvəl Natiq Ulubəy və Osman Kazımov başqanlığa öz namizədliklərini irəli sürüblər.
1957-ci il fevralın 24-də doğulan İsa Qəmbər Bakı Dövlət Universitetinin tarix fakültəsini bitirib, 1979-cu ildən elmi fəaliyyət göstərib. 2014-cü ildə başqan postundan gedən İsa Qəmbər partiya Məclisinin üzvüdür.
29-04-2024, 15:15
Bu ölkənin baş naziri istefa verdi
Şotlandiyanın Baş naziri Humza Yousaf istefa verib.
Humza Yousaf Şotlandiya Yaşılları ilə koalisiya razılaşmasını ləğv etdiyi bir həftəlik xaosdan sonra müstəqillik tərəfdarı olan Şotlandiya Milli Partiyasının (SNP) rəhbəri vəzifəsindən istefa verib.
O, Şotlandiya hökumətinə başqa birinin rəhbərlik etməsinin vaxtının çatdığını deyib.
Qeyd edək ki, Humza Yousaf Şotlandiyanın 6-cı Baş naziri olub və 2023-cü il martın 29-da vəzifəyə gəlib.
29-04-2024, 15:06
Qazaxda yaralanan hərbçimizin vəziyyəti ağırdır
29.04.2024-cü il tarixində saat 10:10 radələrində 2004-cü il təvəllüdlü şəxs Qazax Rayon Mərkəzi Xəstəxanasının Təcili yardım şöbəsinə gətirilib.
Bu barədə TƏBİB məlumat yayıb.
Gətirilən zaman vəziyyəti-ağır, huşu aydın, sol ayağının pəncəsinin travmatik amputasiyası, yara yerinin arterial qanaxması, yara yeri çirkli olub. Hazırda müalicəsi Reanimasiya şöbəsində davam etdirilir. Vəziyyəti ağır qiymətləndirilir.
Qeyd edək ki, aprelin 29-da Qazax rayonunun Quşçu Ayrım kəndinin əvvəllər Ermənistanla təmas xətti olmuş və minalardan təmizlənməmiş hissəsində mina partlayıb. Məlumata görə, mina partlaması nəticəsində Dövlət Sərhəd Xidmətinin hərbi qulluqçusu İsmayılov Vüsal İntiqam oğlunun ayağından xəsarət alması faktı ilə bağlı Şəmkir hərbi prokurorluğunda araşdırma aparılır.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!